ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-151110375335 %65 %
2019-09-161515454335 %65 %
2019-09-17736227039 %61 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 15:15 - 2019/05/19

ۇيگە بەرەكە شاقىراتىن ادامدار

سىز "وسى ومىردە مەن عانا باقىتسىز اداممىن" دەپ تۇڭىلسەڭىز، ولار "اللاعا شۇكىر، ەڭ باقىتتى جانمىن" دەيدى. كۇندە ەركىن شىعىپ-تۇسۋگە ەرىنەتىن باسپالداققا ولار، ءبىر-اق رەت بولسا دا، ءوز اياعىمەن شىعۋدى قالايدى. كەيدە ءوز بويىڭىزدا بىرەۋگە جاۋاپ قايتارۋعا ەرىنىپ، سويلەگىڭىز كەلمەي قالاتىن ساتتەر دە كەزدەسەدى عوي. ال ولار "شىركىن ءوز ويىمدى ەركىن ايتىپ جەتكىزە السام عوي" دەپ ارماندايدى. ولار ءار كۇنى ءۇشىن شۇكىرلىك ەتەتىن، جىگەر-كۇشى مىقتى، جاقسىلىقتان كۇدەر ۇزبەي، قاراڭعىلىقتان جارىق ساۋلە كورە الاتىن كەمباعال جاندار. ولار ءسىزدىڭ كومەگىڭىزگە مۇقتاج ەمەس، ءسىز وعان كومەكتەسۋگە مۇقتاجسىز. نەگە دەيسىز بە? جاۋابىن بىرگە ىزدەپ كورەيىك.

ساداقاعا الۋشى ەمەس، بەرۋشى مۇقتاج

قاسيەتتى قۇراندا:

«سەندەردىڭ بىرىڭە ءولىم جەتىپ: ء«يا، راببىم! ماعان جاقىن ءبىر مەرزىمگە دەيىن مۇرسات بەرسەڭ، سوندا مەن ساداقا بەرىپ ءارى تۇزۋلەردەن بولار ەدىم»، - دەپ ايتۋىنان بۇرىن، ءبىز سەندەرگە ريزىق ەتىپ بەرگەن نارسەلەردەن (زەكەت، ساداقا) بەرىڭدەر»،-دەلىنگەن(«مۇنافيقۋن» سۇرەسى، 10-ايات).

قۇرانداعى تاعى ءبىر اياتتا:

«اقيقاتىندا، راببىم قۇلدارىنىڭ اراسىنان قالاعانىنىڭ ريزىعىن كەڭىتىپ جانە قالاعانىنىڭ (ريزىعىن) شەكتەپ قويادى. سەندەر نە جۇمساساڭدار دا ول ونىڭ (جۇمساعاندارىڭنىڭ) ورنىن قايتا تولتىرادى. ول – ريزىق بەرۋشىلەردىڭ ەڭ قايىرلىسى»،-دەيدى ء(«سابا» سۇرەسى، 39-ايات).

سوزىمىز ودان ارمەن دالەلدى بولا ءتۇسۋ ءۇشىن مىنا ءبىر حاديستەردى دە كەلتىرە كەتەيىك:

«ۋاللاھي، ساداقا بەرۋمەن مال ازايمايدى. ولاي بولسا ساداقا بەرىڭدەر!»نەمەسە «ساداقا دۇنيە-مۇلىكتى كەڭەيتەدى، ولاي بولسا، ساداقا بەرىڭدەر!»، «ساداقا بەرىپ ريزىقتارىڭدى كوبەيتىڭدەر».سوزسىز، ساداقا ريزىقتى ازايتپايدى.

ەرتەرەكتە ءبىر عۇلاما: «مەنىڭ تاعدىرىما جازىلعان ريزىقتى مەنەن باسقا ەشكىم جەي المايتىنىن تۇسىنگەندە، جۇرەگىم تىنىشتىق تاپتى» دەگەن ەكەن. كەرىسىنشە، مۇنداي ادام پەرىشتەلەردىڭ دۇعاسىنا ىلىگەدى. «اللانىڭ قۇلدارىنىڭ وياناتىن ءاربىر كۇنى، كوكتەن ەكى پەرىشتە ءتۇسىپ، ولاردىڭ ءبىرى: ء«يا، اللا (سەنىڭ جولىڭدا قايىرىمدىلىق ەتىپ، ساداقا) بەرۋشىگە، نەسىبەڭدى ارتتىر!»، - دەسە، ەكىنشىسى: ء«يا، اللا، ساراڭدى وپات قىل!»-دەيدى (بۇحاري).

