ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 02:20 - 2019/11/16

Нақты Көзі: http://sunna.kz/2017/06/30/%d1%88%d3%99%d1%83%d1%83%d3%99%d0%bb-%d0%b0%d0%b9%d1%8b%d0%bd%d0%b4%d0%b0%d2%93%d1%8b-6-%d0%ba%d2%af%d0%bd%d0%b4%d1%96%d0%ba-%d0%be%d1%80%d0%b0%d0%b7%d0%b0/

ءشاۋال ايىنداعى 6 كۇندىك ورازا – Sunna.kz

دىنىمىزدە كەيبىر ۋاقىتتاردىڭ وزىندىك ەرەكشەلىكتەرى مەن قاسيەتتەرى بار. رامازان ايىنىڭ ارتىنشا كەلەتىن ءشاۋال ايىنىڭ دا وزىنە ءتان ارتىقشىلىقتارى كوپ.  

پايعامبارىمىز (س.ع.س.): «كىمدە كىم رامازان ايىنىڭ ورازاسىنان سوڭ ءشاۋال ايىندا 6 كۇن ورازا ۇستاسا، ءبىر جىل ورازا ۇستاعانداي بولادى» – دەپ،  بۇل ايدا ۇستالاتىن التى كۇن ورازانىڭ مول ساۋابىن سۇيىنشىلەگەن (ساحيح ءمۇسىلىم). بۇل ورازا ساۋابىنىڭ ءبىر جىلعا پارا-پار كەلۋىن بىلايشا تۇسىنۋگە بولادى. اللا تاعالا قۇران كارىمدە: «كىمدە-كىم ءبىر جاقسىلىق جاساسا، وعان ونىڭ ون ەسە قارىمى بەرىلەدى» – دەگەن. عالىمدار ءشاۋال ايىنداعى التى كۇن ورازانىڭ ءبىر جىلدىق ساۋابىن وسى اياتپەن بايلانىستىرادى. رامازان ايىنداعى وتىز كۇن مەن ءشاۋال ايىنداعى التى كۇن قوسىلعاندا، وتىز التى كۇن بولادى. بۇل سان ون ەسەگە كوبەيتىلسە، ءۇش ءجۇز الپىس كۇندى قۇرايدى. ءبىر جىلدىڭ قالعان بەس كۇنى ورازا ۇستاۋعا بولمايتىن رامازان ايتىنىڭ العاشقى كۇنى مەن قۇربان ايتتىڭ ءتورت كۇنى. ورازانىڭ ءاربىر كۇنى ون ەسە مولايسا، وندا وتىز التى كۇندىك ورازادا ءبىر جىل اۋىز بەكىتۋدىڭ ساۋابى بار دەگەن ءسوز.

مىنە، بۇل دا جاراتۋشى يەمىزدىڭ بىزگە دەگەن شەكسىز مەيىرىمى. وسىنداي ۇلكەن نىعمەتتەن ءوز ۇلەسىن الماق نيەتپەن ءبىزدىڭ سايتىمىزعا كوپتەگەن سۇراقتەر كەلىپ تۇسۋدە.

وسىعان بايلانىستى، ءشاۋال ايىنداعى ورازاعا قاتىستى كوپشىلىكتىڭ كوكەيىندە جۇرگەن كەيبىر ماسەلەلەرگە توقتالۋدى ءجون كوردىك.

1. شاۋال ايىنىڭ ورازاسى ءناپىل ورازا بولىپ تابىلادى. ياعني، مۇنى ۇستاۋ ەشكىمگە مىندەت ەمەس، ادامنىڭ ءوز ىحتيارىندا. دەگەنمەن، مۇنى ۇستاماعان جان جوعارىدا كەلتىرگەن پايعامبارىمىزدىڭ حاديسىندەگى ءبىر جىلدىق ورازانىڭ ساۋابىنان قۇر قالادى.

2. شاۋال ايىنىڭ ءناپىل ورازاسى تەك ءشاۋال ايىندا عانا ۇستالادى. جانە ونى ايت كۇنىنىڭ ەكىنشى كۇنىنەن باستاپ ۇستاسا بولادى.

3. شاۋال ايىنىڭ ءناپىل ورازاسىن اراسىن ۇزبەي قاتارىنان، سونىمەن قاتار اراسىن ءۇزىپ بولەك-بولەك كۇندەردە دە ۇستاۋعا بولادى.

4. رامازان ايىندا ءتۇرلى سەبەپتەرمەن كەي كۇندەرىن قازا ەتىپ العان كىسىلەر ءشاۋال ايىندا اۋەلى رامازاننىڭ قازاسىن وتەۋىنە دە، سونىمەن بىرگە ءشاۋالدىڭ التى كۇندىك ءناپىلىن ۇستاسا دا بولادى. دەگەنمەن، رامازان ورازاسىن تولىعىمەن ۇستاۋ اللا تاعالانىڭ بۇيرىعى ەكەنىن ەسكەرگەن ءجون. ال، ءشاۋال ايىندا 6 كۇن ورازا تۇتۋ پايعامبارىمىزدىڭ (س.ع.س.) سۇننەتى بولعاندىقتان الدىمەن ورازانىڭ قازاسىن وتەۋ ابزال. سەبەبى ادامنىڭ بەلگىلەنگەن اجالى ايتپاي كەلەتىندىكتەن، الدىمەن پارىز ورازانىڭ قازاسىن تولىق وتەپ، ءناپىل ورازانى ودان كەيىن ۇستاعان دۇرىس. بۇعان قوسا جوعارىدا كەلتىرىلگەن حاديستە «رامازان ورازاسىنان سوڭ ءشاۋال ايىندا 6 كۇن ورازا ۇستاسا» دەلىنگەنىن ەسكەرسەك، اۋەلى رامازاننىڭ قازاسىن وتەۋدىڭ ابزالدىعىن ۇعامىز.

