ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 09:57 - 2020/02/17

الدىمەن ءوڭىر باسشىسى 3،5 مىڭ تۇرعىنى بار قاراسۋ اۋىلىنداعى دارىگەرلىك امبۋلاتورياعا ات باسىن بۇردى. 25 كەلۋشىگە ارنالعان ەمدەۋ مەكەمەسى بارلىق قاجەتتى جابدىقتارمەن جابدىقتالعان. وتكەن جىلى اۋىلدا 70 ءسابي دۇنيەگە كەلگەن دەسەك، جەرگىلىكتى تۇرعىنداردى ۆاكتسيناتسيالاۋ جانە سكرينينگتىك تەكسەرۋ دەڭگەيى 95 پايىزعا جەتكەن.

اتالعان امبۋلاتوريا عيماراتى 1991 جىلى سالىنىپتى. بۇگىندە توزىعى جەتكەن بۇل نىساندى وبلىس اكىمى كۇردەلى جوندەۋدەن وتكىزۋ تۋرالى ۇسىنىستى قولدادى. ول ءۇشىن ءتيىستى قۇجاتتامالار دايىن ەكەن.

مەديتسينالىق قىزمەتكەرلەرمەن كەزدەسۋ بارىسىندا بەردىبەك ماشبەكۇلى دارىگەرلەردى بيۋروكراتيالىقتان اۋلاق بولۋعا، تۇرعىندارعا ساپالى جانە ۋاقىتىلى دارىگەرلىك كومەك كورسەتۋگە، پاتسيەنتتەرمەن سىپايى قارىم-قاتىناس ورناتۋعا شاقىردى. ايماق باسشىسى بارعان كەلەسى نىسان اۋىلداعى «بالاپان» بالاباقشاسى بولدى. ونداعى مەملەكەتتىك تىلدەگى ءۇش توپتا بارلىعى 75 بالا تاربيەلەنۋدە.

سونداي-اق اتالعان ەلدى مەكەندەگى № 7 ورتا مەكتەپتە 1033 وقۋشى ءبىلىم الۋدا دەسەك، ونداعى ساباقتار قازاق جانە ورىس تىلدەرىندە جۇرگىزىلۋدە. وتكەن جىلى وقۋ ورنىن 31 تۇلەك بىتىرسە، ءبىرىنشى سىنىپقا 134 بالا قابىلدانعان. ءوڭىر باسشىسى مەكتەپتەگى تەحنولوگيا ساباعىنا قاتىسىپ، جوعارى سىنىپ وقۋشىلارىن اڭگىمەگە تارتتى. مۇعالىمدەرمەن كەزدەسۋ بارىسىندا تاۋەلسىز قازاقستان تاريحىندا العاش رەت «پەداگوگ مارتەبەسى تۋرالى» زاڭ قابىلدانعانىن، مۇعالىمدەردىڭ جالاقىسى جوسپارلى تۇردە ارتىپ وتىرعانىن اتاپ وتكەن ب.ساپارباەۆ بۇل ورايدا مۇعالىمدەردىڭ دە بالالارعا ساپالى جانە زاماناۋي ءبىلىم بەرۋى مىندەتتىلىگىن باسا ايتتى.

بۇدان سوڭ ماسانشى اۋىلىنا بارعان وبلىس اكىمى №13 ورتا مەكتەپتىڭ باسشىلىعىن قاتاڭ سىنعا الدى. اتالعان ءبىلىم ورداسىنىڭ وقۋشىلارى بۇعان دەيىن بىردە-بىر رەت «التىن بەلگى» نەمەسە ۇزدىك اتتەستاتقا يە بولا الماسا، مەكتەپتىڭ ءبىر عانا تۇلەگى جوو بويىنشا مەملەكەتتىك گرانتقا قول جەتكىزگەن. ءوڭىر باسشىسى ارالاعان كەزدە وقۋ ورداسىنىڭ سىنىپتارىنداعى وقۋشىلاردىڭ ساباقتا تەك 27 پايىزى عانا بولعاندىعى دا ونداعى ءبىلىم بەرۋ جۇمىستارى مەن ءتارتىپتىڭ السىزدىگىن بايقاتسا كەرەك.

«بايقاپ تۇرعانىمىزداي مۇعالىمدەر مەن اتا-انالار اراسىندا تىعىز بايلانىس جوق، وقۋ ۇدەرىسىنىڭ ساپاسىنا، وسكەلەڭ ۇرپاقتى پاتريوتيزم، مادەني-ادامگەرشىلىك قۇندىلىقتار مەن داستۇرلەر رۋحىندا تاربيەلەۋگە ءتيىستى كوڭىل بولىنبەيدى»، - دەپ اتاپ ءوتتى بەردىبەك ماشبەكۇلى.

