نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 13:40 - 2020/07/27

Нақты Көзі: http://zhasorken.kz/?p=33934


30 ماۋسىمدا «قازاقستان» تەلەراديوكورپوراتسياسى «Abai tv» مادەني-اعارتۋ تەلەارناسىنىڭ تۇساۋىن كەستى. اقپارات كەڭىستىگىنە «اقىل-ويدىڭ ايناسى» دەگەن ۇرانمەن جول تارتقان «Abai tv» تەلەارناسى ۇلتتىق جانە الەمدىك ونەر مەن مادەنيەتتىڭ ءىنجۋ-مارجانىن، ءتۇرلى ۇلتتاردىڭ ادەبي جانە تاريحي مۇرا جاۋھارلارىن، سپەكتاكل، بالەت سياقتى بەكزادا ونەر تۇرلەرىن قالىڭ بۇقاراعا ۇسىنباق. قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆتىڭ ايتۋىنشا، مادەنيەت ءوزىنىڭ وركەنيەتتىك رولىنەن باسقا ءارقاشان ماڭىزدى ميسسيانى اتقارىپ كەلدى. ول تاريحتىڭ ەڭ اۋىر ساتتەرىندە حالىققا كۇش پەن ءۇمىت بەردى. ونىمەن تىلدەسۋ – ۇلتتىڭ رۋحاني ءومىرىن بايىتۋدىڭ ءتاسىلى عانا ەمەس، سونىمەن بىرگە ازاماتتارعا ماتەريالدىق كومەك كورسەتۋمەن قاتار، ولارعا مورالدىق تۇرعىدان قيىن جاعدايدا كومەكتەسۋگە تىرىساتىن مەملەكەتتىڭ ماڭىزدى الەۋمەتتىك ميسسياسى.

«جاڭا ارنانىڭ «اباي» دەپ اتالۋى تەگىن ەمەس. بىرىنشىدەن، مادەني-اعارتۋ باعىتىنداعى جالعىز تەلەارناعا ۇلت رۋحانياتىنىڭ تەمىرقازىعى ابايدىڭ اتىن بەرۋ – وتە ورىندى. ويتكەنى ۇلى اقىننىڭ ونەگەلى جولى ءالى تالاي عاسىرعا جالعاسادى. ەكىنشىدەن، جاڭا تەلەارنا ءتول مادەنيەتىمىز بەن ءداستۇرىمىزدى ناسيحاتتاۋ- دى ماقسات ەتىپ وتىر. بۇل تۋرالى ۇلى ويشىلدىڭ «پايدا ويلاما، ار ويلا»، «تالاپ قىل ارتىق بىلۋگە»، «اسەمپاز بولما ارنەگە، ونەرپاز بولساڭ ارقالان» دەگەن وسيەتتەرىن ەستە ۇستاۋىمىز كەرەك. سونداي-اق ول ونەر مەن كاسىپ ۇيرەنۋدى بايلىقتىڭ كىلتىنە، ۇلتتىڭ قۋاتىنا بالاعان. ۇلى اقىن تاعى ءبىر سوزىندە «ادام بالاسىن زامان وسىرەدى» دەيدى. ءبىزدىڭ جاڭا تەلەارنامىزدىڭ جۇمىسى دا وسى قازىرگى ءداۋىردىڭ تالابىنا بەيىمدەلەدى. زيالى قاۋىمنىڭ باستى بورىشى – قوعامعا، اسىرەسە جاستاردىڭ بويىنا تاربيەنى، ىزگىلىكتى، وتانسۇيگىشتىكتى دارىتۋ. جاڭا تەلەارنا وسى جولدا سىزدەرگە ۇتىمدى قۇرال، اشىق پىكىر الاڭى بولادى دەپ ويلايمىن. وسى تۇرعىدا «اباي» تەلەارناسىنىڭ اشىلۋى ۇلى كەمەڭگەردىڭ مەرەيتويى اياسىنداعى شوقتىعى بيىك شارا دەۋگە بولادى»، – دەدى داۋرەن

