ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-1930271253 %47 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 03:00 - 2019/11/09

استانا قالاي تسيفرلانىپ جاتىر؟ – استانا اقشامى

جاقىندا وتكەن Digital Bridge حالىقارالىق تەحنولوگيالىق فورۋمىنا قاتىسۋشىلار نۇر-سۇلتان قالاسى اكىمدىگىن ۇزدىك تسيفرلاندىرىلعان كەڭسە دەپ تانىدى. شەتەلدىك ماماندار تسيفرلاندىرۋ قاراپايىم حالىقتىڭ مۇددەسىن كوزدەيتىنىن اتاپ كورسەتتى.بۇگىندە جەر-جاھاننىڭ حالقى 7،6 ملرد-قا جەتتى. ولاردىڭ 55 پايىزى قالادا تۇرادى. بۇۇ بولجامىنا سەنسەك، 2050 جىلى الەمدە شاھارعا قونىستانۋشىلاردىڭ ۇلەسى 68 پايىزعا دەيىن وسپەكشى. تۇرعىندارىنىڭ قاراسى قالىڭداعان سايىن قالانىڭ تۇرمىس-تىرشىلىگىندەگى پروبلەمالار دا كوبەيە تۇسەتىنى تۇسىنىكتى. مۇندايدا تىعىرىقتان شىعار جول جالعىز – «اقىلدى قالا» جۇيەسىن قالىپتاستىرۋ.
قازىرگى كەزدە الەمنىڭ 2500 قالاسى «اقىلدى قالا» تۇجىرىمداماسىن جۇزەگە اسىرىپ وتىر. وسى جۇيەگە قازاقستاننان 2 مەگاپوليس ەنگەن: نۇر-سۇلتان مەن الماتى. ەلوردا قالانىڭ جەتىلۋىن باعالايتىن IDC Smart City مودەلى بويىنشا 2018 جىلى 2،48 بالل يەلەندى. ەڭ تسيفرلىق مەملەكەت سانالاتىن سينگاپۋردە بۇل كورسەتكىش 4،4 بالدى كورسەتەدى.
باس قالانىڭ اكىمى ا.كولگىنوۆتىڭ ايتۋىنشا، ادامزاتتىڭ بولاشاعى قالالارمەن بايلانىستى بولماق. قالا ءومىر سۇرۋگە قولايلى جانە ءقاۋىپسىز بولۋى كەرەك. سوندىقتان دا ەلوردادا ەۋروپانىڭ وزىق قالالارىنىڭ تاجىريبەسىنە سۇيەنە وتىرىپ، قاۋىپسىزدىك، لوگيستيكا، دەنساۋلىق ساقتاۋ، ءبىلىم بەرۋ، تكش جانە قوعامدىق قىزمەتتەر ستاندارتتارىنا نەگىزدەلگەن «اقىلدى قالا» تۇجىرىمداماسى ازىرلەنىپ جاتىر.
– ازاماتتاردىڭ ماسەلەلەرىن جەدەل ءارى وڭتايلى شەشۋدىڭ ءبىر جولى – ولاردىڭ مەملەكەتتىك ورگاندارمەن تىعىز قارىم-قاتىناس ورناتۋىندا جاتىر. سول سەبەپتى ەلوردا اكىمدىگى جانىنان قۇرىلعان قالا اكسەلەراتورى شاھار دامۋىنىڭ جۇيەلى جانە ستراتەگيالىق ماسەلەلەرىن شەشۋگە ارنالعان ءبىرىڭعاي الاڭ بولىپ تابىلادى، – دەدى التاي كولگىنوۆ.
اكىم ءوزىنىڭ Instagram پاراقشاسىنا «قازىرگى زاماندا تسيفرلاۋ تۋرالى ەستىمەگەن ادام سيرەك، الەۋمەتتىك جەلىلەر اسەرلى كوممۋنيكاتسيا قۇرالىنا جانە ءوزارا ديالوگ قالىپتاستىراتىن قۋاتتى الاڭعا اينالدى. وسى ارقىلى تۇرعىندار جەدەل اقپاراتتار الىپ وتىرادى. الەۋمەتتىك جەلىلەردىڭ ارقاسىندا قالا تۇرعىندارى مەن قوناقتارى قاي كەزدە دە ماعان تىكەلەي ءوتىنىش ايتا الادى. بارلىق وتىنىشتەرىڭىز بەن ارىز-شاعىمدارىڭىز مىندەتتى تۇردە نازارعا الىناتىن بولادى» دەپ جازدى.
