ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 23:00 - 2020/05/10

Нақты Көзі: http://zhasorken.kz/?p=33431


اقتاۋداعى نازارباەۆ زياتكەرلىك مەكتەبىنىڭ 12-سىنىپ وقۋشىلارى ديانا سالىمگەرەەۆا مەن دايانا بۋلاتبەكوۆا وڭتۇستىك كورەياداعى الەمنىڭ ۇزدىك 10 ۋنيۆەرسيتەتى قاتارىنداعى ۋلسان ۇلتتىق عىلىم جانە تەحنيكا  ۋنيۆەرسيتەتىنىڭ (UNIST) ءبىلىم گرانتىنا يە بولدى. ۇلتتىق ۋنيۆەرسيتەتتىڭ ەرەكشەلىگى – شەتەلدىك ستۋدەنتتەرگە ارنالعان اقىلى ءبولىم جوق. ۇمىتكەر مىندەتتى تۇردە گرانت يەگەرى بولۋى كەرەك. ءبىلىم وشاعى 2007 جىلى اشىلعان. كورەيانىڭ ء«وندىرىس وشاعى» اتانعان ۋلسان قالاسىندا ورنالاسقان. بۇل قالادا الەمگە ايگىلى Hyundai Motors، Heavy Industries، SK Energy زاۋىتتارى جۇمىس ىستەيدى. قوس تالاپكەردى جەڭىسىمەن قۇتتىقتاپ، اڭگىمەلەسكەن ەدىك.

ۇلان: قىزدار، گرانت قۇتتى بولسىن! جارايسىزدار! شەتەلدە وقۋدى قاشاننان باستاپ جوسپارلادىڭىزدار؟

دايانا: ديانا ەكەۋمىز ءبىر سىنىپتا وقيمىز. وڭتۇستىك كورەيانىڭ ۇلتتىق عىلىم جانە تەحنولوگيالار ۋنيۆەرسيتەتىنە (UNIST) تولىق گرانت ۇتىپ الدىق. ەكەۋمىز دە ينجەنەريا دەپارتامەنتىنە تۇستىك. مەن 2-كۋرستان باستاپ، urban engineering (ازاماتتىق قۇرىلىس) ماماندىعىن جالعاستىرامىن. وقۋعا قالاي تۇسكەنىمىز تۋرالى ناقتى ەشتەڭە ايتا المايمىز. سەبەبى باسەكە وتە جوعارى بولدى. قازاقستان بويىنشا 18 وقۋشى شاقىرتۋ الدى. ناقتى قانداي كريتەري بويىنشا وتكەنىمىزدى بىلمەيمىز. ءبىراق ءبىزدىڭ ساباق ۇلگەرىمىمىز بەن حالىقارالىق تەستىلەۋ جۇيەسىنىڭ قورىتىندىسى وتە جاقسى. ساباقتان تىس تەرەڭدەتىلگەن قىزمەتتەگى جەتىستىكتەردىڭ دە اسەرى بولدى. ءوزىن-وزى باسقارۋ، ەرىكتىلىك، وليمپيادالار، جوبالار، سپورت جانە موتيۆاتسيالىق ەسسە دە جوعارى باعالانعان دەپ بولجاپ وتىرمىز.

ديانا: بيولوگيا فاكۋلتەتىن تاڭدادىم. ءبىرىنشى جىلى جالپىلاما ساباق وقيمىز. كەيىن بيومەديتسينا بويىنشا ينجەنەرياعا اۋىسقىم كەلەدى. كورەيادا بۇل وقۋ ءبولىمى وتە جاقسى دامىعان. ۇزدىك فاكۋلتەتتەردىڭ قاتارىنا كىرەدى. دايانانى تولىقتىرعىم كەلەدى. ءبىزدىڭ جەكە قۇجاتتارىمىز تىركەلگەن پورتفوليو دا شەشۋشى ءرول اتقاردى. UNIST-عا تۇسكەن 18 وقۋشى SAT جانە IELTS ەمتيحاندارىنان جوعارى ناتيجە كورسەتكەن مىقتى ۇمىتكەرلەر. حالىقارالىق وليمپيادا مەن جارىستىڭ جۇلدەگەرلەرى. جاۋتىكوۆ وليمپياداسى، فيزيكا، حيميا، بيولوگيا جانە ماتەماتيكا پاندەرى بويىنشا رەسپۋبليكالىق وليمپيادانىڭ ۇزدىكتەرى بار.

