ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 07:27 - 2020/06/02

Нақты Көзі: https://egemen.kz/article/237572-oqyghan-azamattynh-derti

«وقىعان ازامات» ءبىزدىڭ زاما­نى­­مىزدا دا وزەكتى. ەكى مىڭجىل­دىقتىڭ اسۋىنان اتتاپ وتكەن ءبىز دە وقۋ-بىلىمگە قاتتى ءمان بە­رە­مىز. تەحنيكا مەن تەحنولوگيا عارىش­تىق جىلدامدىقپەن دا­مىپ، الەۋمەتتىك پسيحولوگيا كۇر­دەلى وزگەرىسكە تۇسكەن، نەگىزگى قۇن­دىلىقتاردىڭ ءبىرى رەتىندە ءوقۋ-بىلىم الدىڭعى قاتارعا شىققان وسى قوعامنىڭ دا «تىرەگى» – مانسابى بار، شاما-شارقىنشا اقپاراتپەن قارۋلانعان، ءبىرقانشا ءتىل بىلەتىن، جان-جاعىنا جۇعىمدى وقىعان ازامات. ونىڭ جەكە باسىنىڭ ازا­ماتتىعى، ادامگەرشىلىگى، يمانى ەكىنشى كەزەكتەگى ماسەلە. سول ءۇشىن وقىعان ازامات جايىنان سوي­لەگەندە ءبىز ەڭ الدىمەن ونىڭ گارۆار­دتا ما، وكسفوردتا ما، ايتەۋىر ءبىر جەردە العان ءبىلىمىن، ونىڭ قوعامداعى «بايلانىستارىن» ايتۋدى ءجون كورەمىز...

ال اۋەزوۆتىڭ «وقىعان ازاماتى» كىم ەدى؟ ول ءبىر ەلگە تىرەك بولاتىن اتپال ازامات پا نەمەسە تەكتىلىگىمەن، ادامگەرشىلىگىمەن كوز تارتاتىن سۇيكىمدى بەينە مە؟ جوعا. تىرناقشانىڭ ىشىندە تۇرعانى-اق كوپ جايدان حابار بەرەدى ەمەس پە؟ بۇل ازامات اۋىرىپ قايتىس بولعان جولداسىنىڭ ايەلىنە ۇيلەنىپ العانى ازداي، ونىڭ شەشەسىنىڭ اجالىنان بۇرىن ولۋىنە سەبەپشى بولعان جۇماعۇل عوي. وقيعا بىلاي بولادى: اڭگىمەنىڭ باسىندا ماقسۇت اتتى جىگىت اۋىرىپ جا­تادى. ول قالاداعى وقىعان ازامات­تاردىڭ ءبىرى، ءمۇعالىم، ايەلى – قالا­داعى ەڭ باي كىسى قوندىبايدىڭ قىزى قاديشا. كەمپىر شەشەسى مەن كىشكەنتاي ءجاميلا اتتى قىزى بار. ماقسۇت قايتىس بولعان سوڭ ونىڭ جاقىن جولداستارىنىڭ ءبىرى جۇماعۇل جاس جەسىر قاديشاعا ۇيلەنەدى. سول تويعا ولاردىڭ ورتاق دوستارى مەن جولداستارى دا كەلەدى. جالعىز مەيىرحان ەسىمدى جىگىت «بارماۋ كەرەك. بۇل نارسىزدىك. كەشە ماقسۇتتىڭ تويىن تويلاپ، بۇگىن ونىڭ قاتىنى مەن جۇماعۇلدىڭ تويىن تويلاماقشىمىز با؟» دەيدى. قالعاندارى بۇل جايىندا ويلامايدى. ءارى قاراي وقيعا جەلىسى بويىنشا ەرلى-زايىپتى جۇماعۇلدىڭ اۋىلىنا كەتەدى. جىگىتتىڭ اتا-اناسى امىرە مەن قاماريا بۇلاردى قۇشاق جا­يىپ قارسى الادى. ويتكەنى ەكەۋى دە ۇلدارىنىڭ قوندىبايدىڭ قىزىنا ۇيلەنگەنىنە ريزا. ءبىراق بۇلاردىڭ وزدەرى دە مالسىز ادامدار ەمەس. سوندا دا بولسا «مالعا مال قوسىلسا قۇت». اۋەلى اكەسى امىرە قىر قازاقتارىنىڭ ىشىندەگى الدىلەۋ بىرەۋگە قاديشانىڭ سوڭىنان كەلگەن كىشكەنتاي قىز ءجاميلانى اتاستىرا جازدايدى. ءجاميلا دەمەكشى، قۇنىققاندار وسى قۇيتاقانداي عانا قىزدان كەلەتىن پايدانى ەسەپتەيدى. ولار قالاعا قايتىپ بارعان سوڭ ماق­سۇتتىڭ بۇكىل جيعان-تەرگەنىنە ءجا­مي­لانى زاڭدى جولمەن مۇراگەر ەتۋدى ويلاستىرادى.