5. وسى ايدا قازا ورازاسىن ۇستاپ، ءناپىل ورازا ۇستاۋعا ۋاقىتى جەتپەي قالعان ادامدار ءۇشىن دە ءشاۋال ايىنىڭ ۋادەلى ساۋابى ءۇمىت ەتىلەدى. بىراق بۇل ءناپىل ورازاعا ۋاقىتى جەتپەي قالعاندار ءۇشىن. اسىلىندە، ءار ورازانى جەكە-جەكە ۇستاۋ قاجەت. بۇل جوعارىدا كەلتىرىلگەن ءبىر جىلدىق ساۋاپتىڭ ماتەماتيكالىق ەسەبىنە دە ساي كەلىپ تۇر.

6. رامازان ورازاسىن ۇستاماعان ادامدارعا دا ءشاۋال ورازاسىن ۇستاۋىنا بولادى. الايدا، ولار پايعامبارىمىز (س.ع.س.) سۇيىنشىلەگەن ءبىر جىلدىق ورازانىڭ ساۋابىن الا المايدى. سەبەبى، رامازان ورازاسى – پارىز. ونى ۇستاماۋ – ۇلكەن كۇنا.

7. شاۋال ورازاسى دا رامازان ورازاسى سەكىلدى «تاڭ» نامازىنان (تاڭ نامازىنا 10 مينۋت قالعاندا اۋىز بەكىتىلەدى) باستالىپ، «شام» نامازىنا دەيىن جالعاسادى.

8. ءشاۋال ايىنىڭ التى كۇندىك ورازاسىن ءار اپتادا ەكى كۇنگە ءبولىپ، اسىرەسە، اپتانىڭ دۇيسەنبى جانە بەيسەنبى كۇندەرى ۇستاسا، نۇر ۇستىنە نۇر. سەبەبى، پايعامبارىمىز (وعان اللانىڭ يگىلىگى مەن سالەمى بولسىن): «دۇيسەنبى كۇنى مەن بەيسەنبى كۇنى (اپتالىق) ىستەگەن ىستەر اللاعا ۇسىنىلادى. مەنىڭ ىستەرىم اللاعا كوتەرىلەردە اۋزىمنىڭ بەرىك بولعانىن ۇناتامىن» دەدى (تيرميزي).

رامازاننان كەيىن ءشاۋال ايىندا التى كۇن ورازا تۇتۋدىڭ جىل بويى اۋىز بەكىتكەنگە تەڭەستىرىلۋى – اللا تاعالانىڭ مەيىرىمىنىڭ شەكسىز ەكەنىنىڭ ءبىر كورىنىسى. ياعني، حاق تاعالا وزىنە ءتان راحىمىمەن قۇلىنىڭ جاساعان عيباداتىنا بىرنەشە ەسە ارتىق ساۋاپ جازىپ، اقىرەتىمىزدى قۇتقارۋعا يلاھي مول مۇمكىندىك تۋدىرادى.

اللا تاعالا نيەتتەرىمىزدى قابىل ەتكەي! ء(امين)


كەلۋ قاينارى: http://www.elarna.net/koru.php?tur=18&id=1072558

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


دەنساۋلىق ۆيتسە-مينيستر 5 مينوت
قازاقستاندا وتكەن تاۋلى 8 مينوت
تۇرمىسى تومەن 259 اتا-ا 8 مينوت
لۇڭتان قىستاعىنىڭ گۇلدە 8 مينوت
مونشا مەن ساۋنالار قاند 8 مينوت
شانا سپورتىنان جازعى ال 8 مينوت
دەمالىس كۇندەرى اۋا راي 13 مينوت
اس - سۋ ىسىراپشىلدىق ار 18 مينوت
ءباا مەن يزرايل بەيبىت 18 مينوت
سقو-دا قولايسىز اۋا راي 18 مينوت
الماتىدا جەدەل جاردەم ش 18 مينوت
سپورت ارقىلى مايدى ازاي 18 مينوت
ۇلكەن-كىشىسى اباي سوزىن 23 مينوت
ەلىمىزدە كاسىپ باستاۋعا 26 مينوت
بەلارۋستە شەرۋ كەزىندە 28 مينوت
برەست ميليتسياسى نارازى 28 مينوت
ەلىمىزدە كارانتينگە باي 28 مينوت
تاعى 108 قازاقستاندىق ب 29 مينوت
الماتى وبلىسىندا سۋارما 1 ساعات
پاۆلودار قۇرىلىس ءبولىم 1 ساعات
جاڭا تەحنيكا قۋات ۇستەپ 1 ساعات
جەر - جەر ءتۇرلى شارالا 1 ساعات
قالىپتى ومىرگە ورالۋ: ش 1 ساعات
قازاقستاننان ءباا، گەرم 1 ساعات
مەملەكەت باسشىسى باقىت 1 ساعات
وزبەكستاندا كارانتين تا 1 ساعات
3 تاراۋ شەكارا اتتاعان 1 ساعات
ناۋرىزبەك جاگوروۆ «اتىر 1 ساعات
سىبايلاس جەمقورلىق اگەن 1 ساعات
كۇزدە كوروناۆيرۋستان با 1 ساعات