ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-141757522045 %55 %
2019-11-151990658361 %39 %
2019-11-1625139952 %48 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 14:00 - 2019/11/08

قازاقتىڭ بىرەگەي قوبىزشى مۋزىكانتى جاپپاس قالامباەۆ ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


قازاقتىڭ بىرەگەي قوبىزشى مۋزىكانتى جاپپاس قالامباەۆ

جاپپاس قالامباەۆ – حح عاسىردىڭ قوبىزشى-كومپوزيتورى. 1909 جىلى دۇنيەگە كەلگەن مۋزىكانتتىڭ تۋعانىنا بيىل 110 جىل تولدى. سوعان بايلانىستىورتالىق مەملەكەتتىك ارحيۆتىڭجەكە تەكتىك ارحيۆتەرمەن جانە تاريحي-قۇجاتتىق توپتامالارمەنجۇمىس جاساۋ ءبولىمىنىڭ ارحيۆيسىگۇلناز راحمەت دايىنداعان مالىمەتتەردى ۇسىنامىز.

ەجەلدەن وزىندىك تەرەڭ تاريحى بار قوبىز اسپابى عاسىردان عاسىرعا قوبىزشى-كۇيشىلەر ارقىلى بىزگە جەتىپ، قازىرگى كۇندەرى كاسىبي مامانداردىڭ كەڭىنەن قولدانىپ جۇرگەندەرىن كورىپ ءجۇرمىز. قوبىزدىڭ دومبىرادان ايىرماشىلىعى جايىندا حح عاسىردىڭ بەلگىلى كومپوزيتورلارىنىڭ ءبىرى لاتيف ءحاميديدىڭ پىكىرىنشە: ء"بىراق، وكتيابر رەۆوليۋتسياسىنا دەيىن، ءالى وسى كۇندە دە قوبىزدا، اسىرەسە قىل-قوبىزدا ويناۋشىلار وتە سيرەك كەزدەسەدى. ونىڭ سەبەبى – دومبىراعا قاراعاندا، قوبىزدا ويناۋ تەحنيكاسى قيىنعا سوعادى" دەپ ايتقانى بار. مۇنداي اسپاپتى شەبەر تارتقان، وعان قوسا كۇيلەر شىعارعان جاپپاس قالامباەۆتىڭ شىعارماشىلىعىن ايقىندايتىن قۇجاتتاردىڭ ارحيۆتە ساقتالعاندىعىن جاريالاۋ ونەر يەسىنىڭ تاريحى ءۇشىن ماڭىزدى بولىپ تابىلادى. بولاشاق كومپوزيتور جاپپاس قالامباەۆ ءوزىنىڭ ءومىربايانىندا 1909 جىلى قاڭتاردىڭ 1-كۇنى وڭتۇستىك قازاقستان وبلىسى سوزاق اۋدانى، قىزىل-تۋ سوۆحوزىنداعى شارۋا وتباسىندا دۇنيەگە كەلىپ، 4 كلاسس بىتىرگەندىگىن، 1929 جىلدان باستاپ ەكى جىل بويى سوۆحوزدا حاتشى، 1931 جىلى دەنساۋلىق ساقتاۋ سالاسىندا ەڭبەك ەتىپ، 1932 جىلى شاۋىلدىردەگى مادەنيەت ءۇيىنىڭ كلۋب مەڭگەرۋشىسى بولعاندىعىن، شىمكەنت قالاسىنداعى ءبىر جىلدىق مۇعالىمدىك كۋرستى 1934 جىلى ءبىتىرىپ، الماتىعا كەلىپ ونەرپازداردىڭ رەسپۋبليكالىق ءبىرىنشى سلەتىندە قازاق كسر-ى جوعارعى كەڭەسىنىڭ گراموتاسىمەن ماراپاتتالعاندىعىن، سول جىلى الماتى مۋزىكالىق ۋچيليششەنىڭ ۇلتتىق وركەسترىنە مۋزىكانت بولىپ قابىلدانعاندىعىن، 1935 جىلى سوليست-قوبىزشى رەتىندە ورنالاسقاندىعىن بايانداعان.

قوبىزشىنىڭ قىزى جاڭىل قالامباەۆانىڭ ايتۋىنشا: "جاستايىنان جەتىمدىك تاۋقىمەتىن كوپ كورىپ وسكەندىكتەن بولار ادام بالاسىنا جامانشىلىق ويلامايتىن. ءىنىسى جارىلقاسىن ەكەۋى تۇركىستانداعى جەتىم بالالار ۇيىندە تاربيەلەنەدى. جاڭاشا ءبىلىم الادى. بالالار ءۇيى جابىلىپ قالعان سوڭ سوزاققا كەلىپ، "قىزىل وتاۋعا" مۇشە بولىپ كىرەدى. ول كەزدە مامان كادرلار تاپشى بولعاندىقتان مەكتەپتە بالا وقىتقان كەزدەرى دە بولعان ەكەن" دەپ اكەسى تۋرالى سىر شەرتەدى.

