نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 09:20 - 2020/07/28

Нақты Көзі: http://zhasorken.kz/?p=33948


جىل سايىن باكالاۆريات بىتىرەتىن ستۋدەنتتەردە ەكى تاڭداۋ بار. ءبىرى ماگيستراتۋراعا تاپسىرۋ بولسا، ەكىنشىسى – ماماندىعى بويىنشا جۇمىس ىستەۋ. كەي تۇلەكتەر ماماندىعىمەن ءبىر كۇن جۇمىس ىستەمەستەن، وزگە كاسىپپەن اينالىسىپ كەتۋى دە مۇمكىن. ال ماگيستراتۋرا وقيتىنداردىڭ كوبى، وكىنىشكە قاراي، مۇنداي شەشىمدى سانالى تۇردە قابىلدامايدى. ماگيستراتۋرا دەگەن – عىلىم. ءبىراق ءبىزدىڭ ەلدە كوبى بۇل وقۋعا عىلىم قۋامىن دەپ بارمايدى. ال شەتەلدە ماگيستراتۋراعا تاپسىرۋ ەرەجەسى قانداي؟ باكالاۆردان سوڭ بىردەن ماگيستراتۋراعا ءتۇسۋ مىندەتتى مە؟ وسى سۇراقتارعا «بولاشاق» ستيپەندياتى، Cornell University تۇلەگى ايبولات ابىتبەكوۆ جاۋاپ بەردى. ايبولاتتىڭ ينستاگرامدا شەتەلگە وقۋعا ءتۇسۋ جانە وقۋ تۋرالى بلوگى بار.

– جامبىل وبلىسىنا قاراستى قورداي اۋدانىنىڭ تۋماسىمىن. ءال-فارابي اتىنداعى قازاق ۇلتتىق ۋنيۆەرسيتەتى حالىقارالىق قاتىناستار فاكۋلتەتىنىڭ تۇلەگىمىن. باكالاۆردىڭ سوڭعى كۋرستارىندا شەتەلدە «بولاشاق» باعدارلاماسىمەن وقىعىم كەلەتىنىن ءتۇسىندىم. «بولاشاق» باعدارلاماسىنىڭ مەملەكەتتىك قىزمەت ماماندىقتارىنا گرانتى كوپ. سايكەسىنشە، ەلگە ورالىپ جۇمىس ىستەۋ ناتيجەسى دە ەسكەرىلەدى. ول كەزدە «بولاشاق» باعدارلاماسىنىڭ ەرەجەسى بويىنشا ەكى جىل جۇمىس ىستەۋىڭ كەرەك ەدى. باكالاۆردى بىتىرگەن سوڭ، مەملەكەتتىك قىزمەتتە جۇمىس ىستەدىم. وعان قوسا، وتباسىم بار. تاڭەرتەڭ جۇمىستا بولامىن. كەشكە جۇمىستان كەش شىعىپ، جولدا اۆتوبۋستا اعىلشىن وقيمىن. ۇيگە كەلگەن سوڭ، كەلىنشەگىممەن اعىلشىن تىلىندە سويلەسەمىن. ەكى جىل جۇمىس ىستەگەن سوڭ، «بولاشاق» باعدارلاماسىنا قۇجاتتارىمدى تاپسىرىپ، ستيپەنديات اتاندىم. كەلىنشەگىم دە «بولاشاق» باعدارلاماسىنىڭ ستيپەندياتى. ءۇش جاستاعى قىزىمىز بار. سولاي ءبىر جىلداي اقش-تا اعىلشىن ءتىلى كۋرسىن وقىدىق.

– ماگيستراتۋرا وقۋعا قاي ۋنيۆەرسيتەتتى تاڭدادىڭىز؟

– ءتىل كۋرسى اياقتالعان سوڭ، ۋنيۆەرسيتەت تاڭداۋ كەرەك. گارۆاردقا تاپسىرۋ – بالا كەزدەن ارمانىم ەدى. ون شاقتى ۋنيۆەرسيتەتتىڭ ءتىزىمىن جاساپ، مەملەكەتتىك باسقارۋ ماماندىعى قاي وقۋ ورنىندا وقىتىلاتىنىن قارادىم. ءبىراق كەلىنشەگىم ەكەۋمىز ەكى جاقتا وقي المايمىز. وعان قوسا، قىزىمىز بار. گارۆاردتا مەن تاڭداعان ماماندىق بولعانمەن، كەلىنشەگىم تاڭداعان ماماندىق جوق. سونىمەن جۇرەگىم اۋىرىپ، گارۆاردتى تىزىمنەن سىزىپ تاستادىم. تاڭداۋىم Cornell ۋنيۆەرسيتەتىنە ءتۇستى. ءارى بۇل ۋنيۆەرسيتەتتىڭ اۋماعى وتباسىلى جاستارعا وتە ىڭعايلى بولۋى دا ءرول وينادى. بالاباقشا قاراستىرىلعان. وقۋعا تۇسكەن سوڭ، ۋنيۆەرسيتەتىم مەن تۇرعان جەرىمدى ۇناتتىم. ەشقاشان وكىنبەيمىن. دەگەنمەن كەلىنشەگىمە «سەن بولماساڭ، گارۆاردتا وقيتىن ەدىم» دەپ ازىلدەيمىن (كۇلدى).

