ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-209612552278 %22 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 10:30 - 2019/07/11

قارىز كەشىرۋ: مەملەكەت قامقورلىعىنا كىمدەر ىلىگەدى؟

قازاقستان پرەزيدەنتى قاسىم-جومارت توقاەۆ قازاقستاندىقتاردىڭ بانك الدىنداعى بەرەشەگىنە قاتىستى جارلىققا قول قويعانى بەلگىلى. ونداعى ماقسات – قيىن جاعدايعا تاپ بولعان وتباسىلارعا، كوپبالالى،

مۇگەدەك بالالارى بار وتباسىلار، جالعىز اسىراۋشىسىنان ايىرىلعان وتباسىلار، اتاۋلى الەۋمەتتىك كومەك الاتىندار مەن جەتىم بالالاردىڭ قارجىلىق احۋالىن جاقسارتۋ. ايتا كەتەيىك، بۇل كومەك 500 مىڭعا جۋىق قازاقستاندىققا كورسەتىلەدى.

كومەك كىمدەرگە كورسەتىلەدى؟

قازاقستان پرەزيدەنتىنىڭ اۋىر ومىرلىك جاعدايدا قالعان وتباسىلاردىڭ كرەديتىن كەشىرۋ تۋرالى جارلىعى بويىنشا العاشقى تاپسىرما ۇكىمەت پەن ۇلتتىق بانككە جۇكتەلدى. ول ۇكىمەتكە ءبىرجولعى تارتىپپەن ەكىنشى دەڭگەيدەگى بانكتەر مەن ميكروقارجى ۇيىمدارىندا كەپىلسىز تۇتىنۋشىلىق قارىزدار بويىنشا بەرەشەكتى وتەۋگە قاتىستى شارالار قابىلداۋدى تاپسىردى. ياعني،  كوپبالالى وتباسىلار، اسىراۋشىسىنان ايىرىلۋ جاعدايى بويىنشا تولەم الاتىن وتباسىلار، مۇگەدەك بالالارى بار وتباسىلار، 18 جاستان اسقان بالا جاسىنان مۇگەدەكتەر، مەملەكەتتىك اتاۋلى الەۋمەتتىك كومەك الۋشىلار; كامەلەتكە تولعانعا دەيىن اتا-انالارىنان ايىرىلعان 29 جاسقا تولماعان جەتىم بالالار، اتا-اناسىنىڭ قامقورلىعىنسىز قالعان بالالار اتالعان قارىزدار بويىنشا بورىشكەرلەر بولىپ سانالادى; 2019 جىلعى 1 ماۋسىمداعى جاعداي بويىنشا قارىز بويىنشا جالپى بەرەشەك 3 000 000 ء(ۇش ميلليون) تەڭگەدەن اسپايدى;  2019 جىلعى 1 ماۋسىمداعى جاعداي بويىنشا نەگىزگى بورىش پەن ول بويىنشا ەسەپتەلگەن سىياقىدان تۇراتىن وتەلەتىن بەرەشەكتىڭ مولشەرى ءبىر قارىز الۋشىعا 300 000 ء(ۇش ءجۇز مىڭ) تەڭگەدەن اسپاۋى ءتيىس.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، قازىرگى تاڭدا قازاقستاندا 345 475 كوپبالالى وتباسى بار، ولاردىڭ ىشىندە 282 615 وتباسى اتاۋلى الەۋمەتتىك كومەك الىپ وتىر، 98 580 وتباسىندا جاسى 18-دەن اسقان مۇگەدەك بالالارى بار.

