نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 11:40 - 2020/08/12

Нақты Көзі: http://zhasorken.kz/?p=34001


كوروناۆيرۋس پاندەمياسىنا بايلانىستى دۇكەندەر جابىلىپ، كاسىپكەرلەردىڭ جۇمىسى توقتاپ قالدى. قارجىلىق قيىندىققا قاراماستان، ەرلى-زايىپتى داۋلەت پەن اسەمگۇل الەۋمەتتىك جاعدايى تومەن وتباسىلارعا ارنالعان LikeKomek دۇكەنىن اشتى. جاس وتباسى ءۇشىن باستى قۇندىلىق بايلىق ەمەس، ادامدارعا كومەكتەسۋ. بۇل دۇكەن كاسىپتەن گورى حوببي ىسپەتتەس. ويتكەنى دۇكەندەگى كيىمدەر وتە ارزان باعادا ساتىلادى. مىسالى، دجينسى شالبار 100 تەڭگە بولسا، فۋتبولكا – 50 تەڭگە. كومەككە مۇقتاج جاندار دەپوزيت ارقىلى كيىمدەردى تەگىن الادى. LikeKomek دۇكەنى قالاي اشىلدى؟ دۇكەنگە تاۋاردى قايدان الادى؟ تۇتىنۋشىلاردىڭ پىكىرى قانداي؟ وسى سۇراقتارعا دۇكەن يەسى داۋلەت كەرەيباەۆ جاۋاپ بەردى.

– الەۋمەتتىك جاعدايى تومەن وتباسىلارعا دۇكەن اشۋ يدەياسىنىڭ اۆتورى – كەلىنشەگىم اسەمگۇل كەرەيباەۆا. نەگىزى ەكەۋىمىزدىڭ دە تۇراقتى جۇمىسىمىز بار. ايەلىم نۇر-سۇلتان قالاسىنداعى سول جاعالاۋدا ورنالاسقان «قارقىن» دۇكەنىنە بارعاننان سوڭ، ماعان كاسىپ باستاۋ تۋرالى ۇسىنىس ايتتى. نەگە قوعامدا الەۋمەتتىك جاعدايى تومەن وتباسىلارعا ارزان باعادا كيىم ساتاتىن دۇكەن وتە از؟ وسى سۇراققا جاۋاپ تابۋ ءارى ادامدارعا كومەك كورسەتۋ ماقساتىندا دۇكەنىمىزدى اشتىق. بۇل – الەۋمەتتىك جوبا. ال ءبىزدىڭ دۇكەنىمىز انالوگ. الدىمەن جالعا الاتىن عيماراتتى ىزدەپ، قۇجاتتارىن راسىمدەدىك. اي سايىن سالىعىن دا تولەپ تۇرامىز.

– دۇكەنگە تاۋاردى قايدان الاسىزدار؟

– Likekomek دۇكەنىندەگى تاۋارلار جاڭا ەمەس، ياعني ءبىز الەۋمەتتىك كومەك رەتىندە ادامداردان وزدەرىنە قاجەت ەمەس كيىمدەرىن جينايمىز. تاۋاردى ۇيالماي ساتۋ ءۇشىن كيىمدەردى جۋىپ، ۇتىكتەپ، ەتيكەتكا جاپسىرىپ قويدىق. كەيدە ادامدار جاپ-جاڭا كيىمدەردى اكەلسە دە، باعاسىن 5000 تەڭگەدەن اسىرمايمىز، ءتىپتى قۇندىز تون بولسا دا، قىمبات باعاعا ساتىلىمعا قويمايمىز. سونىمەن قاتار، ساتىلىمدا اياق كيىم دە بار. دۇكەندە ارنايى كيىم ىلگىشتەر، سورەلەر مەن كيىم اۋىستىراتىن بۇرىش تا بار. جيھازداردىڭ ءبارى جاڭا بولماسا دا، جارتى باعاعا كەلىسىپ ساتىپ الدىق. جاقىندا ءبىر جاقسى ادام كيىم اۋىستىراتىن بۇرىشقا پۋفيك سىيلادى. ايەلىم ەكەۋمىز قاتتى قۋاندىق. ءبارى دە ستاندارتقا ساي جانە دۇكەنگە كەلەتىن قوناقتارعا ىڭعايلى ەتىپ ۇيىمداستىردىق. تازالىقتى دا ۇمىتپايمىز.

