ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 15:03 - 2020/06/03

Нақты Көзі: https://www.inform.kz/kz/apatty-uylerdi-zhoyu-zhoninde-salalyk-bagdarlama-azirleu-kerek-mazhilis-deputaty_a3657409

اپاتتى ۇيلەردى جويۋ جونىندە سالالىق باعدارلاما ازىرلەۋ كەرەك - ءماجىلىس دەپۋتاتى

نۇر-سۇلتان. قازاقپارات – پارلامەنتى ءماجىلىسىنىڭ دەپۋتاتى ارمان قوجاحمەتوۆ اپاتتى جانە ەسكى تۇرعىن ۇيلەردى جويۋ جونىندە سالالىق باعدارلاما ازىرلەۋ كەرەكتىگىن ءمالىم ەتتى، دەپ حابارلايدى قازاقپارات ءتىلشىسى.

«حالىقپەن پەن بيلىكتىڭ جەرگىلىكتى اتقارۋشى ورگاندارىمەن كەزدەسۋلەرى كەزىندە ەلىمىزدىڭ شاعىن جانە مونوقالالارىندا قالىپتاسقان تۇرعىن ۇي-كوممۋنالدىق شارۋاشىلىق سالاسىنداعى پروبلەمالىق ماسەلەلەر ءجيى ايتىلادى. ەلدى مەكەندەردە اپاتتى جانە توزىعى جەتىپ ەسكىرگەن تۇرعىن ۇيلەر سانىنىڭ كوبەيۋى جانە ولاردا تۇراتىن تۇرعىنداردىڭ قاۋىپسىزدىگى ماسەلەلەرى حالىقتىڭ جانە جەرگىلىكتى اتقارۋشى ورگانداردىڭ ەرەكشە الاڭداۋشىلىعىن تۋعىزۋدا. ايتالىق، الىنعان اقپاراتتى تالداۋ قازاقستاننىڭ ءىرى قالالارىنداعى، شاعىن جانە مونوقالالارىنداعى بەلگىلى ءبىر جەتىستىكتەرگە قاراماستان، اپاتتى جانە ەسكىرگەن تۇرعىن ۇيلەردى جويۋ پروبلەماسى بۇرىنعىسىنشا وتە وتكىر ماسەلە بولىپ تۇرعانىن جانە ۇكىمەتتىڭ ەرەكشە نازارىن تالاپ ەتەتىنىن ايعاقتاپ وتىر»، - دەدى پرەمەر-مينيستردىڭ ورىنباسارى رومان سكليارعا دەپۋتاتتىق ساۋال جولداعان ارمان قوجاحمەتوۆ.

دەپۋتات كەلتىرگەن رەسمي اقپارات بويىنشا 2019 جىلى قازاقستاندا 1،3 مىڭ كوپپاتەرلى ءۇي اپاتتى جاعدايدا دەپ تانىلعان. ولاردىڭ ءبىراز بولىگى ەلىمىزدىڭ شاعىن جانە مونوقالالارىندا ورنالاسقان.

«ماسەلەن قاراعاندى وبلىسىندا كوپپاتەرلى اپاتتى ۇيلەر قاراجال، جەزقازعان، تەمىرتاۋ، پريوزەرسك، ساتباەۆ قالالارىندا ورنالاسقان. مىسالى جەزقازعاندا قازىرگى ۋاقىتتا 25 اپاتتى ءۇي بار. ولاردىڭ 16-سى بۇزىلۋعا جاتادى. جۇزدەگەن تۇرعىندار اۆاريالىق تۇرعىن ۇيدە تۇرىپ جاتىر. ياعني ولار كۇن سايىن ءوز ءومىرىن قاتەرگە تىگىپ وتىر. مۇنداي تۇرعىنداردىڭ باسىم بولىگى - زەينەتكەرلەر، از قامتىلعان ازاماتتار نەمەسە مۇگەدەكتەر. وبلىستىڭ مونوقالالارىنداعى ەسكى تۇرعىن ءۇيدىڭ سانى بۇكىل تۇرعىن ءۇي قورىنىڭ ۇشتەن ءبىر بولىگىنە جەتىپ وتىر. مۇنداي جاعداي شۇعىل شەشىمدى تالاپ ەتەدى»، - دەدى دەپۋتات.

شاعىن قالالاردا ەكونوميكالىق ىنتالاندىرۋدىڭ ءالسىز بولۋى وڭىرلەردى دامىتۋدىڭ 2020 جىلعا دەيىنگى مەملەكەتتىك باعدارلاماسى مەن «نۇرلى جەر» باعدارلاماسىندا كوزدەلگەن تەتىكتەردى كەڭىنەن پايدالانۋعا مۇمكىندىك بەرمەيتىنىن اتاپ ءوتۋ قاجەت.

