ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ءتاڭىرتاۋ تورابى اقپاراتتارى

جولدانعان ۋاقىتى: 11:20 - 2020/09/21

Нақты Көзі: http://kazakh.ts.cn/system/2020/09/21/036438294.shtml

نەگىزگى ساتى ۋاكىلدەرى اڭگىمە ماجىلىسىندە سويلەنگەن ءسوز

(2020 - جىلى 9 - ايدىڭ 17 - كۇنى)

شي جينپيڭ

  كوپشىلىك سالەمەتسىزدەرمە! پارتيا ورتالىق كوميتەتى كەلەر ايدا بەيجيڭدە پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسىن اشىپ، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعى بولاشاقتىق نىسانالار مەن ماسەلەلەردى ءتۇيىندى زەرتتەۋدى ءارى ۇسىنىس قويۋدى ۇيعاردى. وسى رەتكى جالپى ءماجىلىستى ويداعىداي اشۋ ءۇشىن پارتيا ورتالىق كوميتەتى اشىق كەڭەس الۋعا، كوپ پاراساتىن ساۋلەلەندىرۋگە تاباندى بولىپ، ءتۇرلى تاسىلدەرمەن ءتۇرلى جاقتىڭ پىكىرلەرىن جانە ۇسىنىستارىن كەڭ كولەمدە تىڭدادى.

  وسى مەزگىلدە، مەن ءىشىنارا جەرلەرگە بارىپ تەكسەرۋ - زەرتتەۋ جۇرگىزدىم ءارى كاسىپورىنشىلار اڭگىمە ءماجىلىسىن، پارتيا سىرتىنداعى قايراتكەرلەر اڭگىمە ءماجىلىسىن، چاڭجياڭ اتىراۋىن ءبىر تۇلعالاندىرا دامىتۋدى تىڭعىلىقتى ىلگەرىلەتۋ اڭگىمە ءماجىلىسىن، ەكونوميكالىق، قوعامدىق سالالارداعى ماماندار اڭگىمە ءماجىلىسىن، عالىمدار اڭگىمە ءماجىلىسىن ىركەس - تىركەس باسقارىپ اشىپ، پىكىر - ۇسىنىس تىڭدادىم. وسى رەت حۋنانعا كەلىپ قىزمەت تەكسەرۋ ورايىندا، ءبىر ءبولىم نەگىزگى ساتى ۋاكىلدەرىن اڭگىمەلەسۋگە ۇسىنىس ەتتىم، باستىسى، كوپشىلىكتىڭ ”14 - بەسجىلدىق“ جوبانى جاساۋ جونىندەگى پىكىرلەرىن جانە ۇسىنىستارىن بەتپە - بەت تىڭداماقشىمىن.