– نەگە دۇكەندى LikeKomek دەپ اتادىڭىزدار؟

– دۇكەنگە وزدەرىنە قاجەت ەمەس كيىمدەرىن اكەلەتىن ادامدارعا Like دەپ ايتامىز. بۇل دۇكەنىمىزدىڭ ءداستۇرى. Like ءسوزى اعىلشىن تىلىنەن ۇناتۋ نەمەسە جاقسى كورۋ دەپ اۋدارىلادى. كومەك كورسەتۋدى جاقسى كورۋ دەپ اتاساق بولادى. ويتكەنى كيىمدەرىن دۇكەنگە وتكىزگەنى ءۇشىن ادامدار ەشقانداي اقى المايدى. ال الەۋمەتتىك جاعدايى تومەن وتباسىلارعا دۇكەندە ساتىلاتىن كيىمدەردى دەپوزيت ارقىلى بەرەمىز. وعان قوسا، بىزگە كومەك كورسەتكەن ادامدار پەرىشتە قاناتى بەينەلەنگەن جانە دۇكەنىمىزدىڭ اتى جازىلعان باننەردە ەستەلىككە فوتوعا تۇسەدى. ومىردە جاقسى ادامدار وتە كوپ ەكەنىن كورىپ، ايەلىم ەكەۋىمىز بۇل كاسىپتى ودان سايىن دامىتقىمىز كەلەدى.

– دۇكەننەن دەپوزيتكە قالاي كيىم الامىز؟

– تۇتىنۋشىعا 5000 تەڭگەگە دەيىن دەپوزيت اشامىز. دەپوزيت اشۋ ءۇشىن جانە كيىم ساتىپ الۋ ءۇشىن اقشا تولەمەيسىز. 5000 تەڭگە كولەمىندە كيىم الۋ مۇمكىندىگى بار. تاۋارلاردىڭ باعاسى 10 تەڭگەدەن باستالادى. مىسالى، دجينسى شالبار 100 تەڭگە، فۋتبولكا 50 تەڭگە دەگەندەي. ەڭ قىمباتى 5000 تەڭگە بولادى. ودان اسپايدى. ەگەر دەپوزيتتەن اسسا، ياعني الاتىن كيىمدەردىڭ باعاسى 5000 تەڭگەدەن اسىپ كەتسە، ۇستىنەن اقشا قوسىپ تولەيسىز. ءبىراق تاۋارلار وتە ارزان باعادا بولعاندىقتان، ءبىر ماۋسىمعا جەتەرلىك كيىم الۋعا بولادى. دەپوزيتكە كيىمدەردى تەگىن الاسىز. اقشا تولەۋدىڭ قاجەتى جوق. دەپوزيت تەك الەۋمەتتىك جاعدايى تومەن، مۇگەدەكتىگى بار جانە جالعىزباستى انالارعا بەرىلەدى. ال ورتاشا دەڭگەيدەگى ادامدار دۇكەندەگى تاۋاردى ساتىپ الادى. ءبىراق دۇكەن اشىلعالى بەرى كوبىنە شىنىمەن دە كومەككە مۇقتاج جاندار دەپوزيتكە كيىم الىپ جاتىر.

– تۇتىنۋشىلاردىڭ پىكىرى قانداي؟

– دۇكەنگە كەلەتىن ءاربىر تۇتىنۋشىنى ارنايى بازاعا تىركەيمىز. دەپوزيت اشىپ، قالاعان كيىمىن الۋعا مۇمكىندىك جاسايمىز. تۇتىنۋشىلار ساۋالناما سۇراقتارىنا جاۋاپ بەرىپ، وزدەرىنىڭ مۇقتاجدىعىن جازادى. بىرەۋىنە ازىق-تۇلىك، كەيبىرەۋىنە جيھاز نەمەسە كەڭسە تاۋارلارى قاجەت. ءبىز وسىنى ەسكەرىپ، كيىمدەردى دەپوزيتكە تەگىن بەرەمىز. اراسىندا ادامدار قۋلىق جاساپ، اۋقاتتى وتباسىلار دا ساۋالنامانى تولتىرىپ كومەك سۇرايدى. ءبىز مۇنداي باسسىزدىققا جول بەرە المايمىز. ءار وتباسىنىڭ جاعدايىن زەرتتەپ بارىپ كومەك كورسەتەمىز. ويتكەنى كومەككە مۇقتاج ادام كوپ. تۇتىنۋشىلارىمىز ءدان ريزا. كەيبىر جالعىزباستى ايەلدەر ءبىزدىڭ دۇكەنگە كەلۋگە ۇيالادى. وندا تۇرعان نە بار؟ بۇگىن ءبىزدىڭ جاعدايىمىز جاقسى بولسا، ەرتەڭ نە بولارىمىز بەلگىسىز. سوندىقتان كومەككە مۇقتاج كەزدە ەشنارسەدەن ۇيالماۋ كەرەك. بىردە كوپبالالى ءارى مۇگەدەكتىگى بار بالاسىمەن انا كەلدى. ءبىز وعان دەپوزيت اشىپ، كيىمدەردى تەگىن الاسىز دەگەندە، تۇتىنۋشىمىز جىلاپ جىبەردى. جۇرەگىمىز ەلجىرەپ كەتتى. 5000 تەڭگە دەپوزيتكە تۇتىنۋشىمىز ەكى-ۇش دوربا كيىم الدى.

