ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 02:30 - 2020/06/04

Нақты Көзі: https://www.astana-akshamy.kz/qamatajdyng-qongyr-qalamy/

قاماتايدىڭ قوڭىر قالامى – استانا اقشامى

ءبىز وزگە ماماندىق يەلەرى تۋرالى جىلىگىن شاعىپ، مايىن تامىزىپ جازامىز. ءبىراق ءبىر ساپتا قالام ۇستاپ جۇرگەن ارىپتەستەرىمىزگە كەلگەندە ەپتەپ، ساراڭدىق تانىتامىز. جازساق تا كوپ كوسىلە قويماي، تارتىنامىز. بۇگىن وسى قاعيدانى ءسال بۇزىپ، بەلگىلى جۋرناليست، «ۆرەميا استانى» گازەتىنىڭ باس رەداكتورى، اسقارالى الپىستى باعىندىرعان قاماتاي حاميدۋللين اعامىز تۋرالى از-كەم ءسوز ساباقتاۋدى ءجون كوردىك.قاماتاي اعانى مەن ءبىراز جىلدان بەرى بىلەمىن. ەكەۋمىز ءبىر جيىندا تانىسىپ، سودان جاقىن سىيلاسىپ كەتتىك. ءبىرتوعا، مادەنيەتتى، ءوز ءىسىن جاقسى بىلەتىن ازامات. ەپتەپ، قۋاقى ءازىلى بار. انادايدان مەنى كورسە، ءازىلىن الا جۇگىرەدى.
بۇل كىسى قازىرگى اقمولا وبلىسى، ءبىرجان سال اۋدانىندا ومىرگە كەلگەن. جاستايىنان ءبىرتۋار اقىننىڭ اندەرىن اتاسىنىڭ باۋىرىندا جاتىپ تىڭداپ ءوسىپتى. سودان با مەكتەپتى ورىسشا وقىسا دا قازاقى قاسيەتتەن اجىراماعان. مەكتەپتە جۇرگەننەن ماقالا، اڭگىمە جازىپ، شىعارماشىلىققا بەيىم بولادى. العاشقى دۇنيەلەرى اۋداندىق گازەتكە جاريالانعان.
قازاق جۋرناليستيكاسىنىڭ تالاي تالانتتى بۋىنىن تاربيەلەپ شىعارعان ۇلاعاتتى ۇستاز، بەلگىلى عالىم تاۋمان اماندوسوۆ: «ادام وقىپ جۋرناليست بولمايدى، ءجۋرناليستىڭ ەڭ باستى وقۋلىعى – ءومىر» دەيتىن كورىنەدى. وسى سوزدە ۇلكەن ءمان بار. قاماتاي اعا دا جۋرناليستيكاعا ومىردەن وزىنەن كەلگەن. العاشقى ماماندىعى ەكونوميست بولسا دا، كەيىن سانكت-پەتەربۋرگ مەملەكەتتىك ۋنيۆەرسيتە­تىنىڭ جۋرناليستيكا فاكۋلتەتىن ءتامامداپ، ورىس جۋرناليستيكاسىنىڭ بەدەلىن وسىرگەن عالىمداردىڭ ءدارىسىن تىڭدايدى.
ءبىراز ۋاقىت اۋداندىق باسىلىمدا قىزمەت ىستەگەننەن كەيىن 1986 جىلى تسەلينوگرادقا كەلىپ، وبلىستىق راديونىڭ ورىس رەداكتسياسىنا جۇمىسقا ورنالاسادى. وسىندا ءتورت جىلداي ەڭبەك ەتىپ، قازاق رەداكتسياسىنا اۋىسادى. ول كەزدە راديونىڭ باس رەداكتورى نوگەربەك ماعزۇموۆ دەگەن ارداقتى اعامىز بولعان ەدى. بۇل كىسىنى ستۋدەنت كەزىمدە مەن دە كوردىم. كىسىلىگى مول، بايىپتى ازامات بولاتىن. بويىندا ۇشقىنى بار بالا كورسە، سونى دەمەپ، جاناشىر بولىپ جۇرەتىن. ءوزى جۋرناليست عانا ەمەس، قالامى توسەلگەن جازۋشى ەدى. ءبىزدىڭ كەيىپكەرىمىز وسىنداي بەلگىلى تۇلعانىڭ قاراماعىندا قىزمەت ىستەپ، اسىل ادامنىڭ قامقورلىعىن كورەدى. ودان كەيىن وبلىستىق اتقارۋ كوميتەتىندە اعا رەفەرەنتتىك قىزمەتكە شاقىرىلادى. بۇل قىزمەت تە جۋرناليستكە كەرى اسەرىن تيگىزبەيدى، قايتا اكىمشىلىك سالانىڭ قىر-سىرىن ۇعىپ، ماڭىزدى قۇجاتتاردى جازۋدى، دەپۋتاتتارمەن قويان-قولتىق جۇمىس ىستەپ، ءبىراز تاجىريبە جيناقتاۋعا مۇمكىندىك بەردى.
