نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 01:00 - 2020/07/26

Нақты Көзі: http://zhasorken.kz/?p=33924


جاسوسپىرىمدەر اراسىندا بوكسشى تالعات شايكەندى بىلمەيتىندەر كەمدە-كەم. جاقىندا ول كاسىپقوي بوكسقا اۋىستى. جاسوسپىرىمدەر وليمپياداسىنىڭ كۇمىس جۇلدەگەرى، 2018 جىلعى جاستار اراسىنداعى ازيا چەمپيونى اتانعان بوكسشى
تايسون فيۋري، بيللي دجو سوندەرس سىندى بوكس جۇلدىزدارى بار بريتاندىق MTK Global مەنەدجەرلىك كومپانياسىمەن كەلىسىمشارتقا وتىردى. دەبيۋتتىك
جەكپە-جەگىن ەلىمىزدە وتكىزەتىن تالعاتپەن اڭگىمەلەسۋدىڭ ءساتى ءتۇستى.

19 جاستاعى سپورتشى توكيو وليمپياداسىنا جولداما الا الماعان سوڭ ۋاقىت
سوزباي كاسىپقوي بوكسقا اۋىسىپ، كاسىپقوي بوكستىڭ شىڭىن باعىندىرۋدى كوزدەيدى.

– ماعان جاسوسپىرىمدەر اراسىنداعى وليمپيادا ويىندارىنان كەيىن كاسىپقوي بوكسقا اۋىسۋ تۋرالى ۇسىنىس ءتۇستى. ءبىراق نەگىزگى ماقساتىم وليمپيادا ويىندارىنا ليتسەنزيا الىپ، توكيو تورىندە توپ جارۋ ەدى. ليتسەنزيالىق الەم چەمپيوناتىنا قاتىسپاعاندىقتان، كاسىپقوي بوكسقا اۋىسۋ تۋرالى شەشىم قابىلدادىم. اتا-انام- مەن، باپكەرلەرىممەن اقىلداسىپ، MTK Global  مەنەدجەرلىك كومپانياسىنىڭ ۇسىنىسىن قابىلدادىق. ەندىگى جوسپارىمىز –
كاسىپقوي بوكستىڭ ەڭ بيىك شىڭىنا جەتىپ، بيىك بەلەستەرىن باعىندىرۋ.

تالعات باسقا بوكسشىلار سياقتى مۇحيت اسىپ، كاسىپقوي بوكستىڭ وتانى  سانالاتىن امەريكاعا اتتانبادى. ويتكەنى ونىڭ شەبەرلىگىنە، قايسارلىعىنا تاڭداي قاققان الەمدەگى ەڭ ۇزدىك مەنەدجەرلىك كومپانيانىڭ ءوزى ۇسىنىس جاسادى.

– MTK Global الەم بوكسىنداعى ۇزدىك مەنەدجەرلىك كومپانيا ەكەنىن ءبارى بىلەدى. الەمنىڭ ەڭ ۇزدىك بوكسشىلارى سانالاتىن تايسون فيۋري، بيللي دجو سوندەرس تە وسى كومپانيانىڭ تۇتىنۋشىلارى. ودان بولەك، جانقوش تۇراروۆ اعامىز  باستاعان ءبىراز قازاقستاندىق بوكسشىمەن دە جۇمىس ىستەيدى. جالپى MTK Global بوكسشىلار ءۇشىن بار جاعدايدى جاساپ، ۇلكەن جەكپە-جەكتەردى ۇيىمداستىرىپ جاتىر. سونداي-اق پروموۋتەرلىك كومپانيانىڭ ۇيىمداستىرعان بوكس كەشتەرىن ايگىلى ESPN ارناسى تىكەلەي ەفيردە كورسەتەدى. ەگەردە جاقسى ونەر كورسەتسەم، Top Rank، Golden Boy سىندى پروموۋتەرلىك كومپانيالار  ۇسىنىس جاسايدى.

تالعات دەبيۋتتىك جەكپە-جەگىن MTK Global پروموۋتەرلىك كومپاننياسىنىڭ قازاقستانداعى  فيليالى ۇيىمداستىرعان بوكس كەشىندە وتكىزەدى. 18 شىلدە كۇنى  الماتى قالاسىندا جوسپارلانعان تۋرنيردە ول وتانداسىمەن جۇدىرىقتاسادى. العاشقى جەكپە-جەگىندە قازاق بوكسشىسىمەن كەزدەسۋ تالعات ءۇشىن ازداپ قيىندىق تۋدىراتىنى انىق.

