نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 16:40 - 2020/08/20

Нақты Көзі: http://zhasorken.kz/?p=34034


جانىبەك نازىمبەك جالپى مەديتسينا ماماندىعىنىڭ 5-كۋرس ستۋدەنتى.
تاشكەنت، قاراعاندى، الماتى مەن سەمەيدەگى ءارتۇرلى عىلىمي كونفەرەنتسيالارعا قاتىسقان. قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندەگى ستۋدەنتتەردىڭ عىلىمي بىرلەستىگىن باسقارادى. بىلتىر جانىبەك اكادەميك شاحماردان ەسەنوۆ اتىنداعى عىلىمي ءبىلىم بەرۋ قورىنىڭ گرانتىن ۇتىپ الدى. جالپى مەديتسينا ماماندىعىنىڭ ستۋدەنتى بۇل گرانتقا قالاي يە بولدى؟ نە سەبەپتى مەديتسينا سالاسىن تاڭدادى؟ وسى سۇراقتارعا كەيىپكەرىمىز جاۋاپ بەردى.

– شىمكەنت قالاسىنىڭ تۋماسىمىن. تۇرىك ءتىلىن ازداپ بىلەمىن. وزبەك جانە اعىلشىن تىلىندە ەركىن سويلەي الامىن. جەكە دامۋعا كوپ كوڭىل بولەمىن. ءبىر جىلدىڭ ىشىندە GPA كورسەتكىشىن 3.2-گە كوتەردىم. ادامدا ىنتا بولسا، ەشتەڭە كەدەرگى بولا المايدى. ءبىراق بالا كەزىمنەن جۇمىس تالعامايمىن. دەمالىس ورىندارىندا داياشى، باعدارلامالاۋ مەن ۇيالى تەلەفونداردى جوندەۋ جۇمىسىمەن اينالىستىم. مەكتەپ كەزىنەن تەحنيكاعا جاقىن بولعاندىقتان ماعان بۇل جۇمىستار قيىن بولمادى. ال داياشى بولىپ جۇمىس ىستەۋدى ۇيات سانامايمىن.

– دارىگەر بولۋعا كىم تۇرتكى بولدى؟

– شامامەن ەكىنشى، ءۇشىنشى سىنىپ وقىپ جۇرگەنىمدە دارىگەر بولامىن دەگەن شەشىمگە كەلدىم. بۇعان اجەم مەن انام ىقپال ەتتى. ال وتباسىم ماعان قانداي جاعداي مەن ۋاقىت بولسا دا، ادامدارعا كومەكتەسۋدى ۇيرەتتى. بالا كەزدەن وسىنداي داعدىنى ۇيرەنگەندىكتەن، دارىگەر بولۋدى ارماندادىم. بىلتىر جىل سايىن وتەتىن مەديتسينالىق فورۋمنىڭ شەبەرلىك ساباعىنا قاتىستىم. باعىتىم – ونكولوگياداعى رەنتگەنولوگيالىق باعانىڭ ەففەكتىلىك تەراپياسى.

– ەسەنوۆ ستيپەندياسىنىڭ كونكۋرسى سىزگە قالاي اسەر ەتتى؟

– مەن ءۇشىن بۇل كونكۋرس جاڭالىق بولدى. جاقسى ادامدارمەن تانىسقانىما قۋانىشتىمىن. يدەيا تالقىلايتىن قۇرداستارىممەن پىكىر الماستىق. ءارتۇرلى سالادان بولعانىمىزعا قاراماستان، ءبىز كونكۋرس بىتكەنشە دوس بولىپ ۇلگەردىك. بارىمىز ويناعان ويىندار كۇنى كەشە بولعانداي ەسىمدە. ءتىپتى، كونكۋرستىڭ 31 ناۋرىز
كۇنى وتكەنى ەسىمدە ساقتا-لىپتى. ءبىر جىل بۇرىن بولعان كونكۋرستى ءدال ءقازىر بولعانداي ايتىپ بەرە الامىن.

