نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 07:15 - 2021/03/04

Нақты Көзі: https://www.astana-akshamy.kz/armeniyadaghy-sayasi-daghdarys/

ارمەنياداعى ساياسي داعدارىس – استانا اقشامى

ەرەۆاندا سوڭعى بىرنەشە كۇن بويى نارازىلىق اكتسيالارى توقتاعان جوق. ارمەنيا پرەمەر-مينيسترىنىڭ باس شتاب باستىعىنىڭ ورىنباسارى تيران حاچاترياندى قىزمەتىنەن بوساتۋ تۋرالى شەشىمى ەلدەگى ساياسي داعدارىستىڭ كەزەكتى ۋشىعۋىنا الىپ كەلدى. ساياسي باسشىلىق پەن اسكەريلەر اراسىنداعى كەلىسپەۋشىلىكتەر ءورشي ءتۇستى. وپپوزيتسيا ءوز جاقتاستارىن جيناپ جاتىر، شاتىرلى لاگەر قۇرىپ، سوندا جينالىپ، پرەمەر-مينيستر نيكول پاشينياننىڭ وتستاۆكاعا كەتۋىن تالاپ ەتكەن نارازى توپ 1 ناۋرىزدا ۇكىمەت عيماراتىنا باسىپ كىردى.

ەلدىڭ ساياسي جانە اسكەري باسشىلىعى ىمىراعا كەلە المايدى، بىر-بىرىنەن وتستاۆكاعا كەتۋدى تالاپ ەتەدى. كوشەلەردە ميتينگتەر ءوتىپ، باگراميان داڭعىلىندا شاتىرلار تىگىلگەن، نارازىلىق بىلدىرۋشىلەر جىلىنۋ ءۇشىن كۇن سايىن وت جاعادى.
بىلتىر كۇزدە التى اپتاعا سوزىلعان قاراباق سوعىسىنان كەيىن ەلدە پاشينياندى كىنالاعان نارازىلىقتار جيىلەپ، وپپوزيتسيا سودان بەرى پرەمەر-مينيستردىڭ وتستاۆكاعا كەتۋىن تالاپ ەتۋمەن كەلەدى.

داۋ نەدەن ءورشىدى؟

وتكەن اپتادا ەرەۆاندا ارمەنيا پرەمەر-مينيسترىنىڭ رەسەيلىك يسكاندەر قارۋى تۋرالى مالىمدەمەسى دە نارازىلىق اكتسيالارىنىڭ ۇلاسۋىنا سەبەپشى بولعانى انىق. ارمەنيا پرەمەر-مينيسترى تاۋلى قاراباحتاعى شايقاس كەزىندە جابدىقتاردىڭ ىستەن شىققانىن مالىمدەدى. كەيىن پاشينيان وزىنە قاتە اقپارات بەرىلگەنىن ايتىپ مالىمدەمە جاسادى. ارمەنيا پرەزيدەنتى ارمەن ساركيسيان پرەمەر-مينيستردىڭ ۇسىنىسى بويىنشا رەسپۋبليكا قارۋلى كۇشتەرى باس شتابى باستىعىنىڭ ءبىرىنشى ورىنباسارى تيران حاچاترياندى قىزمەتىنەن بوساتتى. بۇقارالىق اقپارات قۇرالدارىنىڭ حابارلاۋىنشا، ول پاشينياننىڭ رەسەيلىك يسكاندەر ك ترك زىمىران جۇيەسى تۋرالى سوزدەرىن مازاق ەتكەن. ارمەنيا اسكەرىندەگى «يسكاندەر» كەشەندەرىنىڭ «جارىلماعان» نەمەسە «10% جارىلعان» زىمىراندارى تۋرالى نيكول پاشينياننىڭ مالىمدەمەسى ونىڭ دۇرىس ەمەس اقپاراتىمەن بايلانىستى بولدى. ساياساتكەردىڭ ءباسپاسوز حاتشىسىنىڭ ايتۋىنشا، جاعداي رەسەي پرەزيدەنتى مەن ارمەنيا پرەمەر-مينيسترىنىڭ تەلەفون ارقىلى سويلەسۋى كەزىندە انىقتالعان. جولداۋدى تۇسىندىرە وتىرىپ، دميتري پەسكوۆ بۇل ماسەلەدە شىندىقتى قالپىنا كەلتىرۋدىڭ ماڭىزدىلىعىن اتاپ ءوتتى. ونىڭ ارتىنان باس شتاب باستىعى ونيك گاسپاريانعا قىزمەتىنەن كەتۋ ۇسىنىلدى، ءبىراق پرەزيدەنت ارمەن ساركيسيان وتستاۆكا تۋرالى جارلىققا قول قويۋدان باس تارتتى. پرەمەر-مينيستر پرەزيدەنت اكىمشىلىگىنە ەكىنشى ۇندەۋ جولدادى. «موي شاگ» باسقارۋشى پارلامەنتتىك فراكتسياسى ساركيسياندى يمپيچمەنتپەن قورقىتتى. قاۋىپسىزدىك كەڭەسى پرەزيدەنتكە گاسپارياندى قىزمەتىنەن بوساتۋدى ۇسىندى.
وسىعان بايلانىستى، بەيسەنبىدە باس شتاب ۇكىمەت باسشىسىنا وتستاۆكاعا كەتۋ تۋرالى تالاپ جاريالادى. پاشينيان بۇل مالىمدەمە ەلدەگى اسكەري توڭكەرىس ارەكەتى دەپ جاۋاپ بەرىپ، جاقتاستارىن ەرەۆاننىڭ ورتالىعىنداعى رەسپۋبليكا الاڭىنا كەلۋگە شاقىردى.
وسىلايشا ارمەنيادا پاشينياننىڭ «يسكاندەر» تۋرالى مالىمدەمەسى مەن كەيىننەن ەلدىڭ شتاب باستىعىنىڭ ورىنباسارىنىڭ قىزمەتىنەن بوساتىلۋىنا تۇرتكى بولعان ساياسي داعدارىس ودان ءارى جالعاستى.

