ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 06:00 - 2020/04/08

Нақты Көзі: http://www.kazakcnr.com/jdt2019/202004/t20200406_1392235.html


اۋەلگى كەلۋ قاينارى: http://www.kazakcnr.com/jdt2019/202004/t20200406_1392235.html

كۇندەر، جىلدار جانە ءومىر

اۋدارعان: قاۋسىلقان قاسىمقان ۇلى

ديكتور: گۇلنار سولتانشارىپ قىزى

ءبىر جىل ون ەكى اي، ءۇش ءجۇز الپىس بەس كۇننەن تۇرادى، ال ءومىرىمىز نەشە ون جىلدىڭ كۋاگەرى. اياڭداعان ايلار، جىلىستاعان جىلداردىڭ دوڭعالاعىنا ءمىنىپ، ءتورت ماۋسىمنىڭ الماسۋىنا ايعاق بولعان، ءولىم مەن ءومىر تايتالاسقان بۇل تىرلىكتىڭ سوڭعى نۇكتەسىنىڭ قاشان قويىلارى كىم-كىمگە دە بەلگىسىز.

ادام پەندەسىنىڭ ءار كۇنى تىم شولاق. تاڭمەن تالاسا تۇرىپ، ارايلاپ اتقان ءار تاڭدى قارسى الساق، كوزدى اشىپ-جۇمعانشا التىن تاباق كۇننىڭ جىبەك شۋداسىن جيناي باستاعانىن كورەسىڭ. ءار تاۋلىگىمىز انە سولاي سىرعىپ ءوتىپ، ءومىرىمىزدى ۇرلاپ كەتە بارادى. شولاق كۇندى شولتاڭداپ ەمەس، ءمان تاڭداپ وتكىز.

ادام پەندەسىنىڭ ءار جىلى دا كەلتە. قاسات قاردىڭ شەتى سوگىلىپ سوقتالانىپ، جەردىڭ توڭى ءجىبىپ، جاۋقازىندار جىلتيىپ، ۇلى تابيعات تۇلەجىپ، كوكتەم كەلەدى، تىنىمسىز تىرلىكتىڭ كۇيبەڭىمەن ءجۇرىپ، قىلىشىن سۇيرەتكەن قىستى دا قارسى الىپ ۇلگىرەسىڭ.

ادامنىڭ تۇتاس عۇمىرى دا قىسقا. اسىر سالىپ بال بالالىق ءداۋىردى وتكىزە سالا، بوز بالالىق شاقتاردى باستان كەشىرىپ، جىگىت اعاسى بولىپ، باسىمىزعا ءۇي تىگىپ، باۋىرىمىزعا قازان اسىپ، قىرىقتان اسىپ، قىرقىلجىڭعا اينالىپ، ءومىردىڭ سوڭعى كومبەسىنە تاياپ كەلە جاتقانىمىزدى ءبىر-اق سەزەمىز. بابالاردىڭ «قامشىنىڭ سابىنداي عانا ءومىر» دەپ قورتىندىلاعانى سودان.

ءوزىن سۇيە العان ادام، ءومىردى سۇيە الادى. قارتتىق جەتىپ، قۋات كەتىپ، بۇل تىرلىكپەن قوشتاسارعا تاياعاندا ءومىردىڭ وتە قىسقا، تىرلىكتىڭ تىم قىزىقتى ەكەنىن ەرىكسىز سەزىنەتىن بولاسىڭ. قايتا اينالىپ كەلمەس كەلتە عۇمىردى قاستەرلەپ، جىنىگىپ جۇرسەك تە، ءار كۇنىنەن شاتتىق ءسىمىرىپ، وڭ ەنەرگيا قابىلداۋعا قۇلشىنۋعا مىندەتتىمىز.

ادامنىڭ جالپى عۇمىرى قوسۋ امالىمەن ەمەس، تەك ازايتۋ امالىمەن ەسەپتەلەدى. كۇندەرىڭ ءبىر-بىرلەپ ازايادى، عۇمىرىڭ قىسقارا تۇسەدى، جاستىق كوكتەمىڭ دە اقىرىنداپ ازايىپ، تىرلىگىڭدى كۇزگى كورىنىس كوبىرەك يەلەيدى. جاستىعىڭ تۋلاققا، عۇمىرىڭ قۇراققا اينالىپ بارا جاتادى. تەپسە تەمىر ۇزەتىن ازامات ەدىڭ، قارتتىعىڭ وزدى، موتورىڭ توزدى، قيمىلىڭ باياۋ، كوڭىلىڭ قاياۋ كۇيگە ەنىپ، دەنە قۋاتىڭ السىرەپ، دەنساۋلىعىڭنان دا ۇساق-تۇيەك ماسەلە بايقالا باستايدى.

سايىپ كەلگەندە، دۇنيەدەگى ەڭ قىمبات نارسە ۋاقىت، ال ول بارلىق ادامعا ورتاق، اقىسىز. ول بىزگە تەڭدىگىن دە، كەڭدىگىن دە، كەمدىگىن دە سيلاي بىلەدى. ەگەر قادىرىنە جەتپەي، قولدان جىبەرىپ الساڭ، وكىنىشتى ناتيجەنى دە ساعان وسى ۋاقىت بەرەدى.

