نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 19:20 - 2020/07/19

Нақты Көзі: http://zhasorken.kz/?p=33870


ەكىنشى دۇنيەجۇزىلىك سوعىس كەزىندە عالىمدار راداردىڭ جاڭا ءتۇرىن ويلاپ تابۋ ماقساتىندا جۇرگىزگەن تاجىريبەلەرىنىڭ بىرىندە ەلەكتر قىسقا تولقىندارىنىڭ سۋ مولەكۋلالارىن وتە جىلدام قوزعالىسقا تۇسىرەتىنىن انىقتاعان. وسى تاجىريبە نەگىزىندە بۇگىنگى كۇنى كەز كەلگەن وتباسىنىڭ اس ۇيىنەن تابىلاتىن قىسقا تولقىندى پەشتەر پايدا بولدى. ەستەرىڭىزدە بولسا، بۇل قۇرىلعىلار العاش ەلىمىزگە كەلە باستاعان كەزدە ارتىنان كوپ «اڭىز» ەردى. ءتۇرلى اڭگىمە ءالى كۇنگە دەيىن ايتىلادى.

ال بۇگىنگى كۇننىڭ باستى جاڭالىعى مەن اڭىزى 5G ينتەرنەت بولىپ وتىر. 2018 جىلدارى قولعا الىنىپ، تۇڭعىش سىناعى گااگا قالاسىندا ءوتتى. سول جىلى وسى قالا ساياباقتارىنىڭ بىرىندە ءۇش جۇزگە تارتا قاراتورعاي قىرىلىپ قالعان. سوڭعى ۇلگىدەگى ينتەرنەتتىڭ سوڭىنان تۇڭعىش «اڭىز» وسىلاي ەرگەن ەدى. بۇل جاعدايدان كەيىن سىبىستار باسىلدى دا، يلون ماسكتىڭ بۇكىل پلانەتانى ينتەرنەتپەن قامتاماسىز ەتەمىن دەگەن يدەياسىنان كەيىن قايتا باستالدى. ونىڭ سپۋتنيكتەرىنە بايلانىستى الەم ەكى ءتۇرلى كوزقاراسقا ءبولىندى. ءبىرى زيانى جوق دەسە، ەكىنشىلەرى قازىرگى كوروناۆيرۋس پاندەمياسىنا ماسك سپۋتنيكتەرىن كىنالاپ جاتتى. جالپى بۇل ۆيرۋستىڭ تارالۋىنا 5G ينتەرنەتتى دە كىنالاپ جاتقاندار از ەمەس. ءتىپتى ەلىمىزدىڭ وزىندە «Whatsapp» جەلىسى ارقىلى 5G ينتەرنەت باعانىنىڭ كوروناۆيرۋس تاراتىپ جاتقانى تۋرالى بەينەلەر تاراپ كەتتى. ال بۇل اقپاراتتىڭ ارعى تەگىندە قىتايدا ورناتىلىپ، ىسكە قوسىلعان 5G ينتەرنەت باعاندارى جاتىر. 2019 جىلى كوروناۆيرۋس بەلگىلەرى قىتاي ازاماتتارىنان العاش انىقتالاردان بىرنەشە اپتا بۇرىن، ءدال ۋحان قالاسىندا 5G ينتەرنەت باعاندارى ىسكە قوسىلعان ەدى.

بۇل ەكى وقيعانىڭ بىر-بىرىمەن بايلانىسى بار ما؟ 5G ينتەرنەت ۆيرۋس تاراتىپ، ادامداردىڭ تەمپەراتۋراسىنىڭ كوتەرىلىپ، يممۋنيتەتىنىڭ السىرەۋىنە اسەر ەتە مە؟ وسى ينتەرنەتتىڭ قوسىلۋى ناتيجەسىندە قۇستاردىڭ قىرىلعانى شىندىققا جاناسا ما؟ ءبارىن باسىنان باستايىق.

گااگا قالاسىندا جاپپاي قاراتورعايلاردىڭ قىرىلۋى 2018 جىلدىڭ كۇز ايلارىندا بولعان وقيعا. ال بۇل قالاداعى سىناقتىق 5G ينتەرنەت باعاندارى جازدىڭ العاشقى ايلارىندا 2-اق كۇنگە قوسىلعان بولاتىن. بۇعان قوسا، قاراتورعايلار قىرىلعان ساياباق قىزمەتكەرلەرى ولگەن قۇستاردى زەرتتەي كەلە، ولاردىڭ تاعامنان ۋلانعانىن انىقتاعان. وسىعان بايلانىستى، ساياباقتا قۇستارعا جەم شاشۋعا، وندا يتتەر مەن باسقا دا ءۇي جانۋارلارىمەن سەيىل قۇرۋعا تىيىم سالىندى.