جارلىق كۇشىنە ەندى مە؟

جارلىق قول قويىلعان كۇنىنەن، ياعني 26 ماۋسىمنان باستاپ قولدانىسقا ەنگىزىلەدى. الايدا بۇل قاۋلىنى ىسكە اسىرۋ جۇمىستارى ەندى باستالادى دەگەن ءسوز. قازىرگى تاڭدا نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدەرىمەن بىرلەسىپ وسى جارلىقتى ىسكە اسىرۋ جونىندە وزگە دە شارالاردى قابىلداۋعا تاپسىرما بەرىلگەن بولاتىن. جارلىق شىققاننان كەيىن كەلەسى كۇنى پرەمەر-مينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ كرەديتتەرى كەشىرىلەتىن وتباسىلاردىڭ نەسيەلەرىن وتەۋگە جۇمسالاتىن اقشانى قايدان الاتىندارىن ءتۇسىندىرىپ بەرگەن ەدى. سمايىلوۆتىڭ ايتۋىنشا، مەملەكەت تاراپىنان شامامەن 105 ميلليارد تەڭگە قاجەت. «كەپىلسىز تۇتىنۋشىلىق نەسيەلەردى، پايىزداردى جانە ءبىز وسىعان دەيىن اتاپ وتكەن بەلگىلى ءبىر ساناتتاعى تۇلعالاردىڭ قارىزىن وتەۋ ءۇشىن مەملەكەت تاراپىنان شامامەن 105 ميلليارد تەڭگە قاجەت. ونىڭ 88،5 ميللياردىن رەسپۋبليكالىق بيۋدجەتتەن الامىز. ال 17 ميلليارد تەڭگەگە جۋىق اقشانى ءبىز پروبلەمالىق كرەديتتەر قورىنداعى ارنايى وبليگاتسيالاردان الامىز. سونداي-اق، نەسيە بويىنشا ءوسىمپۇلدار مەن ايىپپۇلداردىڭ 70 پايىزىن قارجى مەكەمەلەرىنىڭ ءوز شوتىنان وتەلەتىنىن ەستە ساقتاۋ قاجەت»، – دەگەن ەدى مينيستر.

2019 جىلدىڭ 1 شىلدەسىندەگى مالىمەت بويىنشا، بانكتەردە جانە شاعىن قارجى ۇيىمدارىندا كەپىلسىز تۇتىنۋ قارىزدارى بار بارلىق ازامات ءۇشىن ەسەپتەلگەن ايىپپۇلدار مەن تولەماقى وسىمدەرى ەسەپتەن شىعارىلادى، ياعني كەشىرىلەدى. نەسيە الۋشىلاردىڭ بۇل تولەمدەرىن ەسەپتەن شىعارۋ، ەڭ الدىمەن، ەكىنشى دەڭگەيدەگى بانكتەر مەن شاعىن قارجى ۇيىمدارىنىڭ ەسەبىنەن جۇرگىزىلەدى. سونىمەن قاتار، نەسيە بەرۋگە، نەسيەگە قاتىستى قىزمەت كورسەتۋگە جانە جەكە تۇلعالاردىڭ 90 كۇننەن استام مەرزىمى وتكەن بارلىق كەپىلسىز قارىزدارىنا بايلانىستى ايىپاقى، كوميسسيا جانە وزگە دە تولەمدەر ەسەپتەۋگە تىيىم سالىناتىنى بەلگىلى بولدى

ۇلتتىق بانك نە دەيدى؟

ۇلتتىق بانك ءتوراعاسىنىڭ ورىنباسارى ولەگ سمولياكوۆ تا پرەزيدەنت جارلىعىنا قاتىستى مالىمدەمە جاساعان ەدى.  سمولياكوۆ مالىمدەمەسىندە قازاقستاندىقتارعا ءدال ءقازىر بانككە بارۋدىڭ قاجەتى جوق ەكەنىن ايتقان بولاتىن. ايتۋىنشا، قازىرگى ۋاقىتتا تالداۋ جۇمىستارى جۇرگىزىلىپ جاتىر، ول ءۇشىن ەكى ايداي ۋاقىت كەرەك ەكەن. «ەڭبەك جانە حالىقتى الەۋمەتتىك قورعاۋ مينيسترلىگىنەن مالىمەت العاننان كەيىن ۇلتتىق بانك مەملەكەتتىك بيۋرومەن، بانكتارمەن قوسىلىپ 1 ماۋسىمعا دەيىنگى مالىمەتتەردى الا وتىرىپ، بارلىق تسيفردى سالىستىرادى. قارىز الۋشىلاردىڭ ىشىندە الەۋمەتتىك كومەك الاتىنداردىڭ ايىپپۇلدارى مەن ءوسىمپۇلدارى قارالادى. شارت قابىلدانعاننان كەيىن ۇلتتىق بانك رەتىندە ءبىز سومالاردىڭ كەشىرىلۋىن قاداعالايمىز. الداعى ۋاقىتتا سۇراق تۋىنداماس ءۇشىن مۇنىڭ ءبارى نەسيە قۇجاتتاماسىندا كورسەتىلەدى»، – دەگەن ەدى سمولياكوۆ.