  بيىل جىل باسىنان بەرى، تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى ءبىزدىڭ ”13 - بەسجىلدىق“ جوبانى جانە بيىل جىل باسىندا بەلگىلەگەن تۇتاس جىلدىق نىسانالار مەن مىندەتتەردى ورىنداۋىمىزعا سىن - سايىس الا كەلدى. ءبىز حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، ىندەتتەن ساقتانۋ - تىزگىندەۋ قىزمەتىن بار كۇشتى سالا ورىستەتىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزدىك. ىندەتتىڭ ءورشۋ جاعدايىن العاشقى قادامدا تىزگىندەگەننەن كەيىن، ءبىز ىندەتتەن ساقتانۋ - تىزگىندەۋدى دەر كەزىندە ءبىر تۇتاس جوسپارلاپ ويداعىداي ىستەپ جانە جۇمىستى، ءوندىرىستى قالپىنا كەلتىرۋدى ىلگەرىلەتىپ، ەكونوميكالىق، قوعامدىق ءتارتىپتى جەدەل قالپىنا كەلتىردىك. 9 - ايدىڭ 8 - كۇنى ءبىز بەيجيڭدە ماداقتاۋ - سيلاۋ جينالىسىن سالتاناتپەن اشىپ، رەسپۋبليكا وردەنى مەن مەملەكەت داڭق اتاعى مەدالىن تاراتىپ، ىندەتكە قارسى اتتانۋداعى وزات جەكەلەر مەن وزات كوللەكتيۆتەردى ماداقتاپ - سيلادىق. مەن جينالىستا ءسوز سويلەدىم. بيىل تاسقىن مەزگىلىنە كىرگەننەن بەرى، چاڭجياڭ وزەنى الابىندا، حۋايحى وزەنى الابىندا ءبىرشاما اۋىر تاسقىن ءجۇردى، نەگىزگى داريا - وزەن، كولدەر ءبىر مەزگىل ساقتىق سۋ دەڭگەيىنەن اسىپ، ءىشىنارا جەرلەر اۋىر اپاتقا ۇشىرادى، پارتيا ورتالىق كوميتەتى تاسقىننان ساقتانۋ، اپاتتان قۇتقارۋ جونىندە دەر كەزىندە ورنالاستىرۋ جاسادى. ورتالىقتاعى قاتىستى تاراۋلاردىڭ جەتەكشىلىگى مەن سايكەستىرۋىندە، حۋناندى قامتىعان قاتىستى ولكەلەر تاسقىننان ساقتانۋ، اپاتتان قۇتقارۋ قىزمەتىن كۇش سالا ويداعىداي ىستەپ، اپاتتان كەيىنگى قالپىنا كەلتىرۋدى، قايتا قۇرۋدى مىقتى يگەردى. دۇنيە جۇزىنە جالپىلاي كوز جىبەرسەك، ءبىزدىڭ ىندەتتەن ساقتانۋ - تىزگىندەۋ جانە ەكونوميكانى قالپىنا كەلتىرۋ جاعىندا تۇگەلدەي الدىڭعى لەكتە كەلە جاتقانىمىزدى كورۋگە بولادى. وسىنداي ناتيجە شىنىمەن وڭاي - وسپاق قولعا كەلگەن جوق!

  مەنى ەرەكشە اسەرلەندىرگەنى ءتۇرلى شۇعىل، قيىن، قاتەرلى، اۋىر مىندەت جانە حاۋىپ - قاتەر، سىن - سايىس الدىندا، قالىڭ حالىق بۇقاراسىنىڭ قاشاندا تىلەكتەس، مۇراتتاس بولىپ، ءبىر جاعادان باس، ءبىر جەڭنەن قول شىعارىپ، قايراتتانا ەرلىكپەن كۇرەس جۇرگىزىپ، ەلەۋلى ۇلەس قوسۋى بولدى. پارتيا مەن مەملەكەت ىستەرىندە قول جەتكەن جەڭىستىڭ بارلىعى حالىقتىڭ جەڭىسى! حالىق ناعىز قاھارمان!

  حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز. تاماشا باعىت - ساياساتتىڭ جانە دامۋ جوباسىنىڭ بارلىعى حالىقتىڭ تىلەگىنە سايكەسۋى، حالىقتىڭ ارمان - تىلەگىنە باپ كەلۋى، بۇقارادان الىپ، بۇقاراعا قايتارىلۋ كەرەك. ۇزاق ۋاقىتتان بەرى، پارتيامىز ماڭىزدى باعىت - ساياسات شىعارۋ، كەلەلى شەشىمدەر، ورنالاستىرۋلار جاساۋ الدىندا قاتىستى تاراۋلاردان نەگىزگى ساتىعا ىشكەرىلەي بارىپ تەكسەرۋ - زەرتتەۋ جۇرگىزىپ، ءبىرىنشى قول ماتەريالداردى ۇعىسۋدى جانە يگەرۋدى تالاپ ەتىپ كەلەدى. شىندىقتى ءىس جۇزىنەن ىزدەۋ پارتيامىزدىڭ يدەيالىق لۋشيانىنىڭ ماڭىزدى مازمۇنى، يان - انداعى كەزدىڭ وزىندە - اق ماۋ زىدۇڭ جولداس: ”كوممۋنيستەر شىندىقتى ءىس جۇزىنەن ىزدەۋدىڭ ۇلگىسى بولۋ كەرەك“، ”شىندىقتى ءىس جۇزىنەن ىزدەگەندە عانا بەلگىلەنگەن مىندەتتى ورىنداۋعا بولادى“ دەپ باسا دارىپتەپ، تەكسەرۋ - زەرتتەۋ ادىسىندە ”بىرىنشىدەن، كەكىرەيىپ اسپانعا عانا قاراماي، تومەنگە كوز جىبەرۋ“، ”ەكىنشىدەن، تەكسەرۋ ءماجىلىسىن اشۋ كەرەك“ دەپ قارادى. بەسجىلدىق جوبانى جاساۋ ەكونوميكالىق، قوعامدىق دامۋدىڭ بارلىق جاقتارىنا سايادى، حالىق بۇقاراسىنىڭ وندىرىسىمەن، تۇرمىسىمەن تىعىز بايلانىستى، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، قالىڭ حالىق بۇقاراسى مەن قوعامداعى ءار سالانى ءتۇرلى تاسىلدەرمەن اقىل - كەڭەس بەرۋگە ىنتالاندىرۋدى قاجەت ەتەدى.