– باكالاۆردان سوڭ بىردەن ماگيستراتۋراعا تاپسىرۋ مىندەتتى مە؟ شەتەلدىك تاجىريبە قانداي؟

– ماگيستراتۋراعا باكالاۆردان سوڭ بىردەن تاپسىرۋ نەمەسە جۇمىس ىستەگەن سوڭ تاپسىرۋ – ادامنىڭ ماقساتىنا بايلانىستى. عىلىمدى، ياعني اكادەميالىق سالانى تاڭداماسا، ومىرىندەگى ماقساتى جۇمىس ىستەۋ بولسا، باكالاۆردان سوڭ بىرنەشە جىل جۇمىس ىستەپ، ماگيستراتۋراعا تاپسىرعان دۇرىس. سەبەبى جۇمىس ىستەۋ ارقىلى ادام ماماندىعىن تۇسىنەدى. بالكىم قاتەلەسكەن شىعار. مۇنى تۇسىنۋگە ۋاقىت كەرەك. ءوزىمنىڭ تۋعان ءىنىم دە باكالاۆردى بىتىرە سالىپ شەتەلگە ماگيستراتۋراعا تۇسكىسى كەلەدى. ءبىراق شەتەلدەگى ماگيستراتۋرا مەن ەلىمىزدەگى ماگيستراتۋرا ەكى بولەك. بۇل جەردە قازاقستاننىڭ ءبىلىم بەرۋ جۇيەسىن جاماندايىن دەپ وتىرعان جوقپىن. بىزدە ماگيستراتۋرا عىلىمي جولدىڭ ءبىر بەلەسى بولىپ سانالادى. باكالاۆردان سوڭ ماگيستراتۋراعا تاپسىرىپ، ارى قاراي اكادەميالىق جولدى قالىپتاستىرۋعا بولادى. ال شەتەلدە ماگيستراتۋراعا تۇسكەن ادامنىڭ ماقساتتارى بار. ءبىرىنشىسى – تاجىريبەدەن جەتپەگەن ءبىلىمدى الۋ. ەكىنشىسى – ءوزىنىڭ ماماندىعىن باسقا جۇيەدە اۋىستىرۋ. ءۇشىنشىسى – دوكتورانتۋراعا ءتۇسۋ كەرەك پە، الدە جوق پا سۇراعىنا جاۋاپ تابۋ. شەتەلدە باكالاۆردان سوڭ دوكتورانتۋراعا تۇسۋگە بولادى. بىزدە ول مۇمكىن ەمەس. ويتكەنى شەتەلدە ماگيستراتۋرا تاجىريبەمەن جۇمىس ىستەگەن ادامدارعا ارنالعان. ال دوكتورانتۋرا – عىلىمي جول. كەيبىرەۋلەر باكالاۆردان سوڭ دوكتورانتۋراعا ءتۇسىپ، عىلىمي مانساپتى باستاپ كەتۋى دە مۇمكىن. ءبىراق شەتەلدە دوكتورانتۋرا بەس جىل. ەكى جىل دوكتورانتۋرانى وقىعان سوڭ ماگيستر دارەجەسىن الادى. سودان كەيىن ءارى قاراي دوكتورانتۋرانى جالعاستىرۋ تۋرالى سۇرايدى. ەگەر جالعاستىرماسا، ماگيستر ديپلومىن بەرەدى. بۇل سانالى شەشىم. سوندىقتان ماگيستراتۋراعا تۇسۋگە اسىعۋدىڭ قاجەتى جوق.

– شەتەلدە ماگيستر دارەجەسىن قالاي الادى؟

– ماگيستر دارەجەسىن الاردا بىرنەشە نۇسقا بار. ءبىرىنشىسى – ديسسەرتاتسيا جازىپ، دوكتورانتۋراعا دايىندالۋ. ەكىنشىسى – جۇمىس ىستەپ جۇرگەن بەلگىلى ءبىر مەكتەپ نەمەسە ۇيىمنىڭ پروبلەماسىن ەسكەرىپ، عىلىمي جوبا ۇسىنادى. مىسالى، ستۋدەنتتەر وقۋ بىتىرگەن سوڭ جۇمىس تاپپايدى. وسى ماسەلەنىڭ ستاتيستيكا تۇرعىسىنان زەرتتەلۋىن جانە سەبەبىن انىقتايتىن جوبا ازىرلەنەدى. ءۇشىنشىسى – كۋرستىڭ سوڭعى سەمەسترىندە بۇۇ نەمەسە سونداي بەلگىلى ءبىر ۇيىمداردا تاجىريبەدەن ءوتىپ، ءۇش-تورت ايدان سوڭ جۇمىسقا كىرەسىز. تاجىريەبەدەن وتكەن سوڭ ۇيىم باسشىسى ماگيستر دارەجەسىن الۋعا قۇقىق بەرەدى. ەڭ سوڭعى نۇسقا – تەست تاپسىرۋ.

