ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2020-01-231834676963 %37 %
2020-01-241670648361 %39 %
2020-01-25830265260 %40 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 02:00 - 2019/12/07

ءابىشتانۋدىڭ تەرەڭ تاعىلىمى – استانا اقشامى

تاۋەلسىزدىك تۇعىرىن نىعايتتى

الدىمەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ء«ابىش كەكىلباەۆ جانە ۇلى دالا رۋحانياتى» اتتى حالىقارالىق عىلىمي-تەوريالىق كونفەرەنتسيا ءوتتى. «جاستار» تەاترىندا «ابىلاي حان» حالىقتىق قاھارماندىق داستانى جەلىسىمەن ساحنالانعان «نارتاۋەكەل» سپەكتاكلى كورسەتىلدى. كەشە، قايراتكەر قالامگەردىڭ ءدال تۋعان كۇنىندە باس قالانىڭ ەسىل اۋدانىندا ءابىش كەكىلبايۇلى كوشەسىنىڭ اشىلۋ سالتاناتى بولدى. ۇلتتىق پانتەونداعى بەيىتىنە گۇل شوقتارى قويىلىپ، رۋحىنا قۇران باعىشتالدى، اس بەرىلدى. قالىڭ جۇرتشىلىق بەيبىتشىلىك جانە كەلىسىم سارايىندا ابىز تۇلعانى ەسكە الدى.
كونفەرەنتسياعا ء«ابىش ­كەكىلباەۆ – مەملەكەت جانە قوعام قايراتكەرى»، ء«ابىش كەكىلباەۆتىڭ كوركەمدىك-ەستەتيكالىق الەمى جانە قازىرگى قازاق ادەبيە­تى»، ء«ابىش كەكىلباەۆ جانە ۇلتتىق دۇنيەتانىم»، ء«ابىش كەكىلباەۆ جانە جالپىادامزاتتىق قۇندىلىقتار» تاقىرىپتارى وزەك بولدى. جيىنعا قاتىسقان مەملەكەتتىك حاتشى قىرىمبەك كوشەرباەۆ تۇلعانىڭ ەل تاۋەلسىزدىگىن ورنىقتىرۋداعى ەڭبەگىن ايرىقشا اتاپ ءوتتى.
– ەل پارلامەنتىنىڭ ءتوراعاسى، مەملەكەتتىك حاتشى بولعان ءابىش كەكىلبايۇلى وتانىنا قالتقىسىز قىزمەت ەتۋدىڭ ونەگەسىن كورسەتتى. تاۋەلسىزدىكتىڭ ەلەڭ-الاڭىندا تۇڭعىش پرەزيدەنتىمىز-­ەلباسى نۇرسۇلتان نازارباەۆتىڭ سەنىمدى سەرىكتەرىنىڭ بىرىنە اينالعان ول ۇلتتىق يدەولوگيانىڭ قالىپتاسۋىندا ءوز قولتاڭباسىن قالدىردى. وسىلايشا، حالقىنا جاساعان قىزمەتى جوعارى باعالانىپ، قازاقستاننىڭ ەڭبەك ەرى اتاندى. كەزىندە پارلامەنت سەناتىندا قىزمەتتەس بولىپ، جاقىن سىيلاسقان مەملەكەت باسشىسى قاسىم-جومارت توقاەۆ ءابىش مەرەيتويىنىڭ شىمىلدىعىن اشقان سوزىندە سان قىرلى سۋرەتكەر تۋرالى ء«ابىشتانۋ ءداۋىرى ەندى باستالدى» دەگەن ەدى. ال قالامگەردىڭ ويشىلدىعىن ارقاۋ ەتكەن ساۋىتبەك ابدراحمانوۆتىڭ «ابىز ءابىش» اتتى زەرتتەۋ كىتابىنىڭ العىسوزىندە پرەزيدەنت ء«ابىش كەكىلبايۇلى – حالقىمىزدىڭ رۋحاني الەۋەتىن الەم الدىندا ۇعىندىرىپ بەرەتىن الىپ تۇلعالارىمىزدىڭ ءبىرى دە بىرەگەيى» دەپ ايشىقتاپ بەردى. تۇپتەپ كەلگەندە، ءابىشتى تانۋ – ونىڭ تەرەڭ وي-پاراساتىنا سۇيسىندىرەتىن، وتانسۇيگىشتىك رۋحىن تۇيسىندىرەتىن عيبراتى مول شارا. ءابىشتانۋدىڭ تەرەڭ تاعىلىمى وسىندا جاتىر، – دەدى مەملەكەتتىك حاتشى.«قان مەن تەردى» تالداعان ستۋدەنت

