نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 15:40 - 2020/07/30

Нақты Көзі: http://zhasorken.kz/?p=33966


عىلىمى مەن تەحنولوگياسى قاتار دامىعان جاپونيادا ءبىلىم قۋىپ جۇرگەن قازاق جاستارى از ەمەس. سولاردىڭ ءبىرى – اياۋلىم بەلگىباەۆا. ول توكيو تەحنولوگيالىق ينستيتۋتىنىڭ (Tokyo Institute of Technology) ماتەريالتانۋ جانە حيميالىق تەحنولوگيا فاكۋلتەتىندە «حيميالىق عىلىم جانە ينجەنەريا» ماماندىعى بويىنشا PhD دوكتورانتۋرادا وقيدى. اياۋلىم بولاشاعىن نانوتەحنولوگيامەن بايلانىستىرادى ەكەن. سول سەبەپتى دە جاپونيانى تاڭداپتى. «ونىڭ ۇستىنە جاپونداردىڭ مادەنيەتى، جۇمىسقا دەگەن كوزقاراسى مەن ەڭبەكقورلىعى قاتتى قىزىقتىراتىن، – دەيدى ول. – ءارى جاپون مەملەكەتتىك گرانتىن ۇتىپ الۋعا مۇمكىندىك تۋعان سوڭ، ارينە، باس تارتا المادىم. جاپونيانىڭ ارتىقشىلىعى – جايلى تۇرمىس، ءتيىمدى عىلىمي جۇمىس ءۇشىن قاجەتتى بارلىق جاعدايدىڭ جاسالۋى. ال كەمشىلىگى رەتىندە كوپ جاعدايدا جۇمىس پەن جەكە ءومىر اراسىنداعى تەپەتەڭدىكتىڭ ساقتالماۋىن اتاپ وتەر ەدىم. بۇل جاقتا كۇنىنە 10-12 ساعات جۇمىس ىستەۋ قالىپتى جاعداي»، – دەيدى اياۋلىم.

– بىرنەشە جىلدان بەرى اككۋمۋلياتورلاردى زەرتتەپ ءجۇر ەكەنسىز. نەگە ءدال اككۋمۋلياتوردى زەرتتەدىڭىز؟ ونىڭ ادامزاتقا ەنەرگيانى بەرۋدەگى ماڭىزى قانداي؟

– اككۋمۋلياتورلاردى زەرتتەي باستاعانىما التى جىلداي بولىپ قالدى. بارلىعى باكالاۆرياتتىڭ سوڭعى كۋرسىندا ديپلومدىق جۇمىس ءۇشىن نازارباەۆ ۋنيۆەرسيتەتىندە تاجىريبەدەن ءوتۋ بارىسىندا باستالعان ەدى. ول كەزدە ناقتى وسى سالانى زەرتتەگىم كەلەدى دەگەن وي بولعان جوق. ءبىراق ۋاقىت وتە اككۋمۋلياتورلاردىڭ ءماڭىزىن تۇسىنىپ، قىزىعۋشىلىعىم ارتا ءتۇستى.

بۇگىندە اككۋمۋلياتورلاردى قولدانبايتىن ادام از. بارلىعىمىزدىڭ سمارتفون، نوۋتبۋك، كامەرا سياقتى شاعىن ەلەكترونيكامىز وسى اككۋمۋلياتورلارمەن جابدىقتالعان. ولار بىزگە توك كوزىنە بايلانىپ وتىرماي، قايدا بارساق تا قۇرىلعىلارىمىزدى وزىمىزبەن بىرگە الىپ جۇرۋگە مۇمكىندىك بەردى. بۇنداي قولدانىستان بولەك، اككۋمۋلياتورلاردىڭ كەڭ اۋقىمدى ەنەرگيا ساقتاۋ جۇيەسى رەتىندە دە ماڭىزى زور. مۇناي ونىمدەرى سياقتى جاناتىن ەنەرگيا كوزدەرىن قولدانۋدىڭ سالدارىنان اۋا لاستانىپ، جاھاندىق جىلىنۋعا اكەلىپ سوقتى. بۇل ماسەلەلەردى شەشۋ ءۇشىن كۇن، جەل سياقتى بالاما ەنەرگيا كوزدەرىن دامىتۋ قاجەت. ال ولار تۇراقسىز بولعاندىقتان، تۇتىنۋشىعا جالعاۋ ءۇشىن ەنەرگيا ساقتاۋ جۇيەلەرى قاجەت. ەندى ءبىر شەشىم – جانارجاعارمايمەن ەمەس، اككۋمۋلياتورمەن جۇرەتىن ەلەكتروموبيلدەر. ءبىراق بۇل ماقساتتا قولدانۋ ءۇشىن ءقازىر نارىقتاعى اككۋمۋلياتورلاردىڭ سيپاتتامالارى سايكەس كەلمەيدى: ەنەرگيا سىيىمدىلىعى تومەن، تىم اۋىر، كولەمى تىم ۇلكەن، باعاسى دا قىمبات. ءبىزدىڭ ماقسات – ەنەرگيا سىيىمدىلىعى جوعارى، جەڭىل، شاعىن جانە ارزان اككۋمۋلياتورلاردى دامىتۋ.

