نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 11:40 - 2020/08/05

Нақты Көзі: http://zhasorken.kz/?p=33977


قازاق كينوسىنداعى ماسەلەلەردى قوزعاعاندا بالالارعا ارنالعان فيلمدەردىڭ دە كەرەگىن ايتىپ قالامىز. بالالارعا ارنالعان فيلمدەر كينو قورجىنىمىزدا جوق ەمەس، دەگەنمەن جاڭا زاماننىڭ ۇرپاعىنا جاڭاشا دۇنيە كەرەك دەيمىز. ال جاسوسپىرىمدەر شە؟ الاڭسىز بالالىق شاقتان ءوتىپ، مىنا دۇنيەنىڭ قىر-سىرىنا قانىققىسى كەلەتىن جاسقا وتكەندەرگە كينو ونەرى قالاي كورىنبەك؟ ول فيلمدەردە نە ايتتىق، قالاي ايتتىق، نەنى كورسەتە الماي ءجۇرمىز؟ ساۋالدارىمىزدى ماماندارعا قويىپ كوردىك… 

1. تاۋەلسىزدىكتەن كەيىن جارىققا شىققان فيلمدەردە جاسوسپىرىمدەر تاقىرىبى قانشالىقتى كورىنىس تاپتى؟ ولارعا قاتىستى الەۋمەتتىك ماسەلەلەر ءىشىنارا كورسەتىلدى مە؟

2. بايقاۋىمىزشا، جاسوسپىرىمدەرگە «ارنالعان» دەگەننەن گورى ولار «تۋرالى» فيلمدەر كوپ سياقتى. مىسالى، سەرىك اپرىموۆتىڭ «باۋىر»، «اكەگە قوڭىراۋ شالۋ»، دانيار سالاماتتىڭ «اكەم ەكەۋمىز»، ەمير ءبايعازيننىڭ «اسلاننىڭ ساباقتارى» سەكىلدى فيلم- دەر. مۇندا جاسوسپىرىمدەر ءومىرى بار. ءبىراق ولارعا ارنالىپ تۇسىرىلگەن دەپ ايتا الماس ەدىك. ءسىزدىڭ ويىڭىزشا، جاسوسپىرىمدەرگە ارنالعان فيلمدەر قانداي بولۋى كەرەك؟

3. جاسوسپىرىمدەر تۋرالى وتاندىق فيلمدەردىڭ ىشىندە داۋ تۋدىرعانى – ەمير ءبايعازيننىڭ «اسلاننىڭ ساباقتارى» ءفيلمى. فيلم شەتەلدىك قانشاما فەستيۆالدەن جۇلدە السا دا، ءبىزدىڭ بيلىك ونى وتاندىق ارنالاردان كورسەتۋگە تىيىم سالدى. بۇل تۋرالى پىكىرىڭىز قانداي؟ فيلم قانشالىقتى ء«قاۋىپتى؟»

سابيت قۇرمانبەكوۆ، رەجيسسەر:

فيلمدەرگە دراماتۋرگيا جەتىسپەيدى

1. جاسوسپىرىمدەرگە ارنالعان فيلم جوقتىڭ قاسى، ويتكەنى ءوزىم بۇل تاقىرىپتا ءبىر-اق فيلم ءتۇسىردىم. «سەكەر» ءفيلمى. كەزىندە ديسكىسى شىعىپ، ساتىلىمى جونىنەن ءبىرىنشى ورىنعا شىققانبىز. كينو نارىعىن شەتەلدىكتەرگە بەرىپ قويدىق. كوممەرتسيانىڭ ءوزى بالالارعا كينو تۇسىرمەيدى. قويانباەۆ، ادامباەۆتار دا ىرجاقاي-تىرجاقايدان اسا الماي ءجۇر. بالالارىمىزدىڭ ساناسىن شەتەلدىك فيلمدەر جاۋلاپ العان.