ارحيۆ دەرەكتەرىنە سۇيەنسەك، ول 1939 جىلى قازاننىڭ 1-17 كۇندەرى ماسكەۋ قالاسىندا وتكەن كونكۋرستا ماقتاۋ قاعازىن الىپتى. كونكۋرس "ۆسەسويۋزنىي سموتر يسپولنيتەلەي نا نارودنىح ينسترۋمەنتاح" دەپ اتالدى جانە ونى كسرو حالىق كوميسسارلار كەڭەسى جانىنداعى ونەر ءىسى جونىندەگى كوميتەتى ۇيىمداستىردى. ارادا ءبىر جىل وتكەن سوڭ ج. قالامباەۆتىڭ مۋزىكالىق قورعا مۇشە بولىپ قابىلداۋىنا بەرگەن ءوتىنىشى 1940 جىلى ءساۋىردىڭ 25-كۇنى ا. جۇبانوۆ، ل. حاميدي، م. ەرجانوۆ جانە 2 ادامنىڭ قاتىسۋىمەن قازاقستان كومپوزيتورلار وداعىنىڭ ۇيىمداستىرۋ كوميتەتىنىڭ وتىرىسىندا قارالىپ، ول كومپوزيتور-ەتنوگراف بولىپ قابىلدانادى. سول جىلى قازاننىڭ 24-كۇنى ۇلتتىق وركەستردەگى جالپى جينالىستىڭ شەشىمى نەگىزىندە تۇڭعىش قوبىزشى بولىپ بەكىتىلەدى، 1946 جىلى قىركۇيەكتىڭ 15-كۇنى كونتسەرتمەيستر قىزمەتىنە اۋىستىرىلادى.

جىلدار بويى فيلارمونيانىڭ شىعارماشىلىق سوليستەرى مەن ۇجىمدارىنىڭ قاتىسۋىمەن ايتۋلى مەرەكەلىك كونتسەرتتەر تولاسسىز ۇيىمداستىرىلىپ تۇردى. بۇل كونتسەرتتەر ۇلتتىق ناقىشتاعى ونەردىڭ ءوسۋىن كورسەتىپ وتىردى. ونەر سالاسىندا ەڭبەك ەتكەن ج. قالامباەۆ قازاقستان قالالارىنىڭ مادەني ورىندارداعى مەرەكەلىك ءىس-شارالارعا ۇنەمى اتسالىسىپ جۇرگەن بولاتىن. اتاپ ايتساق، فيلارمونيادا وتكەن جابىق كونتسەرتتە، فيلارمونيانىڭ ون كۇندىك مەرەكەلىك اشىق كونتسەرتىندە، 28 گۆارديالى- پانفيلوۆشىلار ساياباقتارىندا، "تسەس" پەن "تەمىرجولشىلار" كلۋبتارىندا، قالالىق ەمحانادا، "مەدەو، "كارگالينكا، "قازاق كسر-نا 10 جىل" دەگەن دەمالىس ۇيلەرىندە، قازاق پەداگوگيكالىق ينستيتۋتىندا، پارتيالىق مەكتەپتە، "الما-اراسان" شيپاجايىندا، "كارگالينسك شۇعا" كومبيناتىندا، گوركي اتىنداعى مادەنيەت جانە دەمالىس ساياباعىندا، مادەنيەت ۇيلەرىندە، جازدىق تەاتردا، "قازاق سوۆەت كۇيلەرى مەن اندەرى"، "حالىق مۋزىكالىق اسپاپتارى"، "قازاق مۋزىكاسىنىڭ مادەنيەتىنە 40 جىل"، "قازاقستان كومپوزيتورلارى"، "قازاحكونتسەرت" زالىنداعى "قازاق مۋزىكاسى مەن اندەرىنىڭ كەشىندە" جانە زووۆەتەرينارلىق ينستيتۋتىندا وتكەن "مۋزىكانى قالاي تۇسىنەمىز" دەگەن لەكتسيا-كونتسەرتتەردە، "قازاقتىڭ حالىق اندەرى مەن كۇيلەرى" كونتسەرتىندە، قازاق كسر-ىنىڭ جوعارعى جانە جەرگىلىكتى ەڭبەكشى دەپۋتاتتارىنىڭ كەڭەسىن سايلاۋ كەزەڭىندە اقمولا، كوكشەتاۋ جانە سولتۇستىك قازاقستان وبلىستارىنا، قازاق كسر-نىڭ اۋىل-شارۋاشىلىق ەڭبەكشىلەرى مەن ەڭبەككەرلەرىنە ارنايى، باتىس-قازاقستان، وڭتۇستىك قازاقستان، سولتۇستىك قازاقستان، شىعىس-قازاقستان وبلىستارىن ارالاپ، كولحوز-سوۆحوزداردا، كلۋبتارىندا، پەتروپاۆلوۆسك قالاسىنداعى تسيرك عيماراتى مەن تەلەديدار ستۋدياسىندا، شەلەك اۋدانىندا وتكەن شوپانداردىڭ سلەتىندە ت.ب. جەرلەردە جىل سايىن ونەر كورسەتتى. ول ارنايى ۇيىمداسقان بريگادالارمەن دە، جەتەكشى سوليستەرمەن جانە قۇرمانعازى اتىنداعى قازاق مەملەكەتتىك حالىق اسپاپتارى وركەسترىمەن بىرگە قازاقستان قالالارى مەن وبلىستارىن گاسترولدىك ساپارمەن ارالاعان كەزدەرىنە قاتىستى جانە جەكە ورىنداۋشى بولعان ساتتەرگە بايلانىستى دەرەكتەر ءجيى ۇشىراسادى. مىسالى: بريگادالارمەن "الماتى-سارىوزەك" جولدارى مەن "قاراتالقۇرىلىس" ءجۇرىپ جاتقان جەرلەرگە (1940 جىلى)، قازاق كسر-ىنىڭ 25 جىلدىعىنا ارنالعان ج. ەلەبەكوۆ پەن د. نۇرپەيسوۆانىڭ كەشتەرىندە (1945ج.)، قازاق كسر-ىنىڭ ءوندىرىس ورتالىقتارى مەن كوكتەمگى-ەگىس ناۋقاندارىنا بارعان كانافيەۆا (1943ج.)، جارىلعاسىنوۆ (1945ج.)، احمەتوۆ (1947ج.)، ن. ابيشەۆ (1953ج.)، ا. ابيشەۆا، س. ابۋسەيتوۆا (1965ج.) كونتسەرتتەرىنە، ج. وماروۆانىڭ انسابلىمەن (1946، 1967جج.)، فيلارمونيادا وتكەن ر. باعلانوۆانىڭ (1953ج.)، جانە تەلەارنادا وتكەن قازاق مەملەكەتتىك كاپەللانىڭ كونتسەرتىنە (1964ج.) قاتىناستى.

