ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 14:51 - 2020/06/03

Нақты Көзі: https://www.inform.kz/kz/ontustiktegi-zhylyzhay-sharuashylyktary-kiyndykka-tap-boldy-deputat_a3657400

وڭتۇستىكتەگى جىلىجاي شارۋاشىلىقتارى قيىندىققا تاپ بولدى - دەپۋتات

نۇر-سۇلتان. قازاقپارات – پارلامەنت ءماجىلىسىنىڭ دەپۋتاتى ساكەن قانىبەكوۆ ەلدىڭ وڭتۇستىگىندە ورنالاسقان جىلىجاي شارۋاشىلىقتارىنىڭ ماسەلەسىن كوتەرىپ، ۇكىمەت باسشىسىنا دەپۋتاتتىق ساۋال جولدادى، دەپ حابارلايدى قازاقپارات ءتىلشىسى.

«16 ناۋرىزدان باستاپ ءبىزدىڭ ەلىمىز توتەنشە جاعداي رەجيمىندە. وسىعان بايلانىستى قاتاڭ كارانتيندىك شارالار قابىلداندى. پرەزيدەنت ءوز سوزىندە ء«بىز جەرگىلىكتى جەردەگى ورىن العان ناقتى جاعدايعا بايلانىستى ارەكەت ەتەمىز جانە ءوز قيىندىقتارىمەن ەشكىم دە بەتپە-بەت قالمايدى» اتاپ ايتتى. قازىرگى ۋاقىتتا ەلدىڭ وڭتۇستىگىندە ورنالاسقان جىلىجاي شارۋاشىلىقتارى تۋرالى ءسوز بولىپ وتىر. اۋىل شارۋاشىلىعى مينيسترلىگىنىڭ مالىمەتى بويىنشا، رەسپۋبليكادا شامامەن 1272،9 گا جىلىجاي، ونىڭ ىشىندە 212،3 گا ءىرى ونەركاسىپتىك، جالپى العاندا 5000-نان استام ادام جۇمىس ىستەيدى. كارانتين كەزەڭىندە بارلىق جىلىجاي شارۋاشىلىعى جۇمىس كۇشىنىڭ ورىن اۋىستىرۋى بويىنشا قيىندىقتاردى باستان كەشىرۋدە»، - دەدى ساكەن قانىبەكوۆ.

ونىڭ سوزىنە قاراعاندا، ازىق-تۇلىك بازارلارى، كوكونىس دۇكەندەرى، كافەلەر مەن مەيرامحانالاردىڭ جۇمىستى توقتاتۋىنا بايلانىستى جىلىجاي ونىمىنە سۇرانىس كۇرت تۇسكەن. «مىسالى بۇگىنگى كۇنى قياردىڭ كەلىسى 100 تەڭگەدەن اسپايدى، ال ونەركاسىپتىك جىلىجايلارداعى وزىندىك قۇنى 250 تەڭگەدەن ارتىق. بۇل ءوز كەزەگىندە جۇمىس ورىندارىن قىسقارتۋعا ماجبۇرلەيدى. ۋاقىت اۋىل شارۋاشىلىعى ءبىزدىڭ نەگىزگى رەسۋرسىمىز ەكەنىن كورسەتتى، ءبىراق ول تولىق كولەمدە پايدالانىلماي وتىر»، - دەدى دەپۋتات.

ونىڭ ايتۋىنشا، بۇل ماسەلە ءماجىلىس قابىرعاسىندا اۋىل شارۋاشىلىعى ءمينيسترىنىڭ اتىنا ساۋال تۇرىندە بىرنەشە رەت كوتەرىلگەن.

ء«بىراق وسى ۋاقىتقا دەيىن ءبىز مەملەكەتتىڭ قولداۋىن كورىپ وتىرعان جوقپىز. مەملەكەت باسشىسىنىڭ تاپسىرماسىنا سايكەس توتەنشە جاعداي كەزەڭىندە قارىزدار مەن نەسيەلەر تولەمىن كەيىنگە قالدىرۋ تۇرىندە شاعىن جانە ورتا بيزنەس بويىنشا ءبىرقاتار كەشەندى شارالار قابىلداندى. بۇل بيزنەسكە تۇسەتىن جۇكتەمەنى ناقتى جەڭىلدەتەدى، الايدا بورىش ودان قىسقارتىلمايدى. وسىعان قاراماستان سالا دامىپ كەلەدى. دەگەنمەن اۋىل شارۋاشىلىعى مينيسترلىگىنىڭ ساياساتى اۋىل شارۋاشىلىعى ونىمدەرىنىڭ كوپتەگەن تۇرىنە سۋبسيديالاردى قارجىلاندىرۋدى تومەندەتۋ بويىنشا جۇمىس جۇرگىزۋ بولسا دا، ونىڭ ىشىندە ەڭ قاجەت ەتەتىنى ماۋسىمارالىق كەزەڭدە قورعالعان توپىراقتا وسىرىلەتىن كوكونىستەر بولىپ تابىلادى»، - دەدى ول.

