نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 12:00 - 2020/07/27

Нақты Көзі: http://zhasorken.kz/?p=33929


ەجەلگى گرەكيا جارتاستارىنىڭ بىرىنەن وسىدان بىرنەشە جىل بۇرىن «مىقتى، اقىلدى، ادەمى بولعىڭ كەلسە – جۇگىر!» دەگەن جازۋ تابىلعان.  جۇگىرۋدىڭ ادام اعزاسىنا تيگىزەر پايداسى زور. قازىرگى تاڭدا ەڭ تانىمال جاتتىعۋلاردىڭ ءبىرى – جۇگىرۋ.  ويتكەنى جۇگىرۋ ۇنەمدى جانە قولايلى سپورت ءتۇرى.  وعان ارنايى قۇرال-جابدىق قاجەت ەمەس. تەك قانا جۇگىرۋگە ارنالعان جاقسى اياق كيىم مەن جەر بولسا جەتكىلىكتى. الماتىدا بۇقارالىق سپورت تۇرلەرىنە، سونىڭ ىشىندە جۇگىرۋگە دەگەن قىزىعۋشىلىعى ارتىپ، حالىقتىڭ جاپپاي سالاۋاتتى ءومىر سالتىن ۇستانۋعا كوشكەنىن بايقاۋعا بولادى. مىسالى، سوڭعى جىلدارى «الماتى مارافونى» مىڭداعان ادامنىڭ باسىن قوساتىن سپورت پەن قايىرىمدىلىقتىڭ ۇلكەن مەرەكەسىنە اينالدى. مارافونعا قاتىسۋدىڭ پايداسى، وعان قالاي جانە قانداي ۋاقىتتا دايىندالۋ كەرەك، سونداي-اق، بۇل سپورت شاراسىنىڭ قالا ءۇشىن ماڭىزىدىلىعى تۋرالى ءبىلۋ ءۇشىن «الماتى مارافونىنىڭ» ديرەكتورى سالتانات قازىباەۆامەن تانىستىق. ول – ء«بىرىنشى بولۋ باتىلدىق» اتتى كورپوراتيۆ قورىنىڭ ديرەكتورى.  بۇل قور «الماتى مارافونى» جانە وزگە دە سپورتتىق ءىس-شارالاردى ۇيىمداستىرۋمەن اينالىسادى. سالتانات – حالىقارالىق بيزنەس ۋنيۆەرسيتەتىنىڭ «قوعاممەن بايلانىس»، بوستون ۋنيۆەرسيتەتىنىڭ «حالىقارالىق ماركەتينگ» ماماندىعى بويىنشا ماگيستراتۋرا باعدارلاماسىن بىتىرگەن. كەيىپكەرىمىز جۇگىرۋدىڭ  تەحنيكاسى مەن ەرەجەلەرى، مارافون ۇيىمداستىرۋدىڭ قىزىعى مەن قيىندىعى تۋرالى ايتىپ بەرەدى.

