ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 12:24 - 2019/12/14

Нақты Көзі: https://www.inform.kz/kz/kytayda-turatyn-kariya-zharty-gasyrdan-beri-ayu-biin-nasihattap-zhur-sheteldegi-kazak-tildi-bak-ka-sholu_a3594837

قىتايدا تۇراتىن قاريا «ايۋ ءبيىن» ناسيحاتتاپ ءجۇر - شەتەلدەگى قازاق ءتىلدى باق-قا شولۋ

نۇر-سۇلتان. قازاقپارات- «قازاقپارات» حاا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

التايدا تۇراتىن اقساقال جارتى عاسىر بويى «ايۋ ءبيىن» بيلەپ ءجۇر - قىتايدىڭ «ورتالىق حالىق راديوسى» (CNR)

قازاقتىڭ «ايۋ ءبيى» ادامداردىڭ اڭ اۋلاۋ بارىسىندا ايۋدىڭ كۇندەلكتى تىرشىلىگىندەگى ءتۇرلى قيمىلدارىن باقىلاپ، ەلىكتەۋى ارقىلى قالىپتاسقان، دەپ حابارلايدى قىتايلىق kazakcnr.com سايتى.

« ...وتكەن زامانداردا اڭشىلار اڭشىلىقتا قانجىعا مايلى بولۋ ءۇشىن ايۋدىڭ ءارتۇرلى ارەكەتتەرىنە ەلىكتەي وتىرىپ بي بيلەگەن. بۇنداي بي ۋاقىت وتە كەلە حالىق اراسىنا كەڭ تارالىپ «ايۋ ءبيى» دەپ اتالعان. وسى بي ۇرپاقتان-ۇرپاققا ناسيحاتتالىپ بۇگىنگى زامانعا جەتكەن. سوندىقتان وسى ءداستۇر بي مادەنيەتىمىزدىڭ ءبىر پاراسى ءارى كوپشىلىكتىڭ كوڭىلىن كوتەرۋگە ارنالعان وزگەشە ونەر ءتۇرى بولىپ باعالانىپ وتىر. ءبيشى ايۋ بولىپ جاسانىپ، ايۋدىڭ ۇڭگىردەن شىعۋى، ازىق ىزدەۋى، ازىعىن بايقاۋى، باقىلاۋى، اۋلاۋى سياقتى ءتۇرلى قيمىلدارىن سونداي-اق، شاپالاق سوعۋى، اقىرۋى سەكىلدى ارەكەتتەرىنە ەلىكتەۋ ارقىلى ايۋدىڭ يكەمسىز ءارى سۇيكىمدى، شابان ءارى ساق، مومىن ءارى زەرەك بولىپ كورىنەتىن قايشىلىقتى بەينەسىن الىپ شىعادى»، - دەپ جازادى CNR.


اتالعان باق-تىڭ جازۋىنشا، بۇگىنگى كۇنى قىتايدىڭ التاي ايماعى قابا اۋدانىنىڭ تۇرعىنى قۇرمان دۇيسەنقانۇل وسى ۇمىت بولىپ بارا جاتقان كونە ءبيدى حالىق ورتاسىندا بيلەپ، ناسيحاتتاپ ءجۇر ەكەن.