بەلگىلى ساياساتتانۋشى ەرلان قارين پرەزيدەنت قابىلداعان شارانىڭ ساياساتتىڭ بارلىق الەۋمەتتىك-ەكونوميكالىق اسپەكتىلەرىن قامتىعانىن ايتادى. ونىڭ پىكىرىنشە، بۇل باستاما قازاقستاننىڭ ەكونوميكاسىنا تەك جاعىمدى جاعىنان اسەر ەتەدى.  ال ەكونوميست مۇرات تەمىرحانوۆ مەملەكەت تاراپىنان تۇرمىس دەڭگەيى تومەن وتباسىلارعا كومەك كورسەتۋ كەز كەلگەن ۋاقىتتا جاعىمدى جاڭالىق بولادى دەيدى. دەگەنمەن ساراپشى مەملەكەت بەلگىلى ءبىر ساناتتاعى ادامداردىڭ كرەديتتەرىن مەن ءوسىمپۇلدارىن وتەي وتىرىپ، ولارعا تاعى دا ارتىنشا كرەديت الۋعا مۇمكىندىك بەرەتىن سياقتى دەيدى.

كىمنىڭ ءوسىمپۇلى مەن ايىپپۇلى كەشىرىلەدى؟

2019 جىلعى 1 شىلدەدەگى جاعداي بويىنشا قولما-قول نەسيە، زات ساتىپ الۋعا نەسيە، نەسيە كارتاسى بويىنشا مەرزىمى وتكىزىلگەن تولەمدەرى، سونداي-اق ۋاقىتىلى تولەنبەگەن شوتتارى بار كليەنتتەردىكى كەشىرىلەدى. اۆتونەسيە بويىنشا ءوسىمپۇل ەسەپتەن شىعارىلمايدى، ويتكەنى بۇل نەسيە – كەپىلدى نەسيە. ال ازامات ءوسىمپۇلى مەن ايىپپۇلىنىڭ كەشىرىلگەنىن قالاي بىلەدى؟

Kaspi Bank كەپىلسىز نەسيەلەر بويىنشا (1 شىلدەدەگى جاعداي بويىنشا) مەرزىمى وتكىزىلگەن بەرەشەككە ەسەپتەلگەن ءوسىمپۇل مەن ايىپپۇلدىڭ كۇشىن جويادى. بۇل تۋرالى بانكتىڭ Facebook جەلىسىندەگى رەسمي پاراقشاسىندا ايتىلدى. وسى رەتتە بانك وكىلدەرى قازاقستاندىقتار ءجيى قوياتىن سۇراقتارعا جاۋاپ بەرەدى.  1 شىلدەدەگى جاعداي بويىنشا نەسيەلەر مەن Kaspi Red شوتتارى بويىنشا مەرزىمى وتكىزىلگەن تولەمدەر بولعان كليەنتتەرگە Kaspi.kz ءموبيلدى قوسىمشاسىندا نەمەسە SMS ارقىلى حابارلاما كەلەدى. حابارلامادا ەسەپتەن شىعارىلعان ءوسىمپۇلدىڭ نەمەسە ايىپپۇلدىڭ سوماسى كورسەتىلەدى.

