نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 11:00 - 2020/08/18

Нақты Көзі: http://zhasorken.kz/?p=34025


بالالار، بارىمىزگە ويىن ويناعان ۇنايدى، سولاي ما؟ ءمۇعالىم ساباقتا جاڭا تاقىرىپتى ويىن ارقىلى تۇسىندىرسە، وڭاي قابىلدايمىز. سمارتفوندا ويىننىڭ نەشە ءتۇرى بار. وسىنى ەسكەرىپ، BRYCA جوباسى مەدياساۋاتقا ۇيرەتەتىن ويىن پلاتفورماسىن ويلاپ تاپتى. مەدياساۋات دەگەنىمىز – مەدياداعى ءارتۇرلى فورما مەن جانرداعى اقپاراتتى سارالاي ءبىلۋ قابىلەتى.

QLEVER دەپ اتالاتىن جاڭا ويىن پلاتفورماسى ەۋروپالىق وداقتىڭ قارجىلاي قولداۋىمەن «ورتالىق ازيا جاستارىنىڭ سىني ويلاۋىن ارتتىرۋ ءۇشىن مەديا جانە اقپاراتتىق ساۋات» جوباسى اياسىندا ازىرلەنگەن. BRYCA جوباسىنىڭ ماقساتى – سىني ويلاۋدى ىلگەرىلەتۋ جانە ورتالىق ازيا ەلدەرىندەگى جاستاردىڭ دەزينفورماتسيا مەن وشپەندىلىك تىلىنە قارسى تاباندىلىعىن ارتتىرۋ.

QLEVER ويىنى قالاي پايدا بولدى، ويىندا قانداي تاپسىرمالار بار؟ بۇل سۇراقتارعا IREX Europe ديرەكتورى مايك دە ۆيلەرس جاۋاپ بەردى.

ۇلان: QLEVER ويىن پلاتفورماسىن جاساۋ كىمنىڭ يدەياسى؟ يدەيا قاشان جانە قالاي پايدا بولدى؟

مايك دە ۆيلەرس: QLEVER ويىن پلاتفورماسىن جاساۋ يدەياسى 2008 جىلى پايدا بولدى. ماقساتى – وقشاۋلانعان، ءبىلىم الۋعا مۇمكىندىگى جوق جاستارعا قولجەتىمدى مەديابىلىم بەرۋ. قوعامداعى كەيبىر جاستار ءبىلىم بەرۋ جوباسىمەن قامتىلماعان. سەبەبى مۇنداي مەدياجوبا ولارعا قولجەتىمدى بولمادى، ءتىپتى كەي توپتاعى ادامدار مۇنداي بىلىمگە قىزىعۋشىلىق تانىتپايدى. سوندىقتان Second Life يدەياسىن قولدانىپ، جاستاردى سايتقا كىرىپ، ويىن ويناۋعا ىنتالاندىرۋ ءۇشىن سىيلىقتار بەرۋدى دۇرىس دەپ تاپتىم. وسىلايشا جاستاردى مەدياساۋاتقا ۇيرەتكىم كەلدى.

نەگىزگى مودەل دايىن بولعانمەن، جوبانى جۇزەگە اسىرۋعا قارجى بولمادى. بىرنەشە رەت ىسكە قوسۋعا تىرىستىق، ءبىراق تەحنولوگيالار دامىعان سايىن قارجىنىڭ جەتىسپەۋشىلىگى ويىننىڭ تولىق دامۋىنا كەدەرگى بولدى. 2019 جىلى ەۋروپالىق كوميسسيا جوبانى قارجىلاندىراتىن بولدى. ءبىز IREX Europe ۇەۇ (فرانتسيا)، MediaNet حالىقارالىق جۋرناليستيكا ورتالىعى (قازاقستان)، باق-تى قولداۋ ورتالىعى (قىرعىزستان)، زاماناۋي جۋرناليستيكانى دامىتۋ ورتالىعى (وزبەكستان) جانە «گۋردوفاريد» قوعامدىق ۇيىمىمەن (تاجىكستان) بىرىگىپ، جوبانىڭ جاڭا نۇسقاسىن ازىرلەدىك. الايدا جوبانىڭ باستاپقى ماقساتى مەن يدەياسىن وزگەرىسسىز قالدىردىق.