«قابا اۋدانىنىڭ تاسقارا اۋىلىندا تۇراتىن 62 جاستاعى قۇرمان اقساقال 6 جاسىنان باستاپ «ايۋ ءبيىن» ۇيرەنىپ، قازىرگە دەيىن 56 جىل بويى وسى ونەردى جانىنا سەرىك ەتىپ، بيلەپ كەلگەن. قۇرمان دۇيسەنحانۇلىنىڭ ايتۋىنشا، ونىڭ اتا-اناسى «ايۋ ءبيىن» جاقسى مەڭگەرىپ، ەل اراسىندا ءبيشى اتانعان. ال قۇرمان اقساقال وسى اكەسىنەن ۇيرەنگەن «ايۋ ءبيىن» وزدىكسىز ۇيرەنىپ، جەتىلدىرىپ، دامىتىپ وتىرعان. ول جاس كەزىندە ايۋدىڭ ارەكەتىن تىپتەن دە ءدال بەينەلەۋ ءۇشىن، ۇنەمى تاۋعا بارىپ، ايۋدىڭ ازىق ۇستاعان ءساتىن، اقىرىپ ايبات شەككەن كەزدەگى بەينەسىن، باسقا دا ءتۇرلى ارەكەتىن الىستان باقىلاپ بيگە قوسىپ پايدالانعان. «ايۋ ءبيىن» جەكە ادام نەمەسە بىرنەشە ادام توپتاسىپ بيلەۋىنە بولادى. اتالعان بيدە 20 دان استام نەگىزگى قيمىل-ارەكەت بار. ونىڭ ىشىنە ايۋدىڭ سۋ ءىشۋى، ويىن ويناۋى، ازىعىن جەۋى سەكىلدى ءتۇرلى قيمىل-قوزعالىستار كىرەدى»، - دەپ جازادى kazakcnr.com سايتى.


دەرەكوزىنىڭ مالىمەتىنشە، شىڭجان ولكەسى «ايۋ ءبيىن» ماتەريالدىق ەمەس مادەني مۇرا تىزىمىنە قوسىپ، ونىڭ ساقتالۋىنا، حالىق اراسىندا ناسيحاتتالۋىنا كوڭىل ءبولىپ كەلەدى. ەندى ءبيشى اقساقال وسى ونەرىن ۇرپاقتان-ۇرپاققا جالعاستىرۋ ءۇشىن، نەمەرەلەرىنە ۇيرەتىپ ءجۇر ەكەن. ولار قازىرگى كۇنى مەرەكە-مەيرامدا «ايۋ ءبيىن» بيلەپ جۇرتتىڭ ىقىلاسىنا بولەنۋدە. تىپتەن، ءبيشى اقساقالدىڭ اۋىلىنا تۋريستەردە «ايۋ ءبيىن» كورۋ ءۇشىن ارنايى ات باسىن بۇراتىن بولعان.

ەستەرىڭىزە سالا كەتەيىك، ونەرتانۋشىلاردىڭ پكىرىنشە، «ايۋ ءبيىنىڭ» وزىنە تاۋەلدى ارنايى مۋزىكاسى، كۇيى بولماعان، كونە زامانداردا ءارتۇرلى كۇيلەرگە بيلەنگەن. مۇندا اسىرەسە دومبىرانىڭ سول بۇراۋىنداعى كۇيلەرگە ءجيى بيلەنىپ كەلگەن. ال قازاقتا وسى كونە بيدەن باسقا «جورعا ايۋ» ءبيى دە بار. بۇل بي دە قازاق ۇلتىنىڭ كوشپەندى ومىرىندەگى اڭىزعا اينالعان ۇلتتىق ءبيى، اڭشىلىق ءومىردىڭ اينىماس تۋىندىسى. «جورعا ايۋ» ءبيىنىڭ حالىق اراسىندا تاۋەلدى ءوز كۇيى بار، ول «جورعا ايۋ كۇيى» دەپ اتالعان.

ەربولات تولەكۇلى بوكستان ەل چەمپيونى اتاندى - kaznews.mn

موڭعوليانىڭ ەردەنەت قالاسىندا بوكستان ەرەسەكتەر اراسىنداعى ەل چەمپيوناتىندا ەربولات تولەكۇلى +91 كەلى سالماق دارەجەسىندە جۇدىرىقتاسىپ، ءوز سالماعىندا چەمپيون اتاندى، دەپ جازادى موڭعوليانىڭ KAZNEWS اقپاراتتىق پورتالى.


