ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 07:24 - 2020/06/02

Нақты Көзі: https://egemen.kz/article/237570-tarikhtynh-taghylymyna-taghzym

تاياۋدا، كەنشىلەر استاناسىندا قارا­عان­دى وبلىسىنىڭ قازاقستان حالقى اس­سام­بلەياسى «تاريحتان تاعىلىم – وت­كەنگە تاعزىم» – اتتى حالىقارالىق مادەني جوبا اياسىندا ساياسي قۋعىن-سۇرگىن جانە اشارشىلىق قۇر­باندارىن ەسكە الۋ كۇنىنە ارنالعان ونلاين رەجىمىندە دوڭگەلەك ۇستەل وتىرىسىن ۇيىم­داستىردى.

تاعىلىمدى ءىس-شاراعا قوعام قايرات­كەر­لەرى، عالىمدار مەن جازۋشىلار ات سالىسىپ، وتكەن تاريح قاسىرەتىنەن ساباق الۋ قاجەتتىگى تۋرالى قاشىقتان اڭگىمەلەدى.

ونلاين وتىرىستا قاراعاندى وب­لىستىق ىشكى ساياسات باسقارماسىنىڭ باس­شىسى ەرلان قۇسايىن بۇل كۇننىڭ قازاقستان حالقى ءۇشىن ەرەكشە ماڭىزعا يە ەكەنىنە توقتالدى.

– قاراعاندى وبلىسى دەپورتاتسيا­لان­عانداردى قابىلدادى. مۇندا قۋعىن-سۇر­گىنگە ۇشىراعاندار جازاسىن وتەگەن ارنايى لاگەرلەر بولعان. توتاليتاريزم قىلمىستارى كوپتەگەن وتباسىنى ويران­دادى. بۇل قايعىلى وقيعانى جادىمىزدان شىعارماي، ول تۋرالى جاس ۇرپاق ءبىلىپ ءجۇرسىن دەسەك جانە مۇنداي وقيعالار تاريحتا قايتالانباۋى ءۇشىن قولىمىزدان كەلگەننىڭ ءبارىن جاساۋ – ءبىزدىڭ قاسيەتتى بورىشىمىز، – دەدى ول.

ونلاين جيىن بارىسىندا قاراعاندى وبلىسىنىڭ قحا عىلىمي-ساراپتامالىق توبىنىڭ مۇشەسى، قاراعاندىداعى Bolashaq اكادەمياسىنىڭ ءبىرىنشى پرورەكتورى گۇلنار رىسماعامبەتوۆا قازاقستاندا 1997 جىل «جالپىۇلتتىق كەلىسىم جانە ساياسي قۋعىن-سۇرگىن قۇرباندارىن ەسكە الۋ جى­لى» بولىپ جاريالانعانىن ەسكە سالدى.

«وسى جىلى ەلىمىزدىڭ تۇڭعىش پرە­زيدەنتى نۇرسۇلتان نازارباەۆ «31 مامىر – ساياسي قۋعىن-سۇرگىن قۇرباندارىن ەسكە الۋ كۇنى» دەپ بەلگىلەۋ تۋرالى جارلىققا قول قويدى. 2011 جىلدان باستاپ ول «سايا­سي قۋ­عىن-سۇرگىن جانە اشارشىلىق قۇربان­دارىن ەسكە الۋ كۇنى» دەپ اتالدى»، دەپ اتاپ ءوتتى ول.

سونداي-اق گۇلنار رىسماعامبەتوۆا بەلگىلى عالىم، ءماجىلىس دەپۋتاتى نۇرلان دۋلات­بەكوۆتىڭ باسشىلىعىمەن Bolashaq اكادەمياسىنىڭ ءبىراز جىلداردان بەرى سايا­سي قۋعىن-سۇرگىن فاكتىلەرىن زەرتتەۋمەن اينالىسىپ كەلە جاتقانىن، وسى باعىتتا اتقارىلعان ىستەر جايىن حاباردار ەتتى.