ابىش كەكىلبايۇلى ستۋدەنت كۇنىنەن ادەبي سىنعا ارالاستى. 1961 جىلى ءقازمۋ-دىڭ فيلولوگيا فاكۋلتەتىندە ۋنيۆەرسيتەت ۇستازى، اسا كورنەكتى ادەبيەتتانۋشى ­زەينوللا قابدولوۆ باسقارعان ادەبي بىرلەستىك وتىرىسىندا «جۇلدىز» جۋرنالىندا جاريالانعان «قان مەن تەر» رومانىنىڭ ءبىرىنشى نۇسقاسى تالقىلاندى. بايان­دامانى جاس ءابىش جاسادى.
تۇلعا مەرەيتويىنا الماتىدان ارنايى ات ارىتىپ جەتكەن اتالعان تۋىندى اۆتورى، ادەبيە­تىمىزدىڭ كوزى ءتىرى ابىزى، ەڭبەك ەرى ءابدىجامىل نۇرپەيىسوۆ سول كەزدى ەسكە الدى. ءابىش كەكىلبايۇلىمەن سوندا تانىسقانىن ايتا كەلە: «بايانداماشى ستۋدەنت ەكەن. ءقازىر دە كوز الدىمدا. قىزىل شىت كويلەكتىڭ جاۋىرىنى مەن ەكى يىعىنىڭ ءتۇسى كۇن جەپ، بوياۋى وڭىپ، بوزارا باستاپتى. بۇيرا شاش، ۇرپەك باس، قولى سيديعان قاعىلەز، ارىق قارا بالا ەكەن. «قان مەن تەر» دەدى دە، ءسال توقتاپ، قوڭىر داۋسىن كوتەرىپ: «بۇكىل تىرلىكتىڭ سالماعىن ارقالاعان وسى ەكى سوزبەن اتالعاندىقتان جازۋشى نۇرپەيىسوۆ جاڭا رومانىنىڭ كوتەرگەن ماسەلەسى دە، كورسەتپەك بولعان ءداۋىرى دە ەرەكشە ەلەۋلى شىعار دەپ ويلاپ ەدىم» دەدى ءابىش. مىنا قول-اياعى شيديگەن ۇرپەكباس بالانىڭ اۋزىنان شىققان جاڭاعى ءبىر عانا سويلەم شىنىمەن مەنى قاتتى ويلاندىرىپ تاستادى. ەرتەڭىنە جاڭاعى بالانىڭ بايانداماسىن سۇراپ الدىم. اسا زەيىن قويىپ، شۇقشيىپ وقىدىم. مىنا بالا ۇستازدان ءدارىس الىپ جۇرگەن شاكىرتتەن گورى قولىنا قالام ۇستاعان ءبىز سياقتىلاردىڭ وزىنە ءدارىس بەرەتىن دارەجەگە كوتەرىلىپ قالعان ادەبيەت ادامىنىڭ ار جاق-بەر جاعىندا، قانشا زاماننان بەرى قوردالانىپ جاتقان ءىلىم-بىلىمدى ابدەن يگەرگەن بە ءوزى؟! كوردىڭ بە، قارشاداي بولىپ الىپ ماعان دا ءوز بيىگىندە تۇرىپ الدىمدى وراپ، كەڭەس بەرۋدەن تايسالاتىن ءتۇرى جوق. سول باياندامانى كەيىن قوبىرسىپ جاتقان كابينەتىمدەگى كوپ قاعازدىڭ اراسىنان ىزدەپ تابا المادىم» دەدى ا.نۇرپەيىسوۆ.