ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 13:20 - 2020/05/20

Нақты Көзі: http://zhasorken.kz/?p=33512


بيىل 25 مامىردا جىلداعىداي سوڭعى قوڭىراۋ مەرەكەلىك جيىنى بولمايدى. بۇعان،  اسىرەسە، مەكتەپ ءبىتىرۋشى تۇلەكتەردىڭ كوڭىلى سىنىق. ارينە، كارانتين رەجيمىندە تارتىپكە باعىنباسا بولمايدى. ەڭ باستى قۇندىلىق – ەلىمىزدىڭ ءار ازاماتىنىڭ قاۋىپسىزدىگى، دەنساۋلىعى. سوندىقتان وقۋ جىلىنىڭ اياقتالۋىمەن بالالالاردى قالاي قۋانتساق بولادى؟ بۇل ءاربىر ۇستازدى ويلاندىراتىن ساۋال. الەۋمەتتىك جەلىنى قاراپ وتىرىپ، وقۋشى كەزىندە «ۇلان» گازەتىنىڭ جاس ءتىلشىسى بولعان انار اجىعاليەۆانىڭ پاراقشاسىنا كوزىم ءتۇستى. اناردىڭ تەلەجۋرنيستيكادا جۇمىس ىستەيتىنىن بىلەتىنمىن. الايدا پاراقشاسىنا ءمۇعالىم رەتىندە وقۋشىلارىنا ەرەكشە قۇتتىقتاۋ جۇكتەپتى. انيماتسيالىق بەينەلەرگە بالانىڭ اتىن جازىپ، استىنا ولاردى جىگەرلەندىرەتىن ەرەكشە سيپاتتامالار قالدىرعان. جاس ءمۇعالىمنىڭ كرەاتيۆ يدەياسىنا ءسۇيسىنىپ، اڭگىمەگە تارتىم. انار ماماندىعى تۋرالى بايانداپ بەردى.

– شىنى كەرەك، ءمۇعالىم بولۋ ارمانىم ەمەس ەدى. ناعاشى اتام مەن انام ءمۇعالىم بولعان. سوندىقتان ولار مەنىڭ ءمۇعالىم بولعانىمدى قالامادى. انام دارىگەر قىلعىسى كەلگەن. 9-سىنىپقا دەيىن دارىگەر بولامىن دەگەن ويمەن ءجۇردىم. كەيىن قالامىزداعى «سالەم» جاس تىلشىلەر ۇيىرمەسىنە قاتىسا باستادىم. سول كەزدەن باستاپ جۋرناليستيكاعا قىزىعۋشىلىعىم وياندى. مەن دە «ۇلاننىڭ» وقىرمانى بولعانمىن. جاس تىلشىلەردىڭ ماقالالارىنا قىزىعىپ قاراپ، ءتىپتى، وزىمە ۇلگى تۇتتىم. ءبىراق ماعان بۇل ماماندىقتا وقۋ بۇيىرماپتى. سودان اباي اتىنداعى قازاق ۇلتتىق پەداگوگيكالىق ۋنيۆەرسيتەتىنە وقۋعا ءتۇستىم. ماماندىعىم – قازاق تىلىندە وقىتپايتىن مەكتەپتەردەگى قازاق ءتىلى مەن ادەبيەتى ءپانى ءمۇعالىمى. ءقازىر باۋىرجان مومىشۇلى اتىنداعى الماتى رەسپۋبليكالىق «جاس ۇلان» مەكتەبىنىڭ قازاق ءتىلى مەن ادەبيەتى ءپانى ءمۇعالىمىمىن. جۇمىس ىستەپ جاتقانىما 2 جىلداي بولىپ قالدى.

بۇل ماماندىقتى اسا قاتتى ۇناتا بەرمەيتىنىمنىڭ ءبىر سەبەبى – جازۋ. جازۋىم ناشار بولعان سوڭ، قىسىلامىن. ال مۇعالىمدەر كوپ جازادى. «نەدەن قاشساڭ، سول الدىڭا كەلەدى» دەگەن شىن ەكەن. ءبارىبىر ءمۇعالىم بولدىم.

