اسىرەسە «موسكۆيچتەرگە» بۇيرەگى بۇرىپ تۇرادى.

قازىر شەبەردىڭ مەنشىگىندە كەڭەستىك كەزەڭنىڭ وسىنداي 4 تەمىر تۇلپارى بار.

بۇل – 59-جىلعى سيرەك «موسكۆيچ». كەڭەستىك كەزەڭدە ونىڭ 7 جارىم مىڭى عانا شىعارىلعان. سول قالپى. بىردە ءبىر رەت جوندەلمەگەن. ءجۇرىپ تۇر. يگور تۋەۆ ونى ءبىر قاريادان ساتىپ العان.

ال بۇل 63-جىلعى «موسكۆيچ». شەبەر ونى مەتالل تاپسىراتىن ورىننان الىپ قالعان. ەندى كونە كولىكتى قايتا قالپىنا كەلتىرۋگە بارىن سالىپ ءجۇر.  

يگور تۋەۆ، كوللەكتسيونەر – رەستاۆراتور:

– ءتۇپ نۇسقاسىن 100 پروتسەنتكە شىعارا المايمىن. كوپتەگەن قوسالقى بولشەگىن تابۋ مۇمكىن ەمەس. ءارى قىمبات. ءبىراق بارىنشا تىرىسىپ كورەمىن.

401-ىنشى «موسكۆيچ». ەكىنشى دۇنيەجۇزىلىك سوعىسىنان كەيىن قۇراستىرىلعان كولىك. سيرەك كەزدەسەتىن راريتەت يگوردىڭ قولىنا 10 جىل بۇرىن ءتيىپ، ءقازىر جالتىراپ، جايناپ تۇر.

يگور تۋەۆ، كوللەكتسيونەر – رەستاۆراتور:

– مەن مۇنىمەن جەڭىس كۇنى عانا جۇرەمىن. قالانى ءبىر شارلاپ شىعىپ، ماڭگىلىك الاۋ ماڭىنا بارىپ تۇرامىن. ادامدار قىزىقتاپ سۋرەتكە تۇسەدى.

يگور ءۇشىن ەڭ قىمبات، ءارى ەڭ ىستىق – مىنا كولىك. بۇل – ونىڭ ەڭ العاشقى جۇمىسى. كولىكتىڭ سىرتى «موسكۆيچ» بولعانمەن، ءىشى «مەرسەدەس». ونى قۇراستىرىپ، جيناۋعا 10 جىل كەتكەن.

يگور تۋەۆ، كوللەكتسيونەر – رەستاۆراتور:

– بۇل كولىكتى 2007 جىلى باستاپ، 2017 جىلى اياقتادىم. ءالى تولىق بىتكەن جوق. اراسىندا قولىمدى ءبىر سەرمەپ، ەندى ىستەمەيمىن دەدىم. ءبىراق قايتا كەلىپ، قايتا كىرىستىم.

يگور – ماماندىعى بويىنشا دانەكەرلەۋشى. ونىڭ كوللەكتسياسى شاعىن بولعانىمەن وتە قۇندى. شەبەر ءالى تالاي كونە كولىكتى قالپىنا كەلتىرىپ، كوپشىلىك نازارىنا ۇسىنباق.

اۆتورلارى: ايداربەك ايتمۇحامبەتۇلى، رۋسلان اليەۆ