ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 13:40 - 2020/05/20

Нақты Көзі: http://zhasorken.kz/?p=33524


جاقىندا الەۋمەتتىك جەلىدە جەتى ءتۇرلى اسپاپتا وينايتىن وقۋشى قىزدىڭ ۆيدەوسىن كورىپ، ءتانتى بولدىم. ول – «ونەرلى ورەن» بايقاۋىنىڭ قاتىسۋشىسى ياسمينا امانگەلدى. جاس ونەرپازبەن بايلانىسقا شىعىپ، اسپاپتا ويناۋدى جىلدام ۇيرەنۋدىڭ سىرىن سۇرادىق.

– مەنىڭ ءاتى-جونىم – ياسمينا امانگەلدى. 2012 جىلى 12 اقپاندا الماتى وبلىسىنىڭ اقسۋ اۋدانىنداعى جانسۇگىروۆ كەنتىندە ومىرگە كەلدىم. ەسىمىمدى اتام قويعان. ءقازىر 2-سىنىپتا وقيمىن. مەكتەپتەگى بارلىق ءپاندى جاقسى كورەم، – دەدى ياسمينا.

قاشىقتان وقۋ باستالعالى ياسمينا اۋىلدا، اجەسىنىڭ جانىندا ەكەن. «بوس ۋاقىتىمدى اۋىلدا وتكىزگەن ۇنايدى. مۇندا دوستارىم كوپ. قوزى-لاقپەن وينايمىن. اجەممەن اڭگىمەلەسەمىن. سۋرەت سالعاندى جاقسى كورەم. 3D كويلەكتەردىڭ سۋرەتىن سالامىن»، – دەيدى ول.

ء

بىز بىلمەيتىن اسپاپتار

ياسمينانىڭ اكەسى ەرنار ايتباەۆ تا ونەردەن قۇرالاقان ەمەس ەكەن. ساحنا تورىندە جۇرگەن كاسىبي مامان بولماسا دا، ءوز ورتاسىندا سىيلى ونەرپاز بولسا كەرەك، ءتۇرلى ونەر بايقاۋىنا ءادىل قازى بولىپ، قىزىن دا ونەرگە ەرتە باۋلىپتى. ياسمينانىڭ اكەسى قىلقوبىز، دومبىرا، جەتىگەن تارتادى.

ياسمينانىڭ ونەرگە قىزىعۋشىلىعىن قاشان، قالاي بايقاعانى تۋرالى سۇراپ ەدىك، ەرنار امانگەلدىۇلى بىلاي دەپ جاۋاپ بەردى: «قولونەر شەبەرى، ۇستاز ازامات باقي ەكەۋمىز ءبىر ونەر بايقاۋىندا قازىلار القاسىنىڭ قۇرامىندا بولدىق. ول مۋزىكا جاعىن، مەن قولونەر جاعىن باعالادىم. كەيىن دوس بوپ كەتتىك. بىردە ول ءبىزدىڭ ۇيىمىزگە قوناققا كەلدى. قىزىم ياسمينا ول كەزدە بەس جاستا ەدى. قىزىمنىڭ اسپاپقا قىزىعۋشىلىعىن وياتقان – ازامات باقي. شەبەرلىك ساباعىندا «سازسىرنايدا ويناۋدى ون مينۋتتا ۇيرەتەمىن» دەپ ايتىپ جۇرەتىن. ياسمينا ونى بەس مينۋتتا قاعىپ الدى. ءبارىمىز تاڭعالىپ، ءتانتى بولدىق. مۋزىكاعا جاقىن ەكەنىن العاش وسى كەزدە اڭعاردىق. ازامات بىردەن ياسمينانى شاكىرتى ەتىپ، ونەرگە باۋلىدى. ايتا كەتۋ كەرەك، ازامات باقي تەك ۇستاز عانا ەمەس، سازسىرناي جاسايتىن شەبەر. ول ياسميناعا لايىقتاپ ءتورتويىقتى سازسىرناي جاساپ بەردى. ۇستازىنىڭ دۇرىس ادىستەمەسىنىڭ ارقاسى شىعار، ياسمينا اينالاسى ەكى-ۇش جىلدا جەتى ءتۇرلى اسپاپتا ويناۋدى ۇيرەندى». 