اباەۆ. «Abai tv» ارناسىنىڭ اشىلۋى قازاق قوعامى ءۇشىن ۇلكەن مەرەكە. وركەنيەتىمىز بەن مادەنيەتىمىز ءۇشىن ماڭىزدى ارنالاردىڭ ءبىرى بولادى دەپ سەنەمىن. مادەنيەت سالاسىنداعى ازاماتتاردى تەلەارناعا ونىمدەرى مەن ونەرلەرىن ۇسىنۋعا شاقىرامىن»، – دەيدى مادەنيەت جانە سپورت ءمينيسترى اقتوتى رايىمقۇلوۆا.

قر ەڭبەك سىڭىرگەن قايراتكەرى سۇلتان ورازالى جاڭا ارناعا: «وسى ءبىر كەزدىڭ وزىندە قيىنشىلىققا قاراماستان جاڭا تەلەارنانىڭ اشىلۋى، سوعان بارلىق مۇمكىندىكتى جاساۋ – يگى ىستەردىڭ ءبىرى. ابايدىڭ اتى – وتە ارداقتى. وسى ارنادا قىزمەت ەتەتىن قىز-جىگىتتەردىڭ موينىنا وتە اۋىر جۇك ارتىلادى. اباي اتىن يەلەنگەننەن كەيىن ابايدىڭ ادىلدىگىن، ويشىلدىعىن، سوزگە دەگەن ەرەكشە ىقىلاسىن، عاجايىپ جىرلارى مەن اندەرىندەگى نازىكتىك پەن سۇلۋلىقتى ساقتاپ، سول بيىكتەن كورىنىڭىزدەر»، – دەگەن ىزگى تىلەگىن ءبىلدىردى. تەلەارنا قازاق جانە ورىس تىلدەرىندە تاۋلىگىنە 17 ساعات (07:00-دەن 00:00-گە دەيىن) حابار تاراتادى. ارنا «Otau TV» ۇلتتىق سپۋتنيك وپەراتورى، «Alma TV»، «ID TV» كابەلدىك جەلىلەرى ارقىلى تارالادى. www.abaitv.kz رەسمي سايتى ارقىلى ونلاين كورۋ مۇمكىندىگى بار.

ارنانىڭ تۇساۋى كەسىلگەن سوڭ ونىڭ بولاشاققا قۇرعان جوسپارىن ءبىلۋ ءۇشىن ۇجىم باسشىسى ازامات كەڭەسۇلىن اڭگىمەگە تارتتىق…

– ارنادان بەرىلەتىن جاڭا حابارلار تۋرالى تولىعىراق ايتا كەتسەڭىز. ءبىلىم-عىلىم باعىتىندا قانداي حابارلار بار؟ باعدارلامالار قاي جاستاعى كورەرمەندى قامتيدى؟