2. بۇل فيلمدەر – الەۋمەتتىك درامالىق فيلمدەر. مۇنداي فيلمدەر بالالار مەن جاسوسپىرىمدەرگە سونشالىقتى قىزىقتى ەمەس. سەرىك اپرىموۆ كوبىنە الەۋمەتتىك تاقىرىپقا بەت بۇرىپ كەتەدى. بالانىڭ كوزقاراسى شەتكە قالىپ قويادى. ال ءبىز ادەبي شىعارمالاردا، سپەكتاكلدە، فيلمدەردە بالانىڭ كوزقاراسىمەن قاراۋدى ۇمىتىپ كەتتىك. مىسالى، «مەنىڭ اتىم قوجا» ءفيلمىن كىتاپ جەلىسىمەن ءتۇسىردى. ابدوللا اعا قارساقباەۆ كىتاپتان اۋىتقىعان جوق. ويتكەنى ونداعى وقيعا بالانىڭ تىلىمەن باياندالعان. ءقازىر وسىنداي دۇنيە جوق. نە جازۋشىدا جوق، نە دراماتۋرگتە جوق. بالاعا ارناپ كينو ءتۇسىرۋ ءۇشىن مىقتى دراماتۋرگيا كەرەك. جاسوسپىرىمدەرگە الەۋمەتتىك جاعدايدى ايتۋدىڭ ورنىنا بالانىڭ تىلىمەن باياندالعان وقيعا كەرەك. ءبىز ءتىپتى انيماتسيادا دا بالانىڭ ءتىلىن قيىنداتىپ جىبەرەمىز. بالاعا نە كەرەك؟ بالاعا پاتريوتتىق تاقىرىپ بولعاننىڭ وزىندە بالانىڭ تىلىمەن، ءجاسوسپىرىمنىڭ تىلىمەن كورسەتۋ كەرەك. مىسالى، دانيار سالامات تۇسىرگەن «بايتەرەك» ءفيلمىنىڭ تاقىرىبى جاقسى، ءبىراق ءبىر قىزىق وقيعا جەتىسپەي قالدى. مەكتەپ، اۋىل، ءمۇعالىم، استانا – ءبارى ۇيلەسىمدى، ءبىراق قىزىقتايتىنداي ءبىر وقيعا كەمشىن بوپ قالدى، مەنىڭشە. شەتەلدىك فيلمدەر مەن انيماتسيالاردىڭ ىقپالىنان قازىرگى بالالاردىڭ كوزقاراسى وزگەرىپ كەتتى.

ىزدەنىس جاساۋ كەرەك. جاس رەجيسسەرلەر ءتىلىن تابۋ كەرەك، ولاردا ەنەرگيا، فانتازيا كوپ. ۇگىت-ناسيحات بالالىق شاقتان باستالادى. مىسالى، وتىرىك ايتپاي-اق قويايىن، 5-6-سىنىپ وقىپ جۇرگەنىمدە «بىزدەن باقىتتى ادام جوق شىعار» دەپ ويلايتىنمىن. سونىڭ ءبارى ناسيحاتتىڭ ارقاسى. ءقازىر ونداي يدەولوگيا جوق.

ء

ار فيلمگە دراماتۋرگيا كەرەك. ال دراماتۋرگيا ادەبيەتتەن باستالادى. ادەبيەت – ءفيلمنىڭ قاينار بۇلاعى. دراماتۋرگيا – بۇلاقتىڭ كوزى. ءبىز سول بۇلاقتىڭ كوزىن اشا الماي وتىرمىز. ادەبيەتكە سۇيەنبەسەك، ەشتەڭە شىعارا المايمىز. شەتەلدە كوميكستى شىعارۋ ءۇشىن دە اۋەلى تاپتىشتەپ دراماتۋرگيا جازىپ الادى. ال كوميكستان جاقسى فيلم شىعارۋعا بولادى. مىسالى، «سۋپەرمەن» كەزىندە كىتاپ بوپ شىقتى. ودان كوميكسكە اينالدى دا كەيىن قانشاما فيلم ءتۇسىرىلدى. ءالى ءتۇسىرىلىپ جاتىر. ءاسيا سۇلەەۆانىڭ «جەڭىس سەمسەرى» دەگەن ءفيلمى جاقسى تۇسىرىلگەن. ءجاسوسپىرىمنىڭ تىلىندە تۇسىرىلگەن، فانتازياسى دا بار فيلم. ءبىراق ناسيحاتى كەم.