پەندە مۇقتاجعا ساداقا بەرۋمەن ساۋاپقا كەنەلەدى ءارى مۇلكىنەن ەشتەڭە كەمىمەيدى. كەرىسىنشە اللا ونىڭ مۇلكىنە بەرەكە بەرەتىن بولادى. ارداقتى پايعامبارىمىز (وعان اللانىڭ يگىلىگى مەن سالەمى بولسىن) بىلاي دەيدى: «ساداقا مال-دۇنيەنى ەشقاشان كەمىتپەيدى. پەندە قولىن ساداقا بەرۋ ءۇشىن سوزعاندا ول ساداقا سۇراۋشىنىڭ قولىنا جەتپەستەن بۇرىن اللاعا بەرىلگەندەي بولادى» (تاباراني. كابير. ءىح، 109 ب.)

اللا شىن نيەتپەن بەرىلگەن ساداقانىڭ قايتارىمىن ەسەلەپ بەرەدى. بۇعان قاتىستى اياتتاردا بىلاي دەلىنگەن:

«اللا جولىندا مال-مۇلكىن ساداقا قىلعاندار جەتى دانا باس شىعارعان، ءاربىر باسىندا جۇزدەن ءدانى بار داقىلعا ۇقسايدى. اللا قالاعان پەندەسىنە ەسەلەپ ساۋاپ بەرەدى. اللا دارحان، ءبارىن ءبىلۋشى» («باقارا» سۇرەسى،261-ايات).
«بىر جاقسىلىق ىستەگەن ادام ون ەسە ساۋاپقا يە ءبولادى»(«انعام» سۇرەسى،160-ايات).
اللا جولىندا بەرگەن ءناپاقالارىڭنىڭ ەسەسىن اللا ءتولتىرادى»(«سابا» سۇرەسى،39-ايات).

بىردە فاتيما انامىز كوڭىلسىز، اس ىشۋگە دەگەن تابەتى بارماي وتىرعان ساتىندە حازرەتى ءالي بولمەسىنە كىرىپ كەلەدى.سويتىپ جارىنا: «ەي، فاتيما! ءتاتتى زاتتان نە جەگىڭ كەلەدى?» - دەپ سۇرايدى. سوندا فاتيما انامىز: «انار جەگىم كەلەدى»، - دەيدى. حازرەتىالي اقشاسى بولماعانىمەن سىرتقا شىعىپ، ويلانىپ، قارىز الادى دا، بازارعا بارىپ ءبىر انار ساتىپ الادى. ۇيىنە كەلە جاتىپ، جولدا ناۋقاستانعان كارى كىسىنى كورەدى.الي وعان جاقىنداپ: «نە قالايسىز?» - دەپ سۇرايدى. ول ادام: «ەي،الي. بەس كۇن بولدى وسىندا تاستاپ كەتتى. ادامدار وتىپ-كەتىپ جاتىر. ەشكىم ماعان قول ۇشىن بەرەيىن دەمەيدى. انار جەگىم كەلىپ تۇر»، - دەيدى. حازرەتىالي ءسال ويلانىپ: «ەگەر قولىمداعى اناردى مىنا قارياعا بەرسەم، فاتيما انارسىز قالادى. ال ەگەر بەرمەسەم، اللا تاعالانىڭ مىنا اياتى بار: «تىلەنشىگە زەكىمە» («دۋحا» سۇرەسى،10-ايات) جانە پايعامبارىمىزدىڭ (وعان اللانىڭ يگىلىگى مەن سالەمى بولسىن): «سۇراۋشىنى بوس قايتارماڭدار»، - دەگەن سوزىنە قارسى كەلگەن بولام دەپ، اناردى الگى قارياعا بەرەدى.

حازرەتىالي فاتيما انامىزدان ۇيالىپ، ۇيىنە كەلەدى. فاتيما ءانامىزاليدى كورگەن كەزدە ورىنان تۇرىپ قارسى الادى. الي انار وقيعاسىن ايتىپ بەرگەندە فاتيما انامىز: «سەن ۋايىمداما. اللاعا انت ەتەمىن، سەن سول قارياعا اناردى بەرگەن كەزدە، انارعا دەگەن تابەتىم باسىلدى»، - دەيدى. حازرەتىالي وسى ءسوزدى ەستىگەن سوڭ، كوڭىلى جايلانادى.

