ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 09:40 - 2020/05/11

Нақты Көзі: http://zhasorken.kz/?p=33446


قۇرمەتتى اتا-انا، ءارىپ تانيتىن وقىرمان! بالاباقشاعا باراتىن بوبەكتەر ۇيدە بولىپ ءىشى پىسىپ ءجۇر مە؟ بالاقايلارعا جازۋشى ساۋلە دوسجانوۆانىڭ ەرتەگىسىن وقىپ بەرۋگە كەڭەس بەرەمىز. بۇل ەرتەگىنى ەستىگەن بالا دا، ۇلكەن دە كوروناۆيرۋسپەن كۇرەسۋدىڭ ماڭىزىن تۇسىنەدى دەپ ويلايمىز. 

تىشقان جىلعى دۇربەلەڭ (ەرتەگى)

22 ناۋرىزدا كۇن مەن ءتۇن تەڭەسىپ، اعاش بۇرشىك جارىپ، ءتورت تۇلىك مال تولدەيتىن، اڭ-قۇستىڭ تۇقىمى ءوربىپ، ۇلى تابيعات جاڭاراتىن جىل باسى كەلگەندە ىنىنەن ءتورت تىشقان اتىپ شىقتى. ۇلكەن بىرەۋى – اتا تىشقان، ەكىنشىسى – انا تىشقان. تاعى ەكەۋى بالالارى بولاتىن. قىردىڭ ۇستىنە شىعىپ اتا تىشقان جار سالدى:

–الاقاي، بيىل ءبىز جىل پاتشاسىمىز! وسىنى ون ەكى جىل بويى كۇتتىك. ەندى ءبىر جىل بويى بيلىك قۇرامىز! جەر بەتىندەگى جاندىك اتاۋلى، حايۋاناتتار مەن ادامداردار ءبىزدىڭ ايتقانىمىزبەن جۇرەدى! ال، كەتتىك! – دەپ ايەلى مەن بالالارىن باستاپ قارا جولمەن قالاعا قاراي تارتىپ بەرەدى.

–اكە، ءبىز قالاي جىل پاتشاسى بولامىز، ادامنان دا كۇشتىمىز بە؟ – دەدى شيقىلداپ ۇلى.

–وي، بالام-اي، جىل اتاۋلى مىنا بىزدەن باستالادى. ادامىڭنىڭ ءوزى دە تىرلىگىن بىزبەن ەسەپتەسىپ ىستەيدى! – دەپ ابدەن ءبوستى اكەلەرى.

–اكە، ءبىز مىسىقتان دا مىقتىمىز با؟ – دەدى كىشكەنتاي قىزى.

–ارينە، مىسىق مىقتى بولسا، نەگە ونىمەن ادامدار ساناسپايدى؟

–اكەسى-اۋ، الدىمەن بالالارعا قالاي ءبىزدىڭ بابالارىمىز جىلدىڭ بيلىگىن الىپ بەرگەنىن ايتىپ بەرسەڭىزشى! – دەدى ايەلى مايىسىپ قانا.

ايەلىنە وزدەرىنىڭ بابالارىن ماقتاعانى مايداي جاعىپ، اتا تىشقان جەتپىس جەتى اتالارى تۋرالى اڭگىمەنى باستاي جونەلدى.