– مەنى اتا-انام بالا كەزدەن سپورتقا باۋلىپ ءوسىردى. مەكتەپتە باسكەتبول وينايتىنمىن، جۇزۋمەن جانە جۇگىرۋمەن اينالىساتىنمىن. ءوزىم سپورتقا جاقىن بولسام دا، ماماندىعىمدى بۇل سالامەن بايلانىستىرامىن دەپ ويلاماعانمىن.  World Class Almaty فيتنەس-كلۋبى ماعان سپورت الەمىنە ەسىك اشتى. مەن بۇل جەردە وقىعان ماماندىعىم بويىنشا ديرەكتوردىڭ ورىنباسارى  بولىپ جۇمىس ىستەي باستادىم. باسىندا جاتتىعۋ زالىنا بارىپ، كەيىن جاتتىعۋ زالى  مەنى پاۋەرليفتينگكە الىپ كەلدى. پاۋەرليفتينگپەن اۋەستەنىپ، ءتۇرلى جارىستا، قازاقستان، ازيا چەمپيوناتتارىندا ونەر كورسەتتىم. ول ۋاقىتتا بۇل سپورت تۇرىمەن اينالىساتىن قىزدار از ەدى.  ال بۇگىنگى تاڭدا پاۋەرليفتينگ ارۋلار اراسىندا دا تانىمالدىققا يە بولىپ جاتىر.  مەن بەلسەندى اۋەسقوي سپورتشىمىن، حالىقارالىق جارىستارعا قاتىسامىن. قازىرگى تاڭدا ترياتلون سپورتىمەن اينالىسامىن. ترياتلونعا قاتىسۋشىلار ءۇش بىرىنەن كەيىن ءبىرى، ءۇزىلىسسىز وتكىزىلەتىن ءجۇزۋ، ۆەلوجارىس جانە جۇگىرۋ كەزەڭدەرىنەن وتەدى. بۇل مارافوندىق ديستانتسيا:  4 كم ءجۇزۋ، 180 كم ۆەلوجارىس جانە 42 كم جۇگىرۋ بولىمىنەن تۇرادى. قازاقستاندا اۋەسقوي سپورتشى قىزدار اراسىندا مارافون جانە پاۋەرليفتينگ بويىنشا ەڭ ۇزدىك كورسەتكىش مەندە دەپ ماقتانىش سەزىممەن ايتا الامىن. ال جوبالارعا كەلەتىن بولسام، «الماتى مارافونىن» ەرەكشە جاقسى كورەمىن، دەيدى سالتانات.

«الماتى مارافونى» –  قايىرىمدىلىق جوبا. ءبىز مۇگەدەكتىگى بار جاندار مەن ەرەكشە قاجەتتىلىگى بار بالالارعا كومەكتەسەمىز. مارافونعا تىركەلە وتىرىپ، قاتىسۋشى جارنا تولەيدى. جىل سايىن ءبىز قايىرىمدىلىق ماقساتىن تاڭداپ الىپ، سپورتتىق جابدىقتاردى ساتىپ الامىز. بۇل بالالاردى وڭالتۋعا كومەكتەسەدى.

«الماتى مارافونىن» جاساۋ يدەياسى قالاي كەلدى؟ ءبىز 2012 جىلى World Class Almaty فيتنەس-كلۋبىنىڭ ءبىر جىلدىعىنا الماتى تۇرعىندارىن جيناپ، سپورت مەرەكەسىن جاساعىمىز كەلدى. الماتىنىڭ ءوز مارافونى بولسا ەكەن دەپ ارماندادىق. يدەيا ءساۋىر ايىندا كەلدى، ال ءبىرىنشى مارافون 27 مامىردا وتكىزىلدى. حالىق قالاي قابىلدايدى دەگەن قورقىنىشتىڭ بولعانى جاسىرىن ەمەس. ستارتتا 500 قاتىسۋشى كورۋدى جوسپارلاپ ەدىك، الايدا 2500-دەن اسا قاتىسۋشى كەلدى. شىنى كەرەك، وسىنشاما قاتىسۋشىنىڭ كەلگەنى ءبىزدى تاڭعالدىردى. سپورتتىق شارانى  قالا باسشىلىعى مەن اكىمشىلىگى دە قۇپتادى، دەمەۋشىلەر قولداۋ كورسەتتى. ەڭ باستىسى،  قالا تۇرعىندارى ريزا بولدى. ال بۇگىن «الماتى مارافونى» قالانىڭ سپورت مەرەكەسىنە اينالدى. ءبىزدىڭ جوبامىز اۋەسقويلار اراسىندا بۇقارالىق سپورتتى ناسيحاتتاۋعا باعىتتالعان. جىلىنا 20-دان استام ستارت وتەدى.  مارافونعا قاتىسۋشىلاردىڭ سانى ارتتى، مىسالى، سوڭعى وتكىزىلگەن مارافوندارىمىزدا 17 000 قاتىسۋشى بولدى. مارافون الدىندا كوپ جۇمىس اتقارىلادى. ەڭ الدىمەن قاۋىپسىزدىك ەرەجەسى ساقتالادى. جۇگىرۋگە ىڭعايلى جول مەن تراسسا تەكسەرىلەدى. ءبىز ادامداردىڭ دەنساۋلىعى مەن قاۋىپسىزدىگىنە جاۋاپكەرشىلىپەن قاراۋىمىز قاجەت. سوندىقتان مارافون بولاتىن جەردە مىندەتتى تۇردە توتەنشە جاعدايلار دەپارتامەنتىنىڭ قىزمەتكەرلەرى، جەدەل جاردەم، پوليتسيا بولادى. سونداي-اق، قالانىڭ كوممۋنالدىق قىزمەتتەرى (دارەتحانالار، گيگيەنالىق تازالىق بۇرىشتارى)، ەرىكتىلەر ۇلەس قوسادى. جىل سايىن مارافوندى قىزىق ەتىپ وتكىزۋگە تىرىسامىز. قاتىسۋشىلاردىڭ تالاپ-تىلەكتەرىنە قۇلاق اسامىز. ەگەر ءسىز مارافونعا قاتىسقىڭىز كەلسە، بىرىنشىدەن، ماقساتىڭىز بولۋ كەرەك. نە ءۇشىن قاتىسىپ جاتىرسىز؟ ءبىر رەت قاتىسىپ، كەيىن سپورتتى تاستاپ كەتۋ – ۇلكەن قاتەلىك. جۇگىرمەسەڭىز دە، جاتتىعۋ جاساپ تۇرۋىڭىز كەرەك. جۇگىرۋ وڭاي سپورت ءتۇرى بولىپ كورىنگەنىمەن، ونىڭ دا وزىندىك ەرەجەلەرى بار. الدىمەن ماماننان كونسۋلتاتسيا العان دۇرىس نەمەسە عالامتوردان وقىپ الۋ كەرەك. سونىمەن قاتار، مەديتسينالىق كەڭەس تە ارتىق ەتپەيدى»، – دەيدى مارافون ۇيىمداستىرۋشىسى.

