ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-161216428648 %52 %
2019-11-171215391738 %62 %
2019-11-1828566555 %45 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Ult.kz ۇلىت تورابى

جولدانعان ۋاقىتى: 13:00 - 2019/11/09

قازاقستاندا ءدىنتانۋلىق ءبىلىمدى شەتەلدەن الۋدى ءجون سانايتىن ادامدار بارشىلىق. ولاردىڭ ويىنشا، ەلىمىزدەگى ءدىنتانۋلىق ءبىلىم ساپاسى «كوڭىل تولارلىقتاي» جاعدايدا ەمەس. ال ءدىن ماماندارى بولسا جاس تالاپكەردىڭ ءدىنتانۋلىق ءبىلىمدى ءوز ەلىندە العانى دۇرىس دەگەن پىكىردە. وسى ورايدا پورتالىمىزدىڭ ءتىلشىسى نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ وقۋ-ادىستەمەلىك باسقارما باسشىسى، فيلوسوفيا عىلىمدارىنىڭ كانديداتى، دوتسەنت ساندىباەۆ جالعاس سادۋاحاسۇلىمەن سۇقباتتاسىپ، نۇر-مۇباراكتاعى ءدىنتانۋلىق ءبىلىمنىڭ قالاي بەرىلىپ جاتقانىن ءبىلدى.

ەلىمىزدە نۇر-مۇباراك ەگيپەت يسلام مادەنيەتى ۋنيۆەرسيتەتىن اشۋعانە قاجەتتىلىك تۋىندادى دەپ ويلايسىز؟

— 1991 جىلى تاۋەلسىزدىك العان قازاقستان رەسپۋبليكاسى ءۇشىن جاڭا باعىت، جاڭا ساياسي باعدار، تىڭ ۇستانىم تاڭداۋى تۇردى. سىرتقى ءقاۋىپ پەن ىشكى ىدىراۋدان ەلدى ساقتاپ قالۋ – قر پرەزيدەنتى نۇرسۇلتان نازاربەۆ ساياساتىنىڭ وزەگىنە اينالىپ، ۇلت پەن ۇلىستىڭ عانا ەمەس، ءاربىر ازاماتتىڭ قۇقىعىن قورعايتىن زايىرلى قوعامنىڭ ىرگەتاسى اتا زاڭمەن بەكىتىلدى. مەملەكەت پەن ءدىننىڭ ارا جىگى اجىراتىلىپ كورسەتىلسە دە حالىقتىڭ 70% حانافي باعىتىنداعى مۇسىلماندار سانالاتىن مەملەكەت بولاشاعى ءۇشىن ەلباسى 1993 جىلى مىسىر ەلىنە ساپارىندا ەگيپەت اراب رەسپۋبليكاسىنىڭ پرەزيدەتىمەن كەزدەسۋىندە قازاقستاندا يسلامي جوعارى وقۋ ورنىن اشۋعا بايلانىستى شەشىم قابىلدادى. الماتىدا يسلامي جوو-نىڭ كەشەنىن سالۋ ءۇشىن ارنايى جەر قاراستىرىلىپ، 6 گەكتار جەر ءبولىندى. تاۋەلسىزدىكتىڭ العاشقى كەزەڭىندەگى بۇل باتىل شەشىم ەل بىرلىگى مەن بولاشاعىنا جاسالعان ناقتى قادام بولدى. 1993 جىلى 16 ماۋسىمدا قر پرەزيدەنتى ن.نازارباەۆ پەن ەار ۋاقىفتار ءمينيسترى مۇحامەد ءال-ماحجۋبتىڭ ۋنيۆەرسيتەت قالاشىعىنىڭ العاشقى تاسىن قالاۋ ءراسىمى ءوتتى.

وسىلايشا، ىرگەتاسى قالانعان باستاما العاشقى ستۋدەنتتەردى 2001 جىلى 1 قىركۇيەكتە قابىلداپ، ءدارىس بەرىلە باستادى.

نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ ماقساتى مەن مىندەتى نە؟

— ۋنيۆەرسيتەتتىڭ ماقساتى جايىندا قىسقاشا ايتساق، جوعارى ءبىلىمدى يسلامتانۋشىلار، يمامدار دايىنداۋ، بولاشاق ءدىن قىزمەتكەرلەرىنە پراكتيكالىق ماسەلەلەردى بىلىكتى تۇردە شەشۋگە، مۇسىلمان شاريعاتىنىڭ قاعيدالارىن تۇسىندىرۋگە، ءدىني ءجون-جورالعىلاردىڭ ءداستۇرلى حانافي مازھابىنا سايكەستىلىگىن، شىنايى يسلامنىڭ قاعيدالارىنا قايشى كەلەتىن جات سەنىمدەردىڭ بەلگىلەرىن انىقتاۋعا، قوعامنىڭ رۋحاني الەۋەتىنىڭ جوعارىلاۋىنا جانە ادامگەرشىلىك مىنەز-قۇلىقتى بەكىتۋگە، قوعامداعى ۇيلەسىمدى جانە جوعارى دارەجەدە ءبىلىم العان تۇلعالاردىڭ دامۋىنا قاجەتتى نەگىز قالاۋعا مۇمكىندىك بەرەتىن ءبىلىم جانە بىلىكتىلىك كەشەنىن مەڭگەرۋگە جاعداي تۋدىرۋ.

وسى ماقساتتاردى ىسكە اسىرۋدا ۋنيۆەرسيتەتىمىز ءوز الدىنا تومەندەگىدەي مىندەتتەردى قويعان:

— يسلامتانۋ نەگىزدەرىن، ونىڭ باعىتتارىن، عىلىمي زەرتتەۋ ادىستەمەسىن يگەرگەن، يسلام ءدىنىنىڭ تاريحى مەن ىلىمدەرىن تەرەڭ مەڭگەرگەن جوعارى بىلىكتى مامانداردى – باكالاۆرلاردى، ماگيسترلەردى، عىلىم دوكتورلارىن دايارلاۋ، سونداي-اق وسى سالاداعى كادرلاردىڭ بىلىكتىلىگىن جوعارىلاتۋعا جاردەمدەسۋ;

— ەلىمىزدە بولاشاق بەتكە ۇستار /ەليتا/ ءدىني توپتى قالىپتاستىرۋعا سەپتەسۋ;

— يسلامتانۋ بويىنشا ءبىلىم باعدارلامالارىن قۇراستىرىپ، تيپتىك وقۋ جوسپارلارىن قالىپتاستىرۋ، اتالعان ماماندىق بويىنشا يسلامي ءبىلىم بەرۋدىڭ بارلىق جۇيەلەرىنە: ۋنيۆەرسيتەتتەرگە، ينستيتۋتتارعا، مەدرەسەلەرگە، قۇران وقىتۋ كۋرستارىنا جانە ت.ب. وقۋلىقتار مەن وقۋ قۇرالدارىن ازىرلەۋ;

— ەلىمىزدەگى ءدىني ءبىلىم مەن عىلىم بويىنشا جۇمىستار جۇرگىزىپ جاتقان وقۋ ورىندارى جانە ورتالىقتارمەن تىعىز بايلانىس ورناتۋ، ولارمەن كەلىسىمشارت، مەموراندۋم ارقىلى بىرلەسە جۇمىس جاساۋ، عىلىمي جوبالارعا قاتىسۋ جانە ت.ب.

قازىرگى تاڭدا ۋنيۆەرسيتەتتىڭ ءبىلىم بەرۋ باعدارلامالارىنا توقتالساڭىز؟

— ۋنيۆەرسيتەتىمىزقر بعم ستاندارتتارىنا ءسايۇش كەزەڭدى ءبىلىم بەرۋ باعدارلاماسىمەن جۇمىس ىستەيدى: باكالاۆريات، ماگيستراتۋرا جانە دوكتورانتۋرا دەڭگەيلەرى بويىنشا ءبىلىم بەرىلۋدە. ناقتى ايتساق;

باكالاۆريات بولىمىندە يسلامتانۋ، ءدىنتانۋ، شەتەل ءتىلى: ەكى شەتەل ءتىلى جانە تەولوگيا ءبىلىم بەرۋ باعدارلامالارى بولسا، ماگيستراتۋرا جانە دوكتورانتۋرا دەڭگەيلەرىندە يسلامتانۋ، ءدىنتانۋ ءبىلىم بەرۋ باعدارلامالارى بويىنشا ستۋدەنتتەر ءبىلىم الادى.

