ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 19:00 - 2020/05/15

Нақты Көзі: http://zhasorken.kz/?p=33499


كوروناۆيرۋس پاندەمياسى كەزەڭىندە قازاقستاننىڭ ۇەۇ-نىڭ كوپشىلىگى حالىقارالىق جانە جەرگىلىكتى دونورلىق ۇيىمداردىڭ باعدارلامالارىنا قاتىستى. ەۋرازيا ورتالىق ازيا قورى (ەواق) مەن «شەۆرون» كومپانياسىنىڭ «Qolda» جوباسى كونكۋرسقا قاتىسۋعا 100-دەن استام ءوتىنىم الدى. ءبىراق نەبارى 11 ۇەۇ قازاقستان حالقىنا ەرىكتىلىك، گۋمانيتارلىق جانە قايىرىمدىلىق كومەكتى ىسكە اسىرۋعا گرانتتار الدى. مۇنداي جوبالاردىڭ ءبىرى جەكە نازار اۋدارۋعا لايىق.   

ول «جۇرەك جومارتتىعى» دەپ اتالادى، ونى «ايالا» قايىرىمدىلىق قورى ىسكە اسىردى. الدىمەن قوردىڭ ءوزى تۋرالى اقپاراتپەن تانىستىرعان ءجون. قور 2007 جىلى قۇرىلدى جانە 13 جىل بويى مەديتسينا مەن ءبىلىم بەرۋ سالاسىنداعى جوبالارمەن جۇمىس جۇرگىزىپ كەلەدى.

اۋەل باستان قور ءوزىن مەديتسينا سالاسىندا تانىتا الدى. قور بۇكىل ەل اۋماعىنداعى اۋرۋحانالارعا ورناتقان زاماناۋي رەانيماتسيا جابدىقتارىنىڭ كومەگىمەن قازاقستاندا ون مىڭداعان بالالاردىڭ ءومىرى قۇتقارىلدى. دەمەۋشىلىك قاراجاتتار مەن قاراپايىم قازاقستاندىق ازاماتتاردىڭ قايىرىمدىلىعىنان جينالعان 3 ميلليارد تەڭگەدەن اساتىن سوما وسى ماقساتتارعا جۇمسالدى.

«ايالا» قورىنىڭ ءبىلىم بەرۋ سالاسىنداعى جوبالارى دا بار. ولاردىڭ ەڭ سوڭعىسى – مەكتەپ-ينتەرناتتار مەن بالالار ۇيلەرىنىڭ جاسوسپىرىمدەرى ءۇشىن بەلسەندى ۇسىنىلىپ وتىرعان كاسىبي بەيىمدەۋ كۋرستارى. ولاردى قارجىلاندىرۋ جالپى قارجى ەسەپتىلىگىندە اشىپ كورسەتىلەدى. ايتپاقشى، ۇيىم قۇرىلعان كەزدەن بەرگى بارلىق قارجى اعىنى تولىقتاي اشىق جانە www.ayala.kz سايتىنا ورنالاستىرىلعان.

مۇندا مەملەكەتتىك ءبىلىم بەرۋ جانە مەديتسينا مەكەمەلەرىنە كومەك كورسەتۋ – «ايالا» قايىرىمدىلىق قورى ءۇشىن باسىم باعىت ەكەنى تۋرالى اقپارات بار. الايدا مامىر ايىندا قور ءوزىنىڭ باسىم باعىتىن ءسال وزگەرتىپ، نۇر-سۇلتان قالاسىنداعى كۇنكورىسى تومەن 100 وتباسىنا ازىق-تۇلىك قورجىنىمەن كومەك كورسەتۋ ءۇشىن «Qolda»  جوباسىنىڭ شەڭبەرىندە قارجى الدى.

ء

«قازىر كوروناۆيرۋس پاندەمياسىنىڭ سالدارىنان كوپتەگەن ادامدار ءومىر ءسۇرۋدىڭ قيىندىعىن كورىپ جاتىر، سوندىقتان ءبىز كومەكتەسە الاتىن جەردە جاردەم بەرۋىمىز ماڭىزدى جانە كەرەك دەپ شەشتىك»، – دەپ راستادى «ايالا» قورىنىڭ پرەزيدەنتى ايدان سۇلەيمەنوۆا.