– «Abai tv» ارناسى – اقىل-ويدىڭ ايناسى» دەپ ۇرانداپ تۇرعانىنداي، ارنا مادەني-اعارتۋشىلىق باعىتتى ۇستانادى. قوعامدىق سانانى جاڭعىرتىپ، تانىم كوكجيەگىن كەڭەيتىپ، ۇلتىمىزدىڭ رۋحاني قۇندىلىقتارىن ناسيحاتتاۋدى كوزدەيدى. مەملەكەتىمىز، ونىڭ ءاربىر ازاماتى ىلگەرى باسۋى ءۇشىن وتكەنىن ۇمىتپاۋى، بۇگىنگى ادەبيەتى، مادەنيەتىمەن، ءتول ونەرىمەن ماقتانۋى جانە ونى بولاشاققا جەتكىزۋى كەرەك قوي. ول ءۇشىن حالقىمىزعا اباي دانالىعى، اباي عيبراتى كەرەك. سوندىقتان ءار قازاقتىڭ جۇرەگىن نۇرعا، سىرعا، رۋحاني سۇلۋلىققا بولەيتىن اباي وسيەتى ارنا ارقىلى ماڭگى جاسايدى. قازىرگىدەي كۇردەلى كەزەڭدە دۇنيەگە كەلگەن «اباي» ارناسى حالىقتى جىگەرلەندىرىپ، رۋحتى جانداندىرادى. ارينە، بۇل ارنا ءۇشىن ۇلكەن جاۋاپكەرشىلىك جانە بارلىعىمىزعا، ونىڭ ىشىندە ادەبيەت پەن ونەر، مادەنيەت وكىلدەرىنە ورتاق جاۋاپكەرشىلىك دەسەك بولادى. ارنادان سالماقتى ءسوز، سارا وي ىزدەگەن كورەرمەن ء«ساراسوز» اتتى مەملەكەت جانە قوعام قايراتكەرلەرى، ونەر مەن مادەنيەت، ادەبيەت مايتالماندارىمەن وتەتىن ساليقالى سۇقباتتى كورەدى. تىڭنان تۇرەن سالىپ، تىڭ وي ايتاتىن تالانتتى جاستاردى دا وسى جوبادان بايقايسىزدار. «ۇركەر» اتتى باعدارلاما تانىمال شىعارمالارعا تالداۋ جاساپ، كىتاپ وقۋعا شاقىرادى. باي مۋزىكالىق مۇرامىزدىڭ ءىنجۋ-مارجاندارىن تىڭداعىسى كەلگەن جانعا «كۇمىسكومەي» اتتى ءداستۇرلى مۋزىكالىق شوۋىمىز بار. ال پوەزيانى سۇيەتىندەر «جىر مايدانى» پوەزيا سايىسىندا جولىعادى. مۇندا ەلىمىزدىڭ تۇكپىر-تۇكپىرىنەن كەلگەن جاستار سۇيىكتى اقىندارىنىڭ جالىندى جىرلارىن وقىپ جارىسادى. «اباي جولىن بىرگە وقيىق!» تەلەجوباسىندا بارشا قازاقستاندىق «اباي جولى» كىتابىن وقيدى. «شەبەرلەر» باعدارلاماسىندا ۇلتىمىزدىڭ قولونەرى، اتادان بالاعا ميراس بولعان كاسىپتىڭ قىرسىرى ناسيحاتتالادى. «پرەمەرى» تەلەباعدارلاماسى الەمدىك مۋزىكا مەن بالەت جاۋھارلارىنىڭ العاشقى قويىلىمدارىن پاش ەتەدى. ال «دالا وركەنيەتى» اتتى دەرەكتى فيلمدەر توپتاماسى «ۇلتتىق كيىمدەر» مەن «سىرلى ساز» «جەتى قازىنا»، «جىراۋلىق ءداستۇر»، «التىن وردا» سەكىلدى ءتۇرلى تىڭ تاقىرىپ ارقىلى ۇلت تامىرىنا ۇڭىلەدى. «مۋزىكا ۆەليكوي ستەپي» باعدارلاماسى، اتى ايتىپ تۇرعانىنداي، ۇلى دالانىڭ مۋزىكاسىن ناسيحاتتاپ، ءبىر ءاننىڭ تاريحىن، قۇرىلىمىن، قازاق مۋزىكاسىنداعى ورنىن باعامدايدى. سونىمەن قاتار، «التىن قوردا» قاتتالىپ جاتقان نەبىر قۇندى جازبالار، تەلەباعدارلامالار دا كورسەتىلەدى. الەمدىك جانە وتاندىق مۋزىكانىڭ ءىنجۋمارجاندارىنا ارنالعان كونتسەرتتەر، توك-شوۋلار، تەلەسپەكتاكلدەر، تۇلعالار ءومىرى تۋرالى دەرەكتى فيلمدەر توپتاماسى دا بار. ءبىر ايتا كەتەرى، ارنا 80/20 ۇلەسى بويىنشا ونىمدەرىن 80% قازاق، 20% ورىس تىلىندە دايىندايدى. ارنا اۋديتورياسى 14 جاستان باستالادى. الداعى ۋاقىتقا جوسپار كوپ. تىڭ يدەيالار مەن جاڭاشىل تەلەجوبالاردى قابىلداۋعا دايىن ەكەنىمىزدى دە ايتا كەتەيىك.