ياسمينا مۋزىكا مەكتەبىنە كىشكەنتاي كەزىندە بارعاندىقتان، العاشىندا ۇستازى اسپاپتا ويناۋدى نوتا ارقىلى ەمەس، ساندىق جۇيەمەن ۇيرەتىپتى. ازامات باقيدىڭ بالاباقشاداعى بالالارعا ارنالعان باعدارلاماسى دا بار ەكەن.

سەگىز جاسىنا دەيىن جەتى ءتۇرلى اسپاپتى مەڭگەرگەن ياسمينا مەن اتىن دا ەستىمەگەن ەرەكشە اسپاپتاردا وينايدى ەكەن.

«سازسىرناي، جەتىگەن، دومبىرا، سىبىزعى، شاڭقوبىز، سۋاعاش، شىمشىق اسپاپتارىندا ويناي الامىن. ونى ۇستازدارىم ازامات اعاي مەن ايجان اپاي ۇيرەتتى. جەتى اسپاپتىڭ ىشىندە ەڭ جاقسى كورەتىنىم – سازسىرناي مەن جەتىگەن. دومبىرا شەرتكەندە ورتەكەنى ويناتقان ۇنايدى. ءقازىر اعايىم قاشىقتان ساباق بەرىپ ءجۇر. اسپاپتا ويناۋدى تەلەفون ارقىلى ۇيرەتەدى»، – دەيدى ول.

ياسمينا اكەسىمەن بىرگە ءتۇرلى كونتسەرت، بايقاۋ، كونفەرەنتسيا، كورمەگە بارادى ەكەن. كەزدەسكەن، تانىسقان ادامدار ونىڭ قولىنداعى ەرەكشە اسپاپتاردى كورىپ، تاڭدانىسىن جاسىرا الماي، سۇراپ جاتاتىن كورىنەدى. ال ياسمينا ەرەسەك ادامداردىڭ ۇلتتىق اسپاپتى بىلمەيتىنىنە تاڭعالاتىن جاسىرمادى.

«باقي ازامات بەيسەنالىۇلى بىزگە شىمشىق، سۋاعاش، سازسىرناي، سىبىزعى، شاڭقوبىز، تاستاۋىق، قىلقوبىز، دومبىرا سياقتى اسپاپتاردا ويناۋدى ۇيرەتەدى. دومبىرا ارنالعان ورتەكەنى اعايىمىز ءوزى جاساپ بەرگەن. ال جەتىگەننەن ايجان قۇراق ساباق بەرەدى. ايجان اپاي ەۋروپالىق ستيلدەگى اۋەندەردى جەتىگەندە قالاي ورىنداۋ كەرەگىن ۇيرەتەدى»، – دەيدى ياسمينا.

ازامات باقيدىڭ قولىنان شىققان مۋزىكالىق اسپاپتار قازاقستاندا عانا ەمەس، الىس-جاقىن شەتەلدە دە تانىمال. سازسىرناي، سىبىزعى اسپاپتارى ءتۇبى ءبىر تۇركى حالىقتارىنىڭ ورتاق مۇراسى بولعاندىقتان، كورشى ەلدەردەن تۇسەتىن سۇرانىس كوپ ەكەن.

بالانىڭ تاڭداۋىمەن ساناسۋ كەرەك

«بوس ۋاقىتىمدا ينتەرنەتتەن، تەلەديداردان كونتسەرت كورگەندى جاقسى كورەمىن. «حاسساق» ەتنو توبى مەن «تۇران» توبى ۇنايدى. قالادا بولعاندا اكەم ۇنەمى ۇلكەن سارايداعى كونتسەرتكە اپاراتىن»، – دەيدى ياسمينا.