وڭىر باسشىسى جاۋاپتى تۇلعالارعا كەلەر دۇيسەنبى كۇنى بارلىق وقۋشىلار ساباققا تۇگەل كەلۋىن قامتاماسىز ەتۋ بويىنشا ناقتى تاپسىرما بەردى.

وبلىس اكىمى ماسانشى اۋىلىنداعى اۋرۋحانا ۇجىمىمەن اڭگىمە بارىسىندا مىندەتتى مەديتسينالىق ساقتاندىرۋ جۇيەسىن ەنگىزۋ شارالارىنا نازار اۋداردى. بۇل ورايدا اعىمداعى جىلدىڭ 1 ساۋىرىنە دەيىن بارلىق ازاماتتار ساقتاندىرىلۋى كەرەكتىگىنە كوڭىل ءبولدى. بۇگىندە مەديتسينالىق ۇيىمدار قىزمەتكەرلەرىنىڭ جالاقى مولشەرى ارتىپ كەلە جاتقانىن تىلگە تيەك ەتكەن ايماق باسشىسى ەمدەۋ مەكەمەلەرىنىڭ ماتەريالدىق-تەحنيكالىق بازاسىن جاقسارتۋدا جۇيەلى جۇمىستار جۇرگىزىلىپ جاتقاندىعىن جەتكىزدى.

اتالعان اۋرۋحاناداعى دارىگەرلەردىڭ ايتۋىنشا، دارى-دارمەكپەن قامتاماسىز ەتۋ، ەكپە ەگۋ شارالارى جوسپارلى تۇردە ورىندالىپ، «دامۋمەد» ەلەكتروندىق باعدارلاماسى جۇيەلى جۇمىس ىستەۋدە ەكەن. الايدا ولار تۇرعىن ۇيمەن قامتاماسىز ەتۋ ماسەلەسىن الدىعا تارتتى.

سونداي-اق وبلىس باسشىسى قاراكەمەر اۋىلىنداعى ءابىل نۇسىپباەۆ اتىنداعى №14 ورتا مەكتەپتىڭ، 100 ورىندىق «ايسۇلتان» بالاباقشاسى مەن «مولداسەيىت» سپورت كەشەنىنىڭ جۇمىسىمەن تانىستى. پەداگوگتارمەن كەزدەسۋدە وقۋشىلاردىڭ رۋحاني تاربيەسىنە، ساباقتاستىقتىڭ ساقتالۋىنا اسا نازار اۋدارۋدىڭ ماڭىزدىلىعىن جەتكىزدى.

«بالالار ۇلتتىق - مادەني داستۇرلەردەن سىرت قالماي، رۋحاني بايلىقتاردى جەتە ءتۇسىنىپ ءوسۋى كەرەك. اعا بۋىن وكىلدەرىمەن تۇراقتى تۇردە كەزدەسۋلەر ۇيىمداستىرىلىپ، مەكتەپتەر ءوز تۇلەكتەرىمەن تىعىز بايلانىس ورناتىپ وتىرۋى قاشاندا ماڭىزدى»، - دەدى بەردىبەك ساپارباەۆ.

بەردىبەك ماشبەكۇلىنىڭ اۋدانداعى جۇمىس ساپارى اۋقاتتى اۋىلىندا جالعاستى. وندا تىرەك پوليتسيا بەكەتىندەگى قۇرىلىمدىق كۇشتەرى باسشىلارىنىڭ قاتىسۋىمەن قىزۋ اڭگىمە ءوتتى. ايتا كەتەيىك، اتالعان پوليتسيا بەكەتى بىرنەشە جىل بۇرىن جاقىن ماڭداعى التى اۋىلدىق وكرۋگتە كريمينوگەندىك جاعدايدى جاقسارتۋ ءۇشىن قۇرىلعان. بۇگىندە بەكەتتە 19 قىزمەتكەر جۇمىس جاسايدى.

تارتىپ ساقشىلارى اۋىل تۇرعىندارىنىڭ قاتىسۋىمەن كەزدەسۋلەر مەن ارنايى جيىندار ءجيى وتكىزىلىپ تۇراتىنىن تىلگە تيەك ەتتى. وسى ورايدا بەكەت جۇمىسىنا قاتىستى ماسەلەلەر دە جوق ەمەس دەسەك، ولاردى شەشۋمەن وبلىستىق دەپارتامەنت پەن اۋداندىق پوليتسيا ءبولىمىنىڭ جاڭا باسشىلىعى اينالىساتىن بولدى.