ء

–بىزدىڭ ءتۇپتىڭ تۇبىندەگى ەڭ ۇلى بابامىز حايۋاناتتاردىڭ جىلعا تالاسقان قۇرىلتايىنا قاتىسىپتى. جاراتۋشى جىلقى بار، تۇيە بار، بارىس پەن سيىر بار، ءتىپتى قويان مەن اتەش تە بار، بارىنە «كىم كۇننىڭ شىققانىن ءبىرىنشى كورسە، سول جىل باسى بولادى. سودان ارى قاراي ون ەكىڭدى ءتىزىپ ءاربىر جىلدىڭ پاتشاسى جاسايمىن»، – دەپتى. سودان جانۋارلار تۇنىمەن كوز ىلمەي شىعىسقا قاراپ وتىرىپتى. تۇيە بولسا، «مەنىڭ بويىم بارىنەن بيىك، قينالماي-اق كۇندى ءبىرىنشى بولىپ كورەم، وداندا ۇيىقتاي تۇرايىن»، – دەپ جاتىپ قالىپتى. ءبىزدىڭ ءداۋ بابامىز وتە اقىلدى دا ايلالى ەكەن. جورعالاپ جوتاسىنا شىعىپتى دا قۇلاعىنىڭ ۇشىنا وتىرىپ الىپ، جان-جانۋار تالاسىپ جاتقاندا بارىنەن بۇرىن كۇندى كورىپ قالىپتى.

–الاقاي، الاقاي!

كۇندى كوردىم، الاقاي!

قۋلىعىممەن، اقىلىممەن

ء

بارىن جەڭدىم، الاقاي! – دەپ جار سالىپتى.

جانۋارلار تالاسىن توقتاتا قويىپ شىعىسقا قاراسا، كۇن جارىقتىق الەمگە نۇرىن شاشىپ كوتەرىلىپ كەلەدى دەيدى. سودان جاراتقان يە قالعاندارىنا: سيىر، بارىس، قويان، ۇلۋ، جىلان، قوي، مەشىن، تاۋىق، يت، دوڭىز دەپ ءبىر-بىر جىلدان ءبولىپ بەرىپتى. ال تۇيە ءالى ۇيىقتاپ جاتىپتى. سودان حالىق اراسىندا «تۇيە بويىنا سەنىپ جىلدان قۇر قالىپتى» دەگەن ءتامسىل قالىپتى. سودان بەرى ون ەكى جىل بويى ءوز بيلىگىمىز بولاتىن جىلدى كۇتەمىز. مىنە، بيىل ءبىزدىڭ جىل! – دەپ اڭگىمەلەپ بەردى.

اۋزى اشىلا تىڭداعان كىشكەنتاي تىشقاندار: ء«بىز مىقتى اتانىڭ بالالارى ەكەنبىز عوي، تەكتى ەكەنبىز عوي»، – دەپ ماقتانىپ، اكە-شەشەسىنە ەرىپ ۇلكەن قالاعا كەلىپتى. الاتاۋدىڭ ەتەگىندەگى بيىك-بيىك ۇيلەرى، قالىڭ اعاشتارى مەن ساياباقتارى بار، سۋاعارلارىنان سىلدىرلاپ سۋ اعىپ جاتاتىن اسەم قالانىڭ ىشىندە مۇلگىگەن تىنىشتىق. ءتىپتى بىر-بىرىنە جول بەرمەي توبەلەسىپ قالا بەرەتىن كولىكتەرى دە جوق. حالقى قۇمىرسقاداي جىبىرلاپ جۇمىس ىستەپ، ناۋبايحانادا نانى ءپىسىپ، ءدامحانادا اسى ءپىسىپ، زاۋىتتارى مەن فابريكالارىنان شىققان ءتۇتىنى اسپانعا شۇباتىلىپ جاتاتىن قالانىڭ مىنا تىنىشتىعى جان شوشىتادى ەكەن. اتا تىشقان بالا-شاعاسىمەن ۇرەيلەرى ۇشىڭقىراپ تۇرعاندا، الدارىنان ءداۋ قارا يت شىعادى. ءبىر ءتىرى جان شىققانىنا قۋانعان ول:

–اسسالاۋماعالەيكۇم، يت اعا! – دەيدى قىپ-قىسقا قولىن الا جۇگىرىپ. يت تۇمىلدىرىق كيىپ الىپتى. سوزعان قولىن كەرى يتەرىپ:

–سالەم، تىشقان! قولىڭدى ۇستاي المايمىن، رەنجىمە! بيىلعى سەنىڭ جىلىڭ جايسىز باستالىپ تۇر! – دەدى كەيىگەندەي.