– ماگيستراتۋراعا قالاي دايىندالۋ كەرەك؟

– ءبىرىنشى ەسسە جازۋدى ۇيرەنۋ كەرەك. «نە ءۇشىن وقۋعا تۇسەمىن؟»، «نەگە مەن وسى ماماندىقتى مەڭگەرۋىم قاجەت؟» دەگەن سۇراقتارعا جاۋاپ بەرە الاتىنداي جازۋ قاجەت. مىسالى: «مەن باكالاۆر ءبىتىردىم، جۇمىس ىستەدىم. ءبىراق ومىردە قاتەلەسكەنىمدى ءتۇسىندىم. مەنىڭ ماماندىعىم دۇرىس ەمەس. ءومىر بويى جۋرناليست بولىپ ىستەسەم دە، ماعان پسيحولوگيا قىزىق. بولاشاعىمدى وسى ماماندىقتا ەلەستەتەمىن. نەگىزگى ماماندىعىم پسيحولوگيا ەكەن. جۋرناليستيكاعا تۇسۋىمە اكەم سەبەپشى ەدى. ءبىراق مەن پسيحولوگ بولعىم كەلەدى. مەنى پسيحولوگيا كافەدراسىنا وقۋعا الىڭىزدارشى»، – دەپ جازۋ كەرەك. ەسسەنى وقىعان قابىلداۋ كوميسسياسى ءسىزدىڭ قاتەلەسكەنىڭىزدى ءتۇسىنىپ، وقۋعا دەگەن موتيۆاتسياڭىزدىڭ بار ەكەنىنە كۇمان كەلتىرمەيدى. وعان قوسا، سانالى تۇردە ماگيستراتۋرا وقيمىن دەگەن ادام ساباقتاردىڭ قيىندىعىنا توتەپ بەرە الادى. ويتكەنى شىنىمەن دە ءوز ماماندىعىن جاقسى كورەدى. سونىمەن قاتار، ۋنيۆەرسيتەتتىڭ دارەجەسىنە قاراي قۇجاتتار تىزبەگى ازىرلەنەدى.

– سۇقباتىڭىزعا راقمەت!

نازىم ساپاروۆا

«ۇلان» گازەتى، №30
28 شىلدە 2020 جىل


كەلۋ قاينارى: http://www.elarna.net/koru.php?tur=10&id=1228726

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


568 ادام كوروناۆيرۋس ين 10 مينوت
ايجان پايشانوۆا: كوپ با 11 مينوت
7 ناۋرىز. تۋعان كۇن يەل 16 مينوت
قازاقستاندا وتكەن تاۋلى 22 مينوت
7 ناۋرىز. قازاقپارات كۇ 1 ساعات
شورت-ترەكتەن الەم چەمپي 2 ساعات
«جەتى كۇن». 06.03.2021 2 ساعات
«دالا battle» 8-شىعارىل 2 ساعات
قازگيدرومەت: ناۋرىزدىڭ 2 ساعات
پەلە ءىزىن كىم باساتىنى 3 ساعات
ياكوب فۋلسانگ «سترادە ب 3 ساعات
جامبىل وبلىسىنداعى اۋىل 3 ساعات
ازات نۇرعاليەۆ قازاقستا 4 ساعات
افريكاداعى مالي ەلىنە 4 4 ساعات
قوستاناي وبلىسىنداعى جو 4 ساعات
«چايكا» «تورپەدونى» جەڭ 5 ساعات
دميتري شومكو «روتور» سا 5 ساعات
مەرەكە قارساڭىندا ەرىكت 5 ساعات
قازاقستاندىق 12 جاسار ء 6 ساعات
«بارىس» - «مەتاللۋرگ» م 6 ساعات
جانساي سماعۇلوۆ «گراند- 6 ساعات
قاراعاندى وبلىسىنداعى ج 6 ساعات
ابات ايىمبەتوۆ «كرىليا 7 ساعات
الماتىدا بالالار جازۋشى 7 ساعات
اقتامبەردى جىراۋ | ادە 7 ساعات
پاراگۆايدا ىندەتتىڭ ورش 7 ساعات
تسسكا - احمات: قازاقستا 7 ساعات
اقمولا وبلىسىندا 30 كوپ 7 ساعات
بۇگىن تەمىرحان مەدەتبەك 8 ساعات
داۋلەتبەك بايتۇرسىنۇلى 8 ساعات