ج. قالامباەۆ بريگاداسىن ەرتىپ كوكتەمگى-ەگىستى ورىپ-جيناۋ ناۋقانى كەزىندە سەلو مەن اۋىلدارعا، سەمەي (1947ج.)، قىزىلوردا، اقتوبە وبلىستارىنا (1948ج.)، الماتى وبلىسىنىڭ ىلە اۋدانىنا حالىق تورەشىسىن سايلاۋ دايىندىعى كەزىندە (1948 جىلى جەلتوقساننىڭ 20-كۇنى 1949 جىلى قاڭتاردىڭ 5-دەيىنگى ارالىق)، كوكشەتاۋ، اقمولا وبلىستارىنداعى (1960ج.) تىڭ يگەرۋشى كولحوزدار مەن سوۆحوزداردىڭ ەڭبەككەرلەرىنە ارناپ كونتسەرتتەر قويعان. سونىمەن قاتار الماتى وبلىسىنىڭ چاپاەۆ كولحوزىنا (1963ج.) بارعان ساپارىندا كوركەمدىك جەتەكشى بولعان ج. قالامباەۆ كۋمەكوۆ، سيحيمباەۆ، شاريپوۆ، داۋلەتباەۆا، نيازباەۆ، شيشوۆ بارلىعى بىرگە انسامبل بولىپ "بي كۇيى"، "سىلقىلداق"، "اداي"، "قوسالقا /2-نۇسقا/" ت.ب. كۇيلەردى ورىنداعان جانە دە ءبىر ايعا وڭتۇستىك قازاقستانعا (1964ج. ماۋسىم، شىلدە)، ءۇش ايعا جامبىل مەن شىمكەنت وبلىستارىنا (1968ج.) بارىپ قايتقان.

اتالمىش كەشتەرگە قاتىسقان كورەرمەندەر تاراپىنان العىستارىن جازىپ قالدىرعاندارى بولدى. ول جونىندە دە قۇجاتتار بار. مىسالى: 1942 جىلى قاڭتاردىڭ 14-ىنەن اقپاننىڭ 10-نا دەيىن مەركە اۋدانى ورتالىعىنىڭ ەڭبەكشىلەرىنە، 25 كولحوز بەن 1 سوۆحوزعا بارلىعى 6842 كورەرمەندەرگە 27 كونتسەرت قويدى. كوپشىلىك بۇل كەشتەردى جوعارى كوركەمدىك دارەجەدە وتكەندىگىن، ريزاشىلىعىن ءبىلدىرىپ ورىنداۋشىلار اراسىنان ج. قالامباەۆتىڭ ت.ب. ەسىمىن ەرەكشە اتاپ، بريگادا ۇجىمىنا العىستارىن بىلدىرگەن. كەلەسى قۇجات پارتيالىق بيۋرونىڭ حاتشىسى تاشمەتوۆتىڭ جازعان انىقتاماسىندا: "1942 جىلى قاڭتاردىڭ ء23-ى كۇنى فيلارمونيانىڭ بريگادالارى كەشكى ساعات 22:00-دەن 24:00-گە دەيىن ياعني ءتۇن جارىمعا دەيىن، 2 جارىم ساعات بويى قوستوعان كولحوزىنىڭ كلۋبىندا 359-551 ادام كەشتى تاماشالاپ، سول كەزدە ورىنداعان ج. قالامباەۆتىڭ "اققۋ اتقان" كۇيى جايىندا مالىمدەگەن".

ج. قالامباەۆ قازاقتىڭ قۇرمانعازى اتىنداعى مەملەكەتتىك حالىق اسپاپتارى وركەسترىمەن بىرگە شەت ەلدەرگە شىعىپ قازاق ونەرىن تانىتتى. وركەستر 2 رەت قىتاي حالىق رەسپۋبليكاسىندا بولعان، العاش 1950 جىلى (قاراشا-جەلتوقسان)، كەيىننەن ەكىنشى رەت 1957 جىلى ء(ساۋىر، ماۋسىم)، ماسكەۋ قالاسىنا (1954 جىلى قىركۇيەك، قازان)، ۆەنگر حالىق رەسپۋبليكاسىنا (1956 جىلى قازان ايىندا) جانە دە زاكاۆكازيا، ۋكراينا (1960ج.) ەلدەرىنىڭ قالالارىنا دا ءساتتى بارىپ كەلگەن.