– اككۋمۋلياتور قۇراستىرۋ ىسىندە قانداي جاڭالىق اشقىڭىز كەلەدى؟ مۇنى ءبىزدىڭ ەلىمىزدەگى كاسىپورىندارعا ەنگىزۋگە بولا ما؟ قازاقستاننىڭ اككۋمۋلياتور وندىرۋدەگى پوتەنتسيالىن قالاي باعالايسىز؟

– ەلىمىزدە بۇل سالانىڭ دامۋىنا زەرتتەۋ جۇمىسىم سەپتىگىن تيگىزىپ جاتسا، ارينە، قۋانار ەدىم. ەلىمىزدە اككۋمۋلياتورلار ءوندىرىسىن دامىتۋعا قاجەتتى بارلىق پايدالى قازبا جەتكىلىكتى بولعانىمەن، اككۋمۋلياتوردىڭ جەكەلەگەن بولشەكتەرىن دايىندايتىن ءتۇرلى ءوندىرىس ورىندارىنان قۇرالعان ۇلكەن جۇيەلى كەشەن قاجەت. ونداي كەشەن بولماسا، بولشەكتەردى شەتەلدەن اكەلىپ قۇراستىرۋ ءتيىمسىز.

– قازاقستاندا عىلىممەن اينالىسۋدا قانداي پروبلەمالار بار دەپ ويلايسىز؟

– قازاقستاندا عىلىممەن اينالىسۋداعى ماسەلەنىڭ بارلىعى سول ءوزىمىزدىڭ ءونىمنىڭ جوقتىعىنا كەلىپ تىرەلەتىن سياقتى. قاجەتتى قۇرالجابدىقتاردى، رەاكتيۆتەردى شەتەلدەن الۋعا تۋرا كەلەدى. ال ەلىمىز قۇرلىق ورتاسىندا ورنالاسقاندىقتان، جەتكىزۋ ۋاقىتى وتە ۇزاق، 3-6 ايعا دەيىن سوزىلىپ كەتۋى مۇمكىن. بۇل عىلىمدا ناتيجە شىعارۋعا كەدەرگى كەلتىرەدى. كەلەسى ماسەلە – حالىقتىڭ عىلىمعا دەگەن كوزقاراسى. كوپشىلىگىمىز قولدانبالى عىلىمدى عانا مويىنداپ، ىرگەلى عىلىمنىڭ پايداسى جوق دەپ مەنسىنبەي، ونىڭ قولدانبالى عىلىمنىڭ نەگىزى ەكەنىن تۇسىنبەي جاتامىز. عالىمداردىڭ بەدەلى جوعارى ەمەس، عىلىمعا سۇرانىس از بولعاندىقتان، مەملەكەت تاراپىنان دا عىلىمعا قاجەتتى دەڭگەيدە كوڭىل بولىنبەيدى. دەسە دە، جاعداي جىلدان جىلعا جاقسارىپ كەلە جاتقانداي كورىنەدى.

– اڭگىمەڭىزگە راقمەت. تابىس تىلەيمىز!

جازىپ العان جانداربەك بولاتبەكۇلى

«اق جەلكەن» جۋرنالى، №7
شىلدە، 2020


كەلۋ قاينارى: http://www.elarna.net/koru.php?tur=10&id=1230690

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


شەكتەۋ جانە جەڭىلدىك: ە 20 سەكوند
اقمولا وبلىسىندا قاردا 1 مينوت
بوكسشىلار ازىرگە ءتورت 1 مينوت
داڭقتى ەرلىكپەن العا ۇم 10 مينوت
ەگيپەتتە مارشرۋتتىق تاك 10 مينوت
قازاقستاندا وتكەن تاۋلى 10 مينوت
اتىراۋ بەلگيالىق فۋتبول 10 مينوت
اۋىلدى ينتەرنەتپەن قامت 20 مينوت
قازاقستاندا ەكى مەگاپول 20 مينوت
چەحيا ىندەتتىڭ ورشۋىنە 20 مينوت
قازاقستاننىڭ مەتاللۋرگي 28 مينوت
13 - كەزەكتى مەملەكەتتى 1 ساعات
لاچين بايەكە، جارايسىڭ! 1 ساعات
ۇلجان پارماشقىزى: قازاق 1 ساعات
وتكەن تاۋلىكتە كوروناۆ 1 ساعات
ەلوردانىڭ دوستىق ۇيىندە 1 ساعات
تاراز قالاسىندا 135 وتب 1 ساعات
پوليتسەي بالالاردى قۇتق 1 ساعات
قىرعىزستان ازاماتى اسكە 1 ساعات
ەكولوگيا مينيسترلىگى قا 1 ساعات
OCTAGON 17 ءتۋرنيرى الم 1 ساعات
شقو-دا شەكتەۋ شارالارى 1 ساعات
8 ناۋرىز قارساڭىندا قان 1 ساعات
13 - كەزەكتى مەملەكەتتى 1 ساعات
ستالين ولگەن كۇن... 1 ساعات
ماماندىقتىڭ جاقسى-جامان 1 ساعات
شينجياڭنىڭ بولاشاعى، ءس 1 ساعات
S&P قازاقستان ەكونوميكا 1 ساعات
جاپونيا شەتەلدىكتەردىڭ 1 ساعات
ەلوردادا ەكى مىڭ وتباسى 1 ساعات