3. ەمير ءبايعازيننىڭ «اسلاننىڭ ساباقتارى» ءفيلمىن تولىق كورمەدىم، ءۇزىندىسىن بايقاپ قالدىم. مەنىڭشە، وي تاستايتىن فيلمدەر دە كەرەك. ونى ارتحاۋستىق فيلم دەپ سانايمىن، ءتىلى قيىنداۋ. بالالاردىڭ دا تانىم دەڭگەيى ءارتۇرلى عوي، مۇنداي فيلمدەر دە كەرەك. 20 جاسىمدا «قيار» دەگەن فيلم تۇسىردىك. جاستار تۋرالى بولاتىن. ءبىراق ونى سول كەزدەگى يدەولوگيا قابىلداماي قويدى. سوندا ءبىزدى جازۋشىلار وداعى قۇتقاردى. ونداعى ۇلكەن قالامگەرلەر ءبىزدى جاقتاپ شىقتى. «جاس ءومىردىڭ اۋىلداعى پەرسپەكتيۆاسى جوق، فيلم سونى جاقسى كورسەتكەن» دەدى. سول سياقتى ەميردىكى دە جاقسى، ءبىراق ونى جاسوسپىرىمدەردىڭ 80 پايىزى قابىلداي المايدى. ول ۇلكەندەرگە اسەر ەتەدى. قانىمبەك قاسىمبەكوۆتىڭ «شوق پەن شەر» دەگەن ءفيلمى بار. سول شەتەلدەن جيىرما شاقتى جۇلدە الدى، مىسالى. بالا مەن قۇلىننىڭ اراسىنداعى وقيعا، ءتىلى جەڭىل. ال جوعارىدا ايتقان اۆتورلىق فيلمدەر بالاعا قيىنداۋ. ءبىز فيلمدە بالالارعا قانشالىقتى جاقىنداي الامىز، قانشالىقتى اسەر ەتە الامىز دەپ ويلانۋىمىز كەرەك.

دانا امىربەكوۆا، كينوتانۋشى:

جاسوسپىرىمدەرگە ارنالعان فيلمدەر سالعىرتتىقتى كوتەرمەيدى

1. ءجاسوسپىرىم جاندۇنيەسىنە كامەرا كوزى ارقىلى ءۇڭىلىپ، ونىڭ قاتپار-قاتپار تۇڭعيىق الەمىن كورەرمەنگە اقتارعان تۋىندىلار قازاق كينوسىندا جوق ەمەس. مىسالى، دارەجان ومىرباەۆتىڭ «كارديوگرامما»، ءامىر قاراقۇلوۆتىڭ «سوڭعى دەمالىس»، سەرىك اپرىموۆتىڭ ء«ۇش اعايىن»، «اڭشى»، «باۋىر»، «اكەگە قوڭىراۋ شالۋ»، رۇستەم ابدىراشەۆتىڭ «قالادان كەلگەن قىز»، دانيار سالاماتتىڭ «اكەم ەكەۋمىز»، تيمۋر قاسىمجانوۆ پەن تولەگەن بايتوكەنوۆتىڭ «سۋپەر باحا»، احات ىبىراەۆتىڭ «اڭىزدار كىتابى: جۇمباق ورمان»، ءادىلحان ەرجانوۆتىڭ «ۇكىلى كامشات»، ەمير ءبايعازيننىڭ «اسىلاننىڭ ساباقتارى»، ء«تورت وقيعا»، «وزەن»، رۋسلان اكۋننىڭ «وفف-لاين دەمالىس» جانە ەرنار قۇرماشوۆتىڭ «وفف-لاين دەمالىس-2» سىندى تولىقمەترلى كينوتۋىندىلارىن اتاي الامىز. سونىمەن قاتار جاسوسپىرىمدەر تاقىرىبى كينو الەمىنە ەندى عانا قادام باسىپ كەلە جاتقان دارىندى جاس رەجيسسەرلەر بەرىك جاحانوۆتىڭ «ەركەك»، «اسان»، دارحان تولەگەنوۆتىڭ «تاڭ ساۋلەسىنىڭ شاپاعاتى»، «مارشرۋت»، ماديار مۇراتۇلىنىڭ «شالاش»، الەن راحمەتاليەۆتىڭ ء«مۇعالىم» جانە تاعى باسقا قىسقامەترلى فيلمدەرىندە جاسوسپىرىمدەر تاقىرىبى جان-جاقتى قامتىلىپ، تەرەڭىنەن اشىلدى. بالالىقپەن قوش ايتىسىپ، ءجاسوسپىرىم شاققا قادام باسقان جەتكىنشەكتەردىڭ تۇلعاارالىق قاتىناس ەرەكشەلىكتەرى مەن پسيحولوگيالىق-الەۋمەتتىك تۇرعىدا بەيىمدەلۋ جولىنداعى قاقتىعىستارى مەن كەلەڭسىزدىكتەرى تاسپالانعان بۇل تۋىندىلار الەمنىڭ بەدەلدى كينوبايگەلەرىندە جەڭىس تۇعىرىنان كورىنىپ، سان مارتە كوك بايراعىمىزدى جەلبىرەتتى.