ءبىر رەتكى لەكسيادا ايتىلعان مىناداي ءسوز بار:

ءبىر جىلدىڭ قۇنىن بىلمەكشى بولساڭىز، جوعارى مەكتەپكە ەمتيحان بەرگەندە ساتسىزدىككە جولىققان وقۋشىدان سۇراڭىز؛

ءبىر ايدىڭ قۇنىن بىلمەكشى بولساڭىز، بوسانۋعا ءبىر اي قالعاندا جارىق دۇنيەگە كەلەتىن بوبەگىنەن ايىرىلعان انادان سۇراڭىز؛

ءبىر اپتانىڭ قۇنىن بىلمەكشى بولساڭىز، توراپ جۋرنالىن شىعاراتىن رەداكتورلاردان سۇراڭىز؛

ءبىر ساعاتتىڭ قۇنىن بىلمەكشى بولساڭىز، شالعايدان كەلىپ قاۋىشىپ، ەندى قوشتاسقالى تۇرعان عاشىقتاردان سۇراڭىز؛

ءبىر مينۋتتىڭ قادىرىن بىلمەكشى بولساڭىز، پويەز، ۇشاق سىندى الەۋمەتتىك قاتىناسقا ۇلگىرە الماي قالعان جٶلاۋشىدان سۇراڭىز.

جاي سوزبەن ايتساق، ادام ءومىرى قۇددى ءبىر تەسىك شەلەككە قۇيىلعان سۋ سياقتى. ءار مينۋد، ءار ساعات ۋاقىتقا ىلەسە، عۇمىرىمىز سىزدىقتاپ تامىپ، كەتىپ جاتىر، ءوتىپ جاتىر.

ۋاقىتتى كەرى شەگىندىرۋگە قاۋقارىمىز جەتپەيدى، جارقىن تىرلىكتە قولىمىزدان كەلەتىنى تەك ۋاقىتتى قاستەرلەپ، ارايلى تاڭدى قۋانا قارسى الىپ، ءار كۇندى ءماندى وتكىزۋ عانا.

بۇگىنگى ويعا العان وڭ جۇمىسىڭدى ورنىقتى ورىنداۋعا قام جاسا. «ەرتەڭ كورەيىن» دەگەن ەرىنشەك پىكىرگە تىزگىن ۇستاتپا. كوز الدىڭدا اتتاي شاۋىپ جۇرگەن ازاماتتاردىڭ كەشەگى كۇنى كەلمەستىڭ كەمەسىنە مىنگەنىن كورىپ ءجۇرسىڭ، سونىڭ ءبارى ەستى ادامعا ۇلكەن ەسكەرتۋ. بۇلتسىز اسپان، مۇڭسىز ادام بولمايدى. تىرلىك بولجاۋسىز، ۋاقىت تالعامسىز، «تۇتقيىل» مەن «ەرتەڭ» نىڭ قايسىسىنىڭ بۇرىن كەلەتىنىنە ەشكىمنىڭ كوزى جەتپەيدى. قانشالىقتى قۇلشىنساڭ، سونشالىقتى ونىمگە يە بولاسىڭ.

باسقاعا تەلمىرىپ، ءوزىڭدى كەمىرىپ ءومىر سۇرمەي، بۇگىن ءۇشىن جەلپىنىپ، ەرتەڭ ءۇشىن تەبىنىپ، قايراتىڭ باردا قولدا بار شارۋاڭدى ءونىمدى تىندىر دا، قالعانىن ۋاقىتتىڭ شەشىمىنە تاپسىر.

ەڭ سوڭعى ايتار، وكىنىش وزەگىمدى ورتەمەسىن دەسەڭ، ءومىردى قاستەرلە، ۋاقىتقا ءبي بول.


كەلۋ قاينارى: http://www.elarna.net/koru.php?tur=37&id=1147728

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ءۇندىستاندا ىشكى اۋە رە 2 مينوت
الەمدە كوروناۆيرۋسكە شا 2 مينوت
قازاقستان مەن موڭعوليا 2 مينوت
بۇگىن «شەرتپە كۇي» فەست 2 مينوت
«قايرات» پەن «استانانىڭ 2 مينوت
ەلىمىزدە ەت كولەمىنىڭ ء 5 مينوت
"تەلنۇسقا بەرۋدى" باسىپ 5 مينوت
8 969 ناۋقاس: ەلىمىزدە 8 مينوت
قازاقستان مەن موڭعوليا 11 مينوت
ماقتاارالدا سۋ شايىپ كە 11 مينوت
اقتاۋدا ماس كۇيىندە كول 12 مينوت
مەملەكەتتىك ەكى ءماجىلى 12 مينوت
بلوكپوستاعى كولىك اپاتى 12 مينوت
الماتىداعى بلوكبەكەتتە 12 مينوت
عايرات مامۇت: ءبىر ءوڭى 12 مينوت
5 جىلدا ءسۇت يمپورتتىن 14 مينوت
دارىگەرلەر بلوك-بەكەتتە 17 مينوت
قازاقستان مەن موڭعوليا 17 مينوت
ءبىلىم ءمينيسترى: مۇعال 20 مينوت
شومىلۋ ماۋسىمىنىڭ ۋاقىت 22 مينوت
قاراعاندى وبلىسىنداعى ء 23 مينوت
مال شارۋاشىلىعىندا ەكسپ 26 مينوت
اۋىل شارۋاشىلىعى داقىلد 26 مينوت
اسحات ايماعامبەتوۆ مەكت 29 مينوت
جەلكەن جايىپ، ەسكەكتى ە 1 ساعات
جالپى تۇلعالىق جاقتان ج 1 ساعات
ەلوردادا «جەڭىس با 1 ساعات
ەلوردادا مەشىت جاماعاتى 1 ساعات
الماتىدا قازا بولعان 2 1 ساعات
اسا تاماشا جاعدايدى قاس 1 ساعات