بوكس1 جەلتوقسان

شىمكەنت شارشى الاڭىندا بوكسشىلار ءوزارا مىقتىنى انىقتادى. اتالعان رەسپۋبليكالىق باسەكەدە كۇمىسپەن كۇپتەلگەن استانالىق ساعىندىق توعامباي كۇمىس جۇلدەگەر اتانعانىنا وكىنبەيتىنىن ايتىپ، Olympic.kz سايتىنا جارىستى قورىتىندىلاپ بەردى.

"قازاقستان چەمپيوناتى وتە جوعارى دەڭگەيدە ءوتتى. مەنىڭ سالماعىمنىڭ ۇزدىگى ۆاسيلي لەۆيت دەنساۋلىعىنا بايلانىستى جارىسقا قاتىسپاعانىن ەسەپتەمەگەندە، ەل قۇراماسىنىڭ بارلىق ءبىىرىنشى نومەرلى بوكسشىلارى شىمكەنت شارشى الاڭىنا شىقتى.

مەن ءۇشىن ەڭ قيىن ءارى تارتىستى جەكپە-جەك - فينالداعى كەزدەسۋ دەپ ايتا الامىن. سەبەبى، فينالداعى قارسىلاسىم ءوزىمنىڭ باۋىرىم، كىشكەنتاي كەزىمىزدەن ءبىر باپكەردە جاتتىعىپ كەلە جاتقان ايبەك ورالباي بولدى. وسى ۋاقىتقا دەيىن ەكەۋمىز جارىستاردا كەزدەسپەگەنبىز. سوندىقتان، پسيحولوگيالىق تۇرعىدان دوسىڭمەن فينالدا جۇدىرىقتاسۋ قيىنعا سوعادى ەكەن.

ارينە، فينالعا ۇتامىن دەپ شىعاسىڭ. دەسە دە، جەكپە-جەك بارىسىندا ايبەك ماعان قاراعاندا كوپ شابۋىل، سوققى جاساعان شىعار، سونىڭ ناتيجەسىندە جەڭىسكە جەتتى. ەكىنشى ورىننان كورىنىپ، كۇمىس العانىم ءۇشىن وكىنبەيمىن. بۇل مەنىڭ ەرەسەكتەر اراسىنداعى ءۇشىنشى جارىسىم بولعانىمەن، مەن قاتىسقان العاشقى ەل بىرىنشىلىگى بولدى"، - دەيدى ساعىندىق توعامباي.

ايتا كەتەرلىگى، ەلوردالىق ساعىندىق توعامباي 91 كەلىنىڭ التىنىن كوماندالاسى ايبەك ورالبايمەن ساراپقا سالدى. اسقار ەركەباەۆتىڭ قوس شاكىرتى فينالدا جۇدىرىقتاسىپ، التىن مەن كۇمىس مەدالدى نۇر-سۇلتان قالاسىنىڭ كومانداسىندا ساقتاپ قالدى. 

وشيبكا ۆ تەكستە؟ ۆىدەليتە ي ناجميتە Ctrl+Enter

0

فارابي ءابدىحالىق

تاكجە ينتەرەسنو