–نە بولدى، مەنىڭ باستالعانىم بۇگىن عانا ەمەس پە؟!

ء

–يا، سەن باستالماي جاتىپ، ء«تاجتاجال» دەگەن بالەنى الا كەلدىڭ. ەلدى دۇربەلەڭگە سالدىڭ، –دەپ كۇرسىندى.

ء

–تاجتاجالى نەسى؟ – دەپ انا تىشقان باج ەتە ءتۇستى.

ء

–تاج سياقتى ءبىر ۆيرۋستان اۋرۋ تارادى. ول تيگەن جەرىن جالماپ بارادى. ەمى جوق دەيدى. مەن تۇرماق ادامدار دا تۇمىلدىرىق كيىپ، قولدارىنا قولعاپ كيىپ، بىر-بىرىمەن الىستان عانا امانداسادى. قورىققاندارى سونداي، ۇيلەرىنەن شىقپايدى. بالالارىن باۋىرلارىنا باسىپ الىپ، تەك تەرەزەدەن عانا دالاعا كوز سالادى.

مىنا جاڭالىقتان تىشقاندار شوشىپ قالدى. انا تىشقان:

–بىزگە جۇقپاي ما ەكەن؟ – دەدى.

–جوق، ول اۋرۋ جان-جانۋارلارعا جۇقپايدى، تەك ادامدارعا عانا ءقاۋىپتى ەكەن، – دەدى.

–سوندا بيىل ناۋرىزدى تويلاماي ما؟! – دەدى اتا تىشقان مۇڭايىپ.

–قايداعى توي، ۇيلەرىنەن شىقپايدى. تاۋعا شىعىپ جاۋقازىن دا تەرمەيدى. بىلاي يىسكەشى، قالانىڭ ءىشى دوعدىرحانا سياقتى ءدارى ساسىپ كەتتى، – دەپ يت مۇرنىن كوككە كوتەرىپ يىسكەپ، ءتىپتى ۇلىپ جىبەردى.

ء

تورت تىشقان دا اۋانى يىسكەپ قالىپ ەدى، شىنىندا قايران الما ءيىسى اڭقيتىن قالا ءدارى ساسىپ كەتىپتى. انا تىشقان بالالارىنا:

–قاپ، ەندى قايتتىك! باياعىدا ادامدار وسى ناۋرىزدا «ۇلىستىڭ ۇلى كۇنى ءاز ناۋرىز كەلدى!» دەپ قۋانىپ، ناۋرىز كوجە ءپىسىرىپ، بىر-بىرىمەن «ۇلىس وڭ بولسىن، اق مول بولسىن، بالە-جالا جەرگە ەنسىن» دەپ امانداساتىن. ولار مەرەكەلەپ جاتقاندا ءبىز قازان-وشاق جاقتى جاعالاپ ءبىر توياتىنبىز. ويىن-ساۋىقتارى اپتالارعا ۇلاسىپ ءبىر بەرەكەلى اي بولاتىن. ەندى اش قالاتىن بولدىڭدار-اۋ، بالالارىم، – دەپ جىلامسىراپ كەتتى.

ء

–تايت ارى، جامانشىلىق شاقىرماي! – دەپ اتا تىشقان ايەلىنە زەكىپ جىبەردى، – ءبىر ءمانىسى بولار. ادام بار جەردە ىرىس بار. ولاردىڭ  ۇيلەرىنە كىرسەك تە اش بولمايمىز، – دەدى سەنىمدى تۇردە.

–نەگىزى ادامدار كۇشتى! ءقازىر ولار «تاجتاجالمەن» كۇرەسىپ جاتىر. جاقىندا ءبارىن جەڭىپ سىرتقا شىعادى. قايناعان تىرلىك باستالادى. ازىرگە ادامدار قوقىسقا كوپ تاماق تاستايدى، سونى جەيمىز، سەندەرگە دە جەتەدى، – دەپ قويدى يت.

