ولارعا بەس قاباتتى تۇرعىن ۇيدەن پاتەر كىلتتەرى تابىس ەتىلدى. تۇرعىن ءۇي ERG قۇرامىنداعى «قازحروم» ترانسۇلتتىق كومپانياسى» اكتسيونەرلىك قوعامى فيليالىنىڭ اقسۋ فەرروقورىتپا زاۋىتى باعدارلاماسى اياسىندا سالىنعان.

جاڭا تۇرعىن ۇيلەر اقسۋ قالاسىنداعى ءتورتىنشى شاعىن اۋداندا بوي كوتەردى. جانىندا مەكتەپ، بالاباقشا جانە ەمحانا بار. ءۇي اۋلاسىندا بالالارعا ارنالعان ستريتبول الاڭى ورناتىلعان.

اقسۋفەرروقورىتپا زاۋىتىنىڭ ەلەكترومونتيورى ۆيكتور ۆلاديميروۆتىڭ ومىرىندەگى ەڭ باقىتتى ءسات – بۇگىن. تۇڭعىش پرەزيدەنت كۇنىندە تۇڭعىش ۇلى ءبىر جاسقا تولدى. كوپتەن كۇتكەن باسپاناعا قول جەتكىزدى.

ۆيكتور ۆلاديميروۆ، اقسۋ فەرروقورىتپا زاۋىتى ەلەكتروتسەحىنىڭ ەلەكترومونتيورى:

- بۇل مەن ءۇشىن ۇلكەن باقىت. كۇردەلى كەزەڭگە قاراماستان ءۇي الىپ جاتىرمىز. ءىشى كەڭ، جارىق. مۇنداي ءۇيدى ارمانداپ جۇرگەندەر قانشاما. اقسۋ فەرروقورىتپا زاۋىتىنا العىس ايتامىن.

قونىس تويىن تويلاپ جاتقاندار اراسىندا جوعارى بىلىكتى ماماندار، جاس جۇمىسشىلار مەن تاپشى ماماندىق يەلەرى بار. زاۋىت جۇمىسشىسى اعايشا سەيىلحانوۆا وتباسىمەن 16 جىل پاتەر جالداپ تۇرعان.

اعايشا سەيىلحانوۆا، اقسۋ فەرروقورىتپا زاۋىتى شارۋاشىلىق ءبولىمىنىڭ وپەراتورى:

– ەكى ۇلىمىز، ءبىر قىزىمىز بار. كوپ جىلدار بويى ءۇي جالداپ جۇردىك. ارينە، ءبىزدىڭ اقسۋ فەرروقورىتپا زاۋىتىنا كوپتەن كوپ راقمەت.

پاتەر «قازاقستاننىڭتۇرعىنۇيقۇرىلىسجيناقبانكى» اق-نان ERG توبىنىڭ قىزمەتكەرلەرى ءۇشىن ارنايى ازىرلەنگەن باعدارلاما بويىنشا بەرىلەدى. ولار تومەن پايىزدىق مولشەرلەمەمەن ساتىپ الۋ قۇقىعىمەن 20 جىلعا دەيىن جالعا الدى.

سەرگەي پروكوپەۆ، اقسۋ فەرروقورىتپا زاۋىتىنىڭ ديرەكتورى:

– بۇل ۇيلەردىڭ ىرگەسى ەۋرازياتتىق كومپانيا توبىمەن قالاندى. بۇگىن 40 پاتەردى تاپسىرامىز. جىلدىڭ اياعىنا دەيىن تاعى ءبىر ءۇي قولدانىسقا بەرىلەدى.

تۇرعىن ءۇي باعدارلاماسى اقسۋ فەرروقورىتپا زاۋىتىندا تابىستى جۇزەگە اسىپ جاتىر. بۇگىنگى كۇنى 180 قىزمەتكەر باسپانالى بولعان.