– ارينە، العاشقى جەكپەجەگىڭدە وتانداسىڭمەن جۇدىرىقتاسۋ وڭاي بولماس. بۇل رەتتە سپورتشىلاردىڭ ەش كىناسى جوق. كوروناۆيرۋس پاندەمياسىنا  بايلانىستى وزگە ەلدەردىڭ سپورتشىلارىمەن جەكپە-جەك وتكىزۋ مۇمكىن ەمەس. سوندىقتان قازاق باۋىرلارىمىزبەن جۇدىرىقتاسۋعا تۋرا كەپ تۇر. شىنى كەرەك، دەبيۋتىمدى وزگە ەلدە وتكىزگىم كەلدى.

شارشى الاڭدا قارسىلاستارىن تالاي رەت سۇلاتقان تالعات 2018 جىلى جاستار اراسىندا  ازيا چەمپيونى اتانىپ، جاسوسپىرىمدەر اراسىنداعى وليمپيادا ويىندارىنىڭ كۇمىس مەدالىن يەلەندى. بۇل ونىڭ سپورتتىق مانسابىنداعى ەڭ ۇلكەن جەتىستىكتەرىنىڭ ءبىرى. سونداي-اق ەرەسەكتەر ساپىنا  اۋىسا سالا، ءبىرقاتار ءىرى تۋرنيردە مىقتىلىعىن كورسەتتى.

– اللاعا شۇكىر، وسى ۋاقىتقا دەيىن اۋەسقوي بوكستا ءبىراز جەتىستىككە جەتتىم. 2018 جىلى جاستار اراسىندا ازيا چەمپيوناتىندا توپ جارىپ، كوك تۋىمىزدى جەلبىرەتىپ، ءانۇرانىمىزدى شىرقاتقان ءسات ءالى ەسىمدە. ءدال وسى جىلى ارگەنتينادا جاسوسپىرىمدەر اراسىندا وتكەن وليمپيادا ويىندارىندا دا ۇزدىكتەر قاتارىنان كورىندىم.

فينالعا دەيىنگى قارسىلاستارىمدى ۋاقىتىنان بۇرىن ۇتىپ، فينالدا تورەشىلەردىڭ بارماق باستى، كوز قىستى ارەكەتىنىڭ قۇربانى بولدىم. اقتىق سىنداعى قارسىلاسىم، رەسەيلىك يليا پوپوۆپەن ءۇشىنشى مارتە فينالدا جولىقتىق. تورەشىلەر ءۇشىنشى رەت جەڭىسىمدى تارتىپ الدى. ال ەرەسەكتەر اراسىنداعى العاشقى جارىسىمدى 2019 جىلى قازاقستان سپارتاكياداسىندا وتكىزىپ، جەڭىمپاز اتاندىم. «قر پرەزيدەنتىنىڭ كۋبوگى» حالىقارالىق ءتۋرنيرىنىڭ فينالىندا ابىلايحان جۇسىپوۆكە ەسە جىبەردىم. جەڭىسكە جەتۋگە ازداپ تاجىريبە جەتىسپەدى. دەگەنمەن ابىلايحان دا مىقتى بوكسشى.

تالعاتتىڭ دا ۇلگى تۇتار بوكسشىلارى بار. سولارعا قاراپ بوي تۇزەپ، سولاردىڭ
جەتىستىكتەرىنە جەتۋدى ارماندايدى.