«219 سپورتشى باق سىناعان الاماندا بايان-ولگەي ايماعىنىڭ سپورتشىسى ەربولات تولەكۇلى +91 كەلى سالماق دارەجەسىندە جۇدىرىقتاسىپ، ءوز سالماعىندا چەمپيون اتاندى. ەستەرىڭىزگە سالا كەتسەك ەربولات تولەكۇلى بۇعان دەيىن بەس رەت ەل چەمپيونى اتانعان بولاتىن. سونىمەن قاتار، وسى ەل چەمپيوناتىندا 57 كەلى سالماق دارەجەسىندە ونەر كورسەتكەن نۇرلان اسقارۇلى قولا جۇلدەنى قاناعات تۇتتى»، - دەيدى باسىلىم.

«كوكتۋ» قوعامى انكارادا قازاقستاننىڭ تاۋەلسىزدىك مەرەكەسىن تويلادى - TRT

وتكەن جىلى قۇرىلعان «كوكتۋ» قازاق مادەنيەت قوعامىنىڭ باستاماسىمەن جانە قازاقستاننىڭ تۇركياداعى وكىلەتتى ەلشىلىگىنىڭ قولداۋىمەن تۇركيانىڭ باس قالاسى انكارا تورىندە قازاقستاننىڭ تاۋەلسىزدىك مەرەكەسى اتالىپ ءوتىلدى، دەپ جازادى تۇركيا راديو تەلەۆيزيا پورتالى.


اتالعان باق-تىڭ جازۋىنشا، مەرەكەلىك شارا بارىسىندا قازاقتىڭ سانگەر قىزى، اتاقتى ديزاينەر حانىم ايداشتىڭ تۇرىك تىلىنە اۋدارىلعان كىتابى تانىستىرىلعان. سانگەر حانىم ايداش ءسوز كەزەگىندە قازاقستاننىڭ تالانتتى سانگەرلەرىنىڭ كيىم ۇلگىلەرىن الىپ كەلگەندەرىن ايتىپ، قازاق حالقىنىڭ ۇلتتىق كيىمدەرىن ناسيحاتتايتىن كىتابىنىڭ تۇرىك تىلىنە اۋدارىلىپ باسىلعانىنا قۋانىشتى ەكەنىن اتاپ كورسەتتى. سونداي-اق، وسى شارادا قازاقستاننان ارنايى كەلگەن سانگەرلەر جادىرا قونار، حانىم ايداش جانە ءمولدىر بەكىباەۆانىڭ كيىم ۇلگىلەرىنىڭ ءسان كورسەتىلىمى بولدى. ۇلتتىق ناقىشتاعى زامانداس ومىرگە سايكەستەندىرىلگەن ايەلدەر كيىمى انكارالىق كورەرمەننىڭ كوڭىلىنەن شىقتى.


قازاقستاننىڭ تاۋەلسىزدىگىنىڭ 28 جىلدىعىنا ارنالىپ ۇيىمداستىرىلعان شارانىڭ كەلەسى بولىمىندە قازاق ۇلتتىق ونەر ۋنيۆەرسيتەتىنىڭ «شابىت» وركەسترى كونتسەرت بەرگەن. وركەستر انكارا حالقى مەن قازاقستاندىق ستۋدەنتتەر، قازاققا جانى جاقىن تۇرىك زيالى قاۋىمىنىڭ الدىندا قازاقتىڭ كۇمبىرلەتىپ كۇيىن ويناپ، اۋەلەگەن اندەرىن شىرقاعان.



شارىپ ءسايپىعاليۇلى «موڭعول ەلىنە ەڭبەك سىڭىرگەن قايراتكەر» اتاعىمەن ماراپاتتالدى - kaznews.mn

قانداسىمىز ءشارىپ ءسايپىعاليۇلى «موڭعول ەلىنە ەڭبەك سىڭىرگەن قايراتكەر» اتاعىمەن ماراپاتتالدى، دەپ جازادى موڭعوليانىڭ KAZNEWS اقپاراتتىق پورتالى.