ايتايىق، استانانىڭ «اقىلدى قالا» تۇجىرىمداماسىن جۇزەگە اسىرۋداعى العاشقى اياق الىستارى ناتيجەسىز ەمەس. ماسەلەن، باس قالادا Smart Astana جوباسى بويىنشا مەملەكەتتىك جانە كوممەرتسيالىق 70 ءتۇرلى سەرۆيستەر مەن قىزمەتتەر كورسەتىلەدى. ونىڭ ىشىندە جۇرتتىڭ ەڭ كوپ پايدالاناتىنى – ۇيگە دارىگەر شاقىرتۋ، دارىگەر قابىلداۋىنا جازىلۋ، ايىپپۇلدار مەن اكىمشىلىك زاڭ بۇزۋشىلىقتاردى قاراۋ، ءتۇرلى انىقتامالاردىڭ راستىعىنا كوز جەتكىزۋ، ت. ب. سونداي-اق ءتۇرلى ساۋالنامالار جۇرگىزۋ بارىسىندا تسيفرلاندىرۋ جۇيەسى قولدانىلادى.
ەلوردانىڭ بارلىق مەديتسينالىق ۇيىمدارى تولىقتاي اقپاراتتىق جۇيەمەن قامتىلعان جانە ينتەرنەت جەلىسىنە قوسىلعان. ەمدەۋ مەكەمەلەرىنىڭ 8101 دارىگەرى مەن مەيىربيكەلەرى اقپاراتتىق جۇيەنى پايدالانادى. ەلەكتروندىق فورماتتا 24833 راديولوگيالىق دياگنوستيكالاۋدى زەرتتەۋ جۇرگىزىلدى. 30933 ەلەكتروندىق-ستاتسيونارلىق پاراق شىعارىلدى.
تسيفرلاندىرۋدىڭ ارقاسىندا بيىل 17 مىڭ بالا 1-سىنىپقا ەلەكتروندى جۇيە ارقىلى قابىلداندى. مەكتەپكە دەيىنگى ۇيىمداردىڭ 28 مىڭنان استام ۇسىنىستارى مەن وتىنىشتەرى اۆتوماتتى تۇردە وڭدەلدى. 6 مىڭ وقۋشى كوللەدجدەرگە ءونلاين-وتىنىش ارقىلى قابىلداندى. ءبىلىم سالاسى بويىنشا مەملەكەتتىك قىزمەت كورسەتۋ 3-5 كۇننەن 5-10 مينۋتقا دەيىن قىسقاردى.
نۇر-سۇلتان قالالىق ينۆەستيتسيالار جانە دامۋ باسقارماسىنىڭ باسشىسى الىشەر ءابدىقادىروۆ: «جاڭارتىلعان جۇيەنىڭ جاعىمدى تۇسى تەك بۇل ەمەس. سونداي-اق اتا-انالارعا بالاباقشالار تۋرالى رەيتينگتەردى بىلۋگە كومەكتەسەدى. وسى تۇستا كەز كەلگەن اتا-انا مەكتەپكە دەيىنگى مەكەمە تۋرالى مول ماعلۇماتپەن قامتىلادى. ناتيجەسىندە قايسىسى بالاڭىزعا ىڭعايلى، قايسىسى ىڭعايسىز ەكەنىن بىلە الاسىز» دەيدى.
سونداي-اق Smart Astana جوباسىن جۇزەگە اسىرۋ ارقىلى جول-كولىك وقيعالارىنىڭ سانى 15 پايىزعا كەمىدى. جول اپاتىنان جاراقات العاندار 16 پايىزعا ازايىپ، قازا تاپقاندار 48 پايىزعا تومەندەدى.
اعىمداعى جىلدىڭ قاڭتار ايىندا سارىارقا اۋدانىندا «قاتىسۋ بيۋدجەتى» جوباسى ىسكە قوسىلعان بولاتىن. ول بويىنشا اۋدان تۇرعىندارى اكىمدىكتىڭ 500 ميلليون تەڭگەنى قانداي ىسكە جۇمساۋى كەرەكتىگىن داۋىس بەرۋ ارقىلى انىقتايدى. اكىمدىك ەڭ كوپ داۋىسىن جيناعان جوبانى جۇزەگە اسىرۋعا مىندەتتى.
سونىمەن قاتار Big Data جوباسى قولعا الىنعان. بۇل – جاساندى ينتەللەكت نەگىزىندە ىقتيمال جايتتاردى بولجاۋعا جانە مودەلدەۋگە ارنالعان اقپاراتتاردىڭ ۇلكەن كولەمىن باسقاراتىن جانە تالدايتىن اقپاراتتىق جۇيە. جوبا 100 پايىز قازاقستاندىق ونىمگە قۇرىلعان. قازىرگى كۇنى وسى جۇيە 307 باقىلاۋ نىسانى بويىنشا 104 دەرەككوزىن بىرىكتىرەدى. ءبىلىم بەرۋ سالاسىندا ءبىرىڭعاي تولەم جۇيەسى قالىپتاستىرىلعان. بالالار ءبىر كارتوچكامەن مەكتەپكە كىرەدى جانە اسحانادان تاماقتانۋى مەن قوعامدىق كولىكتە جول ءجۇرۋ اقىسىن تولەي الادى.