ۇلان: شەتەلدە وقۋ ءۇشىن دايىندىقتى نەدەن باستاعان ءجون؟

ديانا: الدىمەن ناقتى ماقسات قويۋ كەرەك. ماماندىق پەن ۋنيۆەرسيتەتتى دە ناقتى شەشىپ الۋ كەرەك. وقۋشىلار ءۇشىن قويىلاتىن تالاپتاردى مۇقيات وقىعان ءجون. شەتەلگە قۇجات تاپسىرۋ ءبىزدىڭ ەلدەگىدەن وزگەشە. سوندىقتان ءبارىن جوسپار بويىنشا ىستەگەن دۇرىس. مەكتەپ ۇسىناتىن مۇمكىندىكتى دۇرىس پايدالانۋعا كەڭەس بەرەمىن. وقۋلىقپەن عانا شەكتەلمەي، قوسىمشا مالىمەتتەر ىزدەگەن دۇرىس. قوسىمشا ۇيىرمەلەرگە جازىلىپ، ءبىلىم كوكجيەگىڭىزدى كەڭەيتكەنىڭىز جەمىسىن بەرەدى.

دايانا: مەكتەپتە وقىپ جۇرگەندە شەتەلدە وقۋدى ارمانداساڭ، 8-9-سىنىپتا-اق دايىندالۋ كەرەك. 11-12-سىنىپقا كوشكەندە وقۋ كەزەڭىندەگى ءبىلىم مەن داعدىنى جيناقتاپ، مەكتەپتە بەلسەندى بولىپ، وليمپيادا مەن جوبالار بايقاۋىندا باق سىناعان دۇرىس. ءوزىنىڭ ماماندىعىمەن بايلانىستى پاندەردى تەرەڭنەن زەرتتەگەن ءجون. شەتەلدە وقۋعا ماقسات قويۋ ارقىلى ءوزىڭىزدىڭ قاي باعىتقا جاقىن ەكەنىڭىزدى بىلەسىز. ماماندىعىڭىزعا قىزىعۋشىلىق جوعارىلاعان سايىن، جەكە داعدى مەن اكادەميالىق دارەجەڭىز كوتەرىلەدى. وزىڭىزگە سەنىم پايدا بولادى. كەز كەلگەن جاعدايعا پىكىر بىلدىرەتىندەي كوزقاراس پايدا بولادى. بارلىق مۇمكىندىكتى پايدالانۋ كەرەك.

ۇلان: سىزدەر ءتىلدى قالاي ۇيرەندىڭىزدەر؟ قانداي لايفحاك ۇسىناسىزدار؟

ديانا: دايانا ەكەۋمىز دە ءۇش تىلدە ەركىن سويلەيمىز. بولاشاقتا كورەي ءتىلىن ۇيرەنۋدى جوسپارلاپ وتىرمىز. ول جاقتا حالىقتىڭ كوپشىلىگى انا تىلىندە سويلەيدى. اۆتوبۋس ايالدامالارىنىڭ اتاۋلارىن، ءدامحانا، اس ءمازىرى جانە كۇندەلىكتى ومىرگە قاجەتتى سوزدەردى ۇيرەنىپ الۋ كەرەگىن تۇسىندىك. وزىمىزگە دە قىزىق بولىپ تۇر. ۋلساندا ەركىن ءجۇرۋ ءۇشىن جەرگىلىكتى حالىقتىڭ انا ءتىلىن ۇيرەنۋ مىندەتتى. الەۋمەتتىك جەلىدەگى بارلىق جاڭالىقتى اعىلشىن تىلىندە وقيمىن. باسقارۋ ءتىلىن دە اعىلشىنشاعا وزگەرتىپ تاستادىم. ءتۇرلى ۆيدەولار كورگەندى جاقسى كورەمىن. ءتىلدى ۇيرەنگەندە سول تىلدە اۋديو تىڭداۋ تەز ۇيرەنۋگە كومەكتەسەدى. تىڭدالىمدى جاقسارتۋعا تاپتىرمايتىن ءادىس.

دايانا: اعىلشىن ءتىلىمىز Advanced دەڭگەيدە. 12-سىنىپتا IELTS تاپسىردىق. مەنىڭ ناتيجەم – 8،0، ال ديانا 7،5 الدى. ءتىل ۇيرەنۋ ادامنىڭ قالاۋىنا بايلانىستى. ەگەر ءبىر نارسەنى قالايتىن بولساق، ەش قيىندىقسىز سوعان قول جەتكىزەمىز. كەز كەلگەن ءتىلدىڭ باستاپقى گرامماتيكاسى مەن سويلەم قۇرىلىسىن ءتۇسىنىپ الۋ كەرەك. ودان كەيىن سوزدىك قوردى كوبەيتىپ، جاتتىعۋعا بولادى. ەڭ ماڭىزدىسى تىلدىك ورتا بولسا، جاڭا ءتىلدى مەڭگەرۋ وتە وڭاي.