اتالعان دەرەككوزىنىڭ مالىمەتىنشە، عۇن يمپەرياسىنا 2228 جىل، ۇلى موڭعول مەملەكەتىنە 813 جىل، ۇلت ازاتتىق قوزعالىسىنا 108 جىل، موڭعول حالىق رەۆوليۋتسياسىنىڭ توڭكەرىسىنە 98 جىل، دەموكراتيالىق قوزعالىسقا 30 جىل تولۋىنا وراي موڭعوليا پرەزيدەنتى ح.باتتۋلگا جارلىق شىعارىپ ونەركاسىپ، دەنساۋلىق، ءبىلىم، مادەنيەت، ەكونوميكا، قوعام، كوممۋنالدىق قىزمەت كورسەتۋ سالاسىندا ابىرويلى قىزمەت اتقارعان 21 ازاماتقا «موڭعول ەلىنە ەڭبەك سىڭىرگەن قايراتكەر» اتاعىن بەردى.


موڭعوليا پرەزيدەنتى بۇل جولى، موڭعوليا قازاقتارى اراسىنان «موڭعول ەلىنە ەڭبەك سىڭىرگەن قايراتكەر» اتاعىمەن بايان-ولگي ايماعىنىڭ سۋات كومپانياسىنىڭ ديرەكتورى ءشارىپ ءسايپىعاليۇلىن ماراپاتتاعان.

تۇركياداعى قازاق ستۋدەنتتەر باس قوستى - TRT

ساكاريادا تۇركيادا ءبىلىم الاتىن قازاقستاندىق ستۋدەنتتەردىڭ ءبىرىنشى باس قوسۋ بولدى، دەپ جازادى تۇركيا راديو تەلەۆيزيا پورتالى.


اتالعان باق-تىڭ جازۋىنشا، قازاقستان تاۋەلسىزدىگىنىڭ 28 جىلدىعىنا وراي قازاقستاننىڭ تۇركياداعى وكىلەتتى ەلشىلىگىنىڭ قولداۋىمەن، ساكاريا قالاسىنىڭ اكيماتى جانە مۋنيتسيپاليتەت باسشىلىعىنىڭ قولداۋىمەن تۇركيانىڭ ساكاريا قالاسىندا بولعان كەزدەسۋ جوعارى دەڭگەيدە وتكەن. كەزدەسۋگە تۇركيانىڭ 32 قالاسىنان تۇرىك جوعارى وقۋ ورىندارىندا ءبىلىم الاتىن 250 ستۋدەنت كەلگەن. ولارمەن كەزدەسۋگە قازاقستاننىڭ تۇركياداعى وكىلەتتى ەلشىسى ابزال ساپاربەكۇلى، شەتەلدەگى تۇرىكتەر جانە اعايىن قاۋىمداستىقتار باسقارماسىنىڭ ءتوراعاسىنىڭ ورىنباسارى سايت يۋسۋف قاتىسقان.


«اتالعان شارا بارىسىندا قازاقستاننان كەلگەن ونەر قايراتكەرلەرىنىڭ كەرەمەت كونتسەرتى ءوتتى. قازاق ۇلتتىق ونەر ۋنيۆەرسيتەتىنىڭ «شابىت» وركەسترى مەن «كوركەم» بالالار بي ءانسامبلىنىڭ ونەرى ءارى ەلدەن جىراقتا جۇرگەن تالىمگەرلەردىڭ ەلگە دەگەن ساعىنىش ماۋقىن باسىپ، ءارى تۇرىك اعايىندار مەن ۋنيۆەرسيتەتتەگى شەتەلدىك ستۋدەنتتەردىڭ كوڭىلىنەن شىقتى. بارشا كورەرمەن قازاق ونەر قايراتكەرلەرىنىڭ ونەرىنە تۇرەگەلىپ تۇرىپ قوشامەت كورسەتتى. كونتسەرتتىڭ بەتاشار سوزىندە قازاقستاننىڭ تۇركياداعى وكىلەتتى جانە توتەنشە ەلشىسى ابزال ساپاربەكۇلى «قازاقستاننىڭ تاۋەلسىزدىگى ماڭگى بولسىن. تاۋەلسىزدىكتىڭ باياندى بولۋى ءۇشىن جاستاردىڭ ايانباي جۇمىستانۋى قاجەت» دەدى. شەتەلدەگى تۇرىكتەر جانە اعايىن قاۋىمداستىقتار باسقارماسىنى ءتوراعاسىنىڭ ورىنباسارى سايت يۋسۋف تۇركيانىڭ الەمدەگى 160 ەلدىڭ 17500 ستۋدەنتىنە ءبىلىم بەرىپ وتىرعانىن ايتتى»، - - دەپ جازادى TRT.