مەرزىمى وتكىزىلگەن بەرەشەك بولعان كەزدە، 1 شىلدەدەن باستاپ نەسيە بويىنشا دەربەس تالاپتارعا جانە Kaspi Red كلۋبىنىڭ ەرەجەلەرىنە سايكەس:  قولما-قول نەسيە، زات ساتىپ الۋعا نەسيە جانە نەسيە كارتاسى بويىنشا مەرزىمى وتكىزىلگەن تولەمنىڭ كۇنىنە 0،5 پايىز;  ۋاقتىلى تولەنبەگەن ءار Kaspi Red شوتى ءۇشىن 2000 تەڭگە مولشەرىندە ءوسىمپۇل مەن ايىپپۇل قايتادان ەسەپتەلەدى. ءوسىمپۇل مەن ايىپپۇل ەسەپتەلمەۋى ءۇشىن مەرزىمى وتكىزىلگەن بەرەشەكتى وتەۋ كەرەك جانە تولەمدەردى ۋاقتىلى تولەۋ كەرەك.

قازاقستاندىقتاردىڭ بانك الدىنداعى بەرەشەگىن وتەۋ تۋرالى جارلىقتان بولەك، پرەزيدەنت تابىسى تومەن قازاقستاندىقتارعا نەسيە بەرۋگە تىيىم سالۋ كەرەكتىگىن مالىمدەپ، تاپسىرما بەرگەن بولاتىن. قارجىلىق احۋالىن ودان ءارى ناشارلاتپاۋ ءۇشىن تابىسى ەڭ تومەنگى كۇنكورىس دەڭگەيىندەگى ازاماتتارعا زايمدار بەرۋگە تىيىم سالىناتىن بولادى. ۇلتتىق بانك كەپىلسىز تۇتىنۋ زايمدارىن بەرۋ كەزىندە قوسىمشا رەتتەۋ شارالارىن قابىلدايدى. ولاردىڭ ىشىندە – زايم الۋشىنىڭ جالپى قارىزدىق كوەففيتسيەنتى، بانكتەردىڭ جەكە كاپيتالىنا دەگەن قوسىمشا تالاپتار جانە باسقالار بار. توقاەۆتىڭ ايتۋىنشا، ءدال قازىرگى ۋاقىتتا تۇتىنۋشىلىق كرەديت بويىنشا جاعداي ەندى قايتالانباۋى قاجەت.

ەربول ازانبەك، بانك وكىلى:

جۇرت تۇسىنبەي ءجۇر

– ايىپپۇلى مەن ءوسىمپۇلى كەشى­رىل­گەن كرەديت يەلەرى قارا تىزىمگە قويىلادى ەكەن دەگەن پىكىر وقىدىم. جال­پى، «قارا ءتىزىم» دەگەن رەسمي تۇ­سىنىك جوق. كرەديتتى راسىمدەگەن كەزدەن باستاپ، تولەپ بىتكەنگە دەيىن كرەديتىڭىز تۋرالى مالىمەت كرەديت بيۋروسىنا 2 اپتا سايىن بەرىلىپ وتىرادى. بۇل كرەديت تاريحىڭىز. بانكتەر كەلەسى كرەديتتى بەرەر كەزدە سول كرەديت تاريحىڭىزعا قارايدى. ەگەر كرەديت تاريحىندا كەشىكتىرگەن، تولەمەگەن ت.ب جاعىمسىز جاعى كوپ بولسا، وندا جۇيە بۇل كىسىگە كرەديت بەرۋ تاۋەكەلى جوعارى دەپ باس تارتۋى مۇمكىن. بۇل جولعى كەشىرىلگەنى تۋرالى اقپارات تا تۋرا سولاي كرەديت تاريحىنا جازىلادى دەپ ويلايمىن. ءبىراق ول ارنايى جارلىق اياسىندا كەشىرىلگەندىكتەن شەشىم قابىلداۋدا ءرول ويناماۋى ءتيىس.