– كەز كەلگەن سپورتشىنىڭ ۇلگى تۇتار تۇلعاسى بولادى. ماعان سەرىك ساپيەۆ پەن ۋكراينالىق ۆاسيلي لوماچەنكو ۇنايدى. سەرىك اعامىز اۋەسقوي بوكسشىلاردىڭ ىشىندە شوقتىعى بيىك، وزىندىك ءستيلى بار سپورتشى. ەكى دۇركىن وليمپيادا چەمپيونى اتانعان ۆاسيلي لوماچەنكونىڭ دا كاسىپقوي بوكستاعى ءستيلى ەرەكشە. شارشى الاڭداعى قيمىل-قوزعالىسى مەن شاپشاڭدىعى كوز ىلەستىرمەيدى. از ۋاقىتتىڭ ىشىندە چەمپيوندىق اتاقتارعا قول جەتكىزىپ، تەڭدەسى جوق ەكەنىن كورسەتتى. بۇيىرتسا، وسىلاردىڭ دەڭگەيىنە جەتىپ، ولار جەتپەگەن جەتىستىككە جەتۋ ءۇشىن بارىمدى سالامىن. ماعان سەنىم ارتقان اتا-انامنىڭ، باپكەرىمنىڭ جانە بارلىق جانكۇيەرلەردىڭ ءۇمىتىن اقتايمىن.

ايتپاقشى، تالعات اقمولا وبلىسىنىڭ كوكشەتاۋ قالاسىندا دۇنيەگە كەلگەن. بوكس ۇيىرمەسىنە اعاسى ەرتىپ اپارعان. ءقازىر ىنىلەرى دە بىلعارى قولعاپتى سەرىك ەتكەن ەكەن.

– كوكشەتاۋ قالاسىندا ءتۋىپوستىم. اكەمنىڭ ەسىمى – امانجول، انام – نۋرگيزا. راحات ەسىمدى اعام، سايات ەسىمدى ءىنىم بار. راحات اعام ون جاسىمدا بوكس ۇيىرمەسىنە ەرتىپ اپاردى. ءقازىر ءىنىم دە بوكسپەن اينالىسىپ، اجەپتەۋىر ناتيجەگە قول جەتكىزىپ ءجۇر.

تالعاتتىڭ العا قويعان ماقساتى ايقىن، ارمانى اسقاق. كاسىپقوي بوكستان الەم چەمپيونى اتانىپ، بارلىق بەلبەۋدىڭ يەگەرى اتانۋدى كوزدەيتىن بوكسشىنىڭ ايدارىنان جەل ەسە بەرسىن دەيمىز.

داۋرەن تۇلكىباي

«اق جەلكەن» جۋرنالى، №7
شىلدە، 2020


كەلۋ قاينارى: http://www.elarna.net/koru.php?tur=10&id=1227775

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باتىر جۇكەمباەۆ الەم چە 4 مينوت
ءارقانداي ءبۇلدىرۋ ارەك 4 مينوت
قازاقستان سۋپەركۋبوگى ف 14 مينوت
الماتىنىڭ ەكى اۋدانىندا 23 مينوت
وسەك - اياڭ شينجياڭنىڭ 24 مينوت
تۇركىستاندا ۇشەم دۇنيەگ 1 ساعات
اقتوبە وبلىسىندا تاعى ء 1 ساعات
ەردوگان وپوزدال نا ناما 1 ساعات
«قايرات» ويىنشىلارى حال 1 ساعات
فۋتبول: «قايساردىڭ» قۇر 1 ساعات
ەلەكتروندى ساۋدا-ساتتىق 1 ساعات
قحل: «بارىس» «مەتاللۋرگ 1 ساعات
جانقوش تۇراروۆ تيتۋلدى 1 ساعات
ۆەتەرينارلار ازاماتتىق 1 ساعات
قازاقستاننىڭ فۋتزالدان 2 ساعات
فيفا تورەشىسى ليليا حاس 2 ساعات
ۆەتنامدا حالىقتى جاپپاي 2 ساعات
اقش-تا فلويدتىڭ ولىمىنە 2 ساعات
مەملەكەتتىك قىزمەتتە اي 2 ساعات
شىعىس قازاقستاندا ەكى ج 2 ساعات
حوككەي. قحل: «بارىس» «م 2 ساعات
مەملەكەتتىك قىزمەتتە اي 2 ساعات
پاندەميا گۇل نارىعىنا ا 3 ساعات
يۋليا گالىشەۆا الەم چەم 3 ساعات
الماتىدا فريستايل موگۋل 3 ساعات
قاسىم-جومارت توقاەۆتىڭ 3 ساعات
گرۋزيادا ازىق-تۇلىك باع 3 ساعات
تەننيس: الەكساندر بۋبلي 3 ساعات
وپەك+ كۇتپەگەن شەشىم شى 3 ساعات
«بارىس» «مەتاللۋرگكە» ق 4 ساعات