ۇلان: ويىندا قانداي سۇراقتار مەن تاپسىرمالار بولادى؟

مايك دە ۆيلەرس: ويىن-ساۋىق جانە وقىتۋ ماقساتىندا 36 ءتۇرلى تاپسىرما مەن سۇراق بولادى. نەگىزگى تاپسىرمالار ءماتىندى وقىپ نەمەسە ۆيدەونى كورىپ، اقپاراتتى قانشالىقتى تۇسىنگەنىن تەكسەرۋگە ارنالعان.

پلاتفورمادا Quiz ءبولىمى بار. وندا ويىنشىلار ۆيكتورينا سۇراقتارى ارقىلى مەديابىلىم دەڭگەيىن تەكسەرە الادى. سونداي-اق، ەكى ادامعا ارنالعان Quiz سەكتسياسى بار. مۇندا ءبىر ويىنشى باسقا ويىنشىمەن قاتار سۇراققا جاۋاپ بەرەدى.

ورتالىق ازيانىڭ جاستارعا ارنالعان جاڭالىقتار ءبولىمى، وشپەندىلىك ءتىلى، دەزينفورماتسيا، مەدياساۋاتقا قاتىستى تەوريالار مەن قىزىق دەرەكتەر ءبولىمى بار. بارلىق ءبولىم بىر-بىرىمەن بايلانىستى. ويىنشىنى جالىقتىرماي، ينتەراكتيۆ ءبىلىم الۋىنا كومەكتەسۋ ءۇشىن قوسىمشا سىيلىقتار مەن تەگىن قوسىمشا ءبىلىم بەرۋ ارقىلى ىنتالاندىرىپ وتىرامىز.

ۇلان: ۇپاي جيناۋ ءتارتىبى قانداي؟ ويىنشى ناقتى قانداي سىيلىققا يە بولا الادى؟

مايك دە ۆيلەرس: ويىنشى تىركەلىپ، سۇراقتارعا دۇرىس جاۋاپ بەرگەنى ءۇشىن ۇپاي جيناپ، ونى ءموبيلدى بىرلىك پەن باسقا جۇلدەگە ايىرباستاي الادى.  العاشقى ۇپاي تىركەلۋ كەزىندەگى جاس، جىنىس، تۇرعىلىقتى جەرى سياقتى اقپاراتى ءۇشىن بەرىلەدى. بۇل ءبىزدىڭ ماقساتتى اۋديتوريانى انىقتاۋعا كومەكتەسەدى. تىركەلگەن سوڭ ۇپاي جيناۋعا بولاتىن كوڭىلدى ويىندار بەرىلەدى. بۇل ءادىس – ويىنعا ىنتالاندىرۋ ءۇشىن كىرىسپە. ۇپايدىڭ كوپ بولىگى ءبىلىم بەرۋ تاپسىرمالارى مەن ۆيكتورينالارعا بايلانىستى. مۇندا ويىنشىلار بەرىلگەن اقپاراتتان بىلگەندەرىن كورسەتۋ كەرەك.

جيناعان ۇپايدى بىرلىككە ايىرباستاۋعا نەمەسە قوسىمشا ءبىلىم كۋرسىنا جازىلۋعا جۇمساۋعا بولادى. ۇپاي مەن جۇلدە جۇيەسى جاستاردى ءبىلىمدى، ساۋاتتى بولۋعا شاقىرادى. سەبەبى ءقازىر جاستار ءبىلىم الۋعا ەرىنەدى نەمەسە قىزىعۋشىلىق تانىتپايدى.