كوپ ۋاقىت وتپەستەن ەسىك قاعىلادى. حازرەتىالي ەسىك قاعىپ تۇرعاننىڭ كىم ەكەنىن سۇراعاندا سالمان فاريسي ەكەنىن ايتادى. ەسىكتى اشىپ، ىشكە كىرگىزەدى. ونىڭ قولىندا بەتى ورامالمەن جابىلعان تاباق بار ەدى. ول ءتاباقتىاليدىڭ الدىنا قويادى. حازرەتىالي: «بۇنى كىم جىبەردى?» - دەپ سۇرايدى. سالمان: «بۇنى اللا پايعامبارىنا (وعان اللانىڭ يگىلىگى مەن سالەمى بولسىن)جىبەرگەن. پايعامبار (وعان اللانىڭ يگىلىگى مەن سالەمى بولسىن) دا ساعان جولدادى»، - دەدى.الي تاباقتىڭ بەتىن اشىپ قاراعاندا 9 اناردى كورەدى. سوندا ول: «ەي، سالمان. بۇل اكەلگەنىڭ ماعان بولسا، 10 بولار ەدى. ويتكەنى اللا ءتاعالا:«بىر جاقسىلىق ىستەگەن ادام ون ەسە ساۋاپقا يە بولادى»، - دەگەن» دەيدى ء(«انعام» سۇرەسى،160-ايات). سالمان كۇلىمسىرەپ، جاسىرىپ قويعان ءبىر اناردى شىعارىپ، تاباقا قويادى: «ەي،الي! اللاعا انت ەتەيىن انار سانى ون ەدى. ءبىراق مەن سەنى سىنايىن دەپ بىرەۋىن جاسىرىپ قويىپ ەدىم»، - دەيدى. (ماقاسيدۋت-تاليبين. 300-بەت)

ساداقا بەرۋدىڭ وسى دۇنيەدەگى 5 پايداسى

مال-دۇنيەنى تازارتادى;
كۇنالاردى وشىرەدى:«سۋ وتتى سوندىرگەندەي ساداقا دا كۇنالاردى وشىرەدى»(تيرميزي).«ساداقا تاكاپپارلىقتى جويادى»(تيرميزي)
اۋرۋ مەن اپاتتان ساقتايدى:«ناۋقاستارىڭدى ساداقامەن ەمدەڭدەر. ساداقا ءاربىر اۋرۋدى جانە بالەكەتتى ءقايتارادى»(بايحاقي)

«ساداقا بەرۋدە اسىعىڭىزدار. ويتكەنى،اپات ساداقادان وزا المايدى» (تاباراني، ءبايحاقي)

مۇقتاج جاندى قۋانتادى;
ريزىقتى ارتتىرىپ، تابىسقا بەرەكەسىن بەرەدى:

«ساداقا بەرگەننىڭ ريزىعى ارتىپ، دۇعاسى قابىل بولادى»(يبن ءماجا)

«ازدا بولسا ساداقا بەرىڭدەر. اقشاسىن تىعىپ بەرمەگەنگە اللا دا نىعمەتىن ازايتادى»(مۋسليم)

نەگىزىندە ساداقا بەرۋدىڭ پايداسى بۇدان دا كوپ تىزبەكتى قۇرايدى. دەمەك، ءسىز ساداقا بەرگەن جان ءبىر رەت عانا تانىنە ازىق تابادى، بولدى. ال سىزگە كەلەر پايدانى ءوزىڭىز باعامداپ كورىڭىزشى?!

ساداقا تەك قارجىمەن شەكتەلمەيدى

ساۋاپتى ءىس جاساۋ ءۇشىن تەك قارجىلاي نەمەسە زاتتاي بەرۋ مىندەت ەمەس. جاقسى نيەتپەن جاساعان ءاربىر ءىسىمىز ساداقا بولاتىنىن مىنا حاديستەر بايان ەتۋدە:

«اربىر جاقسىلىق - ساداقا»(تيرميزي)

«جاقسى ءسوز - ساداقا»(احماد ب. حانبال)

«كۇلىمسىرەگەن جۇزبەن سالەم بەرۋ - ءساداقا»(بايحاقي)

«دىن باۋىرىنا كۇلىمدەپ سالەم بەرۋ - ساداقا»(تيرميزي)

«جاقسىلىققا شاقىرىپ، جاماندىقتان تىيۋ ساداقا»(مۋسليم)

«باۋىرىنا قارسى كۇلىمسىرەۋ - ءبىر ساداقا. جاقسىلىققا شاقىرۋ، جاماندىقتان قايتارۋ دا ساداقا. جولدان اداسقانعا جول كورسەتۋ ساداقا، زاعيپ جانعا كومەك بەرۋ ساداقا، جولدان تاس، تىكەن، سۇيەك سەكىلدى نارسەلەردى الىپ تاستاۋ - ساداقا، ءوز شەلەگىڭنەن باۋىرىڭنىڭ شەلەگىنە سۋ قۇيۋ دا ساداقا»(تيرميزي، بيرر 36).