ەكى ءتۇرلى ميتينگ

سويتىپ 25 اقپاندا ەرەۆاندا ەكى ءتۇرلى ميتينگ ءوتتى. پاشينيان 20 مىڭداي جاقتاسىنىڭ الدىنا شىعىپ، باس شتاب باسشىسى ونيك گاسپارياننىڭ ەرىكتى تۇردە قىزمەتتەن كەتۋىن تالاپ ەتتى. ول ەلدە بيلىك تەك كەزەكتەن تىس يا كەزەكتى سايلاۋ ارقىلى اۋىساتىنىن جەتكىزدى. «كەيبىرەۋلەر اسكەرىمىزدى، قارۋلى كۇشتەرىمىزدى دەموكراتياعا جانە كونستيتۋتسياعا قارسى پايدالانعىسى كەلەدى. باس شتابتىڭ مالىمدەمەسى – اسكەري توڭكەرىسكە تالپىنىس. پرەمەر-مينيستر رەتىندە بارلىق ساربازدارعا، وفيتسەرلەر مەن گەنەرالدارعا ايتارىم، مىرزالار، ارمەنيا شەكاراسىن، تەرريتوريالىق تۇتاس­تىعىن قورعاپ، جۇمىستارىڭىزدى ىستەڭىزدەر» دەدى ول. باس شتاب 25 اقپاندا تاراتقان مالىمدەمەسىندە «پرەمەر-مينيستر مەن ۇكىمەت ارميان حالقىنىڭ تاعدىرى شەشىلەر تۇستا دۇرىس شەشىم قابىلداي المايدى. ارمەنيا قارۋلى كۇشتەرى ۇزاق ۋاقىت بويى قىسىمعا شىداپ كەلدى، ءبىراق ءبارىنىڭ شەگى بار» دەگەن ەدى.
17 وپپوزيتسيالىق پارتيا كىرەتىن «وتاندى قۇتقارۋ قوزعالىسى»، ەلدىڭ بۇرىنعى پرەزيدەنتتەرى روبەرت كوچاريان، سەرج ساركيسيان اسكەريلەردى قولدادى. ال پارلامەنتتەگى باسىم ورىنعا يە، پاشينياندى جاقتايتىن «موي شاگ» فراكتسياسى مەن ەلدىڭ قورعانىس مينيسترلىگى باس شتابتىڭ پرەمەر وتستاۆكاسىن تالاپ ەتۋى جانە اسكەردىڭ ساياساتقا ارالاسۋىن كونستيتۋتسياعا قارسى دەپ اتادى. 26 اقپاندا وپپوزيتسيالىق فراكتسيالار پارلامەنتتە كەزەكتەن تىس سەسسيا وتكىزىپ، ەلدەگى ساياسي جاعدايدى تالقىلايتىنىن مالىمدەدى. وپپوزيتسيا پرەمەرلىككە كانديدات رەتىندە ۇسىنىپ وتىرعان ۆازگەن مانۋكيان پاشينيان بيلىكتەن كەتكەنشە نارازىلىقتى جالعاستىرا بەرەتىندەرىن ايتتى. ارمەنيانىڭ بۇرىنعى پرەزيدەنتى روبەرت كوچارياننىڭ جاقتاستارى سەيسەنبىدە ونىڭ ءىسى بويىنشا سوت وتىرىسى وتەتىن ەرەۆان سوتىنا جاقىن كوشەنى قىسقا ۋاقىتقا جاۋىپ تاستادى.
اقش ەكى تاراپتى قاقتىعىسقا بارماۋعا شاقىردى. ال كرەملدىڭ ءباسپاسوز حاتشىسى دميتري پەس­كوۆ پۋتين پەن پاشينيان تەلەفون ارقىلى سويلەسكەنىن ايتىپ، «پۋتين ارمەنيانىڭ زاڭدى بيلىگىن قولدايدى، جاقىن ارادا جاعداي رەتتەلەدى دەپ ۇمىتتەنەدى» دەدى.