ەرەكەشە ايتا كەتەتىن جاي، باكالاۆريات ءبولىمىنىڭ يسلامتانۋ ءبىلىم بەرۋ باعدارلامالارىندا ورىس ءبولىمى مەن قىسقارتىلعان ءبولىم بويىنشا ساباق جۇرگىزىلسە، ءدىنتانۋ جانە تەولوگيا ببب-دا ەكىنشى جوعارى ءبىلىم جانە قىسقارتىلعان ءبولىم بويىنشا ءبىلىم بەرىلەدى.

بارلىق ءبىلىم بەرۋ باعدارلامالارىنا مەملەكەت تاراپىنان ارنايى ءبىلىم گرانتتارى تاعايىندالعان. بۇگىندە باكلاۆريات بولىمىندە جالپى 1396 شاكىرت بولسا، سونىڭ ء842-ى مەملەكەتتىك ءبىلىم گرانتتارىنىڭ يەگەرى.

ۋنيۆەرسيتەتكە شاكىرت قابىلداۋ قالاي جۇزەگە اسىرىلۋدا؟

— نۇر-مۇباراك ەگيپەت يسلام مادەنيەتى ۋنيۆەرسيتەتى – قر بعم-نە قارايتىن جوو بولعاندىقتان، ءبىلىم الۋشىلاردى وقۋعا قابىلداۋ جانە وقىتۋ پروتسەسىندە ۇكىمەتتىڭ جانە مينيسترلىكتىڭ زاڭ، قاۋلىلارىن باسشىلىققا الادى.

ۇكىمەتتىڭ ارنايى قاۋلىسىنا ساي، يسلامتانۋ، ءدىنتانۋ جانە تەولوگيا ءبىلىم بەرۋ باعدارلامالارىنا ءتۇسۋشى تالاپكەرلەر ۇلتتىق ءبىرىڭعاي تەستىلەۋگە (ۇبت) قاتىستىپ، بەكىتىلگەن شەكتەگى بالدى جيناعاننان كەيىنشىعارماشىلىق ەمتيحانعا قاتىسادى.ۇبت ناتيجەسى بويىنشا – كەمىندە 50 بالل، ونىڭ ىشىندە قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى – وقۋ ءتىلى بويىنشا – كەمىندە 5 بالل جانە ءار بەيىندىك پاننەن كەمىندە 5 بالل الۋى قاجەت. شەكتى بالدى جيناي الماعان تالاپكەرلەر تامىزدا جانە كەلەسى جىلدىڭ قاڭتار ايىندا قايتالاي ۇبت-عا قاتىسادى. وسى ارقىلى تالاپكەرلەردىڭ كاسىپكە جارامدىلىعى مەن ءبىلىم دەڭگەيىن ساراپقا سالىنادى.

ۋنيۆەرسيتەتكە ازاماتتاردى قابىلداۋ رەسپۋبليكالىق بيۋدجەت نەمەسە جەرگىلىكتى بيۋدجەت قاراجاتى شەڭبەرىندە رەسپۋبليكالىق بيۋدجەتتەن تۇسكەن قاراجات ەسەبىنەن ءبىلىم بەرۋ گرانتىن ورنالاستىرۋ، سونداي-اق ازاماتتاردىڭ ءوز قاراجاتى مەن باسقا دا كوزدەر ەسەبىنەن وقۋعا اقى تولەۋى ارقىلى جۇزەگە اسىرىلادى.

نۇر-مۇباراك ۋنيۆەرسيتەتى –ەلىمىزدەگى جوو-لار اراسىندا جوعارىرەيتينگكە نە بولماسا قانداي دا ءبىر جۇلدەلى ورىن يەلەندى مە؟