جۇگىرۋ مەن ءجۇرۋدىڭ پايداسى

– جۇگىرۋ سپورتىن اركىم ءارتۇرلى قابىلدايدى. بىرەۋ ءۇشىن دەنساۋلىقتى ساقتاۋدىڭ ءتاسىلى بولۋى مۇمكىن. كەيبىر ادامدار مەديتاتسيا ءۇشىن جۇگىرەدى. ارتىق سالماقتان ارىلۋ ءۇشىن دە جۇگىرەتىندەر بار ەكەنىن بىلەمىز. اركىم جۇگىرۋدەن وزىنە قاجەتتى موتيۆاتسياسىن الادى. تاڭەرتەڭ نەمەسە كەشكى 20.00-دەن كەيىن جۇگىرۋ كەرەك. ساياباقتا، ستاديوندا جۇگىرگەن قولايلى. مەن تاڭەرتەڭ 5:30-دا تۇرىپ جۇگىرەمىن.  ەگەر ءسىزدىڭ رەجيمىڭىز دۇرىس بولماسا، ءبىرىنشى اي ەرتە تۇرۋ قيىندىق تۋعىزۋى مۇمكىن، الايدا ونىڭ اعزاعا پايداسى زور.  مۇنداي رەجيمگە ۇيرەنگەن سوڭ، ەرتە جاتاتىن بولاسىز. دەنەنىڭ تۇندە قالپىنا كەلۋى وتە ماڭىزدى. جۇگىرۋدى بيۋدجەتتىك سپورت تۇرلەرىنىڭ ءبىرى دەپ ساناۋعا بولادى: تەك اياق كيىم مەن تالپىنىس كەرەك. مەن جاتتىعۋدى جۇگىرۋ كلۋبىندا نەمەسە جەكە جاتتىقتىرۋشىمەن باستاۋدى ۇسىنامىن.  بۇل جوعارى ناتيجەلەرگە قول جەتكىزۋگە جانە دەنساۋلىقتى ساقتاۋعا كومەكتەسەدى، سەبەبى دۇرىس ەمەس جۇگىرۋ تەحنيكاسى وتە كوپ زيان كەلتىرۋى مۇمكىن. ءاربىر ادام راتسيوندى ءوزى جاسايدى. كەيبىرەۋلەر تاڭەرتەڭ سۇلى جەيدى، ال كەيبىرەۋلەرى تەك سۋ ءىشىپ، تاڭعى اس ىشپەۋى مۇمكىن. مەن تاڭەرتەڭگى جۇگىرۋگە شىعار الدىندا ءبىر ستاكان سۋ ءىشىپ، ءبىر قاسىق بال جەيمىن. ەڭ باستىسى – جۇگىرۋ الدىندا مايلى جانە قۋىرىلعان تاماق جەمەۋ كەرەك. اكەمنىڭ ماماندىعى – حيرۋرگ.  اكەمدى ۇلگى تۇتامىن. 53 جاسىندا 5000 جاننىڭ ءومىرىن ساقتاپ، 30 000 اسا ومىرلىك ماڭىزى بار وتالاردى جاسادى. اكەم ادام رەتىندە تەك وتباسىندا عانا ەمەس، قوعامدا دا ورنى بار ادام. سپورت ارقىلى قالا تۇرعىندارىنا پايدالى، يگى ءىس جاساپ مەن دە قوعامدا ءوز ورنىمدى قالدىرعىم كەلەدى.  ادامدار سپورت سالاسىن دامىتۋدى قالايدى. ال ءبىز حالىقتىڭ قالاۋىن ورىندايمىز.  «سالاۋاتتى قازاقستان» اتانۋىمىز ءۇشىن ءارقايسىمىز وزىمىزدەن باستاپ، بالالارعا دا سپورت مادەنيەتىن ۇيرەتۋىمىز كەرەك»، –  دەپ كەڭەس ايتادى مارافونشى.