بىردە پايعامبارىمىز (وعان اللانىڭ يگىلىگى مەن سالەمى بولسىن) بەن ساحابالارىنىڭ اراسىندا مىنانداي اڭگىمە بولادى. پايعامبارىمىز (وعان اللانىڭ يگىلىگى مەن سالەمى بولسىن): ءاربىر مۇسىلمان ساداقا بەرۋى ءتيىس، - دەيدى. ساحابالاردان ءبىرى:

- ەي، اللانىڭ ەلشىسى (وعان اللانىڭ يگىلىگى مەن سالەمى بولسىن)، تاپپاعان ادام نە ىستەيدى? پايعامبارىمىز (وعان اللانىڭ يگىلىگى مەن سالەمى بولسىن):

- جۇمىس ىستەپ، تابىس تاۋىپ ساداقا بەرەر، - دەيدى.ساحابالار:

- ىستەيتىن جۇمىس تاپپاسا نە بولادى? – دەيدى. پايعامبارىمىز (وعان اللانىڭ يگىلىگى مەن سالەمى بولسىن):

- مۇقتاج بولعان جانعا قاندايدا ءبىر كومەگىن بەرەدى، - دەيدى. ساحابالار:

- جاردەم ەتەتىن ادام دا تاپپاسا شە?– دەپ تاعى سۇرايدى. پايعامبارىمىز (وعان اللانىڭ يگىلىگى مەن سالەمى بولسىن):

- قانداي دا ءبىر ءىس جاساسا (بىرەۋگە جول كورسەتۋ، جولداعى زيان تيگىزەتىن زاتتى الىپ تاستاۋ، ءىلىم الۋ، ۇيرەتۋ ت.ب.)، ول ءۇشىن ءبىر ساداقا،- دەيدى. (بۋحاري، مۋسليم)

كەمباعالعا جاردەم بەرۋ ءسىزدى بايىتادى

مۋساب بين ساد بين ءابۋ ۋاققاس (ول ەكەۋىنە اللا رازى بولسىن): «كەزىندە ساد ءوزىن باسقالاردان جاقسى سانايتىن (ياعني، باسقا ءوزى سياقتى باتىرلىعىمەن كوزگە تۇسپەگەندەرگە جوعارىدان قارايتىن). سوندا پايعامبار (وعان اللانىڭ يگىلىگى مەن سالەمى بولسىن): «سەندەرگە السىزدەرىڭنىڭ ارقاسىندا جەڭىس پەن ريزىقتارىڭ سىيلانادى ەمەس پە? (ولاردىڭ دۇعالارى ارقاسىندا)» دەدى (بۇحاري). تاعى بىردە: «ماعان السىزدەردى ىزدەڭدەر، ويتكەنى سەندەرگە كومەك پەن ريزىق، سول ارالارىڭداعى السىزدەرىڭنىڭ ارقاسىندا بەرىلەدى» دەگەن ء(ابۋ ءداۋد).

اناس (وعان اللا رازى بولسىن) باياندايدى: پايعامباردىڭ (وعان اللانىڭ يگىلىگى مەن سالەمى بولسىن) ءومىر سۇرگەن ۋاقىتىندا مەدينەدە ەكى اعايىندى جىگىت تۇراتىن، سولاردىڭ بىرەۋى ءاردايىم پايعامبارعا (وعان اللانىڭ يگىلىگى مەن سالەمى بولسىن) كەلىپ تۇراتىن، ال ەكىنشىسى ءوزىنىڭ كاسىبىمەن نان تاباتىن. بىردە كاسىبىمەن نان تابۋشى پايعامبارعا (وعان اللانىڭ يگىلىگى مەن سالەمى بولسىن) كەلىپ، ءوزى عانا جۇمىس ىستەيتىندىگى جايلى ايتىپ شاعىمدانادى. سوندا ول: «بالكىم، ساعان سەنىڭ ريزىعىڭ سول سەنىڭ باۋىرىڭ ءۇشىن كەلىپ جاتىر» دەدى (تيرميزي).