«وزبەكستان پوچتاسى» مەن «قازپوشتا» ىنتىماقتاستىق تۋرالى كەلىسىم جاسادى - «وزا» اقپاراتتىق اگەنتتىگى


وزبەكستان رەسپۋبليكاسىنىڭ اقپاراتتىق تەحنولوگيالار جانە كوممۋنيكاتسيالاردى دامىتۋ مينيسترلىگىندە مينيستر ورىنباسارى باحرومجون الماتوۆ قازاقستان رەسپۋبليكاسىنىڭ «قازپوشتا» اق باسقارما ءتوراعاسى ساكەن سارسەنوۆ باستاعان دەلەگاتسيامەن كەزدەسۋ وتكىزدى، دەپ جازادى وزبەكستاننىڭ ء«وزا» مەملەكەتتىك اقپاراتتىق اگەنتتىگى.

«كەزدەسۋدە پوشتا سالاسىنا بايلانىستى ەكىجاقتى ىنتىماقتاستىقتىڭ ۇلكەن الەۋەتى بار ەكەنى ايتىلىپ، وسىعان بايلانىستى ءوزارا قىزىعۋشىلىق تۋدىراتىن سالالارداعى سەرىكتەستىكتى كەڭەيتۋ پەرسپەكتيۆالارى تۋرالى اڭگىمە بولدى. وسى كەزدەسۋ اياسىندا قازاقستاندىق دەلەگاتتار «وزبەكستان پوچتاسى» جايلى تولىقتاي اقپارات پەن الداعى جوسپارلارى جايىندا مالىمەتتەر الىپ، وزبەكستان تاراپى «كازپوچتانىڭ» جۇمىس ىستەۋ پرينتسپىتەرىمەن ءبىرشاما مالىمەتكە يە بولدى. كەزدەسۋ سوڭىندا، «وزبەكستان پوچتاسى» اق مەن «كازپوچتا» اق اراسىندا كۋرەرلىك جانە جەدەل پوشتا قىزمەتتەرى جانە ەلەكتروندى كوممەرتسيا سالاسىنداعى ىنتىماقتاستىق بويىنشا بىرلەسكەن قىزمەتتەردى جۇزەگە اسىرۋ تۋرالى كەلىسىمگە قول جەتكىزىلدى»، - دەپ جازادى ء«وزا» مەملەكەتتىك اقپاراتتىق اگەنتتىگى.

سيريا بويىنشا استانا پروتسەسىنىڭ 14-راۋندى قازاقستاندا وتكىزىلدى -«جەنمين جيباو» (People Daily)


ەكى كۇنگە جالعاسقان سيريا بويىنشا استانا پروتسەسىنىڭ 14-راۋندى قازاقستاننىڭ استاناسى نۇر-سۇلتان قالاسىندا ءوتتى، دەپ حابارلايدى kazakh.people.com.cn سايتى.

