ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 01:20 - 2020/05/22

Нақты Көзі: http://zhasorken.kz/?p=33537


ادەتتە قىزداردىڭ يۋتۋبتاعى ۆلوگتارىنىڭ باسىم كوپشىلىگى سانگە، سۇلۋلىققا، فيتنەسكە ارنالىپ جاتادى. ال عىلىم سالاسىندا يۋتۋبەر بولعانىن ءجيى كەزدەستىرە بەرمەيمىز. ال بۇگىنگى كەيىپكەرىمىز ديانا كوۋەرن – اقش-تاعى تانىمال بلوگەرلەردىڭ ءبىرى. YouTube جەلىسىندەگى Physics Girl ارناسىندا ميلليوننان استام جازىلۋشىسى بار. ءبىز بۇگىن قازاق بالاسىنا ونىڭ عىلىمدى قالاي بيزنەسكە اينالدىرعانىن ءارى بۇل سالادان ءوز ورنىن قالاي تاپقانىن ايتىپ بەرمەكپىز.

عىلىمعا كەلۋ جولى

كوۋەرن گاۆايدا دۇنيەگە كەلگەن. بالالىق شاعىن فەرمادا وتكىزگەن. كىشكەنتاي كەزىندە اكەسىمەن بىرگە تراكتوردى ءتۇرتىپ، جوندەيتىن بولعان. ديانا 5-سىنىپ وقىپ جۇرگەندە وقۋلىق مۇقاباسىنىڭ سۋرەتىن سالۋ بويىنشا مەكتەپشىلىك جارىستا جەڭىمپاز اتانادى. ونىڭ بۇل شاعىن جەتىستىگى سول ۋاقىتتان باستاپ عىلىم مەن ونەرگە دەگەن قىزىعۋشىلىعىن وياتتى. مەكتەپتى ءتامامداعان سوڭ كوپتەگەن ۋنيۆەرسيتەتكە تاپسىرادى.  سونىڭ ىشىندە ءمىت دە بار ەدى. الايدا ديانا مىت-دە كىلەڭ وقىمىستىلار وقيدى عوي دەپ قورقادى. دەگەنمەن ول قورىقسا دا ماسساچۋسەتس تەحنولوگيالىق ينستيتۋتىندا فيزيكانى وقىپ، 2011 جىلى ءبىتىرىپ شىعادى. وقۋ بىتىرگەن سوڭ Harvard-SmithsonianCenter for Astrophysics ورتالىعىندا عىلىمي قىزمەتكەر بولىپ جۇمىس ىستەيدى. وندا قۇرامىندا مەتالل مولشەرى تومەن جۇلدىزداردى زەرتتەگەن. سودان كەيىن ماسساچۋسەتس شتاتىنىڭ فوكسبورو قالاسىنداعى General Electric كومپانياسىندا ينجەنەر-پروگرامميست بولىپ قىزمەت اتقارادى.