سوڭىندا جۇماعۇل مەن قاديشا قالادان ىزدەپ ءجۇرىپ جاس بالانىڭ قام­ىن جەيتىن كەڭسەنى تاۋىپ، سوعان ارىزدانادى. اقىرى كەڭسە ماق­سۇتتان قالعان مال-مۇ­لىك­تىڭ ءبارىن «جاس بالاسى – ءجا­مي­لا­عا اۋىسادى، سو­دان باسقا يە جوق. ول ەرجەتكەنشە «وپەكۋن» جۇما­عۇل بولادى» دەگەن بۇيرىق شىعا­رادى. سودان جوعارىدان شىق­قان بۇيرىققا سايكەس بۇرىنعى قۇ­داسى قوندىباي كەمپىرگە كىسى سالىپ، «ۇي-مۇلكىن جۇماعۇل مەن ءجاميلانىڭ اتىنا جازدىرىپ، ءوزى سولاردىڭ قولىنا كىرسىن»دەگەندى ايتادى. كەمپىر «كەلىن ءوزىنىڭ ارتىنان كەلگەن دۇنيە-مۇلىكتى تۇگەل اكەتكەن، مەن كۇيەۋىم­نەن، بالامنان قالعان مۇلىك­كە يە بوپ وتىرمىن» دەپ كەلىسپەيدى. سوڭىندا كەمپىردىڭ ەسى اۋىسادى. جۇماعۇل كەمپىردىڭ دۇنيە-مۇلكىن تارتىپ الماققا ميليتسيا­دان ءۇش سولدات الىپ بارعاندا كەمپىر «دۇنيەمدى بەر­مەي­مىن» دەپ ءجۇرىپ جانى ءۇزىلىپ كەتەدى.

اسقان شەبەرلىكپەن جازىلعان وسى اڭگىمەنىڭ استارى قابات-قابات. «وقىعان ازامات» وقىماعان نادان كەمپىرمەن «الىسىپ» ءجۇر. «وقىعان ازاماتتىڭ» جان الەمى جۇتاڭ، ەسەبى مىقتى. سوڭىندا ول دۇنيە-مۇلىكتى تارتىپ الىپ «جەڭىسكە» جەتەدى. ونىڭ جاقتاستارى دا كوپ. جالپى، نەگىزگى اڭگىمە وسى جاقتاستارىنىڭ كوپتىگىندە. ولاردى بەينە ءبىر توپان سۋ دەرسىڭ. جولىنداعىلاردى جايپاپ وتەدى. الدىمەن ادامگەرشىلىكتى ويلايتىن ء«السىز» ادامداردى ولار «زاڭدى جولمەن» جەڭىپ شىعادى. زاڭ دا وسى «وقىعان ازاماتتاردىڭ» جاعىندا. ولار جالماۋىز سياقتى. ولار جالعىز، جەتىم كەمپىردى مىسە تۇت­پايدى. ولار قولىنان كەلسە جۇمىر جەردى جالماپ قويۋعا دايار. باستىسى ولار ەشكىمنەن قورىقپايدى، ۇيالمايدى، ەشكىمدى ايامايدى. جازۋشى ءبىر كەزەڭگە عانا ءتان ولىقىلىقتى ايتىپ تۇرعان جوق. مىنەزدەگى ءمىن، ساناداعى كەمىستىك، جۇرەكتەگى ىزعار ادامدى ءتۇرلى اۋرۋعا ۇشىراتادى. سول ءتۇرلى اۋرۋ قوعامدى ىرىتەدى. دۇنيە­قوڭىزدىق تا – دەرت. بۇل دەرتىڭدى «وقىعان» دەيتىن بەتپەردەڭ جاسىرا المايدى...


كەلۋ قاينارى: http://www.elarna.net/koru.php?tur=4&id=1191704

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ادام بالاسى قالاي ارداق 6 مينوت
ماڭعىستاۋ وبلىسى اكىمدى 6 مينوت
جەمىس ورمان شارۋاشىلىعى 6 مينوت
6-ايدا ەلىمىزدىڭ جۇك تا 7 مينوت
وزىمىزدە ءونىم جوق. جۇم 7 مينوت
پاۆلوداردا 18 جاستاعى ج 16 مينوت
42500 تەڭگە: پورتالدار 17 مينوت
قىزىلوردادا جۇيەلى جۇمى 19 مينوت
تۇرىكتەر ەلىمىزدە جاسان 22 مينوت
ءتورت وڭىردە اۋا رايىنا 22 مينوت
يلون ماسك بىرنەشە ساعات 22 مينوت
ە.توعجانوۆ: اۋرۋحانالار 27 مينوت
ەپيدەميالىق احۋال جاقسا 1 ساعات
شىعىس قازاقستاندا شومىل 1 ساعات
ايات-حاديس ارابتى 1 ساعات
جوعارى مەكتەپتەر جۇمىست 1 ساعات
7-ايدىڭ 13-كۇنى جاڭادان 1 ساعات
سەمسەرلەسۋ. پيستسوۆ: حا 1 ساعات
نۇر-سۇلتاندا حالىق كوپ 1 ساعات
ارمەنيادا بۇرشاق كولىك 1 ساعات
42 500 تەڭگە: ءوتىنىشتى 1 ساعات
ء"ادىل سويلەپ، ادال ءجۇ 1 ساعات
ء«الىمساقتان بەرى مۇسىل 1 ساعات
شىمكەنتتەگى ءتورت اۋرۋح 1 ساعات
ءبىلىم گرانتىنا ۇمىتكەر 1 ساعات
تۇركيادا سۋ تاسقىنىنان 1 ساعات
يمام اعزام ءابۋ حانيفا 1 ساعات
شقو-دا 3000 گەكتار جەر 1 ساعات
بىردە -ءبىر ۇلتتى قاعىس 1 ساعات
بايۋ ”شيپاشاعى“ كەدەيلى 1 ساعات