جالپى وركەستردىڭ شەت مەملەكەتتەرگە بارعاندىعى جايىندا باسپا بەتتەرىندە ۋاقتىلى اقپاراتتار مەن ماقالالار جاريالانىپ تۇردى. سولاردىڭ ءبىرى 1960 جىلى "دزەرجينەتس" گازەتىندە جارىق كورگەن م. نوۆيكوۆ پەن گ. نوۆيكوۆالار "كونتسەرت كازاحسكيح ءارتيستىۆ" اتتى ماقالاسىندا (دنەپرودزەرجينسك قالاسىندا) وركەستر جونىندە جانە ج. قالامباەۆتى ت.ب. ارتىستەردى حالىقتىڭ ەرەكشە ىقلاسپەن جاقسى قابىلداعاندىعى تۋرالى جازعان.

"دالا ەركەسى"، مۋزىكاسىن جازعان – ج. قالامباەۆ
قر وما، 1757 قور.

"تۋعان قازاقستانىم"، مۋزىكاسىن جازعان – ج. قالامباەۆ
قر وما، 1757 قور.

ج. قالامباەۆ شىعارماشىلىق جۇمىستارمەن دە ون بەس كۇنگە وڭتۇستىك قازاقستان وبلىسىنىڭ سوزاق اۋدانىنا ساپارعا جول جۇرگەن ەكەن. بۇل جولى كومپوزيتور ىقلاستىڭ قوبىز پارتياسىنا قاجەتتى مالىمەت جيناۋ ءۇشىن بارىپ كەلگەن (1944 جىل قاراشا، جەلتوقسان). تاعى ءبىر دەرەك قوبىزشىنىڭ ۇلكەن قىزى دينا جاپپاسقىزى نۇرعاليەۆانىڭ ەستەلىگىنەن ءۇزىندى كەلتىردىك: "كوپتەگەن كۇيلەر شىعاردى، ءان دە جازدى. ءبىراز كۇيلەرىن ءوز اتىنان ەمەس تانىمال حالىق كومپوزيتورلارىنىڭ اتىنان جازدىرعان كەزدەرى دە ۇشىراستى. كوپتەگەن حالىق كومپوزيتورلارىنىڭ كۇيلەرىن نوتاعا ءتۇسىردى. سۇگىردىڭ كۇيلەرىن نوتاعا تۇسىرگەندە اكەمنىڭ قاسىندا بولدىم. 1951 جىلى اكەمە ەرىپ سوزاققا بارعاندا سۇگىر كۇيشىنى ءوز كوزىممەن كوردىم. تۇرىكمەنستاننان كەلگەن مۇرات دەگەن كىسىنىڭ ەكى كۇيىن نوتاعا تۇسىرگەنى دە ەسىمدە".

كونتسەرتتەردە قازاقستاندىق، كلاسسيكالىق كەڭەستىك جانە حالىق كومپوزيتورلارىنىڭ سونىمەن قوسا اقىنداردىڭ دا شىعارمالارى ورىندالدى. ج. قالامباەۆ قوبىزشى، ءارى كومپوزيتور بولعاندىقتان جەكە شىعارعان وزگە اۆتورلارمەن بىرگە جازعان درامالىق جانە مۋزىكالىق-درامالىق، ەسترادالىق تۋىندىلارى بولدى جانە ساحنادا جەكە ورىنداعان باسقا اۆتورلاردىڭ شىعارمالارىن تومەندە كەلتىردىك: «نارتاي» ءانى، "گاككۋ" (ەكىنشى نۇسقا)، "قۇلىنشاق"، "ىقىلاس"، "كەڭەس"، "بالبىراۋن"، "قاراتورعاي"، "قىزىل-بيداي"، "كاستەر"، "سۇلۋ قىز" جانە "قىزىل فلوت" جانە "رودنوي كراي"، "جيىرما بەس"، ج. جاباەۆتىڭ سوزىنە جازىلعان ء"ستاليندى تىڭدادىم"/"يا سلۋشال ستالينا"/، تاتتىمبەتتىڭ "سار جايلاۋ"، ساتماگامبەتتىڭ "قاناتتالدى" (كەيبىر قۇجاتتاردا قازاقتىڭ حالىق ءانى دەگەن)، كارىمباەۆتىڭ "كوكتەم"، ابايدىڭ "كوزىمنىڭ قاراسى"، شاشۋبايدىڭ "اققايىڭ"، قازاقتىڭ حالىق اندەرى "قارعا"، "عايني"، "شىنار-اي"، "باياناۋىلدى" ورىنداعان.

ج. قالامباەۆتىڭ شىعارمالارىن وزىنەن باسقا فيلارمونيا سوليستەرى دە ورىندادى. "كەڭ ولكە" ءانىن 1941 جىلى وركەسترمەن بىرگە جازعى گاسترولدىك ساپارىندا سوليست ج. احمەتوۆا ورىنداسا، ءدال وسى ءاندى سوليست ۋكەجانوۆا №1 بريگادامەن الماتى مەن سەمەي وبلىستارىنا بارعان كەزىندە ورىنداعان ەكەن.