كوللەكتورلارعا وتكەن كرەديتتىڭ ايىپ­پۇلى مەن ءوسىمپۇلى نەگە كەشىرىلمەيدى؟ ەگەر بانكتەن العان كرەديتىڭىزدى تولەمەسەڭىز تۋرا 90 كۇن ءوسىمپۇل جۇرەدى. 91 كۇننەن باستاپ توقتايدى. ەگەر ول نەسيە كوللەكتورلارعا بەرىلسە نەگىزگى سوما +3 ايلىق ءوسىمپۇل قوسىلىپ، ءبىرتۇتاس قارىز رەتىندە بەرىلەدى. ول جەردە ءوسىمپۇل جۇرمەيدى. ال كرەديتتى كەشىرۋ تۋرالى جارلىقتا بانك+شكۇ-داعى ءوسىمپۇل مەن ايىپ­پۇلدى كەشىرۋ تۋرالى ايتىلعان. ءارى كوللەكتورلارداعى قارىز بويىنشا ايىپ­پۇل مەن ءوسىمپۇلدى كەشىرۋ كەرەك دەگەننىڭ زاڭ­دى جاعى تومپاقتاۋ. ويتكەنى ولاردا ايىپپۇل، ءوسىمپۇل دەگەن جوق. بانك بەرگەن قارىزدى قايتارۋ بويىنشا جۇمىس جۇرگىزەدى.

كرەديتتى كەشىرۋ تۋرالى اقپارات دۇرىس تاراپ جاتقان جوق. تۇسىنبەي جاتقان جۇرت كوپ. ناتيجەسى ماسىلدىق ويداعى ادام كۇرت كوبەيدى. «بۇكىل كرەديتتى مۇلدەم كەشىرىپتى عوي، وسى ايدا تولەمەيمىن، اقىرى كەشىرەدى ەكەن، وتكەن ايدا مىنشا الىپ ەدىم، كەشىرە مە؟» دەپ حابارلاساتىندار كوبەيدى. بۇل تۇسىنىكتى، قاراپايىم تىلدەگى اقپاراتتىڭ ازدىعى. تاعى قىسقاشا ايتساق بىلاي.

كرەديتتى كەشىرۋ تۋرالى پرەزيدەنت جارلىعىن 2 كەزەڭنەن تۇرادى دەپ قاراستىرايىق. 1 كەزەڭ: 1 شىلدە كۇنى كەپىلسىز، تۇتىنۋشىلىق كرەديت بويىنشا كىمدە ءوسىمپۇل (پەنيا)، ايىپپۇل بولسا ءبارى كە­شى­رىلەدى. الەۋمەتتىك ستاتۋسى، سوماسى، ۋاقىتى ماڭىزدى ەمەس. كەشىرىلۋ تۋرالى حات العاندار نەگە از دەيدى. مىسالى، ادامدا 100 مىڭ تەڭگە بولسا، 10 كۇن تولەمەدى. كۇنىنە 0،5 پروتسەنت پەنيا قوسىلادى. ول 10 كۇندە 5 مىڭ تەڭگە دەسەك، سول 5 مىڭ تەڭگە الىنىپ تاستالادى. نەگىزگى قارىز سوما قالدى. ونى پرەزيدەنت كەشىر دەگەن جوق. ءبىز كەشەگى كۇنى ونى ورىنداپ، كليەنتتەرگە سمس حابارلاما جولدادىق.

2 كەزەڭ: مۇندا كوپبالالى، مۇگەدەك ت.ب الەۋمەتتىك جاعدايى تومەن ادامداردىڭ ساناتى. بۇل ساناتقا كىرەتىن ادامداردىڭ ءتىزىمىن ەڭبەك جانە الەۋمەتتىك قورعاۋ مينيسترلىگى دايىنداپ، قارجى سالاسىنداعى باقىلاۋشى، رەتتەۋشى، قاداعالاۋشى ۇيىمدار مەن بانكتەرگە ۇسىنادى. ول ساناتتاعى ادامداردىڭ 3 ملن تەڭگەگە دەيىنگى كرەديتى بار ادامداردىڭ 300 مىڭ تەڭگەسىن مەملەكەت جابادى. بۇل بويىنشا تولىق كەشىرۋ شامامەن قىركۇيەك ايىندا جۇزەگە اسادى. ءقازىر بانكتەرگە بارىپ، ارىز قالدىرۋعا تىرىسۋدىڭ قاجەتى جوق. ءقازىردىڭ وزىندە بانكتەر ارىزىمدى قابىلدامادى دەپ باق-نا شاعىمدانىپ جاتقاندار بار. اسىقپاڭىز.