  بۇگىن جينالىسقا قاتىناسقان نەگىزگى ساتىداعى كادرلار مەن بۇقارانىڭ ۋاكىلدەرى اۋىل - قىستاق، الەۋمەتتىك اۋماق، كاسىپورىن سياقتى جاقتاردان، ءارى وقۋ - اعارتۋ، عىلىم - تەحنيكا، دەنساۋلىق ساقتاۋ، ساياسي - زاڭ سياقتى شەپتەن كەلىپ وتىر؛ ءار دارەجەلى پارتيا قۇرىلتايىنىڭ ۋاكىلدەرى، حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى، ەڭبەك وزاتتارى، كەدەيلەردى سۇيەمەلدەۋ كادرلارى بار، ءارى جاڭا قوعامدىق جىكتەردىڭ قايراتكەرلەرى، شارۋا جۇمىسكەرلەر، جەدەل جەتكىزۋشىلەر، تور دۇكەنىنىڭ قوجايىندارى سياقتىلار دا بار. كوپشىلىكتىڭ ءبارى رەفورمانىڭ، دامۋدىڭ جانە ءوندىرىستىڭ ءبىرىنشى شەبىندە تۇرىپ، ەكونوميكالىق، قوعامدىق تۇرمىسقا ەڭ تىكە ات سالىسىپ، بۇقارامەن ۇنەمى بارىنشا بايلانىس جاساعان، پارتيانىڭ لۋشيان، باعىت - ساياساتتارىنىڭ تياناقتانىپ، ونىمدىلىك كورسەتكەندىگىن ەڭ شىنايى سەزىنگەن، قويعان پىكىرلەرى جانە ۇسىنىستارى نەگىزگى ساتىنىڭ ءىس جۇزىندىگىنە اناعۇرلىم جاناسادى، بۇقارانىڭ جۇرەك ءۇنىن جەتكىزدى.الگىندە كوپشىلىك وتە تاماشا ءسوز سويلەدى، توق ەتەرىن ايتىپ، توتەسىنەن ايتىپ، كوپتەگەن تاماشا پىكىر جانە ۇسىنىس قويدى، وتە سونى، وتە جاناسىمدى بولىپ، ءبىزدىڭ نەگىزگى ساتىنىڭ جاعدايىن اناعۇرلىم كوپ تۇسىنۋىمىزگە پايدالى. قاتىستى جاقتار مۇقيات زەرتتەۋ، تولىق قابىلداۋ كەرەك.

  الدىڭعى ءبىر مەزگىلدە، ءبىز ”14 - بەسجىلدىق“ جوبانى جاساۋ جونىندە ينتەرنەتتە پىكىر الۋ قيمىلىن ورىستەتتىك، قالىڭ كادر - بۇقارانىڭ نازار اۋدارۋ دەڭگەيى، ات سالىسۋ دەڭگەيى تۇگەلدەي وتە جوعارى بولدى، ءبىرسىپىرا پىكىرلەر مەن ۇسىنىستاردى ماعان دەيىن اڭىس ەتتى. جايشىلىقتا، مەن دە كوپتەگەن بۇقارادان كەلگەن حاتتاردى تاپسىرىپ الامىن. وسى پىكىرلەر جانە ۇسىنىستار جالپىلىق سيپات الادى، جاڭا عانا كوپشىلىك تە مۇنى تىلگە الدى. ”14 - بەسجىلدىق“ جوباعا ۇسىنىس بەرۋدە وسى ماسەلەلەر جونىندە بەلسەنە جاۋاپ قايتارۋ كەرەك.