نەگىزىنەن شىعارمالار ساحنادا ورىندالار الدىندا كوركەمدىك كەڭەستىڭ باقىلاۋىنان ءوتىپ وتىردى. مۇنداي دەرەكتەردىڭ بىرنەشەۋىن كەلتىرۋگە بولادى. مىسالى، ج. قالامباەۆتىڭ ءوزى جازعان 20 قازاق كۇيلەرىنىڭ جازبالارى 1950 جىلى قىركۇيەكتىڭ 23-كۇنى وتكەن جينالىستا كەڭەس مۇشەلەرى بولعان ق. بايسەيتوۆ، شارگورودسكي جانە ب. بايقاداموۆ بارلىعى ءبىراۋىزدان قابىلدانعاندىعىن ايتقان. كەلەسى ءبىر حاتتامادا ونىڭ كەيبىر شىعارمالارىنا ايتىلعان سىن-پىكىرلەردى بايقاۋعا بولادى. 1954 جىلى قاڭتاردىڭ 23-كۇنى ۆ. تاتاەۆ، ج. ەلەبەكوۆ ت.ب. 15 ادامنىڭ قاتىسۋىمەن جاڭا اندەرىن قابىلداۋ تۋرالى وتىرىستا س. ماۋلەنوۆتىڭ سوزىنە جازىلعان ج. قالامباەۆتىڭ "پادتسيا. /قانشايىم/" اتتى ءانى ءۇ. تۇردىقۇلوۆانىڭ ورىنداۋىندا تىڭدالىپ قابىلدانادى، ءبىراق، اۆتورعا فاكتۋراسىن وڭدەگەن سوڭ ءانشىنىڭ رەپەرتۋارىنا قوسۋدى ۇسىنادى. تاعى ءبىر قۇجاتتا قۇرمانعازى اتىنداعى وركەسترگە ارنالعان "ۆالس"، "ەڭبەك مارشى" دەگەن شىعارمالارى 1965 جىلى30ناۋرىز كۇنى قازاق كسر-ىنىڭ مادەنيەت مينيسترلىگىنىڭ رەپەرتۋارلار كەڭەسىنىڭ وتىرىسىنا قاتىسقان ە. راحماديەۆ، مۇحامەدجانوۆ، ش. قاجعاليەۆ ت.ب. 6 ادام تىڭداپ، العاشقىسى جەكە داۋىسقا ارنالعاندىعىن ايتىپ، ەكىنشىسىن قابىلدايدى. مۇنداي تالداۋلاردىڭ، سىنداردىڭ، ۇسىنىستاردىڭ بىلىكتى ماماندار تاراپىنان ايتىلۋىنان قازاق اندەرى مەن كۇيلەرىنىڭ ت.ب. مۋزىكالىق تۋىندىلاردىڭ ساپاسى ارتا تۇسەتىنى انىق.

ج. قالامباەۆتىڭ شىعارمالارىنىڭ ءتىزىمى
قر وما، 1757 قور.

جالپى كونتسەرتتەردى الدىن-الا راديودان حابارلاپ وتىرعان. وسىنداي حابارلاندىرۋدىڭ ءبىرىن فيلارمونيانىڭ باس اكىمشىلىگى لەۆتىڭ 1951 جىلى ءساۋىردىڭ 4-كۇنى قازاق راديوسىنا جولداعان حاتىنان كورۋگە بولادى. وندا بىلاي: ء"ساۋىردىڭ 7-كۇنى قازاقستاننىڭ حالىق ارتىستەرى مەن ەڭبەك سىڭىرگەن ارتىستەرىنىڭ جانە جاس ورىنداۋشىلاردىڭ شىعارماشىلىق كەشى بولادى. جاستارعا ارنالعان كەشتە ۇرمەلى وركەستر، ۆيكتورينالار، كوپشىلىككە ارنالعان ويىندار وينالىپ، كونتسەرتتى تاماشالاۋعا بولادى. كەشكە ج. قالامباەۆ ت.ب. بەلگىلى ارتىستەر قاتىسادى" دەپ بايانداعان.

1966 جىلدىڭ مامىر ايىنان باستاپ ج. قالامباەۆ ۇزاق جىلدار جەمىستى قىزمەت ەتكەن قازاقتىڭ قۇرمانعازى اتىنداعى مەملەكەتتىك ۇلتتىق اسپاپتارى وركەسترىنەن "قازاقكونتسەرتكە" جۇمىسىن اۋىستىرادى. ول 1967 جىلدان باستاپ ەكى جىل كونسەرۆاتوريادا ءدارىس وقىعان. كسرو جانە قازاقستاننىڭ حالىق ءارتىسى، مەملەكەتتىك سىيلىقتىڭ يەگەرى، پروفەسسور ەركەعالي راحماديەۆتىڭ ايتۋىنشا: "1967 جىلى كونسەرۆاتورياعا رەكتور بولىپ كەلگەندە قىلقوبىزدى وركەستردەن شىعارىپ تاستاعاندا جاپپەكەڭدى وسى وقۋ ورنىنان قىلقوبىز كلاسىن اشىپ، جەتەكشىلىك ەتۋگە شاقىردىم" دەگەن. بۇل ۇسىنىستى ج. قالامباەۆ قۋانا قابىلدايدى. سەبەبى، قوبىز كلاسىنىڭ اشىلۋى ونىڭ ارمان-ماقساتتارىنىڭ ءبىرى ەدى. ءبىراق، كوپ ۇزاماي 1969 جىلى جەلتوقساننىڭ 12-كۇنى ج. قالامباەۆ قايتىس بولادى.

