بوكس6 ناۋرىز

22 جاسىندا-اق اۋەسقوي بوكستان اتلانتا وليمپياداسىنىڭ چەمپيونى، ۋەل باركەر كۋبوگىنىڭ يەگەرى اتانعان ۆاسيلي جيروۆتىڭ قابىلەتى مەن كۇشىنە ءتانتى بولعان TOP Rank پروموۋتەرلىك كومپانياسىنىڭ باسشىسى بوب ارۋم ءۇش جىلعا ەكى جاقتى كەلىسىم شارتقا قول قويادى. كاسىپقوي بوكستاعى العاشقى جەكپە-جەگى 1997 جىلى 18 قاڭتار كۇنى امەريكاندىق ۆينسەنت براۋندى ەكىنشى راۋندتا تەحنيكالىق نوكاۋتپەن جەڭۋدەن باستالعان. جالپى شارشى الاڭدا 42 جەپكە-جەك وتكىزىپ، ء38-ىن جەڭگەن. ونىڭ ء32-سىن نوكاۋتپەن جەڭسە، 3 رەت جەڭىلىپ، 1 رەت تەڭ تۇسكەن. ءبىرىنشى اۋىر سالماقتاعى IBF دارەجەسى بويىنشا ەكس-چەمپيون اتانعان ۆاسيلي جيروۆ جيىرما ءتورت جىلدان بەرى اقش-تىڭ اريزونا شتاتىندا تۇرادى. 

– قازىرگى قازاقستاندىق كاسىپقوي بوكسشىلاردىڭ ناتيجەلەرىنە كوڭىلىڭىز تولا ما؟

– يا، كوڭىلىم تولادى. كەرەمەت. كوبى ءوز كۇشتەرىمەن شىڭعا شىعۋدا. قازاقستاننىڭ قولداۋىنسىز.

– كاسىپقوي بوكستان ەلىمىزدىڭ ەڭ ۇزدىك ون بوكسشىن اتاساڭىز؟

– مەن ولار ءۇشىن قۋانىشتىمىن. مىنا بوكسشىلاردى اتاپ وتسەم: 1. گەننادي گولوۆكين (43-1-1); 2. قانات يسلام (27-0-21); 3. جانكوش تۇراروۆ (24-0-17); 4. بەيبىت شۇمەنوۆ (20-2-18); 5. باتىر جۇكەمباەۆ (18-0-14); 6. الي احمەدوۆ (16-1-18); 7. باحتيار ەيۋبوۆ (14-2-1); 8. مەيىرىم نۇرسۇلتانوۆ (14-0-8); 9. بەكمان سويلىباەۆ (12-0-4); 10. رۋسلان ماديەۆ (13-1-5).

– سىزگە قازاقستان اتىنان ۇسىنىس جولدانىپ، كاسىپقوي بوكسشىلاردى دايىنداۋعا شاقىرسا، قابىل الاسىز با؟

– ارينە، ەگەر مەنىڭ دە ۇسىنىستارىم ەسكەرىلسە، قازاقستاندا جاتتىقتىرۋشى بولۋعا قۋانا كەلىسەر ەدىم.

– كوپتەگەن بوكسشىلار سىزبەن كەزدەسۋدەن باس تارتتى. سونىڭ ىشىندە روي دجونس، مايك تايسون، ەۆەندەر حولليفيلد تاعى دا كىمدى اتاپ وتە الاسىز؟

– ءيا، راس. مەنىمەن كەزدەسۋدەن كوپتەگەن بوكسشىلار باس تارتاتىن. توبەلەسكە ەكى ساعات قالعاندا، ەكى بوكسشىدان ءتورت بوكسشىعا دەيىن اۋىسىپ كەتەتىن. كەشىرىڭىز، ءبىراق ءقازىر ولاردىڭ ەسىمدەرى ەسىمدە جوق.

– نە سەبەپتى «بالقاش جولبارىسى» دەگەن لاقاپ اتتى تاڭدادىڭىز؟

– بىلە بىلسەڭىز، مەن بالقاش قالاسىندا ءتۋىپ-وستىم. بۇرىن سول بالقاشتا جولبارىستار ءومىر سۇرگەن دەيدى. ءقازىر ولاردىڭ كوزى جويىلىپ كەتكەن. ءبىر جازۋشى مەن جايلى جازعان كەزدە مەنى رينگتە جۇرگەنىمدە جولبارىسقا تەڭەگەن ەكەن. سول ۋاقىتتا مەن وزىمە لاقاپ ات قاراستىرىپ جۇرگەم. وسى لاقاپ ات ماعان لايىق ەكەن دەپ ءوزىمدى «بالقاش جولبارىسى» دەپ اتادىم.

– قازىرگى تاڭدا نەمەن اينالىسىپ ءجۇرسىز؟

– ءقازىر جاتتىقتىرۋشىمىن. اۋەسقوي بوكسشىلار، ءوزى ءۇشىن بوكسپەن اينالىسقىسى كەلەتىن، دەنساۋلىعىن كۇشەيتكىسى كەلەتىن جانداردى جاتتىقتىرامىن.

– شارشى الاڭدى ساعىنىپ ءجۇرسىز بە؟

– ساعىنىپ ءجۇرمىن دەپ ايتا المايمىن. بوكستان كەتەردە جان-جاقتى ويلانىپ، بارلىعىن ەسەپتەپ كەتكەنمىن.

– ءوزىڭىز تۋرالى ايتا كەتسەڭىز؟

– ءومىر جالعاسىپ جاتىر. جەكە وتباسىم جايلى مالىمەت بەرە المايمىن. ول تەك وزىمە عانا تيەسىلى دۇنيە.

– سالىستىرمالى تۇردە قازاقستاندىق جانە امەريكالىق بوكسشىلاردىڭ ايىرماشىلىعى قانداي؟

– امەريكالىق بوكسشىلاردا ونداي ءبىر جىگەر جوق، ەسەپ بار. ال قازاقستاندىق بوكسشىلاردا جەڭىسكە دەگەن جىگەر جوعارىراق.

سۇحباتتاسقان ايبەك مۇحانوۆ

وشيبكا ۆ تەكستە؟ ۆىدەليتە ي ناجميتە Ctrl+Enter

0

ايبار باقىتۇلى

تاكجە ينتەرەسنو