سونداي-اق، تاعى ءبىر حاديستە: «كىم بۇل دۇنيەدە مۇسىلماننىڭ قايعىسىن سەيىلتسە، اللا تاعالا قيامەتتە ونىڭ قايعىسىن سەيىلتەدى. كىم قيىندىققا تاپ بولعاننىڭ جاعدايىن جەڭىلدەتسە، اللا ونىڭ ءىسىن وسى دۇنيەدە جانە ارعى دۇنيەدە جەڭىلدەتەدى. كىم مۇسىلماننىڭ كەمشىلىگىن جاسىرسا، اللا ونىڭ كەمشىلىكتەرىن ەكى دۇنيەدە دە جاسىرادى. ادام مۇسىلمان باۋىرىنا كومەكتەسىپ بىتپەيىنشە، اللا تاعالا وعان كومەكتەسەتىن بولادى»، - دەلىنگەن (مۋسليم).

پايعامبارىمىزدىڭ سەنىمدى سەرىكتەرى ومار يبن ءال-حاتتاب (اللا وعان رازى بولسىن) ءاس-سىددىقتىڭ (اللا وعان رازى بولسىن) كۇن سايىن تاڭ نامازىنان كەيىن ءبىر جاققا اسىعىپ بارا جاتاتىندىعىن بايقاپ جۇرەدى. مۇنىڭ سەبەبىن ويلانا كەلە، سوڭىنان ءتۇسىپ اڭدىماققا بەكىنەدى. ءابۋ باكىر (اللا وعان رازى بولسىن) ءبىر لاشىقتىڭ ىشىنە كىرىپ كەتەدى. سىرتقا شىققانىن كۇتىپ تۇرعان ومار (اللا وعان رازى بولسىن) بىردەن ۇيگە ەنەدى. سويتسە، وندا كارى ءارى زاعيپ ايەل جانە ونىڭ بالالارى وتىر ەكەن.

– ءيا، اللانىڭ قۇلدارى! سەندەر كىمسىڭدەر?-دەپ سۇرايدى.

– مەن – وسى شاتىردا بالالارىممەن تۇراتىن جالعىزباستى كارى كەمپىرمىن. بۇلاردىڭ اكەلەرى قايتىس بولعان. ءبىزدىڭ اللادان باسقا اسىراۋشىمىز جوق، - دەدى. ومار (اللا وعان رازى بولسىن):

– ال جاڭا مەنىڭ الدىمدا وسى ۇيدەن شىققان كىم?-دەپ سۇرايدى.

– ەسىمىن بىلمەيمىن. ءبىراق، ول كۇن سايىن كەلىپ ءبىزدىڭ ءۇيىمىزدى سىپىرىپ، ەدەنىمىزدى جۋىپ كەتەدى. تاڭعى اسىمىزدى دايىنداپ، قويىمىزدى ساۋادى،- دەگەن جاۋاپتى ەستىگەندە ومار (اللا وعان رازى بولسىن) ءوز-وزىن ۇستاي الماي ەڭكىلدەپ جىلايدى. كەيىن:

– ۋا، ءابۋ باكىر، سەن وزىڭنەن كەيىنگىلەر شارشايتىن امال جاسادىڭ! كەيىنگىلەرگە ساعان ۇقساۋ قيىن بولادى، - دەيدى...

راسىمەن دە، كوزى تىرىسىندە جانناتپەن سۇيىنشىلەنگەن، اللا ەلشىسىنىڭ ەڭ سۇيىكتى دوسى بولعان، ءتىپتى، وسى ۇممەتتىڭ بارلىق ادامدارىنىڭ يمانىن باسىپ وزاتىنداي دارەجەگە جەتكەن ءابۋ باكىردىڭ (اللا وعان رازى بولسىن) بىزگە ءمالىم قۇلشىلىعى وسىنداي كوركەم بولسا، ءبىز بىلمەيتىنى قانشاما?!