ايتسەدە كوزى تىرىسىندە ج. قالامباەۆتىڭ ەسىمى قازاقستان رەسپۋبليكاسىنان باسقا شەت مەملەكەتتەرگە كەڭىنەن تانىلدى. ونىڭ شىعارماشىلىق ۇيىمداستىرۋ قابىلەتى اسىرەسە وزبەك حالقىنىڭ سۇرانىسىنا يە بولعان ەكەن. سوندىقتان بولار 1967 جىلى قاڭتاردىڭ 27-كۇنى وزبەك كسر مادەنيەت مينيسترلىگىنىڭ سىرداريا وبلىستىق مادەنيەت باسقارماسىنىڭ باسشىسى ح. اپاەۆ قازاقكونتسەرت ديرەكتورى چەرنىشوۆقا حات جولدايدى. حاتتا: "سىزدەن، قازاق كسر-ىنىڭ ەڭبەك سىڭىرگەن ونەر قايراتكەرى ج. قالامباەۆتى وزبەك كسر-ىنىڭ سىرداريا وبلىسىنا اقپان ايىنىڭ 1-ىنەن ءساۋىر ايىنىڭ 1-ىنە دەيىن كەڭەس ۇكىمەتىنىڭ 50 جىلدىعىنا ارنالعان ونەر فەستيۆالىنە قاتىسۋشى كوركەمونەرپاز ۇجىمىنىڭ دايىندىعىنا شىعارماشىلىق كومەك بەرۋ ءۇشىن ەكى ايعا جىبەرۋىڭىزدى سۇرايمىز" دەپ ءوتىنىش ءبىلدىرىپتى. وكىنىشكە وراي، بۇل حاتتا ايتىلعانداي ج. قالامباەۆتىڭ اقپان- ءساۋىر ايلارىندا بارعاندىعى جايىندا قۇجات تابىلمادى. ءبىراق، وسى جىلى ارتىستەر بريگاداسىمەن ونەر كورسەتۋ ءۇشىن قازاننىڭ 20-نان جەلتوقساننىڭ 25-نە دەيىن جامبىل، شىمكەنت وبلىستارىنا جانە وزبەك كسر-ىنە جىبەرىلگەندىگى جونىندە قۇجاتتىڭ بارى انىق.

وزبەك كسر مادەنيەت مينيسترلىگىنىڭ سىرداريا وبلىستىق مادەنيەت باسقارماسىنىڭ باسشىسى ح. اپاەۆتىڭ "قازاقكونتسەرت" ديرەكتورى چەرنىشوۆقا جولداعان حاتى، 1967 جىل
قر وما، 1990 قور.