2. جالپى ءجاسوسپىرىم تاقىرىبىنداعى فيلمدەر جاسوسپىرىمدەرگە ارنالعان جانە جاسوسپىرىمدەر تۋرالى دەپ ەكىگە ءبولىنىپ قاراستىرىلادى. وسى تۇرعىدا بۇل تاقىرىپتا تۇسىرىلگەن وتاندىق كينوتۋىندىلارىمىزدىڭ باسىم كوپشىلىگى جاسوسپىرىمدەر تۋرالى ەكەنى جاسىرىن ەمەس. بۇنىڭ باستى سەبەبى، وسى تاقىرىپتى قوزعاعان تۋىندىلاردىڭ باسىم كوپشىلىگى كينونى ونەر رەتىندە قاراستىراتىن اۆتورلىق، دەمەك ارتسينەما باعىتىندا تۇسىرىلۋىندە. ال كەز كەلگەن اۆتورلىق تۋىندى كەيىپكەردىڭ ىشكى الەمىنىڭ قاتپارىندا جاسىرىنعان قىرتىسىن اشىپ، زەردەلەۋگە تىرىسادى. بۇل تۋىندىلاردا جاسوسپىرىمدەر پسيحولوگياسى، ولاردىڭ تۇلعالىق، ادامي بولمىسىنىڭ قالىپتاسۋ ەرەكشەلىكتەرى ءپالساپالىق تۇرعىدان قاراستىرىلىپ، رەجيسسەردىڭ ءوز وي ەلەگىنەن وتكىزگەن، سۋبەكتيۆتى كوزقاراسى تاسپالانادى. الايدا، جاسوسپىرىمدەرگە ارنالعان فيلم- دەر دە جوق ەمەس. مىسال رەتىندە تيمۋر قاسىمجانوۆ پەن تولەگەن بايتوكەنوۆتىڭ «سۋپەر باحا»، احات ىبىراەۆتىڭ «اڭىزدار كىتابى: جۇمباق ورمان»، رۋسلان اكۋننىڭ «وففلاين دەمالىس» جانە ەرنار قۇرماشوۆتىڭ «وففلاين دەمالىس-2» فيلمدەرىن اتاي الامىز. كورەرمەننىڭ قىزىعۋشىلىعىن تۋدىراتىن مەينستريم باعىتىندا تۇسىرىلگەن بۇل فيلمدەر جاسوسپىرىمدەردىڭ ارمان-قيالدارىن نەگىزگە الا وتىرىپ، اق پەن قارانى اجىراتا الاتىنداي سىني كوزقاراستارىن قالىپتاستىرۋعا، ولاردىڭ ءوي-ورىسىنىڭ دامۋىنا ىقپال ەتىپ، الترۋيزم مەن گۋمانيزمگە جەتەلەيدى.