–ال، جاقسى وندا، ءبىز قالانى شارلايىق، – دەپ قوشتاستى يتپەن.

«مەن جىل باسىمىن! جىل پاتشاسىمىن!» دەپ ءبوسىپ كەلە جاتقان اتا تىشقان جاسىپ قالدى. جانىنداعى وتباسى دا ءۇرپيىسىپ بىر-بىرىنە قارادى.

ولار تاعى ءبىراز جۇرگەن سوڭ انا تىشقان الىستان الا مىسىقتى بايقاپ قالدى.  جانۇشىرا:

–ويباي، مىسىق! – دەپ شىڭعىرىپ جىبەردى. الدىندا كەلە جاتقان اتا تىشقان الاق-جۇلاق جان-جاعىنا قارادى. بالالار اناسىنىڭ قۇيرىعىنا جارماسا كەتتى.

جولدىڭ ار جاعىنان ءبىر الا مىسىق جوتاسىن كۇجىرەيتىپ بۇلارعا سەس كورسەتتى. اتا جاۋىن كورگەندەي الدىڭعى ەكى اياعىمەن جەر تىرەپ، باسىن قايقايتا قارايدى. ونىڭ قاھارىن الىستان سەزگەن اتا تىشقاننىڭ زارەسى ۇشىپ:

–قاشىڭدار! تىعىلىڭدار! – دەدى دە ءوزى الدىعا ءتۇسىپ زىمىرادى. ۇشەۋى سوڭىنان ەرىپ كەلەدى. قۇداي ساقتاعاندا، الا مىسىقتى اداستىرىپ كەتتى.

ۇلكەندى-كىشىلى ءتورت تىشقان سول زىتقاننان زىتىپ وتىرىپ ورتالىق دەمالىس ساياباعىنان ءبىر-اق شىقتى. مۇندا دا ادام شوشىرلىق تىنىشتىق. زامان-اي، ءبىر كەزدە مىنا ءداۋ قاقپادان ادامدار كىرىپ-شىعىپ، باق ىشىندە ءان شىرقالىپ، بالالار نەشە ءتۇرى اتكەنشەكتە تەربەلىپ، كۇلىپ-ويناپ جاتاتىن. اناۋ اسحانانىڭ ماڭىندا استا-توك تاماق بولاتىن. الىستان تاماق ءيىسى مۇرنىڭدى جارىپ شاقىراتىن. بۇگىن ەشقانداي ءيىس جوق. ەسىكتەرى تارس جابىق. قوقىس جاشىگى قاڭىراپ بوس تۇر. سوندا دا ءۇمىتسىز شايتان دەپ جاقىنداي بەرىپ ەدى، جاشىكتەردىڭ ارتىندا ەكى مىسىق باجىلداسىپ توبەلەسىپ، الدەنەگە تالاسىپ جاتىر. و، سورلاعاندار-اي، اش شىعار! تىشقاندار ولاردىڭ كولەڭكەسىنەن شوشىپ تاعى قاشا جونەلدى. وزدەرى اش، ابدەن شارشاعان ەدى. ەڭ كىشكەنتايى:

–وسى مىسىق دەگەننەن قاشىپ-اق، ولەتىن بولدىق قوي! اكە، نەگە سونشا قورقامىز؟ – دەدى بۇرتيىپ.

–ويباي، ءوشىر ءۇنىڭدى! ول ءبىزدىڭ بابالارىمىزدىڭ اتا جاۋى! – دەپ تاپ بەردى اكەسى.

ء

–بىزدىڭ بابامىز اقىلدى، ايلالى دەپ ەدىڭىز عوي، جىل باسى بولعاندا، – دەدى ەكىنشى بالا تىشقان.

–سول ايلالى بولعاننان عانا مىسىق دەگەن بالەنىڭ قولىنا تۇسپەي ءجۇرمىز. ايتپەسە، ول ناقۇرىس ءبىزدى ءتۇتىپ جەيدى، – دەدى انالارى.