اقەركە قاسىمبەكقىزى،
«ۇلاننىڭ» جاس ءتىلىشىسى.
الماتى قالاسى


كەلۋ قاينارى: http://www.elarna.net/koru.php?tur=10&id=1228201

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


وسەك - اياڭ شينجياڭنىڭ 14 مينوت
مامىتبەك قالدىباي | ادە 14 مينوت
تۇركىستان وبلىسىندا شەن 23 مينوت
شينجياڭدى بىلىقتىرۋعا ۇ 1 ساعات
سماعۇل ەلۋباي | ادەبيە 1 ساعات
پاۆەل كولماكوۆ: جىلدار 1 ساعات
فۋتزال: قازاقستان سىرت 1 ساعات
ءارقانداي جالا جابۋ شين 1 ساعات
”زولوتوە دنو”. لۋكاشەنك 1 ساعات
يندونەزيا جاعالاۋىندا 5 1 ساعات
ەلەنا رىباكينا دۋبايداع 1 ساعات
بۇگىنگى شينجياڭ باسقالا 1 ساعات
تۇركىستان وبلىسى بادام 1 ساعات
تۇركىستان وبلىسى بادام 1 ساعات
باتىر جۇكەمباەۆ الەم چە 2 ساعات
ءارقانداي ءبۇلدىرۋ ارەك 2 ساعات
قازاقستان سۋپەركۋبوگى ف 2 ساعات
الماتىنىڭ ەكى اۋدانىندا 2 ساعات
وسەك - اياڭ شينجياڭنىڭ 2 ساعات
تۇركىستاندا ۇشەم دۇنيەگ 2 ساعات
اقتوبە وبلىسىندا تاعى ء 2 ساعات
ەردوگان وپوزدال نا ناما 2 ساعات
«قايرات» ويىنشىلارى حال 2 ساعات
فۋتبول: «قايساردىڭ» قۇر 2 ساعات
ەلەكتروندى ساۋدا-ساتتىق 2 ساعات
قحل: «بارىس» «مەتاللۋرگ 3 ساعات
جانقوش تۇراروۆ تيتۋلدى 3 ساعات
ۆەتەرينارلار ازاماتتىق 3 ساعات
قازاقستاننىڭ فۋتزالدان 3 ساعات
فيفا تورەشىسى ليليا حاس 3 ساعات