— ۋنيۆەرسيتەتىمىز جىلدا تاۋەلسىز اگەنتتىكتەر جۇرگىزىپ وتىراتىن جوو اراسىنداعى كونكۋرستىق تەكسەرۋلەرگە قاتىسىپ وتىرادى. مىسالى، 2018 جىلى اككرەديتتەۋ جانە رەيتينگتىڭ تاۋەلسىز اگەنتتىگى جۇرگىزگەن جوعارى وقۋ ورىندار اراسىندا «قازاقستان رەسپۋبليكاسىنىڭ توپ-20 جوعارى وقۋ ورىندارىنىڭ باس رەيتينگى» جوباسى بويىنشا بىرنەشە باعىتتان ۋنيۆەرسيتەتىمىز وتە جوعارى ناتيجەلەر كورسەتتى. 58 جوو قاتىسقان ۇلتتىق رەيتينگتە نۇر-مۇباراك ەگيپەت يسلام مادەنيەتى ۋنيۆەرسيتەتى «ۇزدىك توپ-20» ۋنيۆەرسيتەتتەر قاتارىنا كىردى. رەيتينگتە ۋنيۆەرسيتەتتىڭ 7 ءبىلىم بەرۋ باعدارلامالارى قاتىسىپ، التاۋى جۇلدەلى ورىنعا يە بولدى. بۇل جايلى اگەنتتىكتىڭwww.iaar.kzرەسمي سايتىندا دا جاريالاندى.

سول سياقتى 2019 جىلى دا وسى اگەنتتىكتىڭ جۇرگىزگەن جوعارى وقۋ ورىندار اراسىندا «قازاقستان رەسپۋبليكاسىنىڭ توپ-20 جوعارى وقۋ ورىندارىنىڭ باس رەيتينگى» جوباسى بويىنشا نۇر-مۇباراك ۋنيۆەرسيتەتى قازاقستان بويىنشا قاتىسقان 87 ۋنيۆەرسيتەتتەر اراسىنان توپ-20 ۇزدىك ۋنيۆەرسيتەتتەر قاتارىنداعى ورنىن ناقتىلاي ءتۇستى. بۇل جايلى جوعارىدا اتالعان اگەنتتىكتىڭ رەسمي سايتىندا حابارلاندى.

ۋنيۆەرسيتەتتىڭ وقىتۋشىلىق-پروفەسسورلىق قۇرامى قانداي ساپادا قالىپتاسقان دەپ ويلايسىز؟

— ۋنيۆەرسيتەتەتىمىزدىڭ وقىتۋشىلىق-پروفەسسورلىق قۇرامى جايىندا دا ماقتانىشپەن ايتۋعا بولادى. سەبەبى ۋنيۆەرسيتەت ءدىن سالاسى بويىنشا مامانداندىرىلعان جوو بولعاندىقتان ەلىمىزدەگى ءدىنتانۋ اسىرەسە، يسلامتانۋ سالاسىنداعى وتاندىق تانىمال ءارى بىلىكتى ماماندار مەن عالىمدار ءبىزدىڭ ۋنيۆەرسيتەتتە شوعىرلانعان. مىسالى، ق.قۇرمانباەۆ، ج.ساندىباەۆ، ا.سابدين، ا.ادىلباەۆ، م.پاتتەەۆ، ق. ەرجان، ق.زاتوۆ، ن.انارباەۆ، ر.مۋحيددينوۆ، ا.اكىمحانوۆ، ە.امرە، ە.شوقاي، ر. يليمباەۆ، م. يساحان جانە ت.ب. وقىتۋشى قۇرامىنىڭ باسىم بولىگى اكادەميالىق عىلىمي اتاقتارى بار پروفەسسورلار، PhD دوكتور جانە دوتسەنتتەر.

سونىمەن قاتار، ۋنيۆەرسيتتە ەار-نان (مىسىردان) ارنايى كەلگەن 15PhD دوكتور، پروفەسسورلارىمىز تۇراقتى نەگىزدە قىزمەت اتقارادى. ولار وتاندىق عالىمدار مەن بىرگە قۇران، اقيدا، فيقھ (يسلام قۇقىعى)، ءتاپسىر، يسلام فيلوسوفياسى، احلاق (ەتيكا) سىندى ت.ب. يسلام ىلىمدەرىنەن ساباق بەرەدى.رەسەيدى قوسا العاندا تمد (وزبەكستان، تاتارستان، قىرعىزستان، ازەربايجان، تاجىكستان جانە ت.ب.) مەملەكەتتەرىنىڭ ءبىرى دە مۇنشا اراب عالىمدارى جوق. مىسالى، رەسەيدە ناقتىراق ايتقاندا قازاننىڭ بۇلعار قالاسىندا «بۇلعار يسلام اكادەمياسى» اشىلدى. بۇل اكادەميا تىكەلەي رەسەي پرەزيندەنتى ءۆ.ۆ.پۋتيننىڭ قولداۋىمەن اشىلعان ۇلكەن جوبا. جاقىندا مەن وسى اكادەميادا عىلىمي كونفەرەنتسياعا قاتىسىپ قايتتىم. مۇندا شام ەلىنەن كەلىپ، جۇمىس ىستەپ جاتقان 4 اراب عالىمى بار ەكەن. كونفەرەنتسيا بارىسىندا رەسەيلىك ارىپتەستەرىمىز ء«تورت اراب عالىمىمىز بار» دەپ ءجيى داۋىستاپ وتىردى.

