ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جاس-وركەن تورابى

جولدانعان ۋاقىتى: 02:40 - 2020/05/06

Нақты Көзі: http://zhasorken.kz/?p=33381


ەركە ەرلانقىزى – قازاق حالقىنىڭ ەرتەگىلەرى مەن تۇركى حالىقتارىنىڭ ميفولوگياسىنداعى وبرازداردى شۆەتسيا ەلىنە ناسيحاتتاپ، جۇرتشىلىقتى تامساندىرىپ جۇرگەن قازاق قىزى. ول – سۋرەتشى، يلليۋستراتور-ديزاينەر. الماتىدا تۋىپ-وسكەن. بالا كەزىنەن سۋرەت ونەرىنە قىزىعۋشىلىعى ويانىپ، 5-سىنىپتا كوركەمسۋرەت مەكتەبىنە بارادى. ت.جۇرگەنوۆ اتىنداعى كوللەدجدىڭ كەسكىندەمە فاكۋلتەتىندە ءبىلىم الىپ، كەيىننەن ماگيستراتۋرادا ديزاينەرلىك شەبەرلىكتى مەڭگەردى. تۋىندىلارىنىڭ وزگە سۋرەتشىلەردەن ايىرماشىلىعى مەن ەرەكشەلىگى وتە كوپ. كومپوزيتسيالارى قازاقتىڭ ۇلتتىق ناقىشتاعى ويۋ-ورنەگىمەن كومكەرىلگەن. اسىرەسە، جاس قىز-كەلىنشەكتەردىڭ وبرازىن شەبەر بەينەلەپ، كيىمدەرىن زاماناۋي ۇلگىدە ساندەگەن. ەركە سۋرەت سالۋ ونەرىنىڭ قۇپياسىن ايتىپ بەردى.

شۆەتسياعا العاش  ساياحاتتاپ بارعانمىن. جەرگىلىكتى حالىقتىڭ مادەنيەتىمەن تانىسىپ، تاريحي ەسكەرتكىشتەرىن تاماشالاپ، رۋحاني مادەنيەتىنە ءسۇيسىندىم. شۆەتسيالىقتار وزدەرىنىڭ ميفولوگياسى جايلى فيلمدەر ءتۇسىرىپ، جازۋشىلار فانتاستيكالىق كىتاپتاردى ءجيى جازادى. وسىلايشا تۋريستەرگە  مادەنيەتىن ناسيحاتتاۋعا ەرەكشە ءمان بەرگەن. مۇنداي مادەنيەتتى كورگەندە قازاق جاستارىنىڭ ەجەلگى اڭىز-اڭگىمەلەر مەن ەپوستىق جىرلارعا، حالىق ەرتەگىلەرىنە قىزىعۋشىلىق تانىتپايتىنىنا ىشتەي نالىدىم. مەنىڭ ويىما سول كەزدە عاجاپ يدەيالار كەلدى. قازاق حالقىنىڭ عانا ەمەس، جالپى تۇركى جۇرتىنىڭ ميفولوگياسىن بەينەلەۋ ونەرى ارقىلى جاڭاشا ۇلگىدە دارىپتەگىم كەلەدى. تۇركى ميفولوگياسى تۋرالى مالىمەت وتە از. قوسىمشا مالىمەتتەردىڭ بارلىعىن ءارتۇرلى اقپارات كوزىنەن جينايمىن.  اتا-انام ماعان قولداۋ كورسەتىپ، باعىت-باعدار بەرەدى. اكەم – تاريح ءپانىنىڭ ءمۇعالىمى، ۇيدە جەكە كىتاپحانامىز بار. كىشكەنتاي كەزىمدە اكەم ەرتەگىنىڭ ءتۇر-تۇرىن ايتىپ بەرەتىن. اسىرەسە، قيال-عاجايىپ ەرتەگىلەردى ۇيىپ تىڭدايتىنمىن،  كۇننەن-كۇنگە اڭىزدارداعى جۇمباق تىرشىلىك يەلەرىنىڭ ومىرىنە قىزىعۋشى ەدىم. اكەمنىڭ بالالىق شاقتاعى قۇلاعىما قۇيعان اڭگىمەلەرى بۇگىندە ءومىرى باعدارشام ىسپەتتى. «جەزتىرناق»، «كۇنىكەي قىز»، «مىستان كەمپىر»، «جالماۋىز كەمپىر»، «جىن-پەرى»، «باقسى» كەيىپكەرىن شىعارماشىلىعىما ارقاۋ ەتتىم. ماعان جاقسى تاربيە بەرىپ، ونەرىمدى دامىتۋعا ۇلەس قوسقان اتا-اناما شەكسىز العىسىمدى بىلدىرەمىن. شۆەتسياعا جولداسىممەن كەلدىم. ول وسىندا جۇمىس ىستەيدى. ءبىز جاس بولعاندىقتان ساياحاتتاۋعا جانە جاڭا نارسە ۇيرەنۋگە قىزىعامىز. تاجىريبە جينايمىز، باسقالاردىڭ  ءومىر سالتىن كورەمىز. بۇل شىنىمەن دە شابىتتاندىرادى. ءسىز ءبىر جەردە تۇرساڭىز، ءبارى  ۇيرەنشىكتى جانە قاراپايىم بولادى. كادىمگى ءومىر سالتىن تۇبەگەيلى وزگەرتكەن كەزدە قۇندىلىقتاردى قايتا تىزەسىز. ماعان وتباسىلىق مۋزىكا فەستيۆالى اياسىندا  ەلدەگى بانكتەردىڭ بىرىنەن ۇسىنىس ءتۇستى. قازىرگى ۋاقىتتا Shoqay’s  برەندىن جارىققا شىعارۋمەن اينالىسامىن، – دەيدى ەركە.