كەلۋ قاينارى: http://www.elarna.net/koru.php?tur=7&id=1365383

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

اللا مەيرىمى قۇلشىلىعىڭ 2 كۇن
فاتيحا سۇرەسىنىڭ قۇدىرە 9 كۇن
اقاشا ورتەۋ 9 كۇن
جانار - حالىقتىڭ شەكسىز 17 كۇن
ناۋرىز جۇرەگىمدە ءبۇر ج 20 كۇن
ۇستازىڭ بولسىن، ءپىرسىز 24 كۇن
ادەبيەتتىڭ سيقىرى. اڭگى 24 كۇن
ءاز ناۋرىز قۇتتى بولسىن 26 كۇن
قىتايدىڭ مۇسىلمانشىل حا 26 كۇن
قىتاي قازاقتارىنان 18-ع 27 كۇن
ءاربىر ادامعا قۇرمەت كو 29 كۇن
پايعامبارىمىز قازىرەت م 29 كۇن
ءبىلىمنىڭ ەڭ جاقسىسى .. 43 كۇن
ادامنىڭ ەڭ ۇلكەن دۇشپان 43 كۇن
ماڭگىلىك ەلدىڭ تۇعىرى ت 45 كۇن
قاراقۇرىق 53 كۇن
ياسساۋي ءىلىمى قازاق ۇل 56 كۇن
ابەبيەت جايلى وزگە سىر 56 كۇن
تاڭىرشىلدەر -قازاق قالم 61 كۇن
قازاقتىڭ ەتنوتەرريتوريا 62 كۇن
ەجەلگى قازاقتىڭ جەتى ءت 65 كۇن
بارايىنشى 77 كۇن
ءشۇبار ءتىلدى قويايىق 77 كۇن
كەلەمىز ءبارىن تەڭ كورى 78 كۇن
قىتاي ادەبيتىندەگى «بات 78 كۇن
نانىم-سەنىم جانە ونىڭ ق 78 كۇن
ماڭىزدى ماقالانى وقىعان 79 كۇن
قازاۇۋ ستۋدەنتتەرى مەن 79 كۇن
بۇلىنگەننەن بۇلدىرگى ال 82 كۇن
ەلباسىنىڭ قۇرانى اڭگىمە 85 كۇن

ەڭ جاڭا ماقالالار


يۋسۋپ باتىرمۇرزاەۆ وليم 10 مينوت
الماتى وبلىسىندا اۋىل ش 28 مينوت
ورالدا ۇستەل تەننيسىنەن 28 مينوت
قانىش ساتباەۆ اتىنداعى 28 مينوت
بۇگىنگى ادەبيەتتىڭ بەين 28 مينوت
ورالدا ۇستەل تەننيسىنەن 28 مينوت
سولتۇستىك قازاقستاندا ك 1 ساعات
سولتۇستىك قازاقستاندا ك 1 ساعات
وسكەمەن: «تازا اۋلا» اك 1 ساعات
تالدىقورعاندىق شەبەر «ج 1 ساعات
ماگيستراتۋراعا تۇسۋگە ء 1 ساعات
دەمالىس كۇنى ناۋقاستارد 1 ساعات
قپل: بەسىنشى تۋر ماتچتا 1 ساعات
بۇگىنگى ادەبيەتتىڭ بەين 1 ساعات
وسكەمەنگە ءبىر اي بويى 1 ساعات
قازاقستاندىق سپورتشى قى 1 ساعات
بۇگىن قىرعىزستاندا كونس 1 ساعات
جامبىل: رامازان ايىنا و 1 ساعات
تۇركى كەڭەسى: قازاقستان 1 ساعات
تيانشان الابىندا العاش 1 ساعات
183 حالىقارالىق بايقاۋش 1 ساعات
ورازاعا رۋحاني جانە پسي 1 ساعات
تالعات مۇساباەۆ: عارىش 1 ساعات
تۋريندىك «يۋۆەنتۋس» پسج 1 ساعات
بۇگىن قىرعىزستاندا كونس 2 ساعات
چىن چۋانگو اۆتونوميالى 2 ساعات
كولۋمبيا استاناسى بوگوت 2 ساعات
قازاقستانعا ۇشىپ كەلگەن 2 ساعات
قازاقستانعا ۇشىپ كەلگەن 2 ساعات
«يۋۆەنتۋس» پسج-عا ويىنش 2 ساعات