كۇنى كەشە عانا الماتى وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ باسشىسى ساۋلە قابيمولداەۆا وبلىس اۋماعىندا جۇمىس ىستەيتىن كوللەدجەردىڭ جۇمىسى جايىندا جۋرناليستەرگە اقپار بەردى، – دەپ حابارلايدى Dalanews.kz اقپارات اگەنتتىگى.

وز كەزەگىندە دەپەرتامەنت باسشىسى الماتى وبلىسى بويىنشا 15 كوللەدج 28 ماماندىق پەن 31 بىلىكتىلىك بويىنشا ليتسەنزيالىق تىركەمەلەرىن ءوز ەركىمەن قايتارىپ بەرگەنىن العا تارتتى. سونىمەن قاتار ەكى كوللەدج ءوز مىندەتىن توقتاتۋ جايلى شەشىم قابىلداعانىن جانە 6 كوللەدجدىڭ جۇمىسى ۋاقىتشا توقتاپ تۇرعانىن العا تارتىپتى.

ودان بولەك 2020 جىلى الماتى وبلىسىندا پروفيلاكتيكالىق باقىلاۋدان 29 مەكتەپ وتكەن. ليتسەنزيالاۋ ماسەلەسىمەن 254 ءوتىنىش قابىلداندى، ونىڭ – ء55-ى قايتارىلدى.

– اپوستيلدەۋ «ازاماتتارعا ارنالعان ۇكىمەت» مەملەكەتتىك كورپوراتسياسى مەن «ەلەكتروندى ۇكىمەت» ۆەب-پورتالى ارقىلى جۇزەگە اسىرىلادى. جىلدىڭ باسىنان بۇل قىزمەت رەسپۋبليكانىڭ 224 ازاماتىنا كورسەتىلدى. 216 قۇجات بويىنشا وڭ شەشىم قابىلداندى، ونىڭ ىشىندە، 55-جوعارى ءبىلىم، 24-كاسىپتىك ءبىلىم، 123-جالپى ورتا ءبىلىم سالاسىندا، 14-وقۋ تۋرالى انىقتاما. 8 قۇجاتتى اپوستيلدەۋ جوققا شىعارىلدى، – دەدى ساۋلە كابيمولداەۆا.

ەلىمىزدە كوروناۆيرۋستىڭ تارالۋى دا ورتا ءبىلىم سالاسىنا ءوز كەسىرىن تيگىزىپتى.  بۇعان قاراماستان دەپارتامەنت ناۋرىز ايىنان باستاپ جوو جانە كوللەدجدەردىڭ قاشىقتىقتان وقىتۋدى ۇيىمداستىرۋ مۇمكىندىگىن باقىلاۋدا ۇستادى. اتاپ ايتساق، وقۋ جىلى بارىسىندا ينكليۋزيۆتى ءبىلىم بەرۋ جۇيەسى، بەينەباقىلاۋ جۇيەسى، سانيتارلىق-گيگيەنالىق قۇرالداردىڭ بولۋى جانە  مەكتەپتەردەگى 3 اۋىسىمدى وقىتۋ باقىلاۋدان وتكىزگەن.

الماتى وبلىسىندا جاستاردىڭ سپورتپەن اينالىسۋىنا بارىنشا جاعداي جاسالىنۋدا