ء

قازىر  سۋرەتشى قىز شۆەتسيانىڭ ستوكگولم قالاسىندا شىعارماشىلىعىن دامىتىپ جاتىر. ەركەنىڭ پاراقشاسىنان ءتۇرلى كەسكىندەمەنى كورۋگە بولادى. ءار تۋىندىسى سونداي تياناقتى. وسىدان-اق سۋرەتشىنىڭ ءار جۇمىسىنا جاۋاپكەرشىلىكپەن قارايتىنىن بايقاۋعا بولادى. ءقازىر ءتۇرلى جانردى الىپ جۇرگەن سۋرەتشى كوپ. ەركەنىڭ ەرەكشەلىگى دە جوق ەمەس.

– مەن مايلى بوياۋمەن  سالاتىن ءداستۇرلى سۋرەتشىمىن. ءبىراق ونەر ارتتا قالمايدى ەكەن. زامان اعىمىنا ساي ءتۇرلى قيالدان گرافيكالىق باعدارلامالار ارقىلى سۋرەت سالۋعا بولادى. كەيبىر سۋرەتشىلەر كوپشىلىك نازارىنان قورقادى. سىنعا قالۋدان يمەنەدى نەمەسە تۋىندىسىنا سەنىمسىز. جاڭا نارسەنى ويلاپ تاۋىپ، ونى قولدانۋدان ەش قورىقپاۋ كەرەك. تەك تاجىريبە ارقىلى عانا وبراز بەن ستيل قالىپتاسادى. كەيدە سۋرەتشىنىڭ جۇمىسىن باعالامايدى جانە تيىنعا جۇمىس ىستەيدى دەپ ويلايدى. ءبىراق ولار ەلدىڭ جانە ۇلتتىڭ مادەنيەتىن دامىتاتىن، حالىقارالىق كورمەلەرگە قاتىساتىن، ءوز ەلىنىڭ مارتەبەسىن كوتەرەتىن سۋرەتشىلەر ەكەنىن ۇمىتىپ كەتەدى. ەگەر ونەر ومىردە ماڭىزدى ءرول اتقارماسا، ونەرسىز ءومىر ءسۇرۋ تىم قىزىقسىز بولار ەدى. ەشكىمدى تىڭداماڭىز، وزگەنىڭ ورىنسىز كەڭەسىنە ەرىپ، قاتە شەشىم قابىلداماڭىز. ءومىرىڭىز ءوز قولىڭىزدا. «وزىڭە سەن، ءوزىڭدى الىپ شىعار، اقىلىڭ مەن قايراتىڭ ەكى جاقتاپ» دەپ اباي اتامىز ايتىپ كەتكەندەي، ءارقاشان  وزىڭىزگە سەنە ءبىلىڭىز. سەنىمدىلىك كەز كەلگەن شاقتا  جەڭىسكە جەتكىزەدى. ءاربىر ءىستى جۇرەك قالاۋىمەن جاساۋدى ۇمىتپاعانىڭىز ابزال، – دەيدى ەركە.  