3. ەمير ءبايعازيننىڭ فيلمدەرى «قارا تىزىمگە» ىلىككەنى بەلگىلى. الايدا، كەيىننەن ءدال سول تىزىمدەگى فيلمدەردى قازاق مادەنيەتىنىڭ جەتىستىگى رەتىندە قاراستىرعانى جايلى وقىعانمىن. ۋاقىت وتە ءوز كوزقاراسىن وزگەرتكەن بولار دەپ ءتۇسىندىم. ءار ادامنىڭ ءوز شىندىعى بولادى دەمەكشى، فيلمدەر دە ءارتۇرلى بولۋى كەرەك. ال ءبىلىمدى ەمەس، بىلەكتى بول دەپ تۇسىنەتىن جاسوسپىرىمدەردىڭ قاتىگەزدىگىن شىنايىلىقتىڭ شەگىن اسىرماي سۋرەتتەيتىن ەميردىڭ كينوتريلوگياسىنان تۋعان بالاسىنان باس تارتىپ، ءوز يگىلىگىن ويلايتىن اتا-انانى كورەمىز، حيدجاب جامىلعان قىزدى مازاقتاپ، سىنىپتاستارىنىڭ الدىندا قورلاعان ۇستازدىڭ بەينەسىن كورەمىز، اۋزىنان اللاسى تۇسپەي ءجۇرىپ، قورعانسىز بالالاردان اقشا جينايتىن ءدىنداردىڭ بىلىقتارىنا كۋا بولامىز، قورعانسىزدى قورعاۋدىڭ ورنىنا قورلاۋدى ءجون سانايتىن پوليتسەي قىزمەتكەرلەرى مەن ءوز ورتاسىنىڭ وزبىرلىعىن ادالدىق قاعيدالارىمەن شەشپەك بولعان جاس بالانىڭ بەينەسىن كورەمىز. ءجاسوسپىرىم پسيحولوگياسىن تەرەڭ زەردەگە العان كينوتريلوگيادا بىردە-بىر كاسىبي اكتەر وينامايدى. وسىعان قاراماستان، رەجيسسەر ەمير بايعازين اكتەر شەبەرلىگىن ارنايى مەڭگەرمەگەن بالالاردىڭ نانىمدى ويىنىنا قول جەتكىزە بىلگەن. وسى تۇرعىدا ۇزاق پلاندار مەن شىنايى اۋىل كورىنىسىن بەينەلەگەن پەسسيميستىك سارىنداعى كينوتريلوگيا ستيلدىك، قۇرىلىمدىق جاعىنان قازاقتىڭ «جاڭا تولقىن» رەجيسسەرلەرىنىڭ فيلمدەرىن ەسكە تۇسىرەدى.

كومپوزيتسيالىق قۇرىلىمى مەن كينو ءتىلىنىڭ بەينەلەۋ تاسىلدەرىن ۇتىمدى ءارى ورىندى قولدانۋى ارقىلى زورلىقزومبىلىق، قىلمىس پەن جازا تاقىرىپتارىنا بايلانىستى تەرەڭ تولعانىستار تۋدىرا بىلگەن ەمير بايعازين اسلاننىڭ حيكاياسى تۋرالى تريلوگياسى ارقىلى ادامنىڭ بويىنداعى بىر-بىرىنە ۇيلەسپەيتىن، ۇندەسپەيتىن جاقسىلىق پەن جاماندىق، مەيىرىم مەن جاۋىزدىق، ماحاببات پەن ساتقىندىق ىسپەتتەس كەرەعارلىقتار
مەن  قاقتىعىستاردى شەبەر تاسپالاعان. كينوتريلوگيا قازاق حالقىن قارالايدى دەگەنگە تۇبەگەيلى كەلىسپەيمىن. سەبەبى شىندىقتى تاسپالاۋ – قارالاۋ ەمەس. ەميردىڭ كوزدەگەن ماقساتى – كورەرمەنگە، ونىڭ ىشىندە جاسوسپىرىمگە وي تاستاۋ. قانداي بولۋدى ەمەس، قانداي بولماۋدى كورسەتۋ.