– العان قاراجاتتى قاي باعىتقا جۇمسادىڭىز؟

– شىنىمدى ايتسام، اقشانى جەكە قاجەتتىلىكتەرىمە جاراتتىم. كوزىمنىڭ كورۋى ناشارلاپ كەتتى. سوندىقتان كوزىمدى تەكسەرتىپ، جاڭا كوزىلدىرىك ساتىپ الدىم. جاقىندارىما قارجىلاي كومەك كورسەتتىم. وقۋعا كىتاپتار ساتىپ الىپ، جەكە كىتاپحانامنىڭ قورىن كوبەيتتىم.

– وقىعان كىتاپتاردىڭ ىشىندە ءسىزدىڭ ومىرىڭىزگە اسەر ەتكەنى بار ما؟

– نەيروحيرۋرگ پول كالانيتيدىڭ «كوگدا دىحانيە راستۆورياەتسيا ۆ ۆوزدۋحە» اۆتوبيوگرافيالىق كىتابى ومىرىمە ەرەكشە اسەر ەتتى. كىتاپتا اۆتور دەرتكە دەيىنگى جانە كەيىنگى ءومىرىن سيپاتتاپ جازعان. نەيروحيرۋرگ رەتىندە ول كوپ ادامدى ولىمنەن اراشالاپ قالادى. ءبىراق ءوزى دە 36 جاسىندا اۋىر دەرتكە شالدىعادى. وكپەسىنەن قاتەرلى ىسىك تابىلعاننان باستاپ ءبارى دە وزگەردى. ول ەندى دارىگەر ەمەس. پالاتادا اناليزدەرىن كۇتىپ جاتقان ناۋقاس. ءبىراق اۋىر دەرت نەيروحيرۋرگكە جۇمىس ىستەۋىنە كەدەرگى بولمايدى. پول كالانيتي ءوزى اۋىرىپ جۇرسە دە، ناۋقاستارعا وتا جاساۋىن توقتاتپايدى. نەيروحيرۋرگ جاقىندارىنا كوڭىل ءبولىپ، ءتىپتى اكەلى بولادى. بۇل كىتاپتا باستى كەيىپكەر ساتتەرمەن ءومىر سۇرەدى. ءولىم جاقىنداپ كەلە جاتسا دا، بەرىلمەيدى. كىتاپ ماعان ءومىردى باعالاۋدى ۇيرەتتى. ءار ءسات كەز كەلگەن ءىستى باستاۋعا كەش ەمەس ەكەنىن جانە ەشقاشان ارمانداردان باس تارتۋعا بولمايتىنىن ءتۇسىندىردى.

– مەديتسينادان باسقا قانداي سالاعا قىزىعاسىز، جانىبەك؟

– مەديتسينادان باسقا قىزىعاتىن سالا وتە كوپ. ماعان زەرتتەپ، جاڭالىق اشقان ۇنايدى. مۇمكىن بۇل حوببي دە شىعار. مىسالى، مەن تەمىرجولدا لوگيستيكامەن اينالىستىم. كەيدە بايلانىسشى بولىپ جۇمىس ىستەيمىن. ماعان ءار سالا قىزىق جانە سونى تەز مەڭگەرىپ كەتۋگە تىرىسامىن.