ولاردىڭ دۇعاسى قابىل

دۇعا – مۇسىلماننىڭ قارۋى. بۇل «قارۋمەن» ءسىز دە، ءسىز دۇعاڭىزعا قوسقان ادام دا ريزىققا كەنەلەدى. حاديستە: ء«بىر مۇسىلمان باسقا مۇسىلمان باۋىرىنا سىرتتاي دۇعا قىلسا پەرىشتەلەر وعان: «سول نارسە ساعان دا بولسىن!» دەيدى». ء(مۇسليم) سەن بارلىق كۇش جىگەرىڭدى سالىپ، ولاردىڭ دۇعاسىنا ىلىگۋگە تىرىس. وتكەنى، كەمباعالدىڭ دۇعاسى قابىل، جانىندا بەرەكە مەن ريزىق مول. سوندىقتان العىسىن الىپ، ساداقا بەرىپ، كەم-كەتىگىن تۇگەندەپ، ءاردايىم ول ءۇشىن دە، ءوزىڭ ءۇشىن دە ۇزدىكسىز دۇعا ەت. سەبەبى ساعان كەلەتىن بارلىق ريزىقتىڭ قاينار كوزى وسىندا ەكەنىن ءبىل. اللا ەلشىسى (وعان اللانىڭ يگىلىگى مەن سالەمى بولسىن):

«ورتالارىڭداعىالسىزدىڭارقاسىنداسەندەرگەكومەك كورسەتىلىپ، قاجەتتىلىكتەرىڭ بەرىلمەي مە?»، - دەگەن ەكەن (بۇحاري).

مۇمكىندىگى شەكتەۋلى ادامدار - ءبىز ءۇشىن سىناق ءارى ءجانناتتىڭ ەسىگى! سەبەبى، اللا ەلشىسى (وعان اللانىڭ يگىلىگى مەن سالەمى بولسىن): «ەگەر سەندەرگە ريزا بولعانىمدى قالاساڭدار، السىزدەرگە كومەكتەسىڭدەر، سەبەبى، سەندەرگە ارالارىڭداعى السىزدەر ءۇشىن كومەك كورسەتىلىپ، تۇرمىستارىڭا قاجەتتىلىكتەر بەرىلەدى»، - دەگەن (تيرميزي، ءابۋ ءداۋد). اللا تاعالا كەمباعالدى بىزگە عيبرات رەتىندە جانە ءاربىر مۇشەسىنىڭ اماندىعىنا اللاعا ماداق ايتۋ ءۇشىن ءارى ولارعا جاردەم بەرە مە، بەرمەي مە قايتەر ەكەن دەپ سىناۋ ءۇشىن جىبەرگەن. ءسىز كومەك بەرمەسەڭىز دە، اللا تاعالا ولاردىڭ ريزىعىن بەرەدى. سوندىقتان، سىزگە بەرىلگەن ۇلكەن مۇكىندىكتى جىبەرىپ الماڭىز.


كەلۋ قاينارى: http://www.elarna.net/koru.php?tur=16&id=996982

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


تۇركىستان جۇرتشىلىعى جو 5 مينوت
«بولاشاق» باعدارلاماسى 8 مينوت
مەملەكەت باسشىسى جاقسىن 9 مينوت
ۇكىمەت ءۇيىنىڭ الدىندا 9 مينوت
لوندوندا سەمەي پوليگونى 11 مينوت
ۆ 6 سلۋچاياح موجنو سموت 14 مينوت
قانات يسلامنىڭ قارسىلاس 14 مينوت
مىرزاكەنتتىڭ ورتالىق ال 14 مينوت
تاتارستاندا اۋدارىسپاقت 17 مينوت
از ۇلتتاردىڭ 11 - كەزەك 19 مينوت
«حالىقارالىق ساۋدا» يند 19 مينوت
ۆالەنتينا يسلاموۆا ايەل 23 مينوت
قازاقستاننىڭ ارزان بەنز 26 مينوت
مينيستر: قازاقستاندىق و 29 مينوت
قازاقستان بيزنەس جۇرگىز 29 مينوت
قر پرەزيدەنتى جۇمىس ساپ 1 ساعات
الماتىدا جيھاز تسەحىنىڭ 1 ساعات
جانسايا ابدىمالىك الەمن 1 ساعات
«استانا» «مانچەستەر يۋن 1 ساعات
ناۋرىزبەك قابىلقاق ۇلى 1 ساعات
از ۇلتتاردىڭ 11 - كەزەك 1 ساعات
قازاقستاندىقتار ءوز اكى 1 ساعات
مۇحاممەد پايعامبار يسلا 1 ساعات
قازاقستاندا كۇن 35 گراد 1 ساعات
21 ملن تەڭگە جىمقىرعان 1 ساعات
تەننيس: پۋتينتسەۆا وساك 1 ساعات
1400 شاقىرىم جول جوندەل 1 ساعات
قازاقستان مەن رەسەي شەك 1 ساعات
پاۆلوداردا زاڭسىز الكوگ 1 ساعات
الماتىدا مەكتەپ تەرەزەس 1 ساعات