  تومەندە، مەن بىرنەشە پىكىرىمدى باياندايىن.

  ءبىرىنشى، دامۋدىڭ جاقسى جاعدايىن قاستەرلەپ، دامۋدىڭ جاقسى بەتالىسىن بەكەمدەۋ. ”14 - بەسجىلدىق“ مەزگىلى − ەلىمىزدىڭ جاپپاي دوڭگەلەك داۋلەتتى قوعام ورناتۋ نەگىزىندە جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنداعى العاشقى بەسجىلدىق. كەزەكتەگى جانە الداعى ءبىر مەزگىلدە، ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، دەسە دە، وراي مەن سىن - سايىستىڭ بارىندە تىڭ دامۋلار، وزگەرىستەر بولادى. قازىر دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، جاڭا تيپتى ايدارشا ۆيرۋس وكپە قابىنۋ ىندەتى ۇلكەن وزگەرىستىڭ قۇبىلۋىن جەدەلدەتىپ، حالىقارالىق ورتا كۇن سايىن كۇردەلىلەنىپ، ەكونوميكانىڭ جاھاندانۋى كەرى اعارلىققا ۇشىراپ، كەيبىر مەملەكەتتەردە سىڭار جاقتىلىق، قورعامپازدىق داۋرەندەۋدە، ءبىز، ءسوز جوق، اناعۇرلىم تۇراقسىز، انىقسىز دۇنيە جۇزىندە ەلىمىزدىڭ دامۋىن قاراستىرۋىمىز كەرەك. ەلىمىز جوعارى ساپالى دامۋ كەزەڭىنە ءوتىپ، ەكونوميكانىڭ دامۋ بولاشاعى جاقساردى، سونىمەن بىرگە دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى بولىپ وتىر، جوعارى ساپالى دامۋدى جۇزەگە اسىرۋدا ءالى دە كوپتەگەن ولقىلىقتار مەن ءالسىز بۋىندار بار. قيىندىق پەن سىن - سايىستاردى، بوگەت پەن تۇراقسىزدىقتاردى جاسىرىپ - جابۋىمىزعا، جالتارۋىمىزعا، كورمەسكە سالۋىمىزعا بولمايدى، ساسقالاقتاۋىمىزعا، اسىعىپ ابدىراۋىمىزعا دا بولمايدى. مەن جۇڭحۋا ۇلتىنىڭ ۇلى گۇلدەنۋى استە وڭاي - وسپاق، قۇر ايعاي - سۇرەنمەن جۇزەگە اسا سالمايدى دەپ ۇنەمى ايتىپ كەلەمىن. ماشاقات تابىسقا جەتكىزەدى. ەشقانداي ءبىر مەملەكەتتىڭ، ۇلتتىڭ وسىزاماندانۋى ساتىمەن وڭاي جۇزەگە اسا سالعان ەمەس. حالىقارالىق، ەل ءىشى جاعدايىندا تەرەڭ، كۇردەلى وزگەرىستەر تۋىلعانىمەن، ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى اۋقىمى وزگەرگەن جوق، ەلىمىز ەكونوميكاسىنىڭ كومەسكى كۇشى جەتكىلىكتى، سەرپىمدىلىگى زور، ومىرشەڭدىگى كۇشتى، مۇمكىندىك ءورىسى كەڭ، ساياساتتىق قۇرالدارى كوپ بولۋ سىندى نەگىزگى ەرەكشەلىگى وزگەرگەن جوق، ەلىمىز دامۋىنىڭ كوپ جاقتاعى باسىمدىعى مەن شارت - جاعدايى وزگەرگەن جوق. ەلىمىزدە دۇنيە ءجۇزى بويىنشا ەڭ تولىق، كولەمى ەڭ ۇلكەن ونەركاسىپ جۇيەسى، قۋاتتى ءوندىرىس قابىلەتى، كەمەلدى سايكەستىرۋ قابىلەتى، اسا زور كولەمدەگى ىشكى سۇرانىس بازارى بار، قارجى قوسۋ سۇرانىسىنىڭ كومەسكى كۇشى وراسان زور. ءبىز جاعدايعا عىلمي تالداۋ جاساپ، دامۋدىڭ ۇلكەن اۋقىمىن يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن جەدەل قالىپتاستىرۋىمىز كەرەك.