– «تاريحتان تاعىلىم – وتكەنگە تاع­زىم» جوباسى اياسىندا عىلىمي-زەرتتەۋ سيپا­تىنداعى 40-تان استام كىتاپ ءۇش تىلدە جارىق كوردى، – دەدى ول.

ال قحا عىلىمي-ساراپتامالىق كەڭە­سى­نىڭ مۇشەسى، «ازاماتتىق الەم» حا­لىق­ارالىق كواليتسياسىنىڭ پرەزيدەنتى قاز­بەك قازكەنوۆ اتالعان جوبانىڭ قازاق­ستانداعى يدەولوگيالىق جۇمىس پەن جاڭا دۇنيە­تانىمنىڭ ءبىر بولىگى ەكەنىنە باسا ءمان بەردى.

– راديكالدى يدەولوگيانىڭ زامانى ءوتتى، ءبىراق ءبىز تاريحتىڭ اششى ساباعىنان دۇ­رىس قورىتىندى جاساپ، ونىڭ زارداپتارىن ۇمىت­پاۋىمىز كەرەك. جالپى، قازاقستان حالقى اسسامبلەياسى تاريحي جادىنى جاڭعىرتۋعا جانە دامىتۋعا زور ۇلەس قوسىپ كەلەدى، – دەپ اتاپ ءوتتى ول.

ونلاين رەجىمىندە وتكەن دوڭگەلەك ۇستەل وتىرىسىندا ە.بوكەتوۆ اتىنداعى قارمۋ جانىنداعى «تۇلعاتانۋ» عىلى­مي-زەرتتەۋ ورتالىعىنىڭ ديرەكتورى نۇر­ساحان بەيسەنبەكوۆا ساياسي قۋعىن-سۇرگىن جانە اشارشىلىق قۇرباندارى تۋرالى دەرەك­تى فيلم مەن تەلەباعدارلامالار ءتۇسى­رۋدى ۇسىندى. بۇدان بولەك، عالىم مەم­لەكەت جانە قوعام قايراتكەرى نىعمەت نۇر­ماقوۆ تۋرالى مازمۇندى زەرتتەۋ ەڭ­بەك­تەرىنىڭ جوقتىعىن العا تارتىپ، الداعى ۋاقىتتا بۇل ولقىلىقتىڭ ورنىن تولتىرۋ كەرەكتىگىن ايتتى. نۇرساحان بەي­سەنبەكوۆا بيىل تۋعانىنا 125 جىل تولعان مەملەكەت قايراتكەرىنىڭ ورتالىعىن قارا­عان­دىداعى «دوستىق ءۇيى» جانىنان اشسا دەگەن ۇسىنىس-تىلەك ايتتى.

سونداي-اق قاشىقتان وتكەن جيىندا قۋعىن-سۇرگىنگە ۇشىراعان قايراتكەر ءىلياس احمەتوۆتىڭ ۇرپاعى، «الاشوردا» پارتيا­سىنىڭ مۇشەسى، جازۋشى فارابي احمەتوۆ، قا­راعاندى وبلىستىق مەملەكەتتىك مۇرا­عاتىنىڭ ءبولىم مەڭگەرۋشىسى ولگا بەركۋن، «ليتۋانيكا» ەتنومادەني بىرلەستىگىنىڭ جەتەكشىسى ۆيتالي تۆاريوناس، «ۆايناح» چەشەن-ينگۋش بىرلەستىگى اقساقالدار كەڭەسىنىڭ ءتوراعاسى سۋليم يساكيەۆ جانە باسقالار ءسوز سويلەپ، كەشەگى قيلى زاماندا جەر اۋىپ كەلگەن تالاي ۇلت پەن ۇلىس بالاسىنىڭ قازاق حالقىنىڭ باۋىرمالدىعىنىڭ ارقاسىندا بۇگىنگى كۇنگە امان-ەسەن جەتىپ، وسىپ-وركەندەپ وتىرعانىنان اڭگىمە قوزعادى.

