ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 11:06 - 2020/09/21

Нақты Көзі: https://egemen.kz/article/249436-sakhnada-–-zhuban-moldaghaliev

سونىڭ ءبىرى – حاديشا بوكەەۆا اتىنداعى باتىس قازاقستان وبلىستىق قازاق دراما تەاترى ۇسىنعالى وتىرعان ءبىر اكتىلى «جۇبان» پوەتيكالىق دراماسى. بۇل تۋىندى حالىقارالىق «الاش» ادەبي سىيلىعىنىڭ، قازاقستان رەسپۋبليكاسى مەملەكەتتىك سىيلىعىنىڭ يەگەرى، قازاقستاننىڭ ەڭبەك سىڭىرگەن قايراتكەرى، اقىن اقۇشتاپ باقتىگەرەەۆا مەن بەلگىلى دراماتۋرگ ءمادينا وماروۆانىڭ شىعارماشىلىق تاندەمىنەن دۇنيەگە كەلگەن.

- كارانتيندىك قاتاڭ شەكتەۋ شارالارى از دا بولسا باسەڭدەگەن ءساتتى پايدالانىپ، قازاقتىڭ رۋحتى اقىنى جۇبان مولداعاليەۆتىڭ 100 جىلدىعىنا ارنالعان پرەمەرانى كورەرمەنگە تارتۋ ەتپەكپىز. قازىرگى تاڭدا تەاتر ۇجىمى سپەكتاكلگە قىزۋ دايىندىق ۇستىندە، - دەيدى تەاتر ديرەكتورى سالتانات ابىلعازيەۆا.

بۇعان دەيىن قازاق تەاترى ساحناسىندا اقىن جۇبان مولداعاليەۆتىڭ ءومىرى مەن شىعارماشىلىعى وزەك بولعان قويىلىم بولماعان ەكەن. ەسىمى تاۋەلسىزدىكپەن ەگىز اتالاتىن اقىننىڭ تالايلى تاعدىرى سيپاتتالاتىن تۋىندىعا تەاتر ۇجىمى ەرەكشە جاۋاپكەرشىلىكپەن كەلىپتى. جۇبان تۋرالى قويىلىمعا دايىندىق باستاماس بۇرىن اقىننىڭ تۋعان جەرى – اقجايىق اۋدانىنا، اتاپ ايتقاندا، سايقۇدىق، قۋرايلىساي اۋىلدارىنا ساپار شەگىپ، جۇبان جۇرگەن جولدارمەن ءجۇرىپ، اقىننىڭ بەينەسىن، ءومىر جولىن جان-جاقتى اشۋعا سەپتىگىن تيگىزەر دەرەكتەرمەن تانىسقان، بارىنشا زەرتتەۋ جۇرگىزگەن.

- وسى ورايدا اقجايىق اۋدانىنىڭ اكىمى قاليار ايتمۇحامبەتوۆ باستاعان ەل اعالارى مەن جولباستاۋشىمىز بولعان اقىن اعامىز ساعىنتاي بيسەنعاليەۆكە شىنايى جاناشىرلىعى ءۇشىن ەرەكشە ريزا بولدىق. بۇرىن سايقۇدىق اۋىلىنداعى مادەنيەت ءۇيىنىڭ مەڭگەرۋشىسى قىزمەتىن اتقارعان تۋعاناي ەلۋباەۆا اپامىزدىڭ، جۇبان اقىن اۋىلعا كەلگەن كەزىندە كولىك جۇرگىزۋشىسى بولا ءجۇرىپ، تالاي مارتە ساپارلاس بولعان، بۇگىندە جاسى 90-عا كەلگەن ماقسوت شاكيموۆ اتامىزدىڭ، قازاق سسر جوعارعى سوۆەتىنىڭ دەپۋتاتى بولعان مالشى، بۇگىندە جاسى جەتپىستەن اسقان ءابىلحايىروۆ ناۋرىزعالي اتامىزدىڭ جۇبان اقىن تۋرالى ەستەلىكتەرى ەرەكشە اسەر سىيلادى، - دەيدى ديرەكتور.

