ءتۇرى: 24.kz اقپاراتتارى
جولدانعان ۋاقىتى: 22:40 - 2021/01/27
ۆەتەرينارلاردىڭ ايتۋىنشا، ارىستاننىڭ كۇشىگى ابدەن قالجىراعان. «قارشا» دەگەن لاقاپ اتى بار اڭ پاتشاسىنىڭ تاماق جەۋگە دە ءالى قالماپتى. ءقازىر الان اينالاسىنا بوي ۇيرەتە باستادى. ءبىراق ارتقى اياعىن ارەڭ باسىپ ءجۇر. بۇرىنعى يەسى ونى تەمىر شىنجىرمەن بايلاپ ۇستاعان كورىنەدى. پوليتسەيلەر جىرتقىش اڭدى جەتىساي اۋدانىنان تاپقان. تەرگەۋ بارىسىندا يەسى ونى تاۋىپ العانىن ايتقان. ءقازىر وعان سيرەك كەزدەسەتىن جانە جويىلىپ كەتۋدىڭ الدىندا تۇرعان جانۋارلاردى زاڭسىز يەمدەنۋ دەرەگى بويىنشا ايىپ تاعىلىپ، ءىس قوزعالدى.
ەلەنا بۋداراكينا، زووباقتىڭ باس ۆەتەرينار دارىگەرى:
– ارىستان رەسمي تۇردە زووباق تەڭگەرىمىنە الىنىپ، وزگە اڭدارمەن بىرگە ءومىر سۇرەدى. تاماقتانۋى، ەمدەلۋى مەن دۇرىس باعىپ-قاعۋىن ۇيىمداستىرۋعا كەپىلدىك بەرەمىز. ءقازىر ول وتە ءالسىز، ابدەن قالجىراعانى كورىنىپ تۇر. العاشقى كۇندەرى ءتىپتى ءنار تاتپادى.