باياعىدا اتا-بابالارىمىز «ونەر الدى – قىزىل ءتىل» دەيتىن. بۇگىندە بۇل ۇستانىم وزگەرگەن. سەبەبى بۇرىنعىنىڭ بالاسى ەرتەگى تىڭداپ، جىر-داستاندى جاتتاپ، كوڭىل قويىپ، كوكەيىنە ءتۇيىپ وسكەن. ال ەڭبەكتەگەن بالادان ەڭكەيگەن قارتقا دەيىن ەكران الدىندا وتىراتىن بۇگىنگى زاماننىڭ ادامدارى ءۇشىن ونەر الدى – كينو ءتىلى، دەمەك، ەكران ونەرى. سونداي-اق، بۇرىنعى زاماندا «ۇيادا نە كورسەڭ، ۇشقاندا سونى ىلەرسىڭ» دەگەن بولسا، بۇگىنگىلەرگە «ەكراننان نە كورسەڭ، ۇشقاندا سونى ىلەرسىڭ» دەگەن دۇرىس. بۇل تۇرعىدا، مەنىڭشە، جاسوسپىرىمدەرگە ارنالعان فيلمدەر سالعىرتتىقتى كوتەرمەيدى. وسى ورايدا ءبىزدىڭ كينوگەرلەر كورسەتكەن ءار كادرىنا، ديالوگتا قولدانعان ءار سوزىنە اسا كىرپيازدىقپەن، بارىنشا جاۋاپكەرشىلىكپەن قاراعانى ءجون. ويتكەنى كينو – جاستاردىڭ سانا-سەزىمىن قالىپتاستىرۋداعى الپاۋىت كۇش. ەندەشە، كينوگەرلەرىمىز كينونىڭ وسى قاسيەتىن دۇرىس پايدالانىپ، ۇلتتىق قۇندىلىقتارىمىز بەن ءتول مادەنيەتىمىزدى، ءسالتداستۇرىمىز بەن تاريحىمىزدى، ءدىنىمىز بەن ءتىلىمىزدى دارىپتەيتىن، مازمۇنى باي، ماعىناسى تەرەڭ، ءتىلى كوركەم تۋىندىلاردى جارىققا شىعارعانى دۇرىس. سەبەبى جاستار – بولاشاعىمىز. ەگەر ءبىز بولاشاعىمىزدىڭ جارقىن بولعانىن قالاساق، بۇگىنگى جاستارعا ونەگە بولارلىق دۇرىس تالىم-تاربيە بەرگەنىمىز ابزال.

دايىنداعان اسىلان ءبىرجانۇلى

«اق جەلكەن» جۋرنالى، №7
شىلدە، 2020


كەلۋ قاينارى: http://www.elarna.net/koru.php?tur=10&id=1234158

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اقمولا وبلىسىندا قالىڭ 1 مينوت
مەملەكەت ءتوراعاسى شي ج 1 مينوت
جاپونيا حالقى وليمپيادا 1 مينوت
پوليتسەيلەر 29 جىلدان ب 11 مينوت
شينجياڭ ۋاكىلدەر ۇيىرمە 21 مينوت
شورت-ترەكتەن الەم چەمپي 22 مينوت
«توبىل» – قازاقستان سۋپ 1 ساعات
شقو اۋماعىندا شەكتەۋ شا 1 ساعات
اتىراۋداعى قايعىلى وقيع 1 ساعات
جاڭا زەلانديادا 6،2 بال 1 ساعات
فينليانديادا ءوتۋى ءتيى 1 ساعات
فينليانديادا ءوتۋى ءتيى 1 ساعات
نۇر-سۇلتاندا ەكى كوشەدە 1 ساعات
حالىق ءۇشىن مىندەت اتقا 1 ساعات
«توبىل» – «استانا» ماتچ 1 ساعات
الەمدەگى 20 ەلگە جيىرما 1 ساعات
جانساي سماعۇلوۆ Grand S 1 ساعات
نۇر-سۇلتاندا 2000 مىڭنا 1 ساعات
نۇر-سۇلتاندا تۇرمىسى تو 1 ساعات
جۇڭگو حالىق ساياسي ءماس 1 ساعات
بيىل ەلوردادا 5G جەلىسى 2 ساعات
تۇركياداعى گران-پري ءتۋ 2 ساعات
پاۆلودار وبلىسىندا جولد 2 ساعات
قازاقستان ەكونوميكاسى ب 2 ساعات
13 - كەزەكتى مەملەكەتتى 2 ساعات
ليۋدي بۋدۋششەگو: كاكيە 2 ساعات
پاۆلودار وبلىسىنداعى بى 2 ساعات
ساپارباەۆ 101 جاستاعى ك 2 ساعات
رەسەي اقش پەن ەۋرووداق 2 ساعات
13 - كەزەكتى مەملەكەتتى 2 ساعات