ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 15:20 - 2020/05/08

Нақты Көзі: http://zhasorken.kz/?p=33416


ەلىمىزدە توتەنشە جاعداي مەن كارانتين مەرزىمى جاريالانعالى بەرى ءار ماماندىقتىڭ ءقادىرىن ءبىلىپ، ولاردىڭ جۇمىسىن باعالاي باستادىق. كارانتين كەزىندە دۇكەنگە شىقسام، اۋلادا تۇرعىندار ەمىن-ەركىن فۋتبول ويناپ ءجۇر ەكەن. ال ءبىزدىڭ جانىمىزداعى ءۇش ۇيدەن كوروناۆيرۋس انىقتالىپ، پودەزدەردىڭ ەسىگىن سىرتىنان بەكىتىپ تاستاعان. قىپ-قىزىل باننەر دە جەلىمدەلگەن. ءبىراق ونى ەسكەرىپ جاتقان تۇرعىندار جوق. كەيبىرى اسىر سالىپ ويناپ، ەندى ءبىرى بالالارىن ارباعا سالىپ الىپ سەرۋەندەپ ءجۇر. ياعني، توتەنشە جاعداي مەن كارانتيننىڭ ەرەجەسىن ساقتاماي، ءتارتىپ بۇزىپ جاتىر. ەگەر ءبارىمىز مەكتەپكە، ۋنيۆەرسيتەتكە، جۇمىسقا بارماي، ءبىراق اۋلادا توپتانىپ ويناپ، سەرۋەندەيتىن بولساق، بۇنىڭ نەسى كارانتين؟ قاتتى اشۋلاندىم. كورىنىستى كامەراعا ءتۇسىردىم دە، 102-گە قوڭىراۋ شالدىم. بولعان جايتتى باياندادىم. ديسپەتچەر مەكەنجايدى، ءاتى-جونىمدى ناقتىلاپ جازىپ الدى. بەس-ون مينۋت وتكەندە بەيتانىس ءنومىر قوڭىراۋ شالدى. ۋچاسكەلىك پوليتسيا ەكەن. شىنىن ايتسام، قوڭىراۋىما مۇنداي رەاكتسيا كۇتپەگەن ەدىم.

كۇنىنە مەن سەكىلدى قانشا ادام پوليتسياعا حابارلاسىپ، شاعىم ايتادى ەكەن؟ اركىم ءارتۇرلى جاعدايمەن حابارلاسادى. ءبىر ءسات ۋچاسكەلىك پوليتسيانىڭ جۇمىسىنا ءۇڭىلىپ كورەيىكشى. بەيبىت كۇننىڭ ءتارتىپ ساقشىسى، وتان قورعاۋشىسى ناعىز سولار ەمەس پە؟ ەندەشە، ولاردى دا تىڭدايىق.

مەرەي احمەتوۆ نۇر-سۇلتان قالاسىنداعى بايقوڭىر اۋدانىنىڭ ۋچاسكەلىك پوليتسياسىندا قىزمەت ەتەدى. جوعارى وقۋ ورنىن بىتىرگەن سوڭ اسكەري بورىشىن وتەپ، ىشكى ىستەر ورگانىندا قىزمەت ەتۋگە شەشىم قابىلدايدى. بالا كەزدە ءار بالا ءجابىر كورگەن ادامدارعا كومەكتەسىپ، قىلمىسكەردى تۇتقىنداپ، پوليتسيانىڭ رولىندە ويناپ كورەدى ەمەس پە؟ مەرەي دە كىشكەنتاي كەزىنەن پوليتسيا كەيپىنە تالاي ەنگەن. كورشى پوليتسيا اعانىڭ فورماسىنا قىزىققان. اسكەردەن كەلگەن اعالارىنىڭ كيىمىن كيىپ، قولىن شەكەسىنە قويىپ، وسكەندە سولار سەكىلدى وتان الدىنداعى بورىشىن وتەيتىنىنە سەنگەن. سول ءۇشىن تەزىرەك ەسەيسەم دەپ اسىققان. ءقازىر بالا كەزدەگى ويىنى شىندىققا اينالىپ، قوعامدا ءتارتىپ ساقتاۋعا ۇلەسىن قوسىپ ءجۇر.