مەملەكەت جانە قوعام قايراتكەرى، اكادەميك مىرزاتاي ­جولداسبەكوۆ ءابىش كەكىلبايۇلىن 1957 جىلى «لەنينشىل جاس»، قازىرگى «جاس الاش» گازەتىنىڭ 35 جىلدىق مەرەيتويىندا العاش كورگەنىن، وندا وسى باسىلىمنىڭ بەلسەندى اۆتورى بولعان ونىنشى سىنىپ وقۋشىسى، ءجاسوسپىرىم ءابىش توگىلىپ سويلەگەنىن ايتىپ، ستۋدەنتتىك جىلدارى ەكەۋى جاقىن تانىسىپ، قالامگەر دۇنيەدەن وتكەنشە، 60 جىلعا جۋىق ارالارىندا قىل وتپەيتىن دوستىق ورناعانىن جەتكىزدى.
ء«ابىش ۇلكەن ادەبيەتتىڭ ەسىگىن يمەنبەي اشىپ، ونىڭ تورىنە بىردەن شىقتى. ستۋدەنت كەزىندە-اق قۇلاش-قۇلاش ماقالالار جازىپ، كەنەن ويلارىمەن ادەبي ورتانىڭ نازارىن وزىنە اۋداردى. «قان مەن تەر» رومانى تۋرالى تالاي ماقالالار، كىتاپتار جازىلدى. ءبىراق ەشكىم مەنىڭ ويىمشا ءالى ستۋدەنت كەكىلباەۆتان اسىرىپ ايتا العان جوق. ءابىش كەكىلباەۆ ادەبيەتكە اۋەلى سىنشى، اقىن رەتىندە كەلىپ، پروزاعا سوسىن كوشتى. الەمدىك ادەبيەتتە ءوزىنىڭ جولىن سالىپ، شىم-شىتىرىق تاريح بولمىسىن، ابىز دالانىڭ ۇلىلىعىن بارىنشا كەڭ، ايقىن، نانىمدى سۋرەتتەپ، ادەبيەتتىڭ مەرەيىن اسىرعان قالامگەرگە اينالدى. مەن ونى ءوز باسىم قازاق جازۋشىلارىنىڭ ىشىندە تەك قانا كەمەڭگەر مۇحتار اۋەزوۆكە عانا ۇقساتا الامىن» دەگەن م.جولداسبەكوۆ قالامگەر شىعارمالارىنىڭ ەرەكشەلىكتەرىنە توقتالدى.
كونفەرەنتسيا بارىسىندا پارلامەنت ءماجىلىسىنىڭ دەپۋتاتى، فيلولوگيا عىلىمدارىنىڭ دوكتورى، پروفەسسور ساۋىتبەك ابدراحمانوۆتىڭ «ابىز ءابىش» كىتابى، ء«ابىش الەمى» جوباسى نەگىزىندە جارىق كورگەن ء«ابىش كەكىلباەۆ» ەنتسيكلوپەدياسىنىڭ ءبىرىنشى تومى تانىستىرىلدى. جازۋشى شىعارمالارىن بۇۇ تىلدەرىنە اۋدارىپ، كەڭىنەن ناسيحاتتاۋ ءۇشىن ۇلتتىق اۋدارما بيۋروسىنا ۇسىنىس جاساۋ، ­ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى ء«ابىش كەكىلبايۇلى ءدارىسحاناسىن» تىڭ ماتەريالدارمەن تولىقتىرىپ، قايتا جابدىقتاۋ جانە ا.كەكىلبايۇلىنىڭ قايراتكەرلىگىنە بايلانىستى قۇجاتتاردى كوپتومدىق جيناق ەتىپ دايارلاۋ جونىندە قارار قابىلداندى.