كۇيشى-قوبىزشى، كومپوزيتور جاپپاس قالامباەۆتىڭ قازاق ونەرىنە سىڭىرگەن ەڭبەگى مەملەكەت تاراپىنان باعالانىپ، 1944 جىلى تامىزدىڭ 7-كۇنى قازاق كسر-ىنىڭ جوعارعى كەڭەسى پرەزيديۋمىنىڭ ءتوراعاسى ا. قازاقپاەۆتىڭ جارلىعى بويىنشا جامبىل اتىنداعى قازاق مەملەكەتتىك فيلارمونياسى جانىنداعى قازاقتىڭ حالىق مۋزىكا اسپاپتارى وركەسترىنىڭ شىعارماشىلىق جۇمىسىنىڭ 10 جىلدىعىنا وراي جانە قازاقتىڭ ان-كۇي كوركەم ونەرىن دامىتۋداعى ەڭبەگى ءۇشىن ج. قالامباەۆقا "قازاق كسر-نىڭ ەڭبەك سىڭىرگەن ونەر قايراتكەرى" اتاعى بەرىلىپ جانە 1945 جىلدىڭ قاراشا ايىندا قازاق كسر 25 جىلدىعىنىڭ قۇرمەتىنە وراي سوتسياليستىك قۇرىلىسقا بەلسەنە قاتىسقانى ءۇشىن گراموتا تابىستالدى، 1946 جىلى مامىر ايىنىڭ 16-كۇنى كسرو جوعارعى كەڭەسى پرەزيديۋمىنىڭ ءتوراعاسى ن.م. شۆەرنيكتىڭ جارلىعىمەن "1941-1945 جىلدارداعى ۇلى وتان سوعىسىنداعى ەرلىك ەڭبەگى ءۇشىن" مەدالى، 1949 جىلى ماۋسىمنىڭ 9-كۇنى قازاق كسر جوعارعى كەڭەسى پرەزيديۋىنىڭ ءتوراعاسى د. كەريمباەۆتىڭ جارلىعى بويىنشا قازاقستان ونەرىن وركەندەتۋ ىسىندەگى زور تابىستارى ءۇشىن جانە ماسكەۋدەگى قازاق ادەبيەتىنىڭ ونكۇندىگى كەزىندە كونتسەرتتەردە كورسەتكەن جوعارى دارەجەلى كوركەمدىك شەبەرلىگى ءۇشىن، 1954 جىلى جەلتوقساننىڭ 3-كۇنى قازاق كسر جوعارعى كەڭەسى پرەزيديۋمىنىڭ ءتوراعاسى ن. وڭداسىنوۆتىڭ جارلىعىمەن قازاقتىڭ قۇرمانعازى اتىنداعى مەملەكەتتىك حالىق اسپاپتارى وركەسترىنىڭ جيىرما جىلدىعى قارساڭىندا جانە قازاقستاننىڭ كەڭەستىك مۋزىكالىق مادەنيەتىن وركەندەتۋدە قولجەتكەن تابىستارى ءۇشىن، 1955 جىلى جەلتوقساننىڭ 10-كۇنى قازاق كسر جوعارعى كەڭەسى پرەزيديۋمىنىڭ ءتوراعاسى ج. تاشەنوۆتىڭ جارلىعى بويىنشا قازاقتىڭ جامبىل اتىنداعى مەملەكەتتىك فيلارمونياسىنىڭ 20 جىلدىعىنا بايلانىستى جانە قازاقستاننىڭ مۋزىكا مادەنيەتىن دامىتۋعا بەلسەنە قاتىسقانى ءۇشىن، 1957 جىلى قازاق مادەنيەت ءمينيسترى ا. كاناپيننىڭ جانە مادەنيەت قىزمەتكەرلەرى كاسىپشىلىك وداعىنىڭ رەسپۋبليكالىق كوميتەتى ءتوراعاسىنىڭ بۇيرىعىمەن ۇلى وكتيابر سوتسياليستىك رەۆوليۋتسياسىنىڭ 40 جىلدىعى كەزىندە وتە جاقسى قىزمەتى ءۇشىن قۇرمەت گراموتالارىمەن، 1959 جىلى قاڭتاردىڭ 17-كۇنى كسرو جوعارعى كەڭەسى پرەزيديۋمىنىڭ ءتوراعاسى ج. تاشەنوۆتىڭ جارلىعى بويىنشا ج. قالامباەۆ "ەڭبەك قىزىل تۋ" وردەنىمەن ماراپاتتالدى. 1963 جىلى پارتيالىق كوميتەتتىڭ قىزىلتۋ وندىرىستىك باسقارماسىنىڭ حاتشىسى ۆ. وكۋنەۆتىڭ جانە ەڭبەكشى دەپۋتاتتارىنىڭ اۋداندىق سەلولىق كەڭەستىڭ اتقارۋ كوميتەتىنىڭ ءتوراعاسى ا. ابيلماجينوۆتىڭ شەشىمى بويىنشا ج. قالامباەۆقا اۋداندىق ەڭبەككەرلەر الدىندا ونەر كورسەتكەنى ءۇشىن، 1964 جىلى ءساۋىردىڭ 30-كۇنى ەڭبەكشى دەپۋتاتتارىنىڭ اقتوبە وبلىسىنىڭ سەلولىق كەڭەستىڭ اتقارۋ كوميتەتى مەن ەڭبەكشى دەپۋتاتتارى وبلىسىنىڭ سەلولىق كەڭەستىڭ اتقارۋ كوميتەتى ءتوراسىنىڭ ورىنباسارى ب. جولمىرزاەۆتىڭ جانە حاتشىسى ش. قارسىباەۆتىڭ شەشىمى بويىنشا وبلىس ەڭبەككەرلەرىنە كورسەتكەن مادەني شارالارعا بەلسەندى قاتىناسقانىنا، ورىنداۋشىلىق شەبەرلىگىنە، 1965 جىلى قازاقستان كاسىپشىلەر وداقتارىنىڭ رەسپۋبليكالىق كەڭەسىنىڭ ءتوراعاسى س. پولىمبەتوۆتىڭ قازاقتىڭ قۇرمانعازى اتىنداعى مەملەكەتتىك ۇلتتىق اسپاپتار وركەسترىنىڭ 30 جىلدىعىنا ورايلاستىرىپ، ونى قۇرۋعا، جەتىلدىرۋگە ەلەۋلى ەڭبەك سىڭىرگەنى ءۇشىن گراموتالار بەرىلگەن. 1967 جىلى قازاننىڭ 25- كۇنى كسرو مادەنيەت ءمينيسترى ە. فۋرتسەۆتىڭ بۇيرىعىمەن ج. قالامباەۆقا «ۇزدىك قىزمەتى ءۇشىن» بەلگىسى، سونىمەن قوسا چەچەن-ينگۋش اسسر-نىڭ مادەنيەت ءمينيسترى ۆ. تاتاەۆتىڭ بۇيرىعىمەن شىعارماشىلىق تابىستارداعى جەتىستىگى ءۇشىن قۇرمەت گراموتاسى بەرىلدى.

قازاق كسر-نىڭ جوعارعى كەڭەسى پرەزيديۋمىنىڭ ءتوراعاسى ا. قازاقپاەۆتىڭ جارلىعىمەن ج. قالامباەۆقا بەرىلگەن "قازاق كسر-نىڭ كوركەم ونەرىنە ەڭبەگى سىڭگەن قايراتكەر" كۋالىگى، 1944 جىل
قر وما، 1757 قور.