پراكتيكادا جۇرگەندە ساباق بەرۋ ۇناپ قالدى. وقۋشىلارعا باۋىر باسىپ كەتەدى ەكەنسىڭ. ەڭ ءبىرىنشى ساباققا بارىمدى سالىپ دايىندالدىم. سول كەزدە وزىمە وقۋشىلارىمدى جالىقتىرمايتىن، كوپ ۇرىسپايتىن، تۇسىنىستىكپەن قارايتىن ءمۇعالىم بولامىن دەپ ۋادە بەردىم. ءار ساباققا ەرەكشە ءتاسىل ويلاپ تابۋعا تىرىسامىن. جالپى، ء«مۇعالىم – ءوز ساباعىنىڭ ديزاينەرى» دەگەن ۇستانىمدامىن.

ء

مۇعالىم بولسام دا، جۋرناليستيكادان قول ۇزە المادىم. ستۋدەنت كەزىمدە «5 ستۋديا TV PRODUCTION» ۇيىمداستىرعان كۋرسقا قاتىسىپ، بىرنەشە تانىمال جوبانىڭ جانە وتاندىق تەلەسەريالداردىڭ پروديۋسەرى تولقىن سەيدوللاقىزىنىڭ كومانداسىنا كىردىم. ءقازىر ول جاقتا مونتاج رەداكتورى جانە رەجيسسەرى قىزمەتىن دە اتقارامىن.

اسكەري مەكتەپتە ساباق بەرگەندىكتەن، وقۋشىلارىم – قاتال تارتىپكە ۇيرەنگەن، بالالىقپەن ەرتە قوشتاسقان بالالار. ولار ۇيالى تەلەفون ۇستامايدى. سوندىقتان قىزىعۋشىلىقتارىن ارتتىرۋ ءۇشىن ساباق بارىسىندا ينستاگرامنان پاراقشا اشىپ، لايك باسۋ، سمايليكتەر ارقىلى اڭگىمە قۇراستىرۋ، تەلەفونداعى ءارتۇرلى لوگيكالىق ويىندار ۇلگىسىندە تاپسىرمالاردى («4 سۋرەت، 1 ءسوز»، «ايىرماشىلىقتى تاپ»، «كۆەست»، «كرەستيك-نوليك»، ت.ب.) كوپ قولدانامىن.

جاقىندا 7 مامىر – وتان قورعاۋشىلار مەرەكەسى بولىپ ءوتتى. وقۋشىلارىم بولاشاق اسكەري مامان بولعاندىقتان مەرەكەدە ولاردى قۇتتىقتاۋدى ادەتكە اينالدىرعانمىن. ءبىراق بيىل ەلىمىزدەگى توتەنشە جاعدايعا بايلانىستى قاشىقتان وقۋعا كوشتىك. ولاردى قالاي قۇتتىقتايمىن دەگەن سۇراق تۋدى.

قاشىقتان وقىتۋدا مەن كوپ پايدالاناتىن پلاتفورما – Whatsapp مەسسەنجەرى. وقۋشىلاردىڭ كىشكەنە بولسا دا نازارىن اۋدارتايىن دەگەن ويمەن ءوزىمنىڭ مۋلت ستيلدەگى  نۇسقامدى جاساپ، ستيكەر رەتىندە جىبەرىپ تۇردىم. بىرتە-بىرتە ءاربىر جىبەرەتىن پرەزەنتاتسيالارىما دا سونداي سۋرەتتى پايدالانا باستادىم. وقۋشىلارىمنىڭ بىرەۋى وعان دا جاساپ بەرۋىمدى ءوتىندى. سول كەزدە ويىما 7 مامىر مەرەكەسىندە وسىنداي ستيلدە سۋرەتتەر سالىپ، وقۋشىلارىما قىسقاشا مىنەزدەمە جازىپ، قۇتتىقتاۋ سۋرەتىن جاساۋ يدەياسى كەلدى. مەرەكەدە جىبەردىم، ولارعا ۇنادى.