  ەكىنشى، حالىقتى وزەك ەتكەن دامۋ يدەياسىن دايەكتىلەندىرۋگە تاباندى بولۋ. حالىق تىلەگى − ەڭ ۇلكەن ساياسي. پارتيامىز − بۇكىل ىنتا - پەيىلىمەن حالىق ءۇشىن قىزمەت ىستەيتىن پارتيا، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، حالىقتىڭ تاماشا تۇرمىسقا تالپىنىسىن باستان - اياق بۇلجىماس كۇرەس نىساناسى ەتەدى. 100 جىلعا جۋىق كۇرەس بارىسىندا، پارتيامىز وسىلاي ايتىپ قانا قالماستان، باستان - اياق وسىلاي ىستەپ تە كەلەدى. ۇزاق جورىقتا، قىزىل ارميا رۋچىڭ اۋدانى ۋىنميڭ اۋىلى شاجوۋ قىستاعىنان وتكەندە، ءبىزدىڭ قىزىل ارميانىڭ 3 ايەل جاۋىنگەرى بار - جوعى جالعىز كورپەنىڭ جارتىسىن اۋىلداستارعا كەسىپ بەرىپ، ”شولاق كورپە“ دەيتىن ۇلاعاتتى اڭگىمە قالدىرعان ەدى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە، ءبىز ءاۋ باستان - اق حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى ايقىن تۇردە ورتاعا قويدىق. ىندەتتىڭ تارالۋىن ەڭ جوعارى شەكتە تەجەۋ ءۇشىن، ءبىز بۇكىل ەل كولەمىندەگى ەڭ ۇزدىك شيپاگەرلەردى، ەڭ وزىق جابدىقتاردى، ەڭ ءزارۋ بايلىقتى جۇمىلدىرىپ، بار كۇشپەن ىندەتتەن قۇتقارۋ - ەمدەۋگە اتتاندىق، قۇتقارۋ - ەمدەۋ اقىسىن تۇگەلدەي مەملەكەت كوتەردى. ”14 - بەسجىلدىق“ مەزگىلىندەگى دامۋدى جوسپارلاۋدا، دامۋدىڭ حالىق ءۇشىن بولۋىنا، دامۋ جەتىستىكتەرىنەن حالىقتى بىرگە يگىلىكتەندىرۋگە تاباندى بولىپ، جوعارى ساپالى دامۋدى ىلگەرىلەتۋ بارىسىندا حالىق تۇرمىسى ىستەرىن ويداعىداي ىستەۋگە، حالىق تۇرمىسى سالاسىنداعى ولقىلىقتاردى تولىقتاۋعا قۇلشىنۋ كەرەك. حالىق بۇقاراسى جاپپاي كوڭىل ءبولىپ، نازار اۋدارىپ وتىرعان حالىق تۇرمىسى ماسەلەلەرىنە ونان ارى نازاردى شوعىرلاندىرىپ، اناعۇرلىم باعىتتامالى شارالار قولدانىپ، ءبىر - بىرلەپ تياناقتاندىرۋدى يگەرىپ، جىلدان - جىلعا جالعاستىرا ىستەپ، حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم مىعىم بولۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋ كەرەك.

  ءۇشىنشى، نەگىزگى ساتى پارتيا ۇيىمدارى مەن نەگىزگى ساتى بيلىك قۇرىلىسىن كۇشەيتۋ. نەگىز بەكەم بولماسا، جەر قوزعالىپ، تاۋ شايقالادى. نەگىزگى ساتى پارتيا ۇيىمدارىن مىعىم ەتىپ قۇرىپ، نەگىزگى ساتى بيلىگىن ويداعىداي بەكەمدەگەندە عانا، جۇڭگوشا سوتسياليزمنىڭ ىرگەسى بەرىك بولادى. ”14 - بەسجىلدىق“ مەزگىلىندە، نەگىزگى ساتىنىڭ نەگىزىن كۇشەيتۋ قىزمەتى، نەگىزگى ساتىنىڭ جونگە سالۋ قابىلەتىن جوعارىلاتۋ جاعىندا اناعۇرلىم كوپ كۇش سالۋ كەرەك. پارتيانىڭ اۋىل - قىستاق نەگىزگى ساتى قىزمەتىنە جالپى بەتتىك باسشىلىعىن كۇشەيتىپ جانە جاقسارتىپ، اۋىل - قىستاق نەگىزگى ساتى ۇيىمدارىنىڭ قۇرىلىس ساپاسىن جوعارىلاتىپ، اۋىل - قىستاقتى جاپپاي گۇلدەندىرۋگە پارمەندى ساياسي جانە ۇيىمدىق كەپىلدىك ازىرلەۋ كەرەك. نەگىزگى ساتىداعى قوعامدىق جونگە سالۋدى كۇشەيتىپ جانە وندا جاڭالىق اشىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى كەمەلدەندىرىپ، قالا مەن اۋىلداعى الەۋمەتتىك اۋماق قۇرىلىسىن كۇشەيتىپ، توركوزدەندىرىپ باسقارۋدى جانە قىزمەت وتەۋدى كۇشەيتىپ، قوعامدىق قايشىلىقتار مەن داۋ - شارلاردان كوپ نەگىزدى جولمەن ساقتانۋ، ونى جاراستىرۋ، شەشۋ كەشەندى مەحانيزمىن كەمەلدەندىرىپ، شىنايى تۇردە قايشىلىقتاردى نەگىزگى ساتىدا شەشىپ، قوعام ورنىقتىلىعىن ويداعىداي قورعاۋ كەرەك. ءتورتىنشى، نەگىزگى ساتى ۋاكىلدەرى باستاماشىلدىق رولدارىن اناعۇرلىم ويداعىداي ساۋلەلەندىرۋ كەرەك. جاپپاي دوڭگەلەك داۋلەتتى قوعام ورناتۋ سوڭعى مارە ەمەس، قايتا جاڭا ءومىردىڭ، جاڭا كۇرەستىڭ باستاماسى. حالىق بۇقاراسىندا مول اقىل - پاراسات جانە شەكسىز جاسامپازدىق قۋات بار. قالىڭ نەگىزگى ساتى بۇقاراسىن ۇيىمداستىرىپ، جۇمىلدىرىپ، ۇيىستىرىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋ كەرەك. پارتيا مۇشەلەرى، كادرلار اۆانگارد ۇلگىلىك رولدارىن تولىق ساۋلەلەندىرۋ، حالىق قۇرىلتايى ۋاكىلدەرى بۇقارامەن اناعۇرلىم تىعىز بايلانىس ورناتۋ، ساياسي كەڭەس مۇشەلەرى ءوز سالاسىنداعى بۇقارامەن اناعۇرلىم ويداعىداي بايلانىس ورناتۋ جانە ولارعا اناعۇرلىم ويداعىداي قىزمەت وتەۋ، اۋىل - قىستاقتاعى بايۋدىڭ باستاماشىلارى الدىمەن بايىعاندار سوڭعىلاردىڭ بايۋىنا كومەكتەسۋ رولىن اناعۇرلىم بەلسەندى تۇردە ساۋلەلەندىرۋ، قالىڭ نەگىزگى ساتى بۇقاراسىن اناعۇرلىم تاماشا جاڭا تۇرمىس جاراتۋ ءۇشىن قۇلشىنا كۇرەس جۇرگىزۋگە ىنتىماقتاستىرۋ، ۇيىستىرۋ كەرەك.