ۇلان: QLEVER ويىن الاڭىنىڭ ماقساتتى اۋديتورياسى قانداي؟

مايك دە ۆيلەرس: ءبىزدىڭ ماقساتتى اۋديتوريامىز – باسقا ءبىلىم بەرۋ باعدارلامالارىنا جەتە المايتىن وسال، مارگينال جاستار. ولار وشپەندىلىك ءتىلىن، جامان سوزدەر مەن نەگاتيۆ اقپاراتتى ناسيحاتتاۋعا جانە جالعان اقپارات تاراتۋعا بەيىم. اقپاراتتىڭ دۇرىستىعىن انىقتاۋ، اقپارات كوزدەرىن تەكسەرۋ جانە بىرنەشە دەرەككوزدى پايدالانۋ ءۇشىن ولار ءبىلىمدى، مەدياساۋاتتى بولۋى كەرەك. ءقازىر ينتەرنەتتەگى اقپاراتقا، الەۋمەتتىك جەلىلەردەگى مالىمەتكە سەنەتىن، ءداستۇرلى بۇقارالىق اقپارات قۇرالدارىن مۇلدەم پايدالانبايتىن ادامدار كوبەيىپ كەتتى. سوندىقتان ءبىز ولارعا سىني ويلاۋدى ۇيرەتىپ، مەدياساۋاتقا تاربيەلەۋىمىز كەرەك. مۇنداي جاستارعا قول جەتكىزۋ، اقپارات جەتكىزۋ وڭايعا سوقپايدى. ال QLEVER ونلاين ءبىلىم بەرۋ ويىن الاڭى وسى مىندەتتى شەشۋدىڭ يننوۆاتسيالىق شەشىمى بولادى دەپ سەنەمىز.

ۇلان: QLEVER ويىن پلاتفورماسى قانداي تىلدەردە جۇمىس ىستەيدى جانە قاي ەلدە قولجەتىمدى؟

مايك دە ۆيلەرس: 2020 جىلى QLEVER العاش ىسكە قوسىلدى. ويىن پلاتفورماسى ورىس، قىرعىز، قازاق، وزبەك جانە تاجىك تىلدەرىندە شىعادى. ازىرگە قىرعىزستان، قازاقستان، وزبەكستان جانە تاجىكستاندا جۇمىس ىستەيدى. ويىننىڭ مازمۇنى وسى ءتورت ەلدەگى مەدياكەڭىستىكتى باقىلاۋ ناتيجەسى بويىنشا قۇرىلعان. ويىن ورتالىق ازيا ەلدەرىندەگى از قامتىلعان جاستاردىڭ مەدياساۋاتىن نىعايتۋعا باعىتتالعان جانە Android جۇيەسىندە قولجەتىمدى.

ۇلان: ويىن تەك Android قۇرىلعىلارىندا قولجەتىمدى دەدىڭىز. ال قازاقستاندا جاستار iOS جۇيەسىن ءجيى قولدانادى. ءQLEVER-دى iOS جۇيەسىنە لايىقتاۋ جوسپاردا بار ما؟

مايك دە ۆيلەرس: ازىرگە ورتالىق ازيا ءۇشىن iOS نۇسقاسىن جاساۋ جوسپاردا جوق. Android تەلەفوندارى ارزان ءارى قولجەتىمدى بولعاندىقتان، ءبىزدىڭ ماقساتتى اۋديتوريا وسى سمارتفوندى قولدانادى دەپ ويلايمىز. ال Android قۇرىلعىسىن قولدانبايتىندار ءۇي كومپيۋتەرى مەن نوۋتبۋك ارقىلى ويىنعا قوسىلا الادى.

ۇلان: مەدياساۋاتتى ارتتىرۋدا ءQLEVER-دىڭ ءرولى قانداي بولادى دەپ ويلايسىز؟

مايك دە ۆيلەرس: ءقازىر جاستار اراسىندا نەسيەگە ۇيالى تەلەفون، نوۋتبۋك الۋ بەلەڭ العان. ال ونى QLEVER ويىنى ارقىلى ۇتىپ الۋعا بولادى. ءتىپتى جەرگىلىكتى بەيىمدەلگەن سىيلىقتار مەن كينو بيلەتتەرىن دە وقۋ وقىپ، ويىن ويناپ تەگىن الۋعا بولادى. بۇل موتيۆاتسيا ماقساتتى اۋديتورياداعى مەدياساۋاتتى جاستار سانىن كوبەيتۋگە كومەكتەسەدى دەپ ويلايمىز. زاماناۋي جاستار ءۇشىن ناقتى ماعىناسى مەن قۇندىلىعى بار جۇلدەلەردى جەڭىپ الۋ مۇمكىندىگىنە نەگىزدەلگەن ويىن ولاردى جايمەن مەدياساۋاتقا اكەلەدى. ولاردى بۇقارالىق اقپارات قۇرالدارىنا نەگىزدەلگەن ءبىلىم بەرۋ ويىندارىنا تارتۋ زاڭسىز جەككورۋشىلىككە، بولماشى ناسيحات پەن جالعان اقپاراتقا قارسىلىعىن كۇشەيتەدى.