ەلورداداعى بارلىق مەكتەپتەر روبوتوتەحنيكا كابينەتتەرىمەن جابدىقتالعان، 36 مەكتەپتە STEM-زەرتحانا بار. بالاباقشالاردا روبوتوتەحنيكانى ۇيرەتەتىن الاڭدار اشىلعان.
2019 جىلدىڭ 1 قاڭتارىنان باستاپ قالادا جەكەمەنشىك بالاباقشالاردا مەملەكەتتىك تاپسىرىستاردى جۇزەگە اسىرۋ اۋدان اكىمدىكتەرىنىڭ قۇزىرىنان ءبىلىم باسقارماسىنا كوشتى. ءاۋىس-تۇيىس كەزىندە قاتىسۋ تابەلىن، باسقا دا قۇجاتتاردى تاپسىرۋ ۇزىن-سونار كەزەك تۋىنداتتى. وسى ماسەلەنى شەشۋ ءۇشىن ەلەكتروندى تابەلدەر ەنگىزىلدى. ءسويتىپ قۇجاتتاردى قولمەن تاسىمالداۋدىڭ كەرەگى بولماي قالدى، اكىمدىككە مەملەكەتتىك تاپسىرىس بويىنشا بەرىلەتىن بارلىق ەسەپ-قيساپ تسيفرلى نۇسقاعا اينالدى.
قورىتىندىلاپ ايتقاندا، الەم وركەنيەتى دامىعان سايىن شارتاراپتىڭ ءارتۇرلى وڭىرلەرىنەن جاڭادان «اقىلدى قالالار» پايدا بولا بەرەتىن بولادى. ال بۇرىنعىلارىنىڭ باسقارۋ جۇيەسى ودان ارمەن جەتىلە بەرمەك. قوعام سالتىنا «اقىلدى» باسقارۋ جۇيەسىن ەنگىزۋ جاڭادان پايدالى رەسۋرستاردىڭ كوزدەرىن اشۋدى جەڭىلدەتە تۇسەدى. سونداي-اق تسيفرلىق مەگاپوليس IT-سەكتورىنىڭ دامۋىنا باعا جەتپەس تابىس اكەلەدى. مۇنداي قالا تۇرعىندارىنىڭ تۇرمىسى جايلانىپ، ءومىر ءسۇرۋ ساپاسى ارتىپ، تالاپ-تىلەكتەرى اتقارۋشى بيلىكتىڭ ۇدايى نازارىندا بولادى. ياعني اتقارۋشى بيلىك پەن قاراپايىم حالىقتىڭ اراسىندا ءوزارا تىعىز بايلانىس ورنايدى. مىنە، مەملەكەتتىڭ ساياسي تۇراقتىلىعى مەن ەكونوميكالىق دامۋدىڭ باستى كەپىلى وسى بولسا كەرەك.


كەلۋ قاينارى: http://www.elarna.net/koru.php?tur=7&id=1069744

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازگيدرومەت: قاراشانىڭ 1 مينوت
中国哈萨克语广播网 4 مينوت
中国哈萨克语广播网 1 ساعات
جامبىل وبلىسى اۋىل شارۋ 1 ساعات
پەتروپاۆلدا قويان-قولتى 2 ساعات
نۇر-سۇلتان مەن مينسك ى 3 ساعات
قازاق سپورتشىسى سۋمودان 3 ساعات
اتىراۋدا «جولدا قابىلدا 3 ساعات
قاتارعا قابىلداندى R 3 ساعات
وسى ارانى باسىپ كورىڭىز 3 ساعات
بالانىڭ ءبارى باقىتتى ب 3 ساعات
ءورت قاۋىپسىزدىگى ̵ 4 ساعات
بيىل وتباسىلارعا بيۋدجە 4 ساعات
بەسىك جىرىنىڭ بالا دەنس 4 ساعات
جاڭا تەحنيكامەن تولىقتى 4 ساعات
قاي جاعىنان دا ءتيىمدى 4 ساعات
قر قارجى ءمينيسترى ءالي 4 ساعات
تۇرعىندار ءوز اۋلالارىن 4 ساعات
كۋبا استاناسىنىڭ نەگىزى 4 ساعات
قر قارجى ءمينيسترى ءالي 5 ساعات
پوليتسيا: رەفورما بىزگ 5 ساعات
ۇلى دالا جايلى كليپ  5 ساعات
حارۋن توكاك | ادەبيەت 5 ساعات
الماتىدا الاياققا الدان 5 ساعات
ەلوردا اكىمدىگى پيك-تەر 5 ساعات
ەلىمىزدەگى ۇكىمەتتىك ەم 5 ساعات
«اباي جولىنىڭ» دەرەگىن 5 ساعات
قازاقستاندىقتار قولدانى 5 ساعات
سامعاپ ۇشقان سۇڭقار ەدى 6 ساعات
شىمكەنتتە جول ازابىن تا 6 ساعات