«نۇر-سۇلتاندا وتكەن 14-راۋند قورىتىندىسىنا وراي سيريا بويىنشا استانا پروتسەسىنىڭ 15-راۋندى 2020 جىلدىڭ ناۋرىزىندا وتەتىن بولدى. سونداي-اق، بىرلەسكەن مالىمدەمەدە استانا فورماتىنداعى بەيىندى جۇمىس توبىنىڭ اياسىندا زورلىقپەن ۇستالىنىپ وتىرعان تۇلعالاردى، كەپىلگە الىنعان ادامداردى بوساتۋ وپەراتسيالارىن جالعاستىرۋ قاجەتتىگى ايتىلعان. سيريانىڭ بۇكىل اۋماعىندا بارلىق سيريالىقتارعا گۋمانيتارلىق جاردەمدى ارتتىرۋ قاجەتتىگىنە نازار اۋدارىلعان. يران، رەسەي جانە تۇركيا استانا پروتسەسىنىڭ كەپىلگەرى رەتىندە سيريا اراب رەسپۋبليكاسىنىڭ ەگەمەندىگى، تاۋەلسىزدىگى مەن اۋماقتىق تۇتاستىعىن قۇرمەتتەيتىنى جاريا بولدى. سيريانىڭ تۇراقتىلىقتى بۇزۋعا جانە كورشى ەلدەردىڭ قاۋىپسىزدىگىنە ءقاۋىپ توندىرۋگە باعىتتالعان سەپاراتيستىك جوسپارلارعا قارسى تۇرۋعا دايىن ەكەندىكتەرىن ءبىلدىردى. ءيزرايلدىڭ قارۋلى شابۋىلدارىن حالىقارالىق قۇقىق پەن حالىقارالىق گۋمانيتارلىق زاڭداردى بۇزۋىن، تۇراقتىلىق پەن قاۋىپسىزدىككە ءقاۋىپ توندىرەتىن ايىپتادى»، - دەپ جازادى People Daily.


كەلۋ قاينارى: http://www.elarna.net/koru.php?tur=3&id=1084171

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


بىرنەشە ايماقتا اۋا راي 12 مينوت
پايعامبار (س.ع.س.) داۋى 1 ساعات
ساحيح حاديس باردا ءمازھ 1 ساعات
شي جينپيڭ رۋان فۋجۇڭعا 1 ساعات
قاسىم-جومارت توقاەۆ: ءا 1 ساعات
پرەزيدەنت: اباي – ۇلتىم 1 ساعات
دەپۋتاتتاردىڭ ايماقتارد 1 ساعات
شوشقا اسىراۋ جانە ونى س 1 ساعات
قاز-قاتار قاراسوزدەر 1 ساعات
«ىزعار» بايگە العان كۇن 1 ساعات
قاسىم-جومارت توقاەۆ: بۇ 1 ساعات
10 تامىز. قازاقپارات كۇ 1 ساعات
اباي ايتقان «بەس دۇشپان 1 ساعات
ەڭ كوپ حاديس ريۋايات ەت 1 ساعات
ارت-ونەرگە ارقاۋ بولعان 1 ساعات
جولاۋشىلار ۇشاعىنىڭ 2 م 1 ساعات
الاش بالاسىنا ارداقتى ك 1 ساعات
تۇلعا تۋعان توپىراق 1 ساعات
شىن حاكىم، ءسوزىڭ اسىل 1 ساعات
باقسىعا دا، بالگەرگە دە 1 ساعات
مەملەكەت باسشىسى: قيىند 1 ساعات
قازاقتىڭ رۋحاني قۇبىلاس 1 ساعات
مايدان باسىلىمىنداعى مە 1 ساعات
قازگيدرومەت: 10 تامىز ك 1 ساعات
قايتالانباس عاجايىپ قۇب 1 ساعات
مەديتسينالىق باقىلاۋدا 2 ساعات
باحتياروۆتىڭ كومانداسى 2 ساعات
اباي – ادامشا ءومىر ءسۇ 2 ساعات
سانا ساۋلەسى، جۇرەك جۇل 2 ساعات
اباي جانە گاسپىرالى: جا 2 ساعات