– ارنانىڭ اشىلۋىنا قاتىستى قوعامدا ءارتۇرلى پىكىر تۋىپ جاتىر. مىسالى، بۇعان دەيىن ء«بىلىم جانە مادەنيەت» ارناسى اشىلىپ، كوپ ۇزاماي جابىلىپ قالدى. وسىنىڭ كەبىن كيمەي مە دەگەن زاڭدى سۇراق تۋادى. وسىنىڭ الدىن الۋ ءۇشىن، ارنانىڭ عۇمىرى ۇزاق بولۋى ءۇشىن قانداي جوسپار قۇردىڭىزدار؟

– كەز كەلگەن كۇردەلى كەزەڭ ادامنىڭ جىگەرىن جانىپ، رۋحىن قايرايدى. ءقازىر ءبىز سونداي الەمدى ىندەت جايلاپ، الەككە سالعان قيىن كەزەڭدە تۇرمىز. ءبىراق حالقىمىز تاريحتىڭ تالاي تەزىنەن ءوتىپ، قيىندىقتاردى ەڭسەرە بىلگەن. ءبىر مۇددەگە بىرىكسەك، ۇلت بولىپ ۇيىسا بىلسەك، بۇدان دا امان وتەمىز. اباي – تۇنىپ تۇرعان رۋح. ونىڭ مۇراسى حالقىمىزدىڭ كاۋسار بۇلاعى ىسپەتتى. ونىڭ بۇلاعىنان سۋسىنداۋ – ادامدى رۋحاني كەمەلدىككە جەتەلەپ، بيىكتىككە باستايدى. قازىرگىدەي كۇردەلى كەزەڭدە اباي ارناسىنىڭ اشىلۋى حالىقتى جىگەرلەندىرىپ، رۋحتاندىرادى. وسى ۋاقىتتا نەگە اشىلدى، جابىلىپ قالا ما دەۋدىڭ ءوزى دۇرىس ەمەس. وسى ۋاقىتتا اشىلماعاندا قاشان اشىلادى؟ ارنانىڭ باعىتى ايقىن، مۇراتى زور. رۋحاني قاجەتتىلىك بولعانشا جاساي بەرەدى.

– اباي اتىنداعى ارنانىڭ كوتەرەر جۇگى بەلگىلى. وندا جۇمىس ىستەيتىن قىزمەتكەرلەردىڭ دە عىلىمعا، بىلىمگە جاقىن بولۋى كەرەك سەكىلدى. ارناعا عالىمدار، قوعام قايراتكەرلەرى اتسالىسا ما؟ ارنا قۇرامىندا ارداگەر جۋرناليستەر بار ما؟