اكەسىنىڭ ايتۋىنشا، ۇيدە ياسميناعا قاتتى تالاپ قويىپ، شەكتەمەيدى ەكەن. دوستارىمەن ويناپ، بوس ۋاقىتىندا سمارتفون قولدانادى. ءبىراق، الەۋمەتتىك جەلىدە وتىرمايدى. كوبىنەسە ينتەرنەتتەن ونەرلى ادامداردىڭ ۆيدەوسىن، اسپاپتار تۋرالى اقپارات ىزدەيدى ەكەن.

«ويىن بالاسى بولعاندىقتان، ءبىر نارسەگە مىندەتتەپ، قاتاڭ كۇن ءتارتىبىن قويمايمىز. بارىنشا ەركىن وسىرۋگە تىرىسامىز. «تازىنى قانشا ۇيرەتسەڭ دە، قابىلەتى بولماسا، تۇلكى المايدى» دەيدى عوي. سول سياقتى، بالانىڭ ىنتاسى بولماسا، ونى قيناپ مۋزىكا مەكتەبىنە بەرگەننەن پايدا جوق. جالعىز ونەر سالاسىندا ەمەس، كەز كەلگەن سالادا تالانت بولۋى كەرەك دەپ ويلايمىن. بالانىڭ تاڭداۋىمەن ساناسۋىمىز كەرەك.

ياسمينا ءتورت اعايىندى. ۇلكەن قىزىمىز وقۋشى كەزىندە مۋزىكا مەكتەبىنە بارىپ، قىلقوبىز اسپابىن ۇيرەندى. ءتۇرلى بايقاۋعا قاتىسىپ، جاقسى ناتيجە كورسەتىپ ءجۇردى. بولاشاقتا ۇلكەن ساحنادان كورەمىز دەپ ۇمىتتەندىك. ءبىراق ورتا مەكتەپتى بىتىرگەن سوڭ ديزاينەر بولام دەپ، «سىمبات» ءسان اكادەمياسىنا وقۋعا تاپسىردى. ءبىز قارسىلىق تانىتپادىق. جۇرەك قالاۋى وسى بولسا، بۇل سالادا دا جەتىستىككە جەتە الادى دەپ سەندىك. ۇلىمىز و.تاڭسىقباەۆ اتىنداعى الماتى ساندىك-قولدانبالى ونەر كوللەدجىندە وقيدى. بولاشاق قولونەر شەبەرى. ياسمينادان كەيىن كىشكەنتاي ۇلىمىز بار. ول ءالى مەكتەپكە بارمايدى. ال ياسمينانىڭ بولاشاعىنان ۇلكەن ءۇمىت كۇتەمىز. ونەر جولى وڭاي ەمەس ەكەنىن بىلەمىز. ءبىراق، بولاشاقتا وسى سالانى تاڭدايتىن بولسا، قولدان كەلگەنشە قولدايمىز. سازسىرناي، جەتىگەن، دومبىرا، سىبىزعى، شاڭقوبىز سياقتى اسپاپتاردى حالىق بىلەدى. كوزى، قۇلاعى ۇيرەنگەن. ال ياسمينا وينايتىن سۋاعاش، شىمشىق دەگەن اسپاپ تۋرالى ەستىپ پە ەدىڭىز؟ كوپ ادام بىلە بەرمەيدى. ياسمينا وسى اسپاپتاردى دا مەڭگەرگەن. ەگەر حالىقتىڭ وتكەنىن جاڭعىرتاتىن ونەر جولىنا تۇسسە، ۇلكەن ميسسيا اتقارار ەدى دەپ ويلايمىن»، – دەيدى اكەسى.