زۇلمات جىلدارى كسرو-نىڭ تۇكپىر-تۇكپىرىنەن قازاقستانعا ساياسي تۇتقىندار مەن حالىق جاۋىنىڭ تۋىستارى ءماجبۇرلى تۇردە قونىس اۋدارىلعان ەدى. ءپىل ساۋىرلى سارىارقا ۇلكەن تۇزەتۋ لاگەرىنە اينالدى. ماسەلەن، ءبىر عانا قاراعاندىداعى ەڭبەكپەن تۇزەتۋ لاگەرلەرىنىڭ اۋماعى 1931 جىلى 53 مىڭ گەكتار بولسا، 1941 جىلى 1 780 650 گەكتار ۇلان-عايىر دالانى قام­تىپتى. ەگەر 1931 جىلى قارلاگ-تا 14 بولىمشە جانە 64 ۋچاسكە بولسا، ولاردىڭ سانى جىل سا­يىن كوبەيە ءتۇسىپ، 1941 جىلى 22 بولىمشە، 159 ۋچاسكە، ال، 1953 جىلى 26 بولىمشە جانە 192 لاگەر نىساندارىنا جەتكەن. بۇل قاسىرەتتى لاگەرلەردىڭ قۇرامىندا حالىق جاۋلارىنىڭ ايەلدەرىنە ارنالعان الجير، اسكەري تۇتقىندارعا ارنالعان سپاسسك، قارلاگ، ستەپلاگ اتتى ەڭبەكپەن تۇزەتۋ ورىندارى جۇمىس ىستەدى. جازىقسىز جاپا شەككەندەردىڭ كوز جاسى مەن تابانىنىڭ ءىزى، قولىنىڭ تابى قالعان قاسىرەتتى ورىندار بۇل كۇندە مۇراجايعا اينالعان.

قاراعاندى


كەلۋ قاينارى: http://www.elarna.net/koru.php?tur=4&id=1191703

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


يمام اعزام ءابۋ حانيفا 6 مينوت
شقو-دا 3000 گەكتار جەر 6 مينوت
بىردە -ءبىر ۇلتتى قاعىس 6 مينوت
بايۋ ”شيپاشاعى“ كەدەيلى 6 مينوت
باسكەتبول. سەرگەي كۋششە 6 مينوت
سىر وڭىرىنە زاتتار كورش 12 مينوت
جىل باسىنان بەرى جەڭىل 12 مينوت
جاقىن ماڭدا جۇمىستاندى 16 مينوت
بقو-دا ورمان القابى ورت 16 مينوت
قانداسىمىز "لاشىن& 16 مينوت
جاڭا وقۋ جىلى: قازاقستا 18 مينوت
يعتيكاف جانە ونىڭ شارتت 21 مينوت
شىمكەنتتە ورت شىققان كو 26 مينوت
تۇركيادان جەتكىزىلگەن 1 26 مينوت
سولتۇستىك قازاقستاندا ج 1 ساعات
”كىشكەنتاي تونار“ تاماش 1 ساعات
كاسىم-جومارت توكاە 1 ساعات
ەركە بالامەن قالاي جۇمى 1 ساعات
رەسەي مەن موڭعولياداعى 1 ساعات
دوڭگەلەك داۋلەتتى تۇرمى 1 ساعات
42500.enbek.kz پورتالى 1 ساعات
قازاقستانعا تۇركيا مەن 1 ساعات
ۇلتتىق حوككەي ليگاسىندا 1 ساعات
جۇڭگو شينجياڭعا ساياتىن 1 ساعات
شىعىس قازاقستاندا 80 جا 1 ساعات
ماڭعىستاۋدا جازاسىن وتە 1 ساعات
ەڭبەك ءمينيسترى پاندەمي 1 ساعات
ارنايى رۇقساتسىز ارابست 1 ساعات
بعم گرانت كونكۋرسىنا قا 1 ساعات
”جوعارى ساپالى دامۋ، ءس 1 ساعات