ۇلان: تاڭداعان ماماندىقتارىڭىز تۋرالى تولىق ءتۇسىندىرىپ بەرسەڭىزدەر… بولاشاقتا سۇرانىسقا يە مە؟

دايانا: ورتا مەكتەپتە وقىپ جۇرگەندە قۇرىلىس سالاسىنا بارعىم كەلدى. قالانىڭ ينفراقۇرىلىمى مەن تەحنولوگياسىنا، كونسترۋكتسياسىنا قاتتى قىزىعامىن. ماتەماتيكا ءپانىن جاقسى كورەمىن. جوعارى سىنىپقا كەلگەندە فيزيكاعا جۇيرىك بولدىم. جاراتىلىستانۋ باعىتىنا بۇيرەگىم بۇرىپ تۇراتىنى راس. ينجەنەريا سالاسىن دا سول ءۇشىن تاڭدادىم. 10 جىلدان كەيىن ءبىزدىڭ ماماندىققا سۇرانىس جوعارى بولاتىنىنا سەنەمىن. وقۋىمدى بىتىرگەننەن كەيىن، ەلىمىزدەگى ينفراقۇرىلىمدى دامىتۋعا ۇلەس قوسامىن. ەلىمىزدىڭ گۇلدەنۋىنە سەبەپكەر بولعىم كەلەدى.

ديانا: مەكتەپتەگى بارلىق ءپاندى جاقسى كورەمىن. ءبىراق بيولوگياعا قىزىعۋشىلىعىم ەرەكشە. جىل سايىن وليمپيادا مەن عىلىمي جارىسقا قاتىسامىن. ماعان بيولوگيا-حيميا، ماتەماتيكا، فيزيكا جانە ءتۇرلى جاراتىلىستانۋ عىلىمدارىن بىرىكتىرىپ وقىعان ۇنايدى. ماكرو جانە ميكرو دەڭگەيدەگى كۇردەلى پروتسەستى زەرتتەگەن ۇنايدى. بولاشاقتا بيولوگيا سالاسىنداعى عىلىمي قىزمەتتى دامىتقىم كەلەدى. ەلىمىزدە عىلىم سالاسىنىڭ دامىماي وتىرعانى جاسىرىن ەمەس.

ۇلان: اڭگىمەلەرىڭىزگە راقمەت!

ەركەجان اۋەسبەكوۆا،

و.بوكەي اتىنداعى مەكتەپ-ليتسەيدىڭ

11-سىنىپ وقۋشىسى.

وسكەمەن قالاسى

شىعىس قازاقستان وبلىسى.

“ۇلان” گازەتى، №19


كەلۋ قاينارى: http://www.elarna.net/koru.php?tur=10&id=1174723

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


قاسىم-جومارت توقاەۆ: رە 2 مينوت
بيىل مال شارۋاشىلىعىنىڭ 2 مينوت
پرەزيدەنت: بايقوڭىر – ب 2 مينوت
نۇر-Cۇلتاندا قاۋىپسىزدى 5 مينوت
ريو-دە-جانەيرودا تۇرعىن 6 مينوت
«باقىتتى وتباسى»: قوستا 6 مينوت
قاسىم-جومارت توقاەۆتىڭ 8 مينوت
قاسىم-جومارت توقاەۆ «اس 8 مينوت
الماتىدا وتاندىق تاۋار 8 مينوت
تۇركىستان: مۇقتاج وتباس 11 مينوت
توقاەۆ: "قازاقستان 11 مينوت
«جاڭا كاسىپتەر اتلاسى» 11 مينوت
بيىل اۋىل شارۋاشىلىعى د 11 مينوت
ماجىلىستە اۋىلداردىڭ ين 14 مينوت
ن.نىعماتۋلين: باستى ماق 14 مينوت
ايماق ۇلتتار ىنتىماعى ا 16 مينوت
«باقىتتى وتباسى»: قوستا 16 مينوت
ءۇندىستاندا «نيسارگا» د 16 مينوت
اۆتونوميالى رايوننىڭ ”ء 16 مينوت
قوستاناي وبلىسىندا ەكى 16 مينوت
توقاەۆ قىتاي ەكسپانياسى 16 مينوت
قاسىم-جومارت توقاەۆتىڭ 17 مينوت
رەسەي مەن بەلارۋس سياقت 17 مينوت
قازاقستاندا ەشقانداي دا 23 مينوت
اۋىلداردى ينتەرنەتپەن ق 23 مينوت
اقتوبە: مەشىت قۇرىلىسى 26 مينوت
الماتىدا بايعىز قۇسىنىڭ 26 مينوت
قازاقستاندا ەشقانداي قو 26 مينوت
ديماش قۇدايبەرگەن افروا 26 مينوت
جاڭ سىشۋە جولداس قايتىس 26 مينوت