ۇلتتىق كينونى قولداۋ مەملەكەتتىك ورتالىعى التىن وردا تاريحىنا ارنالعان ءىرى كينوجوبانىڭ تۇجىرىم­داماسىن ازىرلەۋگە كىرىستى. باسقارما ءتوراعاسى بۇعان دە­يىنگى قاتەلىكتەردەن ساباق الا وتىرىپ، جۇپ-جۇمىر تۋىن­دى ازىرلەيتىندەرىنە سەندىرىپ وتىر.

كينوجوباعا دايىندىقتىڭ ءبىرىنشى كەزەڭىندە كاسىبي تاريح­شىلار مەن تاجىريبەلى كينو­دراماتۋرگ، ەتنوگرافتار مەن ادەبيەتتانۋشىلاردان اقپارات جينالادى. سونىمەن قاتار ۇلكەن حالىقارالىق تاريحي كينوجوبا­لاردى جاساۋ بويىنشا تابىستى تاجىريبەسى بار گولليۆۋد، ەۋروپا، رەسەي جانە ازيانىڭ ۇزدىك ون­دىرىستىك كومپانيالارى اراسىنان جاھاندىق سەرىكتەستەر مەن ين­ۆەس­تورلاردى ىزدەۋ جۇرگىزىلىپ جا­تىر.

«بىز جۇمىستى باستاپ كەتتىك. جۋىردا ەكى ۇزدىك گول­لي­ۆۋدتىق كومپانيامەن ۆيدەو­بايلانىس ارقىلى كونفەرەنتسيا وتكىزدىك. جاقىن ارادا ازيالىق ارىپتەس­تەرىمىزبەن كەزدەس­پەك­شىمىز. بۇل جەردە ءوندىرىستىڭ قار­جىلىق مو­دەلىن پىسىقتاۋعا باسا نازار اۋ­دارعان ءجون. كەيىن بىزدە ريبەيت تەتىگى قوسىلۋى مۇمكىن، ياعني قا­زاق­ستان اۋماعىندا جۇم­سال­عان قاراجاتتىڭ ءبىر بولىگىن شەتەلدىك كومپانيالارعا وتەۋ (ساندار 30 %-عا دەيىن وزگەرەدى). باسقا جاع­دايدا قالالىق جانە وڭىرلىك كي­نو­كوميسسيالار تارا­پىنان بارىنشا قولداۋ كور­سە­تىلەتىن بولادى»، – دەيدى «ۇكقمو» كەاق باسقارما ءتوراعاسى ەسەت­جان قوسىباەۆ.

ونىڭ سوزىنە قاراعاندا، بۇعان دەيىنگى تاريحي بلوكباستەر ءتۇسىرۋ توڭىرەگىندە بولعان قاتە­لىكتەردى قايتالاماي، جوبا­نى جان-جاقتى پىسىقتاۋعا ۇل­كەن جاۋاپكەرشىلىك جۇكتەلەدى.

ايتا كەتەرلىگى، پرەزيدەنت قاسىم-جومارت توقاەۆ كينە­ماتوگرافيستەرگە تاريحي تا­قىرىپ­تاعى فيلمدەردى شىعارۋ قاجەت ەكەنىن ايتقان بولاتىن. «بۇگىندە الەمدىك كينو­يندۋس­تريادا تاريح تاقى­رىبىنداعى ستسەناريلەرگە سۇ­رانىس جوعارى. وسى ورايدا، ءبىزدىڭ دە شەجىرە­مىزدە اۋقىمدى فيلمدەرگە ارقاۋ بولاتىن ماڭىزدى بەلەستەر مەن وقيعالار بارشىلىق. مىسالى، الەمدەگى ەڭ قۋاتتى يمپەريا­لاردىڭ ءبىرى بولعان التىن وردا تاريحى دايىن تۇرعان جوق پا؟! بۇل ماسەلەگە بولاشاقتا كينو سالا­سىنىڭ ماماندارى باسا نازار اۋدارعانى ءجون» دەپ اتاپ وتكەن ەدى مەملەكەت باسشىسى.

ج.اققايىر