بۇگىنگى كۇنى «ايالا» قورى ەلوردا اكىمدىگىنەن العان ءتىزىم بويىنشا بارلىق 100 ازىق-تۇلىك قورجىنىنىڭ ءساتتى جەتكىزىلگەنىن حابارلايدى. جوبا ۇيلەستىرۋشىسى ءاربىر مەكەنجايدى ەگجەي-تەگجەيلى تەكسەردى. ول جۇمىسسىز جانە تىرشىلىككە قاراجاتسىز قالعان انالارمەن تەلەفونمەن ساعاتتاپ سويلەستى. تىزىمگە كىرگەن بىرنەشە وتباسى كومەكتەن وزدەرى باس تارتتى. ول وسى قيىن ۋاقىتتا ءسۇت، كىلەگەي، ايران، سارىماي، شۇجىق، ىرىمشىك، جەمىس-جيدەك پەن كوكونىسكە، سونداي-اق شاي، كوفە، جۇمىرتقا، بالىق جانە ەت كونسەرۆىلەرىنە، جارمالار، قانت، جۋ زاتتارى مەن گيگيەنا زاتتارىنا شىنىمەن مۇقتاج بولىپ وتىرعان ادامدارعا جىبەرىلدى.

ساۋلە ەسماعامبەتوۆا نۇر-سۇلتاننان ارقالىققا كوشىپ كەلگەن: «مەنىڭ وتباسىمدا 5 ادام: مەن، مەنىڭ انام، وتا جاسالعان اپكەم جانە ەكى بالام بار، ولاردىڭ ءبارىنىڭ دەنساۋلىعى جوق. كارانتينگە دەيىن جۇمىس ىستەدىم، ءقازىر ۋاقىتشا جۇمىسسىزبىن. ارينە، ىندەتتىڭ تارالۋىنا قاتتى ۋايىمدايمىن. بىزگە بەرىلگەن مۇنداي كومەككە وتە ريزامىن. بۇكىل ازىق-تۇلىك ءدامدى جانە كوپ ەكەن! بۇرىن مۇنداي كومەك الىپ كورمەپ ەدىك. سىزدەرگە ۇلكەن راحمەت ايتامىن!».

دينارا ومارقىزى قوجاباەۆا 36 جاستا، جەتىم وسكەن. وسى جەڭىلدىك ساناتى بويىنشا پاتەر الۋعا كەزەكتە تۇر. دينارا قازىرگى ۋاقىتتا ازىق-تۇلىك قورجىنى تۇرىندەگى كومەك – وتە جاقسى جاردەم دەپ سانايدى جانە ءوزى جايىندا اڭگىمەلەپ بەردى: «مەنىڭ وتباسىمدا 4 ادام: كۇيەۋىم ەكەۋمىز جانە 2 ەرەكشە بالامىز بار. ۇلكەن قىزىم – 7 جاستا، ال كىشى قىزىم – 2 جاستا. كوروناۆيرۋس ىندەتى كەزەڭىندە، بالكىم، كوبىنەسە بالالارىمىز بەن جاقىندارىمىزدىڭ دەنساۋلىعىنا جانە ەلدىڭ تۇراقتىلىعىنا ۋايىمدايتىن شىعارمىز. بارلىعى قىمباتتاپ جاتىر، كوپ نارسەدەن باس تارتۋعا ءماجبۇرمىز. ءبىز «ايالا» قورىنان ازىق-تۇلىك قورجىنىن الدىق، وعان بالالارىمىز قاتتى قۋاندى. مۇندا ءسۇت ونىمدەرىنىڭ ءتۇر-تۇرى، جەمىس-جيدەكتەر، كوكونىستەر – بالالارعا قاجەتتىنىڭ ءبارى بار ەكەن. كونسەرۆىلەر، جارمالار بار، ءتىپتى حيميانى دا سالۋدى ۇمىتپاپتى. كورسەتىلگەن كومەك ءۇشىن ۇلكەن العىسىمىزدى ءبىلدىرىپ، بارلىعىڭىزعا دەنساۋلىق، ساتتىلىك تىلەگىمىز كەلەدى. مۇنداي مەيىربان ادامداردىڭ بولعان قانداي كەرەمەت، دەمەك ءبارى جاقسى بولادى!».

ينديرا ۆيكتوروۆنا ەلمۋراتوۆا ءۇش بالاسىن جالعىز تاربيەلەپ وتىر. «مەنىڭ 5 جاستاعى ۇلكەن ۇلىمنىڭ ونكولوگياسى بار، ءقازىر ونىڭ اۋرۋى قايتا قايتالانىپ وتىر. ۇلىمنىڭ اۋرۋى جۇمىس ىستەۋىمە مۇمكىندىك بەرمەيدى. ءقازىر كوبىنەسە، ارينە، وسى ۇلىمدى جانە باسقا ەكى بالامدى ۋايىمدايمىن: كىشى ۇلىم 2،5 جاستا، ال قىزىما 6 اي عانا بولدى. ءقازىر ولار قوستاناي وبلىسىندا مەنىڭ اجەممەن بىرگە تۇرىپ جاتىر. ءوزىمنىڭ اتا-انام جوق، سوندىقتان سول كىسىگە اپارىپ تاستادىم. ۇلكەن ۇلىما ءقازىر ءنارلى تاماق وتە قاجەت. جاردەماقى تۇرىندە الاتىن بۇكىل قاراجاتىمدى ونى ەمدەۋگە، شەتەلدە وڭالتۋعا جۇمسايمىن. مەن ءتىپتى شوت اشىپ، شەتەلگە ەمدەلۋگە بارۋ ءۇشىن قاراجات جيناپ ءجۇرمىن. سوندىقتان ءبۇل كومەكتەرىڭىزگە ۇلكەن راحمەت! جاقسىلىق بار، جانە باسقاعا جاساعان جاقسىلىعىڭ وزىڭە ەسەلەپ قايتادى. بار بولعاندارىڭىزعا راحمەت!».