قۇرمانعازى اتىنداعى قازاق مەملەكەتتىك حالىق اسپاپتارى وركەسترىنىڭ ارتىستەرى ج. قالامباەۆ، ق. جانتلەۋوۆ، ا. تەمىربەكوۆتىڭ قۇجاتتارىنان قۇرىلعان توپتاما قورى قازاقستان رەسپۋبليكاسىنىڭ ورتالىق مەملەكەتتىك ارحيۆىندە ساقتالۋدا. بۇل توپتامالار قورىنا 1968 جىلى عىلىمي سيپاتتاما بەرىلىپ، زەرتتەۋشىلەر وسى كۇنگە دەيىن جۇمىس جاساۋدا. قور كولەمى جاعىنان شاعىن، وندا اتالمىش ارتىستەردىڭ جەكە قۇجاتتارى، فوتوقۇجاتتارى ت.ب. قۇجاتتارى بار. قوردى مولايتۋ ءۇشىن ۇرپاقتارى تاراپىنان قوسىمشا قۇجاتتار قوسامىن دەگەن ادامدار بولسا ءبىزدىڭ ءارحيۆتىڭ ەسىگى ءاردايىم اشىق. قابىلداۋ جۇمىستارى تولاسسىز ءجۇرىپ تۇر.

ج. قالامباەۆتىڭ قيىندىققا تولى ومىردەگى ونەر الەمىندە وزىندىك ءىز قالدىرۋىنا، ۇلكەن بەلەستەرگە جەتۋىنە سەبەپ بولعان الدىمەن بويىنداعى ونەرى، وعان قوسا قاجىماس ەڭبەگى مەن ارمان-ماقساتقا جەتەلەگەن اكەسىنەن مۇرا بولىپ قالعان قوبىزى. قوبىزىنا ءوزىنىڭ جانىنان اۋەندەرىن قوسىپ قازاق ونەرىنە ءوزىنىڭ تاراپىنان زور ۇلەسىن قوستى.

جاپپاس قالامباەۆتىڭ بويىنا بىتكەن قۇندىلىعى جايىندا كسرو حالىق ءارتىسى، پروفەسسور، ديريجەر شامعون قاجعاليەۆ: "جاپپاس قالامباەۆ حالىق اراسىنان شىققان سيرەك تالانت يەسى، حح عاسىردىڭ ۇزدىك مۋزىكانتى. شەبەر ورىنداۋشى ءارى ديريجەر، كوپ قىرلى، ءبىر سىرلى تالانت يەسى بولا ءبىلدى" دەپ جوعارى باعا بەرگەن.

گۇلناز راحمەت شامقىزى
قر مادەنيەت جانە سپورت مينيسترلىگى
ورتالىق مەملەكەتتىك ءارحيۆىنىڭ
جەكە تەكتىك ارحيۆتەرمەن جانە تاريحي-قۇجاتتىق توپتامالارمەن
جۇمىس جاساۋ ءبولىمىنىڭ ءارحيۆيسى



كەلۋ قاينارى: http://www.elarna.net/koru.php?tur=41&id=1069505

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ينۆەستيتسيالار كولەمى ء 3 مينوت
16 قاراشادا ەل اۋماعىنى 9 مينوت
ءشاۋال ايىنداعى 6 كۇندى 13 مينوت
اۆتوجولداردىڭ ساپاسىن ا 18 مينوت
سولتۇستىككە كوشۋ نەگە س 1 ساعات
تۇركىستان وبلىسىندا «AL 1 ساعات
ەلىنىڭ جوعىن جوقتاپ، مۇ 1 ساعات
الاشتان ءان وزدىرعان &# 1 ساعات
ەلوردا تۇرعىندارىنا  اۋ 1 ساعات
داريعا نازارباەۆا ارمەن 1 ساعات
ەڭ ۇزاق اۋە رەيسىن جاسا 1 ساعات
شەت ايماقتاردا جاڭا مەك 1 ساعات
الەمدەگى جاپپاي ەرەۋىلد 1 ساعات
«يماني جاز-2017» – بالع 1 ساعات
اگەنتتىك كۆازيمەملەكەتت 1 ساعات
ماناش قوزىباەۆ | ادەبيە 2 ساعات
استاناعا اقىن كەلدى  2 ساعات
اقتاۋدا مۇرنىنان ايىرىل 2 ساعات
اسقار مامين جۇمىس ساپار 2 ساعات
اۋرۋحانادا كوز جۇمعان ء 2 ساعات
جۇمىس بەرۋشىلەر مۇگەدەك 2 ساعات
كەنتتەردىڭ كوركىن كەسكى 2 ساعات
باعزات اقجولوۆ: ەلباسى 2 ساعات
اۋىزسۋ ماسەلەسى ۇلتتىق 2 ساعات
وسى ارانى باسىپ كورىڭىز 2 ساعات
كوكشەتاۋداعى «ساقالدى» 2 ساعات
كوز تيمەسىن… R 2 ساعات
قاراعاندىدا ۇلتتىق بانك 2 ساعات
رەسپۋبليكالىق حاكاتوندا 2 ساعات
استانا اكىمى قمدب ءتورا 2 ساعات