بيىل وقۋشىلارىمىزبەن 25 مامىردا قوشتاسا المايتىن بولىپ تۇرمىز. اسىرەسە، 11-سىنىپ وقۋشىلارىمەن. سول سەبەپتى ارىپتەستەرىمە وسىنداي سۋرەتتەر جاساپ، وقۋشىلارىنا جىبەرۋدى ۇسىنامىن. تۇلەكتەردىڭ ەسىندە جاقسى ەستەلىكتەر قالسىن. مۇنداي سۋرەتتەردى جاساۋ قيىن ەمەس. كەز كەلگەن ۇيالى تەلەفوندا مۋلتسۋرەتتەر جاساۋعا ارنالعان باعدارلاما بار. مىسالى، Iphone-دا Mirror، Zmoji، ال Android-تا Bimoji دەگەن باعدارلاما ارقىلى جاساۋعا بولادى. سوسىن سۋرەتتى PowerPoint-قا قويىپ، ءماتىنىن ەنگىزىپ، jpeg فورماتىندا ساقتاپ الاسىز. ءاربىر بالانى بارىنشا ۇقساتىپ جاساۋعا تىرىسۋ كەرەك. 100% ۇقساتۋ مۇمكىن ەمەس، ارينە. ويتكەنى باعدارلامادا شاش، بەت، ەرىن، كوز فورماسى، ءتۇسى، كيىم ۇلگىسىندە وزىندىك ستاندارت ۇلگىلەر تۇرادى. مەن ءار وقۋشىنىڭ ءبىر ەرەكشەلىگىن كورسەتۋگە تىرىستىم. بىرەۋىنىڭ كوزىلدىرىگى بار، بىرەۋىنىڭ كوزى كوك، بىرەۋىنىڭ بەتىندە سەكپىلى بار دەگەن سياقتى. سونداي ەرەكشەلىكتەرىن نازارعا الىڭىز، – دەيدى جاس ءمۇعالىم.

ەندەشە، اناردىڭ يدەياسىن تاجىريبەدە قولدانىپ، وقۋشىلاردى قۋانتۋعا بولادى ەكەن. ۇستازى زاماناۋي تەحنيكانىڭ ءتىلىن ءبىلىپ تۇرسا، شاكىرتتىڭ دە قۇرمەتى ارتا تۇسەرى ءسوزسىز.        

 جادىرا نارماحانوۆا،

“ۇلان” گازەتى


كەلۋ قاينارى: http://www.elarna.net/koru.php?tur=10&id=1182485

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەرىكتىلەر تەگىن ماسكا ت 3 مينوت
مەملەكەتتىك قارجىلاندىر 3 مينوت
اقتاۋ: «ىزگىلەر جولىنىڭ 3 مينوت
قازاقستاندا اسكەري ەسەپ 3 مينوت
شىمكەنتتە «جەلبىرە مەنى 6 مينوت
رايونىمىزدىڭ 7 ءونىمى ب 8 مينوت
ۇزاق ۋاقىتتىق جوسپار جا 8 مينوت
قازاقستاندا ەكولوگيالىق 8 مينوت
ءدىن تاعىلىمىنداعى بابا 8 مينوت
ساپالى ءبىلىم قايدا بار 8 مينوت
الماتىدا اۋا ساپاسىن با 9 مينوت
عىلىمي-زەرتتەۋ ينستيتۋت 9 مينوت
مەملەكەتتىك رامىزدەر تۋ 12 مينوت
تاريحي جىل ءباسپاسوز بە 12 مينوت
دارحان ءقىدىرالى: اشارش 15 مينوت
پاۆلودار وبلىسىندا جىل 15 مينوت
اباي175 جىل: مەرەيتويلى 18 مينوت
احمەتوۆ مەمساتۋلاردىڭ ء 18 مينوت
اتىراۋ: ءقاۋىپتى ىندەتت 18 مينوت
"رەۆوليۋتسيا كۇتۋد 18 مينوت
مەملەكەتتىك دەنساۋلىق س 18 مينوت
مەنني روبلەس: گولوۆكينن 18 مينوت
الماتىدا جەدەل جاردەم ق 18 مينوت
مەملەكەتتىك رامىزدەر تۋ 21 مينوت
الماتىدا مەدقىزمەتكەرلە 24 مينوت
تالپاقتانۋعا نارازىلىق 27 مينوت
شقو-داعى تۋريستىك ايماق 27 مينوت
ۇزاق ۋاقىتتىق جوسپار جا 28 مينوت
ءۇش وبلىستا كارانتين ەر 28 مينوت
Nur Otan: پرايمەريز حال 28 مينوت