ەۋرازيا ورتالىق ازيا قورى «Qolda» شۇعىل كومەك جوباسى كارانتيننىڭ ەلگە جاعىمسىز ىقپالىن ازايتۋ ءۇشىن، قوعامدىق جانە ەرىكتىلەر ۇيىمدارىنا قولداۋ كورسەتۋ ءۇشىن، سونداي-اق حالىقتىڭ باق ارقىلى حاباردارلىعىن ارتتىرۋ ءۇشىن «شەۆرون» كومپانياسىمەن سەرىكتەسە وتىرىپ جاسالدى.

ء

«بىزدىڭ كونكۋرسقا ۇەۇ-دان بەرىلگەن وتىنىمدەردىڭ ساپاسى وتە جوعارى بولدى. گرانت كوميتەتى 11 جوبا ءۇشىن 24 ملن تەڭگە ءبولدى. ولار مەديتسينا جۇمىسكەرلەرىنە قولداۋ كورسەتۋ باستامالارىنا، حالىقتىڭ وسال توپتارى مەن ميگرانتتارعا گۋمانيتارلىق كومەك كورسەتۋگە، ازاماتتىق قوعامدى پاندەميا سالدارلارىمەن كۇرەسكە ءقاۋىپسىز تارتۋعا، جۇمىس ورىندارىن قۇرۋعا باعىتتالدى. «جۇرەك جومارتتىعى» جوباسىن ىسكە اسىرۋ كەزىندەگى «ايالا» قورىنىڭ كاسىبي دەڭگەيىن اتاپ وتكىمىز كەلەدى. بۇل قوردىڭ قىزمەتكەرلەرىنىڭ جاۋاپتىلىعىنىڭ جانە ايرىقشا ىنتاسىنىڭ ارقاسىندا شىنايى مۇقتاج ادامدارعا كومەكتىڭ جەتكەنىنە قۋانىشتىمىز»، – دەدى قازاقستانداعى ەواق اتقارۋشى ديرەكتورى ريناد تەميربەكوۆ.


كەلۋ قاينارى: http://www.elarna.net/koru.php?tur=10&id=1179267

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


حالىقارالىق ترانزيتتىك 1 مينوت
25 مىڭ دارىگەر ۇيالى با 1 مينوت
ءقازىر ەلىمىزدە كوروناۆ 4 مينوت
تۇركىستاندا دارىگەرلەر 7 مينوت
ەلوردا اكىمدىگى بيىك عي 8 مينوت
ايدا بالاەۆا: قاسيەتتى 8 مينوت
اتىراۋ: مۇناي كومپانياس 10 مينوت
وقۋلىقتاردى ساراپتاۋمەن 10 مينوت
كۇشتەپ يسلامعا شاقىرۋعا 13 مينوت
قازاقستاندا تاعى ءبىر م 13 مينوت
پوليتسەيسكي سپاس ۋتيات 13 مينوت
شقو-داعى شەكارا ماڭىندا 13 مينوت
بايبەك دارىندى دا كرەات 13 مينوت
وزبەكستان اۆتوكولىكتەرگ 16 مينوت
اسقار وماروۆ: مۇنداي اۋ 16 مينوت
شينجياڭنىڭ 7 ءونىمى بيى 18 مينوت
دارىندى دا كرەاتيۆتى قا 18 مينوت
قىستاقتا كوتەرمە جۇمىس 18 مينوت
ەۋروپا ەلدەرى تۋريستىك 18 مينوت
ىشكى جانە سىرتقى ترانزي 19 مينوت
داۆيد لوريا نۇر-سۇلتان 19 مينوت
ءقازىر ەلىمىزدە كوروناۆ 22 مينوت
سينوپتيكتەر شقو-دا ۇسىك 22 مينوت
ءۇش وبلىستا كارانتينگە 25 مينوت
اقش قالالارىندا ناسىلشى 28 مينوت
كازاحستانسكي كومپوزيتور 28 مينوت
حانافيلەردى نەگە ماتۋري 28 مينوت
«كۇي-live» دومبىراشىلار 28 مينوت
مەملەكەت باسشىسى ۇقك ال 28 مينوت
مەكتەپ ديرەكتورلارىنىڭ 28 مينوت