«ماسەلەن حالىقتىڭ ساتىپ الۋ قابىلەتىنىڭ شەكتەۋلىلىگىن ەسكەرە وتىرىپ، الماتى، اتىراۋ، پاۆلودار سياقتى قالالاردى قايتا جاڭارتۋدىڭ تابىستى تاجىريبەسىن قولدانۋ مۇمكىن ەمەس. بۇل رەتتە اپاتتى ۇيلەردىڭ تۇرعىندارى «مەتردەن مەترگە» قاعيداتى بويىنشا جاڭا پاتەرلەرگە كوشىرىلۋدە. مونوقالالار حالقىنىڭ ساتىپ الۋ سۇرانىسىنىڭ شەكتەۋلىلىگىنە بايلانىستى قۇرىلىس كومپانيالارى ءۇشىن بۇل نىساندار ەكونوميكالىق تۇرعىدان قۇندى بولماي وتىر. اپاتتى جانە ەسكىرگەن ۇيگە جۇمسالعان قاراجاتتىڭ قايتارىمدىلىعى نەگىزىندە ولارعا كۇردەلى جوندەۋ جۇرگىزۋ جوبالارى دا مونوقالالاردىڭ الەۋمەتتىك جانە ەكونوميكالىق قۇرىلىمىنىڭ كۇردەلى بولۋىنا وراي قيىندىقتارعا تاپ بولۋدا. تۇرعىندار الداعى ۋاقىتتا جۇرگىزىلگەن جوندەۋ جۇمىستارىن تولەي المايتىنى ايقىن»، - دەدى ول.

جوعارىدا ايتىلعاندارعا بايلانىستى ارمان قوجاحمەتوۆ ۇكىمەت ازاماتتاردىڭ ءقاۋىپسىز ءومىر ءسۇرۋىن قامتاماسىز ەتۋ جانە ەلدەگى ەسكىرگەن جانە اپاتتى تۇرعىن ءۇي قورىن جويۋدىڭ ماڭىزدىلىعىن ەسكەرۋى كەرەكتىگىن جەتكىزدى.

«وڭىرلەردى دامىتۋدىڭ 2020 جىلعا دەيىنگى مەملەكەتتىك باعدارلاماسى جانە «نۇرلى جەر» تۇرعىن ءۇي قۇرىلىسىنىڭ مەملەكەتتىك باعدارلاماسى بويىنشا ىسكە اسىرىلعان شاعىن جانە مونوقالالارداعى اپاتتى جانە ەسكى ۇيلەردى جويۋ جونىندەگى شارالاردىڭ تيىمدىلىگىنە تالداۋ جۇرگىزۋ كەرەك. سونداي-اق شاعىن جانە مونوقالالارداعى اپاتتى جانە ەسكى تۇرعىن ۇيلەردى جويۋ جونىندە سالالىق باعدارلاما ازىرلەۋدىڭ ورىندىلىعى ماسەلەسىن قاراۋدى سۇرايمىن»، - دەدى دەپۋتات.



كەلۋ قاينارى: http://www.elarna.net/koru.php?tur=3&id=1192845

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


مۋسۋلمانسكي ستيل ودەجدى 2 مينوت
شىعىس قازاقستاندا شومىل 2 مينوت
الماتىدا وكپەسى 96% قاب 7 مينوت
قوستاناي وبلىسىندا 35 ج 8 مينوت
ادام بالاسى قالاي ارداق 17 مينوت
ماڭعىستاۋ وبلىسى اكىمدى 17 مينوت
جەمىس ورمان شارۋاشىلىعى 17 مينوت
6-ايدا ەلىمىزدىڭ جۇك تا 17 مينوت
وزىمىزدە ءونىم جوق. جۇم 17 مينوت
پاۆلوداردا 18 جاستاعى ج 26 مينوت
42500 تەڭگە: پورتالدار 27 مينوت
قىزىلوردادا جۇيەلى جۇمى 29 مينوت
تۇرىكتەر ەلىمىزدە جاسان 1 ساعات
ءتورت وڭىردە اۋا رايىنا 1 ساعات
يلون ماسك بىرنەشە ساعات 1 ساعات
ە.توعجانوۆ: اۋرۋحانالار 1 ساعات
ەپيدەميالىق احۋال جاقسا 1 ساعات
شىعىس قازاقستاندا شومىل 1 ساعات
ايات-حاديس ارابتى 1 ساعات
جوعارى مەكتەپتەر جۇمىست 1 ساعات
7-ايدىڭ 13-كۇنى جاڭادان 1 ساعات
سەمسەرلەسۋ. پيستسوۆ: حا 1 ساعات
نۇر-سۇلتاندا حالىق كوپ 1 ساعات
ارمەنيادا بۇرشاق كولىك 1 ساعات
42 500 تەڭگە: ءوتىنىشتى 1 ساعات
ء"ادىل سويلەپ، ادال ءجۇ 1 ساعات
ء«الىمساقتان بەرى مۇسىل 1 ساعات
شىمكەنتتەگى ءتورت اۋرۋح 1 ساعات
ءبىلىم گرانتىنا ۇمىتكەر 1 ساعات
تۇركيادا سۋ تاسقىنىنان 1 ساعات