ياسمينانىڭ اتا-اناسى دا جان-جاقتى، ونەردىڭ سان ءتۇرىن مەڭگەرگەن ەكەن. اكەسى ەرنار تۇركى تىلدەرىنىڭ مامانى، حالىقارالىق قۇقىق سالاسىندا ءبىلىم العان. ال اناسى سامال اراب ءتىلىنىڭ مامانى جانە ديزاينەر-ستيليست. وزدەرىنىڭ وتباسىلىق كاسىبى بار. ۇلتتىق كيىم تىگۋمەن اينالىسادى. الماتى قالاسىندا اۆتورلىق كيىمدەرىن ساتاتىن دۇكەنى بار. بىرنەشە ادامدى جۇمىسپەن قامتىپ وتىر.

«ۇمىت بولىپ بارا جاتقان ۇلتتىق كيىم تۇرلەرىن زەرتتەپ ءجۇرمىن. قىتاي قازاقتارى مەن موڭعوليا قازاقتارىنىڭ كيىمدەرىنىڭ ەرەكشەلىكتەرىن باقىلاپ جۇرەمىن. بىردە ياسمينامەن «دارا بالا» بايقاۋىنا بارعاندا دانا نۇرجىگىت «ورالمانسىزدار ما؟ قاي جاقتان كوشىپ كەلدىڭىزدەر؟» دەپ سۇرادى. ءبىزدىڭ قوعامدا ۇلتتىق قۇندىلىقتاردى ساقتاپ، قازاقىلىعىن بۇزباعانداردى ورالمان دەپ ويلايتىن بولعان. مەن الماتى وبلىسىندا ءتۋىپ-وستىم، ايەلىم شىعىس قازاقستان وبلىسىنىڭ تۋماسى. ال ۇلتتىق قۇندىلىقتار تەك قانداس قازاقتارعا ەمەس، تۇتاس قازاق حالقىنا ءتان دەپ ويلايمىن»، – دەيدى ەرنار امانگەلدىۇلى.

 دانا ماراتوۆا،

“ۇلان” گازەتى


كەلۋ قاينارى: http://www.elarna.net/koru.php?tur=10&id=1182508

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


كەدەندىك باقىلاۋدان جال 1 مينوت
فۋتبول: تۇركيادا قازاقس 1 مينوت
ءد.قىدىرالى: اشارشىلىق 4 مينوت
اتتى پوليتسەيلەر ساياجا 7 مينوت
ايدا بالاەۆا: رامىزدەرى 8 مينوت
ەزۋتارتار 8 مينوت
ورالدا قالالىق پارك جاب 8 مينوت
بقو، قىزىلوردا، ماڭعىست 10 مينوت
ايدا بالاەۆا قازاقستاند 10 مينوت
تەست: قىراعىسىز با؟ 13 مينوت
12 067 ناۋقاس: كوروناۆي 13 مينوت
جامبىل وبلىسىندا كورونا 16 مينوت
اۆتونوميالى رايوندىق حا 18 مينوت
ۇلتتىق قورعا 100 ميلليا 18 مينوت
زاماناۋي بالالار مەن ول 18 مينوت
ەلوردادا مەملەكەتتىك را 19 مينوت
ءبىرقاتار ءوڭىردىڭ اكىم 22 مينوت
اكىمدىكتەرگە سانيتارلىق 22 مينوت
كارانتيندە ساباقتى دۇرى 22 مينوت
شاش ۇلگىسى: ايدار، كەكى 23 مينوت
نۇر-سۇلتاندا سانيتارلىق 25 مينوت
باس ءمۇفتي: يمامنىڭ ءار 28 مينوت
شينجياڭ كوپ ٴتۇرلى شارا 28 مينوت
وتكىزۋگە تىيىم سالىنعان 28 مينوت
رەسەي چەمپيوندار ليگاسى 28 مينوت
جامبىل وبلىسىندا بالاسى 1 ساعات
ۇلتتىق قور كىرىسى قاشاع 1 ساعات
شىمكەنتتە پارا بەرمەكشى 1 ساعات
اتتى پوليتسەيلەر ساياجا 1 ساعات
بۇل قاي رىبالكو؟ تاريحي 1 ساعات