وسىلاي كۇن ارتىنان اي قۋالاپ، اي سوڭىنان جىل جىلجىپ وتە بەردى. ازاتتىقتىڭ اق تۋى جەلبىرەپ، نارىقتىق قاتىناس جولىنا تۇستىك. ەلىمىزدە جاڭاشا رەفورمالار قولعا الىنىپ، بۇرىن بولماعان كوممەرتسيا­لىق گازەت پەن تەلەارنالار پايدا بولا باستادى. اقمولادا دا سول جىلدارى العاش جەكەمەنشىك «تسەسنا» تەلەارناسى اشىلىپ، قاماتاي اعا دا سونىڭ العاشقى قازىعىن قاققان جۋرناليستەرىنىڭ ءبىرى بولىپ، قالا ومىرىنەن سان ءتۇرىن قامتىعان رەپورتاج دايىندادى.
بىردە «استانا تايمس» گازەتىنىڭ باس رەداكتورى، مارقۇم، ەرلان اقمۋرزين دەگەن جاقىن دوسى وعان: «ينفوتسەس» گازەتىنە باس رەداكتورلىققا لايىق جۋرناليست ىزدەپ جاتىر، سوعان بارىپ كورشى» دەپ ءوزى جەتەكتەپ اپارىپ، «تسەسنا» كورپوراتسياسىنىڭ ءتوراعاسى رىسكەلدى جاقسىبەكوۆتىڭ كابينەتىنە كىرگىزىپ جىبەرەدى. ىرىسكەلدى اعا ونى جىلى قابىلداپ، جاقىن تانىسىپ، اقىرى كوممەرتسيالىق باسىلىمنىڭ باس رەداكتورلىعىنا بەكىتەدى.
ەندىگى وسى جايىندا كەيىپكەرىمىزدىڭ ءوزىن سويلەتسەك.
– مەن بۇرىن گازەتتە ىستەگەنمەن، رەداكتورلىق تاجىريبەم جوق ەدى. ءبىراق رىسكەلدى اعا مەنى قازاقى قانى بار دەپ ويلادى. سول جىلدارى قالاداعى جەكەمەنشىك باسىلىمدار اراسىندا «ينفوتسەستىڭ» بەدەلى جوعارى، ءباسى بيىك ەدى. ءدال سول كەزدە اقمولا – ەلدىڭ باس ورداسى اتانىپ، ارقاعا ۇلى كوش باستالدى. ەندى بۇقارالىق اقپارات قۇرالدارى اراسىندا باسەكەلەستىك كوبەيەدى دەپ ويلادىق. سوندىقتان گازەتتىڭ مازمۇنى مەن دەڭگەيىن كوتەرىپ، استانالىق مارتەبەگە لايىق بولۋ ءۇشىن ءتۇرلى ايدارلار اشتىق. ارينە، باسىلىمدا كوبى وزگە ۇلت وكىلدەرى ىستەدى. ورتالارىنداعى جالعىز قازاق مەن بولعاندىقتان، ولاردىڭ كوزقاراستارىمەن كەلىسۋ دە وڭاي بولمادى. سودان سوڭ رەداكتسيادان قازاق ءبولىمىن اشسام دەپ ويلادىم. ونى رىسكەلدى اعاعا ايتىپ ەدىم، ول كىسى قولدادى. ءسويتىپ، قازاق ءبولىمى اشىلىپ، وعان «ارقا اجارىندا» ىستەپ جۇرگەن جۋرناليست مارات دادىكبايدى شاقىردىم. ماكەڭ ءبىر سوزگە كەلمەي كەلدى دە، جۇمىس­تى ۇرشىقتاي ءيىرىپ اكەتتى. گازەتتەن «استانا ايناسى» دەگەن قازاقشا بەت اشىپ، ءتۇرلى پروبلەمالاردى ىندەتە جازدى. بەلگىلى ازاماتتارمەن سۇحبات جۇرگىزدى. ەندى قازاق وقىرماندارىنان رەداكتسياعا جازعان ريزاشىلىق حاتتار كەلە باستادى. مەن وسى باسىلىمدا 1997 جىلدان 2000 جىلعا دەيىن قىزمەت ىستەپ، ومىرلىك ءبىر بەلەستەن ءوتتىم، – دەيدى ول.
ودان كەيىن دە كەيىپكەرىمىز ءبىرقاتار رەسپۋبليكالىق باسىلىمداردا ەڭبەك ەتىپ، 2005 جىلدان بەرى ءوزى اشقان «ۆرەميا استانى» دەگەن گازەتىن باسقارىپ، ەلوردانىڭ دامۋىنا تامشىداي بولسا دا ءوز ۇلەسىن قوسىپ كەلەدى. بىرنەشە رەت دۇنيەجۇزىلىك جۋرناليستەر كونگرەسىنە قاتىسقان. قورىتا ايتقاندا، ورىسشا جازسا دا، ءار ماقالاسىنان قازاقى قوڭىر ءۇن ەستىلىپ تۇراتىن قاماتاي اعانىڭ قالامىنان ىرگەلى تۋىندىلار توگىلە بەرسىن دەيمىز!