تەاتر ۇجىمى اقىنمەن جولداس بولعان، جاقىن ارالاسقان جانداردى ىزدەپ تاۋىپ، اقىننىڭ شىنايى بولمىسىن، اقىندىق مىنەزىن بارىنشا زەرتتەگەن ەكەن. ماسەلەن، ەڭبەك ارداگەرى، قازاق سسر جوعارعى سوۆەتىنىڭ دەپۋتاتى بولعان عازيز حايمۋلدين اقىننىڭ لاۋازىمدى قىزمەت جۇگىن ارقالاي ءجۇرىپ، ءاردايىم تۋعان جەرىنە دە ەرەكشە كوڭىل بولەتىنىن، كەيبىر كۇردەلى ماسەلەلەردىڭ شەشىلۋىنە ىقپال ەتكەنىن ايتقان. ال جۇباننىڭ وتاعاسى، اكە رەتىندەگى بەينەسىن اشۋعا اقىننىڭ نەمەرە قارىنداسى، الماتىداعى بەس جىل ستۋدەنتتىك شاعىن جۇباننىڭ ۇيىندە وتكىزگەن ساۋلە اپايدىڭ ەستەلىكتەرى كومەكتەسكەن. بەلگىلى اقىن، جۇبانتانۋشى ۇزىلدىك ەلۋبايقىزى دا جۇبان مولداعاليەۆتىڭ اقىندىق بەينەسى، شىعارماشىلىعىنىڭ وزەگى جايلى جايتتاردى تالماي ايتادى. ال ارداقتى اقىننىڭ جۇبايى، بۇگىندە توقساننىڭ تورىندە وتىرعان سوفيا اپانى وسى قويىلىمنىڭ باس كەڭەسشىسى دەسە دە بولاتىنداي. تەلەفون ارقىلى ءجيى تىلدەسىپ، اقىن بولمىسى، ءمارت مىنەزى جايلى تالاي تاڭعالارلىق دەرەكتەردى ايتىپ بەرگەن.

قويىلىم اۆتورلارىنىڭ ءبىرى ءمادينا وماروۆا حاديشا تەاترىندا بۇعان دەيىن «جولاۋشى»، «جالت ەتكەن ءبىر ساۋلە» شىعارمالارىن ساحنالاپ، ورالدىق كورەرمەنگە ابدەن تانىس بولعان. ونىڭ قالامىنان تۋعان «اقتاستاعى احيكو» قويىلىمىن مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى جاپونيانىڭ استاناسى توكيو قالاسىندا قويعانى بەلگىلى.

جۇبانعا ارنالعان جاڭا قويىلىمدى ساحنالايتىن – وسى تەاتردىڭ باس رەجيسسەرى، ءامينا ءومىرزاقوۆانىڭ تۋعانىنا 100 جىل تولۋىنا وراي وتكەن رەسپۋبليكالىق تەاترلار فەستيۆالىنە ەرمەك امانشاەۆتىڭ «داۋىس نەمەسە داۋ ءىس» ابسۋردتىق سپەكتاكلىمەن قاتىسىپ، «شىعارماشىلىق جەتىستىكتەرى ءۇشىن» نوميناتسياسىنىڭ لاۋرەاتى اتانعان گاۋھار اداي. ال قويۋشى جانە كوستيۋم جونىندەگى سۋرەتشىسى – ەۋرازيا شىعارماشىلىق گيلدياسىنىڭ مۇشەسى (لوندون)، نۇر-سۇلتان قالاسىنداعى جاستار تەاترىنىڭ سۋرەتشى-دەكوراتورى گۇلدانا جۇرقاباەۆا. «جاڭا قويىلىمدا ءبارى دە جاڭاشا بولماق. سپەكتاكلگە قاجەتتى كوستيۋمدەردىڭ دەنى جاڭادان تىگىلدى» دەيدى ۇيىمداستىرۋشىلار. باستى ءرولدى ورال تەاترىنىڭ بايىرعى ءارتيسى، مادەنيەت سالاسىنىڭ ۇزدىگى، تاجىريبەلى تارلان تەمىرجان ماتاەۆ سومدايدى.