ەندى 5G ينتەرنەتتىڭ اۋرۋ، ۆيرۋس تاراتۋ قابىلەتىنە توقتالا كەتسەك. جالپى 5G ينتەرنەت تە وزىنەن الدىڭعى 4G، 3G، 2G ينتەرنەت تاراتۋ قۇرىلعىسى ىسپەتتى. ياعني ەلەكتروتولقىن تاراتۋ پروتسەسى وزگەرگەن جوق. تەك بۇل تولقىندار ءبىرشاما كۇشەيتىلدى. سونىمەن قاتار دۇنيەجۇزىلىك دەنساۋلىق ساقتاۋ ۇيىمى: «ەلەكتروماگنيتتى ساۋلەلەنۋ ارقىلى ۆيرۋس تارالۋى مۇمكىن ەمەس»، – دەپ رەسمي مالىمدەگەن. بۇل بارلىق ۆيرۋس تۇرىنە، ءتىپتى كوروناۆيرۋسقا دا قاتىستى.

ال ۋحان قالاسىنداعى 5G ينتەرنەت باعاندارىنىڭ ىسكە قوسىلىپ، بىرنەشە اپتادان كەيىن ۆيرۋستىڭ شىعۋىن سايكەستىك نەمەسە ادامداردىڭ ماگيالىق ويلاۋ جۇيەسىنىڭ ناتيجەسى دەۋگە بولادى. تاعى ءبىر ايتا كەتەرلىگى، 2019 جىلعا دەيىن 5G ينتەرنەت الەمنىڭ 25-كە تارتا ەلىندە ىسكە قوسىلدى دەسەك، الەمنىڭ باسقا ەشبىر ەلىندە «ۆيرۋس» پايدا بولعان جوق.

ال قازاقستانداعى 5G ينتەرنەت 2019 جىلدىڭ ورتا شەنىندە سىناقتان وتكەن بولاتىن. ال بۇل سىناقتار وڭ ناتيجە بەردى. ەشقانداي توتەنشە جاعداي بولعان جوق. مەملەكەت 2021 جىلدىڭ سوڭىنا دەيىن حالىقتىڭ 97 پايىزىن وسى ينتەرنەتپەن قامتاماسىز ەتۋدى كوزدەپ وتىر.

5G ينتەرنەتتىڭ يممۋنيتەتتى السىرەتۋى تۋراسىندا ايتار بولساق، ۇيالى جانە ينتەرنەت جەلىلەرىنىڭ بەلگىلى ءبىر اۋرۋ تۋدىرۋى دالەلدەنگەن ەمەس. دۇنيەجۇزىلىك دەنساۋلىق ساقتاۋ ۇيىمىنىڭ 2014 جىلعى جاساعان مالىمدەمەسىنە سەنەر بولسا، ۇيالى تەلەفوندار مەن ينتەرنەت جەلىلەرىنىڭ دەنساۋلىققا كەرى اسەرى بايقالماعان. بۇل جەردە ءبىز ۇيالى تەلەفون مەن ينتەرنەتتى تىم ۇزاق، شامادان تىس پايدالانۋ تۋرالى ايتىپ وتىرعامىز جوق.