كەكىلبايۇلى كوشەسى

ابىش كەكىلبايۇلى كوشەسىنىڭ اشىلۋىندا العاشقى ءسوزدى مەملەكەتتىك حاتشى قىرىمبەك ­كوشەرباەۆ الىپ، بۇل قالا ءۇشىن عانا ەمەس، ەل ءۇشىن اسا ماڭىزدى وقيعا ەكەنىن ايتتى.
«بۇل قۋانىشتى ءسات دەپ ويلايمىن. ويتكەنى تۇڭعىش پرەزيدەنتىمىز-ەلباسىنىڭ ۇسىنىسىمەن ەۆرازيانىڭ تورىندە، سارىارقانىڭ توسىندە كەرەمەت جاڭا استانىمىزدى سالدىق. ەلباسىنىڭ ۇسىنىسىنا ءوزىنىڭ تىلەگىن قوسىپ، شىن جۇرەگىمەن نيەتىن ءبىلدىرىپ، قولداۋ كورسەتكەن ءابىش اعانىڭ اتىنداعى كوشەنىڭ اشىلۋ ساتىندە تۇرمىز. وسى كوشەنىڭ بويىمەن ولاي-بىلاي وتكەن وسكەلەڭ ۇرپاق ءابىش كەكىلباەۆتىڭ كىم ەكەنىن، نۇر-سۇلتان قالاسىنىڭ نە ءۇشىن سالىنعانىن ەسكەرىپ، تاۋەلسىزدىگىمىزدى باياندى ەتۋگە وزدەرىنىڭ ۇلەسىن قوسسا ەكەن دەيمىن» دەدى مەملەكەتتىك حاتشى.
نۇر-سۇلتان قالاسىنىڭ اكىمى التاي كولگىنوۆ وسىناۋ تاريحي وقيعاعا كۋا بولعان بارشا جاندى قۇتتىقتادى.
– بۇل – شىن مانىندە تاريحي وقيعا. ەلباسىنىڭ قاسىندا جىلدار بويى سەرىك بولىپ ءجۇرىپ، قازاق ەلىن ماڭگىلىك ەلگە اينالدىرۋ جولىندا ۇلكەن ەڭبەك سىڭىرگەن ءابىش اعامىزدىڭ اتىنا كوشە بەرۋ وقيعاسى ماڭگى ەسىمىزدە قالارى ءسوزسىز. بارشاڭىزعا وسى ءسات قۇتتى بولسىن! بۇل – مەملەكەتىمىزدىڭ مادەنيەت قايراتكەرلەرىنە، ءبىزدىڭ جازۋشىلارعا، قازاق ەلىنىڭ بىرلىگىن، ىنتىماعىن كوتەرىپ جۇرگەن ازاماتتارعا ۇلكەن قۇرمەت! كلارا اپامىزعا اللا تاعالا كۇش-قۋات، دەنساۋلىق بەرسىن! ءابىش اعانىڭ ۇرپاعى جاساي بەرسىن! بارىڭىزگە بەرەكە-بىرلىك تىلەيمىز! تاۋەلسىزدىگىمىزدىڭ تۇعىرى بەرىك بولسىن!، – دەدى ا.كولگىنوۆ.
اكادەميك كەنجەعالي ­ساعاديەۆ پەن پارلامەنت ءماجىلىسىنىڭ ­دەپۋتاتى قۋانىش سۇلتانوۆ ءابىش كەكىلبايۇلىنىڭ ۇلتتىق ادەبيەتكە، مەملەكەتىمىزدىڭ قالىپتاسىپ، گۇلدەنۋىنە قوسقان ۇلكەن ۇلەسىن اتاپ ءوتتى.


كەلۋ قاينارى: http://www.elarna.net/koru.php?tur=7&id=1081141

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ءبىر كۇندە – ءبىر حاديس 4 مينوت
باس ءمۇفتي: سىندارلى كە 14 مينوت
تيانشان تورى 14 مينوت
اعاجاي التاي تورى 14 مينوت
中国哈萨克语广播网 14 مينوت
اباي كوپتەگەن ۇرپاقتارد 17 مينوت
كوروناۆيرۋس جۇقتىرعان ج 19 مينوت
اباي كوپتەگەن ۇرپاقتارد 1 ساعات
تيانشان تورى 1 ساعات
«مۇقتاجدىڭ مۇڭىن ءبولىس 1 ساعات
كومانداسىنا بەرىلگەن جا 1 ساعات
كاسپي يتبالىعى جويىلىپ 1 ساعات
اعاجاي التاي تورى 1 ساعات
جىلدا ساياحاتشىلار 5،5 1 ساعات
中国哈萨克语广播网 1 ساعات
باس ءمۇفتي تۇركيا ەلشىس 1 ساعات
ۇندىلىك ءورت سوندىرۋشىل 1 ساعات
جىلدا ساياحاتشىلار 5،5 1 ساعات
تيانشان تورى 1 ساعات
ەلوردالىق ۇستازدار مەن 1 ساعات
ساحابالاردىڭ جالپى سانى 1 ساعات
قحل: «بارىس» «سالاۆات ي 1 ساعات
تيانشان تورى 1 ساعات
اعاجاي التاي تورى 1 ساعات
中国哈萨克语广播网 1 ساعات
دۋباي بىررەتتىك پلاستيك 1 ساعات
5 قالادا​ قانداستارعا ا 2 ساعات
باس ءمۇفتي مينيسترمەن س 2 ساعات
تيانشان تورى 2 ساعات
اعاجاي التاي تورى 2 ساعات