–بۇل دۇنيەدە ادىلەت جوق قوي! ايتپەسە، ادامدار جىل باسى دەپ مويىنداعان تىشقان اۋلەتىن ءجۇنى جالبىراعان مىسىق باسىنا ما؟! –دەپ كۇيىندى اتا تىشقان.

–اكەسى، سابىر ەتىڭىز! جاراتۋشىنىڭ جازعان زاڭىن كىم بۇزا الادى. كۇشتىنىڭ اتى –  كۇشتى! ءبىزدى سوعان باعىنىشتى ەتىپ قويدى عوي، – دەپ كوزىنە جاس الدى انا تىشقان.

«مىسىق دەگەن جەر بەتىندەگى كۇشتى جانۋار ەكەن عوي!» – دەپ ويلادى بالا تىشقاندار.

تورتەۋى سول جۇرگەننەن حايۋاناتتار باعىنا جەتتى. مۇندا دا جان كورىنبەيدى. ءبىراق ايعايلاعان، باجىلداعان، شىڭعىرعان، قىڭسىلاعان سۇمدىق ۇندەر ەستىلەدى. حايۋانداردىڭ ءبارى تەمىر توردىڭ ارعى جاعىندا ەكەن. انا جەردە – باقىرىپ ءپىل، ودان ارى – اقىرىپ ارىستان، تاعى ءبىر جەردە – ۇلىپ قاسقىر، ەندى بىرەۋىندە – قىڭسىلاپ تۇلكى، تاعى ءبىر قورشاۋدا – قورباڭداعان ايۋ، جانارى جاۋدىرەگەن – ەلىك، جانىندا – تاۋەشكى، سولاي بىرىنەن-بىرى كۇشتى اڭداردىڭ ءبارى قاماقتا. ەندىگى ءبىر شاعىنداۋ قورشاۋدان – مايمىل، جانىندا – قويان، توتىقۇس، قىرعاۋىل، ءداۋ جىلان، دومالانعان تاسباقا، كىرپى كورىندى. اتا تىشقان:

–مىنالاردىڭ حال-جاعدايىن بىلەيىك، – دەدى انا تىشقانعا.

–قويىڭىز، اش بولسا ءبىزدى جەپ قويار، – دەدى ايەلى.

–بۇلار تىشقان ەتىن جەمەيدى، ولارعا ارنايى تاماق بەرىلەدى. ءارى ولار قورشاۋدا تۇر. بىزگە تيىسە المايدى. ءبىز ازاتتىقتامىز. كەرەك بولسا قاشا جونەلەمىز. بالالار، كوردىڭدەر مە، باسىڭ ازات بولعان قانداي جاقسى! اناۋ ارىستاننىڭ اقىرعانىن قايتەيىن، قاماۋدا تۇرىپ ايباتتانىپ. ءبىز كىشكەنتاي بولساق تا ازاتپىز. ءوز بوستاندىعىمىز وزىمىزدە. سونىڭ ارقاسىندا، مىنە، ەل كورىپ، جەر شارلاپ ءجۇرمىز، –دەپ ماقتاندى اكەلەرى.

–مەن انا مايمىلمەن سويلەسىپ كەلەيىن، – دەپ تورعا اسىلىپ تۇرعان مايمىلعا تاياۋ بارىپ:

–مايمىل، قالىڭ قالاي؟ – دەپ امانداسىپ باسىن ءيدى.

–سالەم، جىل باسى – تىشقان! –دەدى مايمىل دا باسىن ءيىپ.