ء

قازىر ەڭبەك جانە الەۋمەتتىك قورعاۋ مينيسترلىگى، قارجى مينيسترلىگى، ۇلتتىق بانك، نورماتيۆتىك قۇجاتتاردى، ۋاقىتىن، ءتىزىم دايىنداۋدا. «كەشىرىلەتىندەر» ءتىزىمىن ەڭبەك جانە الەۋمەتتىك قورعاۋ مينيسترلىگى ۇلتتىق بانك پەن بانكتەرگە ۇسىنادى. كرەديت كەشىرۋ بويىنشا بانكتەر ءالى ۇلتتىق بانكتەن نۇسقاۋلىق العان جوق. شىلدەنىڭ 10-نا دەيىن قاجەتتى قۇجاتتار قابىلدانىپ، قىركۇيەككە دەيىن «كەشىرۋ» جۇرگىزىلەدى دەگەن اقپارات بار.

ال ءوسىمپۇل مەن ايىپپۇل كەشىرۋ دە پرەزيدەنت قاۋلىسىندا ايتىلعان. ءبىراق ەل نازارى نەگىزگى «كەشىرۋگە» اۋىپ كەتتى دە، بۇل ەلەۋسىز قالدى. مۇنىڭ اياسىندا 5 ملنعا جۋىق ادامنىڭ 1 شىلدەدەگى ايىپ­پۇلى مەن ءوسىمپۇلى كەشىرىلەدى دەگەن اقپارات تاراعان. بۇگىن ءبىز سونى جۇزەگە اسىرا باستادىق. ونى ادامدار وتكەندەگى جارلىقپەن شاتاستىرىپ، وسى-اق پا دەپ اشۋلانىپ جاتىر. اشۋلانباڭىز، دەمەك ءوسىمپۇل، ايىپپۇلدارىڭىز سول-اق بولعانى.

دينارا مىڭجاسارقىزى

«تúrkistan»


كەلۋ قاينارى: http://www.elarna.net/koru.php?tur=14&id=1021755

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ماڭعىستاۋدا 39 جاستاعى 4 مينوت
قحل: «بارىس»  الماتىدا 10 مينوت
ەلوردانى گازداندىرۋعا ق 13 مينوت
بوكستان الەم چەمپيوناتى 19 مينوت
中国哈萨克语广播网 22 مينوت
ساپاسىز تەحنيكاعا شاعىم 25 مينوت
بوكستان ءاچ: قامشىبەك ق 1 ساعات
تۇركىستاندا پروكۋرورلار 1 ساعات
23 جاستاعى امەريكالىق ت 1 ساعات
تەننيس: كۋكۋشكين سانكت- 1 ساعات
مەملەكەتتىك قىزمەتشى نا 1 ساعات
قىرعىزستاندا كوشپەندىلە 1 ساعات
中国哈萨克语广播网 1 ساعات
بوكستان الەم چەمپيوناتى 1 ساعات
وسى ارانى باسىپ كورىڭىز 1 ساعات
وليمپيادا چەمپيونىن نوك 1 ساعات
وسى ارانى باسىپ كورىڭىز 1 ساعات
جەتىسۋدا ءۇندىستان، قىت 1 ساعات
الەۋمەتتىك كومەك كورسەت 1 ساعات
تانىمال ديەتولوگ: " 1 ساعات
中国哈萨克语广播网 1 ساعات
سۋ تاپشىلىعىنان ءۇرجارل 1 ساعات
مينيستر جەلىنى شۋلاتقان 1 ساعات
وڭتۇستىك كورەيادا بالان 2 ساعات
اسقار مامين جۇمىس ساپار 2 ساعات
«Nur Otan» قاراعاندىداع 2 ساعات
شىمكەنتتە كاسىپ اشقىسى 2 ساعات
ساپارباەۆ سەمەي جۇرتشىل 2 ساعات
جاپپاي قورعاۋدى بىرگە م 2 ساعات
中国哈萨克语广播网 2 ساعات