«بىزگە كۇنىنە 50-60 شاعىم تۇسەدى. كارانتين باستالعالى شاعىمدانۋشىلار بۇرىنعىدان الدەقايدا كوبەيدى. توتەنشە جاعداي كەزىندە ۇيدە جۇمىس ىستەمەي جاتقاندىقتان ىشىمدىك ءىشىپ، وتباسىندا شۋ شىعارىپ، كورشىلەرىنىڭ مازاسىن الۋشىلار كوبەيگەن. ءقازىر كورشىلەرىنىڭ ۇستىنەن شاعىمدانۋشى كوپ. ويتكەنى ادەتتەگىدەي ەمەس، ءبارى ۇيدە بولعاندىقتان كورشى پاتەردە، ۇيدە نە بولىپ جاتقانى انىق ەستىلەدى. ءبىرى كورشى ۇيدەگى جابىرلەنۋشىگە الاڭداسا، ەندى ءبىرى ءوز قاۋىپسىزدىگى ءۇشىن قورقادى»، – دەيدى ءتارتىپ ساقشىسى.

جاي كۇندەرى ەڭ ءجيى تىركەلەتىن شاعىم دا وتباسىلىق جانجال ەكەن. «بىزگە تۇسەتىن شاعىمدار ۇقساس. مىسالى، كۇيەۋى مەن ايەلى جانجالداسادى. وعان بالاسى ارا تۇسەدى. اقىر سوڭىندا 102-گە قوڭىراۋ شالادى. 12-13 جاسقا كەلىپ قالعان بالا اكەسىنىڭ اناسىمەن جانجالداسىپ جاتقانىنا قاراپ تۇرمايدى. اناسىن قورعاپ، اكەسىنە قارسى شىعادى. وسىنداي كەزدە بالا دا تاياق جەيدى. الايدا وتباسىلىق جانجالدىڭ سوڭى كوبىنە ءوزارا ىمىرالاسۋمەن بىتەدى. ىشكەن كۇيەۋى كەشىرىم سۇرايدى، سوسىن انا مەن بالا كەشىرەدى. ءبىز ەسكەرتۋ جاساۋمەن شەكتەلەمىز»، – دەيدى مەرەي.

جاسوسپىرىمدەر اراسىنداعى الىمجەتتىك دە ءجيى كەزدەسەتىن شاعىمداردىڭ ءبىرى ەكەن. الىمجەتتىك، اسىرەسە، كوللەدجدە وقيتىندار اراسىندا كوپ دەيدى. كوبىنە 102-گە كوللەدجدە وقيتىن بالانىڭ اناسى حابارلاساتىن كورىنەدى. «نەگىزىنەن كوللەدجگە بالالار جان-جاقتان وقۋعا تۇسەدى. جەرگىلىكتى بالالار شەتتەن كەلگەن بالالارعا الىمجەتتىك جاسايدى. شاكىرتاقى تۇسەر كەزدە بەلگىلى ءبىر سومانى جيناپ بەرۋدى تالاپ ەتەدى. ايتقان سوما جينالىپ تۇرماسا، تەلەفوندارىن لومباردقا وتكىزدىرىپ، ايتەۋىر اقشا الىپ كەتۋدىڭ امالىن جاسايدى. تەلەفونى جوق، ۇنجىرعاسى ءتۇسىپ جۇرگەن بالانىڭ جاعدايىن اناسى ءبىرىنشى بايقايدى. جاعدايىن سۇراپ سويلەسكەندە، كۇشى تاسىعان توپتىڭ بالاسىنا الىمجەتتىك جاساعانىن بىلەدى. سوسىن 102-گە قوڭىراۋ شالىپ، شاعىم تۇسىرەدى. شاعىم بىزگە تۇسكەندىكتەن ءبىرىنشى بوپ بارامىز. سوسىن كامەلەتكە تولماعاندار جونىندەگى ينسپەكتورعا تاپسىرامىز. وندا الىمجەتتىك جاساعان بالانى ەسەپكە الادى. ەسەپكە الىنعان بالا ۇنەمى باقىلاۋدا بولادى»، – دەيدى.