ء

وزىن جىل باسى دەگەنگە ماسايراعان تىشقان:

–نە بولدى، بۇرىن تورىڭدا سەكىرىپ جان تاپپاۋشى ەدىڭ، باسىلىپ قالىپسىڭ عوي؟

–وي، تىشەكە، سۇراما! ادام بالاسىنا ء«تاجتاجال» دەگەن ءبىر اۋرۋ كەلىپ ۇيلەرىنەن شىقپاي قالدى. بىزگە جولامايدى. تاماعىمىزدى دا وتە از بەرەدى. بۇرىن وسى جەردەن ارى-بەرى ءوتىپ، ءبىزدى تاماشالاپ، بالالارى ماعان بانان، ءتاتتى نان لاقتىراتىن. قاعىپ الىپ تامسانا جەيتىنمىن. ەندىگى تۇرىسىم مىناۋ – ەشكىمگە كەرەگىم جوق، – دەپ جىلامسىرادى باسى سالبىراپ.

ء

–بىزدىڭ قىزىعىمىز دا، قۋانىشىمىز دا ادامدار ەكەن. ماعان ءسابىز بەن المانى ءۇيىپ تاستايتىن. كىرپىگە دە سويتەتىن. ەندىگى جاتىسىمىزدى قارا، ءبۇرىسىپ، – دەپ انا جاقتان قويان شاعىندى. شاڭق-شاڭق ەتىپ توتىقۇس:

–تىشقان، دوسىم، ادامدار ەڭ سۇلۋ قىزدارىن توتىدايىن تارانعان دەپ مەنى قاتتى باعالاپ، قاناتىمنان تۇسكەن قاۋىرسىندى تورلەرىنە ءىلىپ قادىرلەيتىن. مىنە، مىنا جامان اۋرۋدان شوشىپ، بايقۇس ادامدار ءبىز تۇرماق، ءوز تۋىستارىنا بارمايدى. سولارعا دەگەن ساعىنىشتان ولەتىن بولدىم! – دەپ وكسىپ-وكسىپ جىلادى.

–ادامدارعا كەرەك بولسا ۋىمدى بەرەيىن، انا ء«تاجتاجالدىڭ» ەمى تابىلماي جاتىر دەيدى، ءدارى جاساسىن، مەنەن سالەم ايتا بار! سەن بىزگە قاراعاندا بوستاندىقتاسىڭ عوي، تىشقان. ءوزىڭ بيىل جىل پاتشاسى بولدىڭ! – دەپ جىلان باسىن كوتەرىپ سالەم جولدادى.

اتا تىشقان ايەلى مەن بالالارىنىڭ الدىندا مارقايىپ قورشاۋداعىلارعا قاراپ:

–حايۋانات اعايىندار! جىل باسى رەتىندە سالەمدەرىڭدى ادامدارعا جەتكىزەمىن! سەندەر دە شىداڭدار، جاقىندا ادامدار كارانتيننەن قۇتىلادى. قالاعا شىعىپ، دالاعا شىعىپ تىرلىكتەرىنە كىرىسەدى. سەندەرگە كەلەدى، – دەپ ۇمىتتەندىردى.

ء

–وزىڭ امان بول، تىشەكە! –دەپ حايۋاندار قورشاۋلارىندا تۇرىپ قولدارىن بۇلعاستى.

ۇلكەن جاۋاپكەرشىلىك جۇكتەگەن اتا تىشقان وتباسى مۇشەلەرىمەن قول ۇستاسا جۇگىرگەن قالپى قالانىڭ ىشىنە بارىپ، ادامنىڭ ۇيىنە كىردى، ءبىر تەسىكتەن. اسحانادا جۇرگەن ادامنىڭ اناسىن كوردى. ول قۋىپ شىعا ما دەپ قورقىپ ەدى، تىشقاندى كورگەن انا:

–وي، تىشقان كەلىپ قالىپتى عوي. بىزگە جىلباسى كەلدى! بيىلعى جىل تىشقان سياقتى بەرەكەلى دە نەسىبەلى بولادى. ۇرپاعىمىز تىشقاننىڭ بالالارىنداي كوبەيەدى! – دەپ قۋانىپ، كەسەگە ءسۇت قۇيىپ، جانىنا پىسكەن ەت قويدى. مىنا قۇرمەتكە قۋانعان اتا تىشقان ادامنىڭ اناسىنا:

–ادامنىڭ اناسى سىزدەرگە جان-جانۋار اتاۋلى سالەم جولداۋدا. ادامدارسىز ءومىرىمىز ءومىر ەمەس ەكەن. ء«تاجتاجالدان» تەزىرەك قۇتىلىپ، قايتادان قۋانا قاۋىشايىق! كەرەك بولسا قولىمىزدا بارىمىزدان قاراسايىق، جىلاننىڭ ۋىنان ءدارى جاساپ بەرەيىك، – دەگەن ىستىق سالەمىن جولدادى، –دەپ باسىن ءيىپ تۇرىپ تاپسىرمانى جەتكىزدى.

–راقمەت، ەلشى تىشقان! ءقازىر الەمدەگى ادامزات اتاۋلى بىرىگىپ جاتىر. ء«بىز ءبارىمىز بىرگەمىز!» دەپ ۇران تاستادى. ادامدار بىرگە بولعاندا جەڭىلمەيتىن اۋرۋ جوق. ء«تاجتاجالدى» دا ءوزىنىڭ شىققان ىنىنە قۋىپ تىعامىز. بيىلعى تىشقان جىلىن جاقىندا ۇلكەن جەڭىسپەن باستايمىز! – دەپ اتا تىشقاننىڭ باسىنان سيپادى.

اتا تىشقان وتباسى مۇشەلەرىنە:

–كوردىڭدەر مە، ءبىزدىڭ دە ادامدارسىز كۇنىمىز جوق. ءبىز ادامدارمەن بىرگەمىز! – دەپ ادامنىڭ اناسى قويعان ءسۇت پەن ەتتى جەپ ءوز جوندەرىمەن كەتتى.


كەلۋ قاينارى: http://www.elarna.net/koru.php?tur=10&id=1174868

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ابدۋارىس ابدۋدىڭ باسىنا 5 مينوت
بيىل ۇبت قالاي وتەدى؟ & 5 مينوت
كاكا: ماقساتىمىز – ەۋرو 5 مينوت
ساياسي كەڭەس مەملەكەتتى 5 مينوت
مادەنيەت جانە سپورت مين 15 مينوت
كۇشىكتى قىزىق كورىپ ورت 18 مينوت
جۇرەكتى تەربەيتىن دۇنيە 20 مينوت
ساداق مەكەنىنىڭ اۋەلگى 25 مينوت
MÙ‰crosoft رەسمي تىلدەر 25 مينوت
رامىزدەر تاريحىن تانىست 1 ساعات
WADA قازاقستاننىڭ دوپين 1 ساعات
ادام كۇشى بايلىعى جانە 1 ساعات
شي جينپيڭ گەرمانيانىڭ ز 1 ساعات
اۆستراليا بيلىگى ناسىلش 1 ساعات
كىتاپحاناشى – وقىرمان ق 1 ساعات
ەربولات باياتۇلى | ادەب 1 ساعات
قۋاتتى الەۋمەتتىك دەنسا 1 ساعات
ساۋال – سىزدەن، ج 1 ساعات
سولتۇستىك وسەتيادا 70 ج 1 ساعات
اقتوتى رايىمقۇلوۆا: سال 1 ساعات
لي كىچياڭ ورتالىقتىڭ جا 1 ساعات
قۋاتتى الەۋمەتتىك دەنسا 1 ساعات
كەڭشىلىك مىرزابەكوۆ | 2 ساعات
ەلەكترواۆتوبۋس­تار كوبە 2 ساعات
لي كىچياڭ دۇنيە جۇزىلىك 2 ساعات
يليا يلين تاعى ءبىر قىز 2 ساعات
ۇزاق ۋاقىتتىق جوسپار جا 2 ساعات
ۇلەسكەرلەر ءۇمىتى اقتال 2 ساعات
اتىراۋ وبلىسىندا كورونا 2 ساعات
قانسەيىت ابدەزۇلى | اد 2 ساعات