ستۋدەنتتەردى جاتاقحاناعا ورنالاستىرۋ ماسەلەسى ۋنيۆەرسيتەتتەرىڭىزدە قالاي قاراستىرىلعان؟

— 2014 جىلى 610 ورىندىق جاڭا جاتاقحانا عيماراتى پايدالانۋعا بەرىلدى.ۋنيۆەرسيتەت باسشىلىعى الدىمەن الىس ايماقتاردان، شەتەلدەن كەلگەن جانە الەۋمەتتىك از قامتىلعان وتباسىلاردان شىققان ستۋدەنتتەرگە، جەتىم جانە مۇگەدەك ستۋدەنتتەرگە كەزەكسىز جاتقحانادان ورىن بەرۋماسەلەسىنە ايىرىقشا كوڭىل بولەدى.

سونداي-اق ۋنيۆەرسيتەت باسشىلىعى ستۋدەنتتەردىڭ جاتاقحاناداعى تۇرمىسى مەن ءبىلىم الۋ جاعدايىن جاقسارتۋعا دا باسا نازار اۋدارادى. جاتاقحاناعا تولىعىمەن ينتەرنەت جەلىسى تارتىلعان، ەكى ۇلكەن وقۋ زالى، اسحانا جانە ارنايى دۇكەنى دە بار. ءتىپتى بىرنەشە جىلدان بەرى الماتى قالاسى بويىنشا «ەڭ تازا جاتاقحانا» دەگەن ماراپاتقا يە بولىپ كەلەدى.

ستۋدەنتتەردى الەۋمەتتىك قولداۋ ماسەلەسى قالاي شەشىمىن تاۋىپ وتىر؟

— ۋنيۆەرسيتەت باسشىلىعى ستۋدەنتتەرىمىزدىڭ ءبىلىم الۋى مەن تۇرمىستىق جاعدايىنىڭ جاقسارۋىنا ايىرىقشا كوڭىل بولەدى. مىسالى، ۋنيۆەرسيتەتتىڭ قارجى كوميسسياسىنىڭ شەشىمىمەن كەيبىر ساناتتاعى شاكىرتتەردىڭ وقۋ اقىسىنا جەڭىلدىك جاسالىنعان. ايتالىق، مۇمكىندىگى شەكتەۋلى، كوپبالالى وتباسىلارىنان شىققان، اتا-اناسىنىڭ بىرەۋى جوق ستۋدەنتتەردىڭ وقۋ اقىسىنا 10% جەڭىلدىك، اتا-اناسىنىڭ ەكەۋى دە جوق ستۋدەنتتەرگە اي سايىنعى الەۋمەتتىك كومەك، جاتاقحانادا تەگىن تۇرۋ جانە وقۋ اقىسىنا 20% جەڭىلدىك جاسالىنعان، ءبىر وتباسىنان ەكى نەمەسە ودان كوپبالا اقىلى نەگىزدە وقيتىن ءبولسا،ار ستۋدەنتتىڭ وقۋ اقىسىنا 10% جەڭىلدىك بەرىلگەن. سونداي-اق الماتى قالاسى اكىمدىگى قوعامدىق دامۋ باسقارماسىمەن بىرىگە وتىرىپ وقۋ وزاتتارى مەن بەلسەندى ستۋدەنتتەر ءۇشىن ارنايى دەمالىس باعدارلامالارىن ۇيىمداستىرىپ وتىرادى. مىسالى، ۋنيۆەرسيتەت قوعامدىق دامۋ باسقارماسىمەن بىرگە «ليدەرلىك دامۋ دەمالىسى» لاگەرىنە بەلسەندى ستۋدەنتتەرىن جىبەردى. لاگەر 5 كۇن جالعاستى. ال رۋحاني جاڭعىرۋ جوباسى اياسىندا «سوكرالدى گەوگرافيا» باعىتى بويىنشا ۋنيۆەرسيتەتتەگى كوپبالالى وتباسى، الەۋمەتتىك جاعدايى تومەن، مۇگەدەك ساناتتارىنا جاتاتىن ستۋدەنتتەر ءۇشىن «تاڭبالى تاس» مەكەنىنە ساياحات ۇيىمداستىرىلدى جانە ت.ب.