Physics girl ارناسىن اشۋى

ديانا Physics Girl ارناسىندا ءارتۇرلى فيزيكالىق زاڭدىلىقتى تاجىريبە جاساپ كورسەتىپ، قاراپايىم تىلمەن تۇسىندىرەدى. ول عىلىمدى قيىنداتىپ ەمەس، جەڭىل ءارى قىزىقتى نارسە رەتىندە ۇسىنادى. ەندى وسى ارنانىڭ نەگىزىن قالاۋىنا توقتالساق. كەيبىر دەرەكتەر بويىنشا، نەمەن اينالىسارىن بىلمەي جۇرگەندە ۆيدەو كونتەنتتى قولعا الدى دەلىنگەن. ال ەكىنشى ءبىر جەردە General Electric كومپانياسىندا جۇمىس ىستەپ جۇرگەندە بوس ۋاقىتىندا عىلىم جايلى تانىمدىق قىزىقتى ۆيدەولار تۇسىرە باستاعانى ايتىلادى. ديانا وسىلايشا، 2011 جىلى 21 قازاندا يۋتۋبتا Physics Girl ارناسىن قۇرادى. ال ەڭ العاشقى ۆيدەوسىن 2012 جىلى 24 اقپاندا جاريالاعان. ول كەز جايلى ءوزى بىلاي دەيدى: «General Electric كومپانياسىندا ىستەپ جۇرگەندە ۆيدەولارمەن مۇقيات جۇمىس ىستەۋگە كوپ ۋاقىتىم بولمادى. سوندىقتان العاشقى بەينەلەر جاقسى شىققان دەپ ويلامايمىن». ارادا كوپ ۋاقىت وتپەي ونىڭ يۋتۋب ارناسى كوپ قارالىم جيناپ، تانىمالدىققا يە بولادى. قازىرگى ۋاقىتتا ونىڭ ارناسىنا 1،55 ملن استام ادام جازىلعان. ال جالپى قارالىم سانى – 111 243 818.
ديانادان ۆيدەو كونتەنتتى قالاي جاسايتىنى جايلى سۇراعاندا بىلاي دەيدى: «ۇيرەتۋدىڭ جاڭا ادىستەرى تۋرالى ماقالالار وقيمىن. ۆيدەو كونتەنتتى قالايشا  قىزىقتى ەتىپ  جاساۋعا بولاتىنى جايلى دا ىزدەنىپ قارايمىن. مەن ۆيدەونىڭ باسىندا بىردەڭە ايتىپ، سودان كەيىن قانداي دا ءبىر ەكسپەريمەنت كورسەتىپ قويا سالماي، كورىپ وتىرعان اۋديتوريانىڭ نازارىن قالاي اۋدارۋ كەرەكتىگى جايلى ءالى دە ۇيرەنىپ ءجۇرمىن».
ديانا كوۋەرن عىلىمي ورتادا تانىمال. 2014 جىلى ستوني برۋك ۋنيۆەرسيتەتىندەگى الان الدا اتىنداعى كوممۋنيكاتسيالىق عىلىم ورتالىعى ۇيىمداستىرعان بايقاۋدا ۆيدەو بويىنشا باس جۇلدەنى جەڭىپ الدى. 2018 جىلى ينتەرنەتتەگى ەڭ ۇزدىك تۇلعا نوميناتسياسىندا باس جۇلدەگە يە بولدى. اقش-تاعى Forbes جۋرنالىنىڭ Forbes 30 under تىزىمىنە ءبىلىم بەرۋ كاتەگورياسى  بويىنشا ەنگەن.  سونىمەن قاتار ايگىلى اقپارات قۇرالدارىندا، اتاپ ايتقاندا، اقش-تاعى News & World Report-تا عىلىم جايلى ءسوز سويلەگەن.

بۇدان بولەك تەحنولوگيا جانە عىلىم سالاسىندا وتەتىن ءارتۇرلى ءىس-شارالارعا قاتىسادى. سونىڭ ءبىرى – بىلتىرعى Google science fair بايقاۋى. بۇل جارىستا ديانا كوۋەرن جەڭىمپازداردى ماراپاتتاۋ راسىمىنە قاتىستى. وسى جارىسقا ەلىمىزدىڭ اتىنان دانا جانە ءدىلناز ەسىمدى قىزدار قاتىسقان ەدى. ەستەرىڭدە بولسا، «ۇلان» گازەتىنە ولار تۋرالى جازعانبىز. ءبىز سول جارىسقا قاتىسقان دانا ەرلانوۆامەن كوۋەرن جايلى اڭگىمەلەسكەن ەدىك. «مەن العاش رەت ديانا كوۋەرندى Google science fair-دە جۇرگىزۋشى رەتىندە كوردىم. ول ءبىزدىڭ الدىمىزدا ءارتۇرلى ەكسپەريمەنت كورسەتۋ ارقىلى جەڭگەن ادامنىڭ اتىن كورسەتتى. ديانا كوۋەرن – ءمىت تۇلەگى. الايدا بىتىرگەن سوڭ قانداي جۇمىس ىستەرىن بىلمەگەن. ودان كەيىن يۋتۋب كانالىن اشىپ، وسىنداي دارەجەگە جەتتى. مەنى ءبىر تاڭعالدىرعانى – فيزيكا، ياعني عىلىمي ۆيدەو كونتەنتتى اۋديتورياعا قىزىقتى ەتىپ بەرىپ، كوپ كورۋشى جيناي بىلگەنى. ديانا بلوگەر بولعاندىقتان  بۇل ونىڭ قانداي دا ءبىر جەتكەن جەتىستىگى دەپ ويلايمىن.  ديانا كوۋەرن ءمىت-دىڭ ماتەماتيكا-فيزيكا فاكۋلتەتىندە وقىعان، ءبىراق وتە جاقسى وقىماعان. سوعان قاراماستان كۇشتى كانالدىڭ نەگىزىن سالا ءبىلدى. ديانا وسى تەرەڭ عىلىمي نارسەدەن جاقسى مونەتيزاتسيالىق جوبا اشتى. ونىڭ بۇل جەتىستىگى ماعان كۇشتى موتيۆاتسيا بەرەدى»، – دەيدى دانا.
ديانا قىز بالالارعا قاتىستى ءارتۇرلى ستەوريپپەن كۇرەسكىسى كەلەدى. ونىڭ پىكىرىنشە، قىزدار فيزيكا جاعىنان دا مىقتى بولا الادى. ونى دالەلدەۋ ءۇشىن قىزدار وسى قىزىقتى جۇمىسپەن اينالىسىپ كورۋى كەرەك ەكەنىن العا تارتادى. ونىڭ ماقساتتارىنىڭ ءبىرى – عىلىمدى قىزدارعا بارىنشا قولجەتىمدى ەتۋ. ونىڭ ىستەپ جاتقان جۇمىسىنا قاراپ، ماقساتىنا جەتىپ كەلە جاتقانىن اڭعارامىز.
بۇگىندە ونىڭ physics girl يۋتۋب ارناسىنا 1،55 ملن، ينستاگرامىنا 97 مىڭ، تۋيتتەرىنە 137 مىڭ، فەيسبۋگىنە 75 مىڭ ادام تىركەلىپتى. كەزىندە نەمەن اينالىسارىن بىلمەي جۇرگەندە جاي عانا يۋتۋبتا اشقان كانالى ءقازىر ونىڭ بيزنەسىنە اينالعان. ديانا العاش باستاعاندا ەشقانداي ارنايى ستۋديادا ەمەس، جاي عانا ىڭعايلى دەپ تاپقان جەردە ۆيدەونى ءوزى ءتۇسىرىپ، ءوزى مونتاجداپ، ستسەناريدى دە ءوزى جازعان. ال ءقازىر ءبارى باسقاشا، ۆيدەو روليكتەرىن PBS Digital Studios پروداكشندە تۇسىرەدى. ونىڭ جوبا مەنەدجەرى، 2 ستسەناريسى، رەداكتورى، وپەراتورى، انيماتورى جانە  2 كومەكشىسى بار. وعان قوسا فيزيكادان PhD دارەجەسى بار عالىم عىلىمي جاعىنان زەرتتەۋ، تاجىريبە جاساۋعا كومەكتەسەتىنىن دە اتاپ وتكەن ءجون. ديانانىڭ physicsgirl.org سايتى دا ىسكە قوسىلعان.