مەرەي بالالاردىڭ كەيدە تىم قاتال بولاتىنىن ءارى وتىرىك سويلەيتىنىن دە جۇمىس بارىسىندا ءجيى كەزدەستىرەتىنىن ايتادى. «بىردە بولىمشەگە 12 جاسار بالادان قوڭىراۋ ءتۇستى. قۇقىعىنىڭ تاپتالعانىن ايتتى. باردىق. ارىزدانىپ تۇرعان ءتورت بالا ەكەن. شاعىم بويىنشا دۇكەن قوجايىنى ولاردى ۇرعان. سويتسەك، ماسەلە باسقاشا بولىپ شىقتى. انىقتاعانىمىزدا قوجايىن ولاردى ۇرماعان. دۇكەننەن ارقاسىنان قاعىپ شىعارعان. ال بالالار بولسا، بىرنەشە رەت دۇكەنگە زات الۋعا كىرگەن كەيىپ تانىتىپ، ۇرلىق جاساعان. ول ارەكەت كامەراعا تۇسكەن. كىپ-كىشكەنتاي بالالاردىڭ وسىنداي قۋلىقتى قايدان ويلاپ تاۋىپ شىعارعانىنا تاڭعالدىق. سوندىقتان ۇيدە اتا-انالار بالالارىمەن كوبىرەك جۇمىس ىستەسە دەيمىز. كىشكەنتاي كەزىندە وسىنداي قۋلىققا بارعان بالا ەسەيگەندە قانداي ادام بولادى؟ سوسىن ءقازىر ەر بالانىڭ تاربيەسىنە دە الاڭسىز انالار جاۋاپتى بولاتىنىن دا ءجيى بايقايمىز. جوعارىدا الىمجەتتىك جاسالعان بالالارعا اناسى اراشا تۇسپەسە نە بولار ەدى؟ سول الىمجەتتىكتى جاساپ جۇرگەن بالالاردىڭ دا اتا-اناسى بار. نەگە ولار ۇيىندە بالاعا بىرەۋدىڭ زاتىن، اقشاسىن الىپ قويۋ قىلمىس ەكەنىن كىشكەنتايىنان بويىنا ءسىڭىرىپ وسىرمەيدى؟ نەگە ولار تەك زاڭ قىزمەتكەرلەرىنىڭ الدىنا كەلگەندە عانا بالاسىنىڭ وعاش قىلىعىن كورىپ ۇيالعان بولادى؟ تۇنگى 11-دەن تاڭعى 6-عا دەيىن جاسى ون سەگىزگە تولماعان بالالاردىڭ اتا-انانىڭ قاراۋىنسىز كوشەدە جۇرۋىنە بولمايتىنىن نەگە بىلمەگەن بولىپ شىعادى؟ مۇنىڭ ءبارى ۇيدەگى تاربيەنىڭ «جەمىسى» دەپ ويلايمىن. «ۇيادا نە كورسەڭ، ۇشقاندا سونى ىلەرسىڭ» دەيدى. سوندىقتان اتا-انا ءبىر ءسات بالاسىنىڭ تاربيەسىنە ۇڭىلسە. قوعامدا ادىلەتتىڭ ورناۋىنا ءار وتباسى جاۋاپتى. زاڭ قوعامنىڭ بارلىق وكىلىنە بىردەي. كىشكەنتاي قىلمىس جاساساڭ دا، سوعان لايىقتى جازاسى بولادى»، – دەيدى ءتارتىپ ساقشىسى.

ج.ايماحانقىزى

“ۇلان” گازەتى، №18


كەلۋ قاينارى: http://www.elarna.net/koru.php?tur=10&id=1173389

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


نوتر دام دە پاري شىركەۋ 2 مينوت
قازاقستاندا بالالاردىڭ 2 مينوت
17 تامىزدا ەل اۋماعىندا 9 مينوت
مەملەكەتتىك قارجى جونىن 9 مينوت
پايعامبارىمىزدىڭ ءومىرب 12 مينوت
ءبىلىم جانە عىلىم مينيس 12 مينوت
مۋفتي ۆىرازيل بلاگودارن 12 مينوت
2020-جىلى 5-ايدىڭ 30-كۇ 12 مينوت
بالالارعا ارنالعان ويىن 12 مينوت
ەلىمىزدە بالالار لاگەرل 12 مينوت
الەۋمەتتىك زەرتتەۋ: كوپ 12 مينوت
شي جينپيڭ جاۋاپ حات قاي 12 مينوت
كوروناۆيرۋس: ورالدا ءۇش 12 مينوت
تەننيس. دميتري پوپكو اق 12 مينوت
بالالار اۋرۋحاناسىنا اس 15 مينوت
الەمدە 40-تان استام زەر 18 مينوت
ايۋ تالاعان ادامعا قاتى 18 مينوت
الماتىداعى مامانداندىرى 21 مينوت
قازاقستاندا الداعى تاۋل 22 مينوت
قىزىلوردا وبلىسىندا 4 ج 22 مينوت
قازاقستاندا قانشا بالا 24 مينوت
الماتى اكىمى بالالاردى 24 مينوت
مەچەتي ۆ ساۋدوۆسكوي ارا 27 مينوت
ەكىنشى دۇنيەجۇزىلىك سوع 27 مينوت
چىن چۋانگو شينجياڭ ۋاكى 1 ساعات
اشارشىلىققا كىم جاۋاپ ب 1 ساعات
شىمكەنتتە 421 سوت وتىرى 1 ساعات
ەسكى كولىك ءۇشىن 50 مىڭ 1 ساعات
كاسىپوداق داۋى: مينيستر 1 ساعات
باس ءمۇفتي «الجير» كەشە 1 ساعات