بىلتىر باق-دا تۇلەكتەرىن جۇمىسپەن قامتي الماي وتىرعان جوو-نىڭ ءتىزىمى جاريالانعان بولاتىن. سول ءتىزىمنىڭ ىشىندە نۇر-مۇباراك يسلام ۋنيۆەرسيەتىنىڭ دە اتى اتالدى. بۇعان نە ايتاسىز؟

— بۇل قاتە اقپارات. وكىنىشكە وراي، ەڭبەك رەسۋرستارىن قامتۋ ورتالىعى جوو-نىڭ تۇلەكتەرىن جۇمىسپەن قامتۋ كورسەتكىشىن انىقتاۋ ءۇشىن قويعان باعالاۋ كريتەريلەرى دۇرىس بولماي ءبىزدىڭ ۋنيۆەرسيتەت قاتەلىكپەن اۋتسايدەر ۋنيۆەرسيتەتتەردىڭ قاتارىندا كورىنىپ قالدى. ءبىز بۇل جايىندا ءتيىستى مەكەمەلەرگە حابار بەردىك. ۋنيۆەرسيتەتتە جۇمىسپەن قامتىلماي قالعان تۇلەك جوق. سەبەبى نۇر-مۇباراك ۋنيۆەرسيتەتى قازاقستان رەسپۋبليكاسىندا يسلامتانۋشىلاردى جانە ءدىنتانۋشىلار مەن تەولوگتاردى، اراب ءتىلى ماماندارىن دايارلايتىن بىردەن-بىر جوعارى وقۋ ورىن. باسقاشا ايتقاندا، نۇر-مۇباراك ۋنيۆەرسيتەتى قازاقستاندا جوعارى ءبىلىمدى ءدىن قىزمەتكەرلەرىن، كەلەشەك بىلىكتى يمامداردى دايارلايتىن بىرىگەي ۋنيۆەرسيتەت.بىزدىڭ نەگىزگى جۇمىس بەرۋشىمىز – قمدب. بۇگىندە ەلىمىزدە ستاتيستيكا كورسەتىپ وتىرعانداي يمامداردىڭ 22% عانا جوعارى ءبىلىمدى قالعاندارى ورتا ءبىلىمدى جانە ءدىني كۋرستاردى ءتامامداعاندار. كادر جەتىسپەيدى. تۇلەكتەرىمىزدىڭ اربىرىنە قمدب جۇمىسقا ورنالاسۋى جونىندە ارنايى بۇيرىق شىعارادى. بۇدان قالعاندارىن رەسپۋبليكاداعى وبلىستىق ءدىن باسقارمالارىنىڭ جانە ارنايى مەملەكەتتىك قۇزىرەتتى ورگانداردىڭ سۇرانىستارىمەن ايماقتارعا تەولوگ، ءدىنتانۋشى، ءدىن ساراپشىسى سياقتى ت.ب. قىزمەتتەرگە جىبەرەمىز. جىلدا ءبىتىرىپ شىعاتىن 200-دەن استام تۇلەگىمىزدى قازاقستان ايماقتارىنا بولگەندە جەتپەي دە قالادى. مىسالى، 2017-2018 وقۋ جىلىندا ۋنيۆەرسيتتەتتى ءتامامداعان 207 تۇلەكتىڭ ء182-cى جۇمىسقا ورنالاسىپ، 9 – وقۋىن جالعاستىرعان. ال 2018-2019 وقۋ جىلىندا 214 تۇلەكتىڭ 176 جۇمىسقا ورنالسسا، 12 ستۋدەنت وقۋىن ءارى جالعاستىرعان. ەندى ءوزىڭىز ويلاپ قاراڭىز، وسىنداي كورسەتكىش بەرىپ وتىرعان ۋنيۆەرسيتەتتى «تۇلەكتەرىن جۇمىسپەن قامتي الماي وتىرعان اۋتسايدەر جوو-نىڭ» قاتارىنا جاتقىزا الاسىز با؟