قازاق بالاسى دا يۋتۋبتاديانا سەكىلدى پايدالى كونتەنت جاساپ، جاستاردى عىلىمعا قىزىقتىرا بىلسە، نۇر ۇستىنە نۇر بولار ەدى.

قانيا تابىس

“ۇلان” گازەتى


كەلۋ قاينارى: http://www.elarna.net/koru.php?tur=10&id=1183885

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


بقو-نىڭ بىرنەشە اۋدانىن 2 مينوت
قاسىرەتتى جىلداردىڭ تار 12 مينوت
لي كىچياڭ مەملەكەتتىك ك 12 مينوت
باس نىسانا تۋىن اسقاق ج 12 مينوت
اعاعا بازىنا 12 مينوت
سقو-دا بال شارۋاشىلىعى 12 مينوت
لا ليگا كەلەسى ماۋسىمدى 12 مينوت
ۇلتتىق ۇلانعا جاڭادان ق 12 مينوت
تۇركىستان وبلىسىندا بيى 1 ساعات
31 مامىر – ساياسي قۋعىن 1 ساعات
ءتول تاريحىمىزدى زەردەل 1 ساعات
«قۇسبەگىلىك – قاننان سى 1 ساعات
مەملەكەتتى بولشەكتەۋگە 1 ساعات
گولوۆكيننىڭ قارسىلاسى ء 1 ساعات
قازاقستاندىق تەننيسشى ا 1 ساعات
شينجياڭ ۋاكىلدەر ۇيىرمە 1 ساعات
قىزىلوردا جولدارىنىڭ سا 1 ساعات
بيىل قازاقستانعا 1 ملن. 1 ساعات
جامبىل وبلىسىندا 200-گە 1 ساعات
جازىقسىز قۋعىن-سۇرگىنگە 1 ساعات
13 - كەزەكتى مەملەكەتتى 1 ساعات
اۋىل شارۋاشىلىعى، اۋىل 1 ساعات
فرانتسيادا ساياباقتار ق 1 ساعات
لي كىچياڭ مەملەكەتتىك ك 1 ساعات
بۇگىننەن باستاپ الماتىن 1 ساعات
ارمان ءاشىموۆ Arlan MMA 1 ساعات
«جەتى كۇن». 30.05.2020 1 ساعات
اقتوبەدە لاگەرگە باراتى 1 ساعات
13 - كەزەكتى مەملەكەتتى 2 ساعات
قازاقستاننىڭ ۇزدىك ۋنيۆ 2 ساعات