  سوڭىندا، مەن مىنانى باسا دارىپتەيمىن: سوتسياليستىك جۇڭگو دامىپ بۇگىنگە جەتكەندە، قول جەتكىزگەن جەتىستىكتەر اسپاننان تۇسە قالعان جوق، باسقا بىرەۋ ەسىركەپ بەرە سالعان دا ەمەس، ونى قالىڭ حالىق بۇقاراسى پارتيانىڭ باسشىلىعىندا قاجىرلى ەڭبەكپەن، اقىل - پاراساتپەن، جۇرەكتىلىكپەن ىستەپ بارلىققا كەلتىرگەن! ءبىر ميلليارد 400 ميلليون حالقى بار ءبىزدىڭ مەملەكەتىمىزدە ءار ادام ءبىر ۇلەس كۇش شىعارسا، جينالا كەلە تاۋ قوپارىپ، تەڭىز قوتاراتىن جويقىن كۇشكە اينالادى، ءار ادام ءبىر ءىستى تىندىرسا، ءبىر قىزمەتتى ويداعىداي اتقارسا، پارتيا مەن مەملەكەتتىڭ ىستەرى ءبىر قادام الدىعا ىلگەرىلەيدى. كوپشىلىك نەگىزگى ساتىدان جانە ءوندىرىستىڭ ءبىرىنشى شەبىنەن كەلىپ وتىرسىزدار، ءار سالا، ءار كاسىپتىڭ ۋاكىلىسىزدەر، مۇرات - سەنىمدى بەكەمدەپ، ۇيرەنۋگە، دەڭگەيدى وسىرۋگە باسا ءمان بەرىپ، بەلدى بەكەم بۋىپ قاجىرلىلىقپەن كۇرەس جۇرگىزىپ، بىرتەلەي ىستەپ، كىشى - گىرىم ىستەردى ۇلكەن ءىس رەتىندە ىستەپ، ىستەپ جاتقان ىستەرىڭىزدى تاباندىلىقپەن ويداعىداي تىندىرىپ، ەڭبەكشىل قوس قولدارىڭىزبەن وزدەرىڭىزگە ءتان ءومىر كەلبەتىن تۇلعالاپ، باقىتتى ءومىرىمىز بەن جارقىن بولاشاعىمىزدى بىرگە جاراتۋلارىڭىز كەرەك.

(شينحۋا اگەنتتىگىنىڭ 9 - ايدىڭ 19 - كۇنى چاڭشادان بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.


كەلۋ قاينارى: http://www.elarna.net/koru.php?tur=22&id=1264269

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەرىكتىلەرگە ارنالعان مە 3 مينوت
ۇلىتاۋدا «اباي وقۋلارى» 5 مينوت
جاقسى ادامنىڭ ءسوزi دە، 6 مينوت
قازاقستان بوكس قۇراماسى 6 مينوت
10 - ايدىڭ 28 - كۇنگى ش 6 مينوت
مەلبۋرندا ءۇش ايعا سوزى 6 مينوت
ورالدا "كۇمبىرلەگە 6 مينوت
پاندەميا ساباعى – 6 مينوت
وسى كەشىرمە ماڭگى ەسىمن 6 مينوت
ەلىمىزدە كوروناۆيرۋس جۇ 6 مينوت
قىزىلوردادا «اباي» وپەر 6 مينوت
فرانتسيا مەن گەرمانيادا 6 مينوت
باس بانكير نەسيە ارقىلى 6 مينوت
كوروناۆيرۋس جۇقتىرعان 1 9 مينوت
الماتىدا كينوتەاتر بيلە 12 مينوت
وتەماقى تولەنبەسە، دارى 16 مينوت
COVID-19: ۋكراينادا توت 16 مينوت
الماتىدا كينوتەاتر بيلە 16 مينوت
ماقسات – بارىنە بىردەي 18 مينوت
قايىم مۇحامەدحانوۆ كوشە 21 مينوت
وسكەمەندە «ورتتەن 49 تو 21 مينوت
اقش-تا داۋىل سالدارىنان 21 مينوت
قايسار جانداردىڭ قولعان 24 مينوت
باسقانىڭ پiكiرiن قۇرمەت 26 مينوت
وتكەلدى قاتاڭ مەڭگەرىپ، 26 مينوت
شقو-داعى ەكولوگيالىق پر 26 مينوت
سقو-دا وسىمدىك مايى قىم 26 مينوت
كوروناۆيرۋستىڭ ءۇشىنشى 26 مينوت
تۇركىستان وبلىسى بالا ت 27 مينوت
وڭىرلىك تۋريستىك ءونىمد 27 مينوت