نۇر-مۇباراك ۋنيۆەرسيتەتىنىڭ ەلدەگى ءدىنارالىق تۇراقتىلىق پەن ۇلتارالىق بىرلىككە جانە ەكسترەميزىم مەن تەرروريزمگە قارسى كۇرەستەقانداي ۇلەس قوسۋدا؟

— نۇر-مۇباراك ۋنيۆەرسيتەتىنىڭ وقىتۋشى-پروفەسسورلارى تەك مامان دايارلاۋمەن عانا شەكتەلمەيدى، ەلدەگى ءدىني پروبلەمالارعا قارسى جانە ونىڭ الدىن الۋ جولدارىنا قاتىستى عىلىمي زەرتتەۋلەر، جوبالارمەن اينالىسادى. مىسالى، ۇلتتىق قۇندىلىقتارىمىزدى، تاريح، ءسالت-داستۇرىمىزدى جوققا شىعارعىسى كەلەتىن جات اعىمداردىڭ نەگىزسىز ارگۋمەنتتەرىنە بىردەن ءبىر قارسى ۋنيۆەرسيتەتتىڭ عالىمدار توبى «قازاق قوعامىندا ءدىني سانانى قالىپتاستىرۋدا ماترۋديلىك سەنىم جۇيەسىنىڭ ءرولى مەن ءيسلام-ىشى پليۋراليستىك ديسكۋرس شىعارۋ پەرسپەكتيۆالارى» اتتى عىلىمي جوبامەن اينالىسۋدا.

سونداي-اق ۋنيۆەرسيتەتتىڭ عالىمدارى حالىقارالىق، رەسپۋبليكالىق، ايماقتىق عىلىمي-تاجىريبەلىك كونفەرەنتسيا، فورۋمداردا باياندامالار جاساپ، ماماندارعا ناقتى باعىت-باعدار بەرەتىن تاجىريبەلەرىمەن بولىسۋدە.

ۋنيۆەرسيتەتتىڭ بىرنەشە قىزمەتكەرى الماتى قالاسى قوعامدىق دامۋ باسقارماسىنىڭ «مونيتورينگ جانە تالداۋ» ورتالىعىنىڭ ءاقپاراتتىق-تۇسىندىرۋ توبىنىڭ قۇرامىندا. ولار اي سايىن جوسپارلى تۇردە قالاداعى ءتۇرلى ورتالار مەن جاماعاتتارعا بارىپ تۇراقتى ءدارىس وقىپ تۇرادى. نەگىزگى ماقساتى ءدىني الاۋىزدىقتىڭ الدىن الۋ، ۇلتارالىق، كونفەسسياارالىق تاتۋلىققا بىرىكتىرۋ.

ال رەسپۋبليكا بويىنشا ءبىزدىڭ ماماندار مەن عالىمدار ءتۇرلى سەمينار-ترەنينگتەرگە، جاماعاتتارمەن جۇمىستار بويىنشا دارىستەر وتكىزۋگە شاقىرىرىلىپ جاتادى. بيىل جىل باسىندا پرەزيدەنت قاسىم-جومارت توقاەۆتىڭ تىكەلەي قولداۋىمەن جۇزەگە اسىرىلعان «جۋسان» وپەراتسياسىنىڭ اقتاۋ قالاسىنىڭ ماڭىندا وتكەن وڭالتۋ شارالارىنا دا ءبىزدىڭ ماماندار تىكەلەي ات سالىسىپ، وتانداستارىمىزدى قوعامعا قايتا بەيىمدەۋدە جوعارى ناتيجەلەر كورسەتتى. ايماقتارىنا ورالعاندارمەن قوسىمشا وڭالتۋ شارالارىنا ۋنيۆەرسيتەت ماماندارى تۇراقتى شاقىرىلىپ تۇرادى.