– ارينە، ابايدىڭ اتىمەن اتالعان ارنادا جۇمىس ىستەۋ ءبىز ءۇشىن ۇلكەن مارتەبە ءارى زور جاۋاپكەرشىلىك. وسى جاۋاپكەرشىلىكتى ارىپتەستەرىم جان-دۇنيەسىمەن جاقسى سەزىنەدى. ولار بۇل ارناعا اداسىپ كەلگەن ادامدار ەمەس. وتاندىق جۋرناليستيكادا وزىندىك جولى بار، تاجىريبەسى بار تۇلعالار. نۇرتىلەۋ يمانعاليۇلى، دانا نۇرجىگىت، دارحان ابدىك، نۇرتورە ءجۇسىپ، ەلەنا ءابدىحالىقوۆا، ايمان مۇساحودجاەۆا، جۇسىپبەك قورعاسبەك، نۇركەن وتەۋىل، ايگۇل قوسانوۆا، فليۋرا مۋسينا سەكىلدى مايتالمان ماماندار باعدارلامالار تىزگىنىن ۇستايدى. سونىمەن قاتار، مادەنيەت، ادەبيەت، رۋحانيات سالاسىن جەتىك مەڭگەرگەن جاڭىل اسىلبەكوۆا جۇرتشىلىققا، شىعارماشىل ورتاعا «كەلبەت»، «سونبەس ساۋلە»، «جارقىن بەينە» اتتى باعدارلامالارىمەن جاقسى تانىس. «استانالىقتار»، «مادەنيەت جاۋھارلارى» سەكىلدى ءتۇرلى تەلەجوبالار اۆتورى اقىن، جۋرناليست گاۋھار تولەكباي، ساۋلە الدامۇراتقىزى كوپ جىل بويى وسى سالاعا ماماندانىپ جۇرگەن جۋرناليستەر. جۋىردا ونەر مەن مادەنيەت، ادەبيەت سالاسىنداعى تۇلعالاردىڭ باسىن قوسىپ، كوركەمدىك كەڭەس قۇرامىز دەگەن جوسپار بار. بۇدان سوڭ ەل ايتىپ جۇرگەندەي كۇدىك سەيىلگەندەي. سەبەبى، شىعارماشىلىق ۇجىم كاپيتاندار مىنگەن كەمەنى ەلەستەتكەندەي بولدى. ارنانىڭ عۇمىرى ۇزاق بولىپ، جاس جەتكىنشەكتەردىڭ عىلىمبىلىمگە، ونەرگە ۇيىسۋىنا مۇرىندىق بولعاي.

دايىنداعان اسىلان ءبىرجانۇلى 

«اق جەلكەن» جۋرنالى، №7
شىلدە، 2020


كەلۋ قاينارى: http://www.elarna.net/koru.php?tur=10&id=1228269

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


مادەنيەت جانە سپورت ۆيت 2 مينوت
قازاقستان سۋپەركۋبوگى م 2 مينوت
دانيار ەلەۋسىنوۆتىڭ كەل 2 مينوت
اقتوبە قالاسىندا سۋ دوب 2 مينوت
ەل تىرەگى – تاۋەلسىزدىك 7 مينوت
اقمولا وبلىسىندا مەكتەپ 11 مينوت
سەناتور كۇرىشباەۆ ساۋدا 14 مينوت
«شەيح كۋنتا قاجى» مەشىت 17 مينوت
ەرەۆاندا وپپوزيتسيونەرل 22 مينوت
قازاقستاندا وتباسىلاردى 26 مينوت
عابيدوللا ءابدىراحىموۆ 1 ساعات
قازاق حالقىنا مىڭ العىس 1 ساعات
«ورداباسى» ماۋسىمعا قال 1 ساعات
قاي سالادا جالاقى ءوستى 1 ساعات
شۆەيتساريادا ۆاكتسينا س 1 ساعات
پاتشايىم ەليزاۆەتا حالى 1 ساعات
باسپانا ماسەلەسى: المات 1 ساعات
الماتىدا پاتەردەن ءۇش ا 1 ساعات
مما: گەورگي كيچيگين ACA 1 ساعات
استانادا جىل سايىن 300- 1 ساعات
جاپسىرما قۇرىلىستىڭ جىر 1 ساعات
كوروناۆيرۋس: اتىراۋ وبل 1 ساعات
الماتىدا 452 كوپبالالى 1 ساعات
چەحيا كارانتيندى ناۋرىز 1 ساعات
جىل سايىن 300-دەن استام 1 ساعات
Covid-19: 253 ادامنىڭ ج 2 ساعات
نۇرقانات رايىس «ستراندج 2 ساعات
اقش رەسەيگە قارسى جاڭا 2 ساعات
تۇركىستان وبلىسى مەشىتت 2 ساعات
اتىراۋدا ىسىراپشىل ەمحا 2 ساعات