بۇدان سوڭ وبلىس اكىمى اۋقاتتىداعى 100 بالاعا ارنالعان ء«تىلاشار» جەكە مەنشىك بالاباقشاسىنىڭ جۇمىسىمەن تانىستى. سونىمەن قاتار اۋىل مەشىتىنە قاراستى كەڭ زالدا سورتوبە، اۋقاتتى، قاراكەمەر، ماسانشى، قاراسۋ جانە قاراساي اۋىلدىق وكرۋگتەرىنىڭ تۇرعىندارىنان قۇرالعان قوعامدىق كەلىسىم كەڭەسىنىڭ وتىرىسىنا قاتىستى. وندا جاڭا قۇرىلىمنىڭ جۇمىس باعىتتارى مەن ناقتى ءىس-قيمىل جوسپارى تالقىلاندى.

سورتوبە اۋىلىنداعى 450 وقۋشى وقيتىن №48 ورتا مەكتەپ مۇعالىمدەرىمەن كەزدەسكەن ب.ساپارباەۆ مەملەكەتتىك ءتىلدى ۇيرەنۋگە، اسىرەسە وعان ورىس مەكتەپتەرىندە كوبىرەك كوڭىل ءبولۋ كەرەكتىگىنە نازار اۋدارتتى. بالالاردىڭ بوس ۋاقىتىن ۇتىمدى ۇيىمداستىرۋعا كوڭىل ءبولدى.

اۋدانداعى جۇمىس ساپارىن قورىتىندىلاي كەلە ايماق باسشىسى ادامگەرشىلىك-تاربيە باعىتىنداعى جۇمىستى كۇشەيتە ءتۇسۋ كەرەكتىگىن ايرىقشا توقتالدى.

«بىز وسكەلەڭ ۇرپاققا ساپالى ءبىلىم بەرۋگە ءتيىسپىز. قورداي اۋدانىندا ورىن العان وقيعانىڭ باستى سەبەپتەرىنىڭ ءبىرى جاستاردى تاربيەلەۋدەگى كەتكەن كەمشىلىكتەر دەسەك قاتەلەسپەيمىز. سوندىقتان دا ءبىز وسىعان اسا نازار اۋدارعانىمىز ءجون. جاس قازاقستاندىقتاردى پاتريوتيزم مەن توزىمدىلىك رۋحىندا تاربيەلەۋدىڭ پارمەندى جۇيەسىن قۇرۋىمىز كەرەك، - دەپ قورىتىندىلادى ءوز ءسوزىن بەردىبەك ساپارباەۆ.


كەلۋ قاينارى: http://www.elarna.net/koru.php?tur=4&id=1114983

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


الماتى اۋەجايى حالىقارا 5 مينوت
بۇگىن COVÙ‰D-19 انىقتال 6 مينوت
بەس بالاسى بار وتباسى ب 6 مينوت
اقتاۋدا ءۇيىنىڭ الدىندا 15 مينوت
قىزىلوردا وبلىسىندا كور 16 مينوت
قىزىلوردا وبلىسىنىڭ جاڭ 19 مينوت
تىكەلەي ەفير ارقىلى جۇم 25 مينوت
پاۆلودار وبلىسىندا قاۋى 25 مينوت
اۆتونوميالى رايوندىق 13 25 مينوت
ەليزابەت تۇرسىنباەۆا مۇ 26 مينوت
قاتىناس ـ تاسىمال مينيس 26 مينوت
شاعىن جانە ورتا بيزنەس 26 مينوت
پرەزيدەنت جانارمايدىڭ ن 1 ساعات
تاعى ەكى وتانداسىمىز قا 1 ساعات
كوروناۆيرۋس جۇقتىرعان 3 1 ساعات
يتاليادا كوروناۆيرۋستان 1 ساعات
الماتى وبلىسىندا اۋىل ح 1 ساعات
التاي − كوكتوعاي − جۇند 1 ساعات
وسكەمەن مەن سەمەي تۇرعى 1 ساعات
پرەزيدەنت جاردەماقى مەن 1 ساعات
شىمكەنت: توتەنشە جاعداي 1 ساعات
ىندەت جايىنداعى ەڭ جاڭا 1 ساعات
UCI ماۋنتينبايكتان الەم 1 ساعات
ەۋروپادا كوروناۆيرۋستان 1 ساعات
قاسىم-جومارت توقاەۆ: بى 1 ساعات
چەحيادا ستۋدەنتتەر مەن 1 ساعات
جانارماي باعاسى 15 پايى 1 ساعات
قىزىلوردا وبلىسى جاڭاقو 1 ساعات
اقش بيلىگى كۇردەلى جاعد 1 ساعات
كاسىپكەرلەر 1 قازانعا د 1 ساعات