بۇل كۇندەلىكتى ماماندار دايارلاۋمەن قاتار جاسالىپ جاتقان شارۋالار. ال ۋنيۆەرسيتەت جىل سايىن 200-دەن اسا يسلامتانۋشى، ءدىنتانۋشى مامانداردى دايارلاپ، قوعامعا ارالاستىرىپ جاتادى. ءبىزدىڭ تۇلەكتەرگە جۇمىس بەرۋشىلەر الدىن الا كەلىپ كەلىسىم جاسايدى. سۇرانىس ارتىپ جاتقان سوڭ بيىلدان باستاپ «تەولوگ» ماماندارىن دا دايارلاي باستادىق. ەكىنشى ماماندىق رەتىندە تەولوگيانى ەكى جىلدا وقۋعا مۇمكىندىكتەر دە جاسالدى. ۋنيۆەرسيتەت باسشىلىعى عالىمداردىڭ پوتەنتسيالىن پايدالانىپ قاراشا ايىنان باستاپ «يسلام ونلاين اكادەمياسىن» قولعا الدى. بۇل اكادەميادا كەز كەلگەن، اسىرەسە ءدىني ءبىلىمى بار ماماندار بىرنەشە باعىتتا ەكى سەمەستر بويى ونلاين جۇيەسىندە كلاسسيكالىق قاينار كوزدەردەن ءدارىس الا الادى. بۇل قوعامداعى ءدىني ساۋاتتىلىقتى ارتتىرۋدا تاپتىرماس مۇمكىندىك.

مىنە، نۇر-مۇباراك ۋنيۆەرسيتەتى شاعىن بولعانىنا قاراماستان ناردىڭ جۇگىن ارقالاپ، قوعامدى جان-جاقتى ساۋاتتاندىرۋ، بىلىممەن سۋسىنداتۋ ارقىلى ەلدەگى تۇراقتىلىق پەن بىرلىككە، دامۋعا بارىنشا ات سالىسىپ كەلەدى.

اسحات احمەديارۇلى


كەلۋ قاينارى: http://www.elarna.net/koru.php?tur=53&id=1069850

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


مينيستر: اسكەري جانە مە 8 مينوت
گونكونگ ءتارتىپ ساقشىلا 8 مينوت
گەرمانيانىڭ فرانكفۋرت ق 14 مينوت
گولوۆكين - «كانەلو» تري 1 ساعات
سقو-دا ەر ازامات 1974 ج 2 ساعات
باس ءمۇفتي حالىق قاھارم 2 ساعات
سقو-دا ەر ازامات 1974 ج 2 ساعات
فيدجيدە جەر سىلكىندى - 2 ساعات
ازەربايجاندا بايشەشەك ج 2 ساعات
اقش پەن قىتاي اراسىنداع 2 ساعات
وسى ارانى باسىپ كورىڭىز 3 ساعات
الماتىدا ادام ولىمىنە ا 3 ساعات
نۇر-سۇلتاندا كوپ قاباتت 3 ساعات
#Abai175: ەلوردالىق 700 3 ساعات
ماڭعىستاۋ وبلىسىندا كول 3 ساعات
How to bathe your pet c 3 ساعات
وسى ارانى باسىپ كورىڭىز 3 ساعات
ايان بەيسەنباەۆ ترياتلو 3 ساعات
قازاق سپورتشىسى پانكرات 4 ساعات
پنەۆمونيامەن اۋىرماس ءۇ 4 ساعات
Skater champ won’ 4 ساعات
«دالا قىراندارى» تەلەسە 5 ساعات
نۇر-سۇلتانداعى «جاعالاۋ 5 ساعات
قازاق ەلىنىڭ قاجىلىق تا 5 ساعات
رامازان ايىندا وتكىزىلگ 6 ساعات
نۇر-سۇلتانداعى «جاعالاۋ 6 ساعات
ەلوردانىڭ سۋسىز قالعان 6 ساعات
الماتىدا جۇرگىزۋشى كۋال 6 ساعات
اسقازاننىڭ جەدەل قابىنۋ 6 ساعات
ازان داۋىسى تۋرالى شۋ — 6 ساعات