ۇلان: QLEVER قوسىمشاسى كوروناۆيرۋس كەزىندە قانداي ماسەلەلەردى شەشە الادى؟ وسى باعىتتا قانداي جۇمىس ىستەلىپ جاتىر؟

مايك دە ۆيلەرس: يا، QLEVER ويىن پلاتفورماسىن ىسكە قوسۋ مەرزىمى جوبالاۋ ساتىسىندا كوزدەلمەگەن COVID-19 داعدارىسىمەن تۇسپا-تۇس كەلىپ وتىر. الەمنىڭ كەز-كەلگەن نۇكتەسىندە الەۋمەتتىك ءبولىنىس پەن شيەلەنىستى ارتتىرۋدى قالايتىن توپتار COVID جاعدايىن قولدانىپ، وشپەندىك ءتىلى مەن باسقا ماقساتتى كوزدەيتىن اقپارات تاراتىپ وتىرعانىنا كۋامىز. ءدال ءقازىر QLEVER ويىن پلاتفورماسى COVID-19 قوسىمشا مىندەتتەرىن قالاي شەشە الادى دەگەن سۇراققا جاۋاپ ىزدەپ، شەشۋگە تىرىسىپ جاتىرمىز. COVID-19 كەزىندە قاشىقتان وقىتۋ دامىدى، دەمەك QLEVER پلاتفورماسىنا دەگەن سۇرانىس ارتا تۇسەدى دەگەن ءسوز.

ۇلان: سۇقباتىڭىزعا راقمەت!

دانا ماراتوۆا


كەلۋ قاينارى: http://www.elarna.net/koru.php?tur=10&id=1242579

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


بيىل كۇزدە قىرعىزستاندا 7 مينوت
NASA عارىش ورتالىعى 325 17 مينوت
«قازاق تاريحى تۋرالى تى 17 مينوت
الماتىدا اۆتوبۋس اپاتىن 17 مينوت
بوكس: WBC تۇجىرىمى بويى 17 مينوت
الماتى وبلىسىنىڭ الاكول 27 مينوت
قازاقتىڭ 500 كۇيى جارىق 1 ساعات
جەر استىنا ءتۇسىپ كەتكە 1 ساعات
قازاقستاندىقتاردىڭ تەڭ 1 ساعات
ءان. ءانشى. تىڭداۋشى | 1 ساعات
قازاقستاندىق كاسىپكەرلە 1 ساعات
قىزىلوردالىق «قايسار» س 1 ساعات
شىمكەنتتە بازار قويماسى 1 ساعات
مەملەكەتتىك قاۋىپسىزدىك 1 ساعات
شىمكەنتتە بازار قويماسى 1 ساعات
قىرىمبەك كوشەرباەۆ: توت 1 ساعات
قىرىمبەك كوشەرباەۆ مەمل 1 ساعات
قازاقستاندىق بوكسشىلار 1 ساعات
اقتوبەدە تسيستەرنادان ت 1 ساعات
اسقار مامين «روسكوسموس» 1 ساعات
نيكوليا ساركوزي ءۇش جىل 2 ساعات
قىزىلوردادا ءۇيى ورتەنى 2 ساعات
الماتىدا «بولاشاق مەحان 2 ساعات
سولتۇستىك قازاقستاندا ا 2 ساعات
ەو رەسەيگە قارسى سانكتس 2 ساعات
باق «بارسەلونانىڭ» ەكس- 2 ساعات
قار، جاۋىن، جەل – سەيسە 2 ساعات
جاڭاوزەندە ەكى ادام گاز 2 ساعات
نارىنقولدا اسىل تۇقىمدى 2 ساعات
“العىس” قازاق تىلىندە ا 2 ساعات