– بولاشاققا جوسپارىڭىز قانداي؟

– بيىل شىمكەنت قالاسىنداعى مەديتسينالىق ورتالىقتىڭ جاسالۋىنا قاتىستىم. ۋنيۆەرسيتەتتى اياقتاعان سوڭ، سول ورتالىقتا وفتالمولوگيا ءبولىمىن اشۋدى جوسپارلاپ ءجۇرمىن. ايتپاقشى، وسى جىلدىڭ باسىندا، ياعني كوروناۆيرۋس پاندەمياسى باستالعانعا دەيىن DAAD نەمىس باعدارلاماسى كونكۋرسىنىڭ جەڭىمپازى اتاندىم. بۇل كونكۋرستىڭ جەڭىمپازدارى – الەمنىڭ جوعارى وقۋ ورىندارىنىڭ ستۋدەنتتەرى. ولار اعىلشىن ءتىلىن مەڭگەرگەن، گەرمانياداعى جوعارى وقۋ ورىندارىندا پروفەسسورلار مەن ستۋدەنتتەرمەن جۇمىس ىستەيدى. ءبىر جاعىنان تاجىري-بە جيناسا، ءبىر جاعىنان ءبىلىم الىپ جاتىر. گەرمانياداعى ءۇش جوعارى وقۋ ورنى ءبىزدى قابىلدايتىنىن ايتتى. بۇل كونكۋرستا جەڭىمپاز بولىپ، شاقىرتۋ الۋ وڭاي بولعان جوق. ويتكەنى دوتسەنت، PhD دوكتور، بىرنەشە جىل جۇمىس ءوتىلى بار پروفەسسورلار دا شاقىرتۋ الا المادى. باعىم مەن بابىم قاتار شاۋىپ، كونكۋرس جەڭىمپازى اتاندىم. ءبىراق، وكىنىشكە قاراي، الەمدەگى پاندەمياعا بايلانىستى گەرمانياعا بارۋىم بەلگىسىز بولىپ تۇر. ەگەر ماڭدايعا بۇيىرىپ تۇرسا، بارىپ ءبىلىم الارمىن. باستىسى ەشكىم اۋىرماسىن. ءقازىر وتە اۋىر كەزەڭ. سوندىقتان بىر-بىرىمىزگە كومەكتەسۋىمىز كەرەك. قولداۋ ماڭىزدى. ساقتانىپ جۇرىڭىزدەر! دەنساۋلىقتارىڭىزدى ساقتاڭىزدار!

– سۇقباتىڭىزعا راقمەت!

نازىم ساپاروۆا

«ۇلان» گازەتى، №33
18 تامىز 2020 جىل


كەلۋ قاينارى: http://www.elarna.net/koru.php?tur=10&id=1244246

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باس شۋجي شي جينپيڭنىڭ م 10 مينوت
كاليفورنيادا مەملەكەتتى 30 مينوت
شي جينپيڭنىڭ ەكولوگيالى 30 مينوت
ەلەنا رىباكينا دوحادا ت 1 ساعات
كەدەيلىكتەن ارىلتۋدان ق 1 ساعات
دەمالىس كۇندەرى تەمىرتا 1 ساعات
قازاقستان – بەلارۋس: ءب 1 ساعات
چەحيادا كارانتينگە بايل 1 ساعات
اۆتونوميالى رايوندىق حا 1 ساعات
ەكپەنىڭ ەش كەرى اسەرىن 2 ساعات
قىمباتشىلىق قايدا باراس 2 ساعات
شينجياڭنىڭ باياندى تىنى 2 ساعات
ەلەنا رىباكينا دوحاداعى 2 ساعات
گەرمانيادا شاشتارازدار 2 ساعات
سارسەنبىگە ارنالعان اۋا 2 ساعات
ماڭعىستاۋ وبلىسىندا جىل 2 ساعات
ماينۇر قاسىم جولداس قاي 2 ساعات
جاپونيانىڭ دامۋ جولى | 2 ساعات
اقتوبە وبلىسىندا سانيتا 2 ساعات
الەكسەي تسوي مەديتسينا 2 ساعات
پەتروپاۆلدا كوپ قاباتتى 2 ساعات
اقتاۋ جانە قۇرىق پورتتا 2 ساعات
اتىراۋدا كولىككە قۇياتى 3 ساعات
مەديتسينا قالدىقتارى قا 3 ساعات
«نازار» توبىنىڭ شىعارما 3 ساعات
اتىراۋدا كولىككە قۇياتى 3 ساعات
ماڭگى تۇراتىن قىزمەت ات 3 ساعات
ەلباسى قىرعىز رەسپۋبليك 3 ساعات
شارم-ەل-شەيح – نۇر-سۇلت 3 ساعات
قازاقستان – بەلارۋس: نە 3 ساعات