كەلۋ قاينارى: http://www.elarna.net/koru.php?tur=7&id=1193273

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


احمەتوۆ: "5 شىلدەد 27 سەكوند
ءۇندىستاندا 26 ادامعا ج 5 مينوت
دوللاردىڭ الداعى ءۇش كۇ 5 مينوت
شال اقىن اۋدانىنا جاڭا 5 مينوت
«عىلىم تاپپاي ماقتانبا» 15 مينوت
حيلۇڭجياڭنىڭ يچۇن قالاس 15 مينوت
قازاقستان اۋاشالاۋ شارا 15 مينوت
قازاقستاندا ماۋسىم ايىن 15 مينوت
رەسەيدە كوروناۆيرۋستان 15 مينوت
ابدۋلماناپ نۋرماگومەدوۆ 15 مينوت
بالالارعا قاربىز قابىعى 25 مينوت
قازاقستاندىق سەيسمولوگت 25 مينوت
ديپلومدى قاجەت ەتپەيتىن 25 مينوت
ەمحانالاردىڭ جۇمىسى قاش 25 مينوت
اپتاپ ىستىق: قازاقستانن 26 مينوت
نازارباەۆتىڭ قانىنان ۆا 1 ساعات
الماتىدا كوپىردەن سەكىر 1 ساعات
استانا قارجى ورتالىعىنا 1 ساعات
قر پرەزيدەنتى يپوتەكالى 1 ساعات
پارتيانىڭ جاڭا داۋىردەگ 1 ساعات
ەۋروپا ءبىرىڭعاي تولەم 1 ساعات
پرەزيدەنتپەن كەلىسەتىن 1 ساعات
Chevrolet Cobalt - كۇند 1 ساعات
قازاقستاندا پاندەميا كە 1 ساعات
شينجياڭ ۇيعۇر اۆتونوميا 1 ساعات
بلوكپوستان زاڭسىز وتكىز 1 ساعات
اۋديتورلىق قىزمەتكە قات 1 ساعات
تۇركى اكادەمياسى ۇلتتىق 1 ساعات
الماتىدا پنەۆمانيا ىندە 1 ساعات
ج ك پ ورتالىق كوميتەتى، 1 ساعات