قالاي دەگەندە دە ەلەكتروماگنيتتىك تولقىندار، ينتەرنەت جەلىلەرىن سىمسىز تاراتاتىن تولقىندار ادامعا زيان ەكەنىن ايتۋ كەرەك. مىسالى، رەنتگەن ساۋلەسىن الىپ قارايىق. ونىڭ مولشەرى تىم جوعارى. ۇزاق، ءجيى پايدالانۋ ادامنىڭ دنق-سىنىڭ ىدىراپ، مۋتاتسياعا ۇشىراۋىنا الىپ كەلەدى. ادام اعزاسىندا وسىنداي وزگەرىستەر تۋعىزاتىن ساۋلەلەر – راديواكتيۆتى ساۋلەلەر. ال ينتەرنەت جەلىسىن سىمسىز تاراتۋدىڭ دا ءدال وسىنداي ساۋلە ەكەنىن ايتىپ كەتكەن ءجون. تەك بۇل ساۋلەلەر وتە تومەن دەڭگەيدە. ادام اعزاسىنا كەرى اسەر ەتپەيتىن ساۋلەلەنۋ مولشەرى بەلگىلەنگەن. 3 كگتس-تەن 300 گگتس-كە دەيىنگى ارالىق. ال 5G ينتەرنەت جەلىسى وسى نورماعا سايكەس كەلمەيتىن بولسا، وندا الەمنىڭ ەشبىر ەلىندە ورناتۋعا رۇقسات جوق. ءبىراق بۇل جەلى بۇگىنگى كۇنى الەمنىڭ 25-تەن اسا مەملەكەتىندە جۇمىس ىستەپ تۇر.

قورىتىندىلاي كەلگەندە، 5G ينتەرنەت جەلىسىنىڭ زياندىعى دالەلدەنبەگەن. ال بۇل جەلىنىڭ ورناتىلۋى الەمدىك تەحنولوگيالىق دامۋعا ۇلكەن سەرپىن بولار ەدى. مىسالى، بۇل جەلى ارقىلى VR تەحنولوگيا وتە قارقىندى دامىپ، 3D تەلەۆيدەنيە ىسكە قوسىلۋى مۇمكىن. بۇگىنگى جۇرگىزۋشىسىز اۆتوكولىكتەر بولسا دا، جولدا كوپ كەزدەسپەۋىنىڭ سەبەبىن عالىمدار ينتەرنەت جەلىسىنىڭ ناشارلىعىنان دەپ وتىر. ال 5G ينتەرنەت جەلىسى ارقىلى بۇل ماسەلە شەشىلەر ەدى.

ياعني تۇتاس الەمدە 5G ينتەرنەتى قولدانىلاتىن جانە جالپىعا قولجەتىمدى بولسا، عىلىمنىڭ فانتاستيكالىق فيلمدەردە عانا كورەتىن جەتىستىكتەرىنە كوز جەتكىزە الار ەدىڭىز.

تولباسى

«اق جەلكەن» جۋرنالى، №7
شىلدە، 2020


كەلۋ قاينارى: http://www.elarna.net/koru.php?tur=10&id=1223412

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ەلىمىزدە 672 ادام كورون 1 مينوت
وتكەن تاۋلىكتە 568 ادام 2 مينوت
قىزىلوردادا انالاردان ق 21 مينوت
لا ليگا: 26-تۋر. «بارسە 21 مينوت
قاراعاندىدا تۇرمەدە جاز 28 مينوت
قانداي قيىن ۋاقىتتا دا 1 ساعات
568 ادام كوروناۆيرۋس ين 1 ساعات
ايجان پايشانوۆا: كوپ با 1 ساعات
7 ناۋرىز. تۋعان كۇن يەل 1 ساعات
قازاقستاندا وتكەن تاۋلى 1 ساعات
7 ناۋرىز. قازاقپارات كۇ 2 ساعات
شورت-ترەكتەن الەم چەمپي 3 ساعات
«جەتى كۇن». 06.03.2021 3 ساعات
«دالا battle» 8-شىعارىل 3 ساعات
قازگيدرومەت: ناۋرىزدىڭ 3 ساعات
پەلە ءىزىن كىم باساتىنى 3 ساعات
ياكوب فۋلسانگ «سترادە ب 4 ساعات
جامبىل وبلىسىنداعى اۋىل 4 ساعات
ازات نۇرعاليەۆ قازاقستا 4 ساعات
افريكاداعى مالي ەلىنە 4 5 ساعات
قوستاناي وبلىسىنداعى جو 5 ساعات
«چايكا» «تورپەدونى» جەڭ 5 ساعات
دميتري شومكو «روتور» سا 6 ساعات
مەرەكە قارساڭىندا ەرىكت 6 ساعات
قازاقستاندىق 12 جاسار ء 6 ساعات
«بارىس» - «مەتاللۋرگ» م 6 ساعات
جانساي سماعۇلوۆ «گراند- 7 ساعات
قاراعاندى وبلىسىنداعى ج 7 ساعات
ابات ايىمبەتوۆ «كرىليا 7 ساعات
الماتىدا بالالار جازۋشى 8 ساعات