بويجەتكەن تۋعان جەرىن، وتانىن، جاقىندارىن ساعىنعانىن ايتىپ، كوڭىلى بوسادى.  «شىعارماشىل جانداردىڭ جانى نازىك» دەپ كۇلىمسىرەدى. «ۇلان» گازەتىنىڭ 90 جىلدىق مەرەيتويىمەن دە قۇتتىقتاپ، سالەم ايتتى.  

ايسۇلۋ سەزحان،

«ۇلاننىڭ» جاس ءتىلشىسى.

الماتى وبلىسى،

قاسكەلەڭ قالاسى.

“ۇلان” گازەتى، №18


كەلۋ قاينارى: http://www.elarna.net/koru.php?tur=10&id=1171402

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ءۇندىستاندا كۇن 50 گراد 1 مينوت
بيىلعى كوكتەمگى ەگىس جۇ 1 مينوت
رەال – ەۋروپانىڭ ەڭ قىم 1 مينوت
مۇشەلەر دالىزىندە ساياس 1 ساعات
قوستاناي وبلىسىندا پولي 1 ساعات
شەتەلدەگى ٴار سالا قاير 1 ساعات
الەكسەي شپيلەۆسكي: ء«با 1 ساعات
قازاقستاندا كوروناۆيرۋس 1 ساعات
دەنساۋلىق ساقتاۋ سالاما 2 ساعات
اقتوبە حروم قوسىندىلارى 2 ساعات
قازاقستاندىق تورەشى FIF 2 ساعات
جامبىل وبلىسىندا بيىل 1 2 ساعات
بيىل اۋىل تۇرعىندارىنىڭ 2 ساعات
شىمكەنتتە كوروناۆيرۋس ج 2 ساعات
لي جانشۋ 13-كەزەكتى مەم 2 ساعات
الماتىداعى ءبىرقاتار ءى 2 ساعات
قپل-دىڭ ەڭ قىمبات قازاق 2 ساعات
استانا حالىقارالىق قارج 2 ساعات
تانىمال تۇركولوگ كەڭەسب 2 ساعات
اسكەري قىزمەتشىلەرگە زە 2 ساعات
الماتى قالاسىنىڭ مەشىتت 3 ساعات
جاپپاي دوڭگەلەك داۋلەتت 3 ساعات
ورتالىق تەلەۆيزياسى «مە 3 ساعات
اپتاپ ىستىق، بۇرشاق، تۇ 3 ساعات
بارسەلونا قىزمەتكەرلەر 3 ساعات
حالىقارالىق باعىتتارعا 3 ساعات
تالعات قاليەۆ جاڭا قىزم 3 ساعات
تاجىك-اۋعان ۋچاسكەسىندە 3 ساعات
باستان - اياق پارتيا مە 3 ساعات
13-كەزەكتى مەملەكەتتىك 3 ساعات