دەپۋتاتتىڭ سوزىنشە 2010 جىلدان باستاپ اشم سۋبسيديالاۋ قاعيدالارىنا سايكەس جەرگىلىكتى اتقارۋشى ورگاندار 1 گەكتارعا 1،3 ملن تەڭگە ەسەبىنەن جىلىجايلاردىڭ شىعىندارىن وتەۋگە قاراجات بولگەن. ال 2017 جىلدان باستاپ قورعالعان توپىراقتا داقىلداردى وڭدەپ ءوسىرۋدى سۋبسيديالاۋ قاعيدالارى وزگەرگەن. شىعىنداردى وتەۋ جىلىجاي شارۋاشىلىقتارى ءۇشىن ماۋسىمارالىق، ياعني قىسقى كەزەڭدە كوكونىس داقىلدارىن وسىرۋىنە كوزدەلگەن بولاتىن. الايدا 2018 جىلى قورعالعان توپىراقتا كوكونىس وسىرۋگە جۇمسالعان شىعىنداردى وتەۋ مۇلدە توقتاتىلعان.

«توتەنشە جاعداي كەزىندە بۇل سالا كوپ زارداپ شەكتى. مەملەكەتتەن قولداۋ بولمايىنشا قورعالعان توپىراق ءونىمى ەكسپورتتا عانا ەمەس، وزبەكستان، قىرعىزستان، ءازىربايجان، گرۋزيا، يران جانە تۇركيادان كەلگەن ونىمدەرمەن قاتار يمپورتتى الماستىرۋعا دا باسەكەگە قابىلەتتى بولمايدى. قۇرمەتتى اسقار ۇزاقبايۇلى! اشم ءبىر جىلعا نەسيە بەرۋ ارقىلى جىلىجايلار ءۇشىن سىياقى مولشەرلەمەلەرىن قايتا قاراستىرۋى كەرەك، سونداي-اق ونەركاسىپتىك جىلىجايلارعا توپىراقتىڭ بارلىق شىعىندارىنىڭ (تۇقىمدار، تىڭايتقىشتار، حيميكاتتار، كومىر، گيدروپونيكا جانە باسقالارى) سۋبسيديالارىن جاڭارتۋ قاجەت. ەنەرگەتيكا مينيسترلىگى ەلەكتر ەنەرگياسى بويىنشا ديففەرەنتسيالدى ءتاريفتى قاراستىرۋ قاجەت دەپ سانايمىن. بۇل مىندەتتەردى شەشۋ ونەركاسىپتىك جىلىجايلار سانىن ۇلعايتۋعا، بۇل ءوز كەزەگىندە ماۋسىمارالىق كەزەڭىندە كوكونىس باعاسىن ۇستاپ تۇرۋعا، سونداي-اق جۇمىس ورىندارىن ساقتاۋعا مۇمكىندىك بەرەدى»، - دەپ ءتۇيدى دەپۋتات.




كەلۋ قاينارى: http://www.elarna.net/koru.php?tur=3&id=1192833

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


گەرمانيادا Airbus كومپا 10 سەكوند
ورال قالاسىنىڭ ەمحانالا 8 مينوت
توكيو – 2020: بيلەتتەرد 10 مينوت
COVID-19: اريو بالا قال 17 مينوت
ەمتيحان مەن وقۋشى قابىل 20 مينوت
قايرات بار، قاراجات جوق 20 مينوت
«استانا» باسكەتبول كلۋب 20 مينوت
ەلوردادا دارى-دارمەك با 26 مينوت
وبلىس اكىمى: تۇركىستان 1 ساعات
"توكيو-2020" 1 ساعات
قىزىلوردا وبلىسىنا  دار 1 ساعات
پەتروپاۆلدا ۆەتينسپەكتو 1 ساعات
اقتوبەدە دارى-دارمەكتى 1 ساعات
مادەنيەت پەن ساياحاتتى 1 ساعات
اتىراۋدا ماس جۇرگىزۋشىن 1 ساعات
«رەال ءمادريدتىڭ» بۇرىن 1 ساعات
الماتى وبلىسىنان سەنات 1 ساعات
ەلوردادا 150 اۋلا مەن 5 1 ساعات
ورالدىق كاسىپكەرلەر كور 1 ساعات
باس شۋجي شي جينپيڭنىڭ م 1 ساعات
COVID-19: ستاتسيوناردان 1 ساعات
«ەرتىستىڭ» بۇرىنعى شابۋ 1 ساعات
ەڭبەكتەرى ەلەنگەن جاندا 1 ساعات
باتىس قازاقستاندا دارى- 1 ساعات
اقتاۋ تۇرعىندارى كوشەلە 2 ساعات
شىمكەنت: مەشىتتە بەتپەر 2 ساعات
ماڭعىستاۋ مەن اتىراۋعا 2 ساعات
جوعالىپ كەتكەن سەۋل مەر 2 ساعات
قوستاناي قالاسىنىڭ اكىم 2 ساعات
قازاقستاندا جازىلعاندار 2 ساعات