دۇكەنىمىز كاسىپتەن گورى حوببي ىسپەتتەس. ويتكەنى دۇكەننىڭ قارجى كىرىسىنەن گورى شىعىسى كوپ. ءبارى بىزگە تاڭعالادى. ءبىز بايۋدى ەمەس، جاقسىلىق جاساۋدى ويلايمىز. دۇكەننىڭ اشىلعانىنا ءبىر اي عانا بولسا دا، الەۋمەتتىك جاعدايى تومەن 150 وتباسى بازاعا تىركەلدى. ولارعا كومەكتەسكىمىز كەلەدى. وسىنداي ەكىنشى دۇكەندى اشۋدى دا جوسپارلاپ جاتىرمىز. ءبىزدى كوبى بايدىڭ بالالارى نەمەسە اۋقاتتى وتباسىنان شىققان دەپ ويلايدى. الايدا مۇلدەم ولاي ەمەس. مەن 9 جاسىمنان باستاپ جۇمىس ىستەدىم. بوتەلكە جينادىم، شەمىشكە دە ساتتىم. كەلىنشەگىم ەكەۋىمىز بىرنەشە كاسىپ باستادىق. ءۇش رەت بانكروت بولدىق. ءبىراق ارتقا شەگىنبەيمىز. ادامدارعا كومەك كورسەتۋدى جالعاستىرا بەرەمىز. ءبىزدىڭ وسى دەڭگەيگە كوتەرىلۋىمىزدىڭ ءوزى ادامداردىڭ العىسى شىعار. ءبارى كاسىپتىڭ سوڭىن قۋىپ، اقشا جاعىن ويلاي بەرسەك، ومىردە نە ءمان قالادى؟ بايلىق پەن اقشا ۋاقىتشا، ال ادامگەرشىلىك ماڭگىلىك.

– ادامداردىڭ العىسىنا بولەنىپ جۇرە بەرىڭىزدەر. سۇقباتىڭىزعا راقمەت!

نازىم ساپاروۆا


كەلۋ قاينارى: http://www.elarna.net/koru.php?tur=10&id=1238642

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ەلەنا رىباكينا دوحادا ت 10 مينوت
كەدەيلىكتەن ارىلتۋدان ق 30 مينوت
دەمالىس كۇندەرى تەمىرتا 1 ساعات
قازاقستان – بەلارۋس: ءب 1 ساعات
چەحيادا كارانتينگە بايل 1 ساعات
اۆتونوميالى رايوندىق حا 1 ساعات
ەكپەنىڭ ەش كەرى اسەرىن 1 ساعات
قىمباتشىلىق قايدا باراس 1 ساعات
شينجياڭنىڭ باياندى تىنى 1 ساعات
ەلەنا رىباكينا دوحاداعى 1 ساعات
گەرمانيادا شاشتارازدار 1 ساعات
سارسەنبىگە ارنالعان اۋا 1 ساعات
ماڭعىستاۋ وبلىسىندا جىل 1 ساعات
ماينۇر قاسىم جولداس قاي 1 ساعات
جاپونيانىڭ دامۋ جولى | 2 ساعات
اقتوبە وبلىسىندا سانيتا 2 ساعات
الەكسەي تسوي مەديتسينا 2 ساعات
پەتروپاۆلدا كوپ قاباتتى 2 ساعات
اقتاۋ جانە قۇرىق پورتتا 2 ساعات
اتىراۋدا كولىككە قۇياتى 2 ساعات
مەديتسينا قالدىقتارى قا 2 ساعات
«نازار» توبىنىڭ شىعارما 2 ساعات
اتىراۋدا كولىككە قۇياتى 2 ساعات
ماڭگى تۇراتىن قىزمەت ات 2 ساعات
ەلباسى قىرعىز رەسپۋبليك 2 ساعات
شارم-ەل-شەيح – نۇر-سۇلت 2 ساعات
قازاقستان – بەلارۋس: نە 2 ساعات
الماتىدا مونشادا تۇنشىع 2 ساعات
«الماتى جاستارى» تۇرعىن 2 ساعات
الماتىداعى «شاڭىراق» شا 2 ساعات