ايتا كەتۋ كەرەك، قويىلىم كەزىندە كارانتيندىك شارا قاتاڭ ساقتالماق. تەاترداعى كورەرمەن زالى 310 ورىندىق بولعانىمەن، قويىلىم پرەمەراسى ازداعان ادام جينالاتىن جابىق كورسەتىلىم فورماتىندا وتەدى. زالدا كارانتيندىك تالاپقا ساي اراقاشىقتىق ساقتالادى. مەديتسينالىق قورعانىش قۇرالدارى، انتيسەپتيكتەرمەن قامتاماسىز ەتۋ قاراستىرىلدى. ال قالىڭ كورەرمەن «جۇبان» قويىلىمىن Aqjaiyq تەلەارناسى ارقىلى تىكەلەي ەفيردە نەمەسە مونتاجدالعان ءتۇسىرىلىم نۇسقاسىندا كورەدى.

- قويىلىم جۇباننىڭ كولبين الدىندا جەلتوقسان تۋرالى شىندىقتى ايتىپ، تۋعان حالقىنا اراشا تۇسەتىن جينالىس ساتىنەن باستاۋ الادى. اقىن بويىنا دارىعان باتىرلىقتىڭ باستاۋى، وزگەلەردەن وق بويى وزىق تۇرۋىنىڭ سىرى، اسقاق رۋحىنىڭ ءتۇپ نەگىزى بالالىق جانە بوزبالا شاعىمەن، ەرەسەك ومىرمەن استاسىپ سيپاتتالادى. جالپى، بۇل قويىلىمدا رەكۆيزيت كوپ بولادى. ساحنادا بوي كورسەتەتىن تۇستەردىڭ دە وزىندىك ماعىناسى بار. ءتۇس ارقىلى پسيحولوگيالىق تۇرعىدان وي تۇيۋگە بولادى. كورەرمەنگە ويلى دۇنيە ۇسىنامىز دەپ وتىرمىز، - دەيدى حاديشا بوكەەۆا اتىنداعى باتىس قازاقستان وبلىستىق قازاق دراما تەاترىنىڭ باس رەجيسسەرى گاۋھار اداي.

باتىس قازاقستان


كەلۋ قاينارى: http://www.elarna.net/koru.php?tur=4&id=1264261

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


فرانتسيا مەن گەرمانيا ۇ 2 مينوت
نۇرتورە ءجۇسىپ قازاقستا 2 مينوت
قازاقستان سۋدىڭ ساپاسى 2 مينوت
تۇركىستان وبلىسىندا حال 6 مينوت
جاۋاپتى حاتشىلار نەگە ء 6 مينوت
بوستون مارافونىنىڭ وتەت 6 مينوت
Kaspi.kz-تەگى اقاۋ: مام 6 مينوت
ۇلتتىق ەكونوميكا ءمينيس 8 مينوت
Astana Open ءتۋرنيرى &# 11 مينوت
قۇراندا نەگە قۇمىرسقا « 11 مينوت
ورتالىق ازيا ەلدەرى مەن 11 مينوت
الداردىڭ تۋى - قازاق اۋ 16 مينوت
اقساقالسىز قوعامنان اقى 16 مينوت
نان كاسىبىن دامىتىپ، با 16 مينوت
سالقىن مەزگىلدە اۆوكادو 16 مينوت
ورتالىق ازيا ەلدەرى مەن 17 مينوت
قارۋلى كۇشتەردە ۇشقىشسى 20 مينوت
ءبىر تاۋلىكتە كوروناۆير 23 مينوت
ءماۋلىت كەشى وتەدى  26 مينوت
اكەمنىڭ ماعان كوتەرگەن 26 مينوت
قوستانايلىق ديقاندار قا 26 مينوت
جاڭا جوبا جول تارتادى & 26 مينوت
اقتوبە: ءسان بايقاۋى ما 26 مينوت
قازاقستان ەلشىسى اۆسترا 26 مينوت
كەيىنگى تاۋلىكتە قازاقس 26 مينوت
«سوچي» — «بارىس» ماتچىن 26 مينوت
ەلىمىزدە تاعى 176 ادام 29 مينوت
قازاقستاندىقتار ءبىر مە 29 مينوت
تۇماۋعا قارسى ۆاكتسينا 1 ساعات
قازاقستان ەلشىسى اۋسترا 1 ساعات