ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-141262385446 %54 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 12:30 - 2019/11/08

ارتىنان ساداقا بەرىلمەيتىن جانە دۇعا جاسالمايتىن و دۇنيەلىك جىگىتتىڭ وقيعاسى

فاقيھ ءابۋ ءلايس ءاس-سامارقاندي (راحيماھۋللاھ) بىلاي دەيدى:

مەن اكەمنىڭ ايتقان ءبىر اڭگىمەسىن ەستىگەن ەدىم. اكەم ايتتى، بىزگە جەتكەن ءبىر اڭگىمەدە ساليح ءال-ماري** ەسىمدى كىسى جۇمانىڭ تۇنىندە تاڭ اتپاي تۇرىپ، تاڭ نامازىن ۇلكەن مەشىتتە وقيىن دەپ ۇيىنەن شىعىپتى. جول-جونەكەي ءبىر مازاراتتىڭ قاسىنان ءوتىپ بارا جاتادى دى «تاڭ نامازى كىرگەنشە، وسى مازاراتتا تۇرا تۇرايىن» دەپ ءقابىرستانعا كىرىپ، وندا دۇعاسىن جاسايدى، ىڭعايلى ءبىر جەردە ەكى راكاعات ناماز وقىپ الادى. كەيىن ويعا شومىپ ءبىر ءقابىردىڭ بۇرىشىنا سۇيەنىپ وتىرعاندا كوزى ءىلىنىپ ۇيىقتاپ كەتەدى. تۇسىندە مازارداعىلاردىڭ ءبارى قابىرلەرىنەن شىعىپ، ءار-ار جەردە شەڭبەر قۇرىپ اڭگىمەلەسىپ وتىرا كەتىپتى. ءبىراق اراسىندا كيىمى كىر-كىر، ءجۇزى جابىرقاۋ ءبىر جاس جىگىت جالعىز ءوزى وقشاۋلاۋ جەرگە بارىپ وتىرادى.

كوپ ۋاقىت وتپەي سول جەردەگىلەرگە بەتى جابىلعان تاباقپەن سىيلىقتار كەلە باستايدى. كىمنىڭ الدىنا تاباق كەلسە، ول ونى الىپ، قابىرىنە قايتا كىرىپ جاتتى. وسىلايشا ءبارى وزدەرىنە تيەسىلى سىيلىقتارىن الىپ، قابىرلەرىنە ورالدى. سىيلىق بەرىلمەگەن ءبىر تەك الگى جاس جىگىت قانا. قولىنا ەش نارسە تيمەگەن ول مۇڭايعان كۇيى ورنىنان تۇرادى دا قابىرىنە كىرىپ بارا جاتادى. سوندا مەن وعان:

-  ەي، اللانىڭ قۇلى! نەگە مۇڭايۋداسىڭ؟ مەن ءقازىر كورگەن نارسەلەر نە نارسە؟» - دەپ سۇرادىم. سوندا ول جىگىت:

- تاباقتاردى كوردىڭ بە؟ – دەدى.

- يا، كوردىم. ول نە نارسە ەدى؟ – دەپ سۇرادىم ودان.

- ول تىرىلەردىڭ مارحۇمدارىنا باعىشتاعان سىيلىقتارى عوي. تىرىلەر ولاردىڭ اتىنان ساداقا بەرىپ، دۇعا جاساعان سايىن، ونىسى جۇما كۇنى مارحۇمدارعا جەتكەرىلەدى، - دەپ جاۋاپ بەردى دە ءارى قاراي: «مەن سيند حالقىنان بولعان ءبىر جىگىتپىن. قاجىلىق پارىزىمىزدى ورىنداۋ ءۇشىن اناممەن جولعا شىققان ەتىنمىن. باسراعا كەلگەنىمدە، قايتىس بولدىم. مەن ولگەننەن كەيىن انام تۇرمىسقا شىقتى. ول كۇيەۋىنە بالاسى بولعانىن ايتپادى. انام دۇنيەگە الدانىپ، مەنى اۋىزىنا العان ەمەس (دۇعا ەتكەن ەمەس). مەن - قايعىعا لايىقپىن، ويتكەنى ارتىمدا مەنى ەسكە الاتىن ەشكىمىم جوق، - دەدى جىگىت.

- اناڭنىڭ ءۇيى قاي جەردە؟ – دەپ سۇراعانىمدا، ول مەكەن-جايىن ءتۇسىندىرىپ بەردى. سول ساتتە ءوزىم دە وياندىم. مەشىتكە بارىپ نامازىمدى وقىپ الدىم دا الگى جىگىتتىڭ اناسىنىڭ ءۇيىن ىزدەۋگە شىقتىم.  

سۇراي-سۇراي اقىرىندا ءۇيىن تاۋىپ، ەسىگىن قاققانىمدا ءبىر ايەل كىسىنىڭ:

- كىم بۇل؟ – دەگەن داۋسىن ەستىدىم.

- ەسىكتىڭ الدىندا تۇرعان - ساليحۋل ماري، - دەپ، كىرۋگە رۇقسات سۇرادىم. كىرۋگە رۇقسات بەردى. كىرگەننەن كەيىن وعان: ء«سوزىمىزدى ەشكىم ەستىمەۋىن قالايمىن» دەدىم دە وعان وتە جاقىن باردىم، ارامىزدى تەك پەردە ءبولىپ تۇردى. جانىنا بارىپ:

- اللا سەنى راحىمىنا بولەسىن، سەنىڭ بالاڭ بار ما؟ – دەپ سۇرادىم. ول:

- جوق – دەپ جاۋاپ بەردى.

- سەنىڭ بالاڭ بولدى ما؟ – دەپ سۇرادىم تاعى. ول اۋىر كۇرسىندى دە:

- يا، مەنىڭ بالام بولعان ەدى. ءبىراق، قايتىس بولىپ كەتتى، - دەدى. ودان كەيىن مەن وعان تۇسىمدەگى كورگەنىمنىڭ ءبارىن ايتىپ بەردىم. ايەلدىڭ ەتەگى جاسقا تولىپ: ۋا، ساليح، ول ۇلىم مەنىڭ باۋىر ەتىم، جۇرەگىم. مەنىڭ جاتىرىم - وعان پانا بولدى. ومىراۋىم سۋسىن بولدى، - دەدى دە قولىما مىڭ كۇمىس ديرحام ۇستاتىپ: «سۇيىكتى ۇلىمنىڭ اتىنان، كوزىمنىڭ قاراشىعى بولعان بالامنىڭ اتىنان وسى اقشانى ساداقا ەتىڭىزشى. ەندى، قالعان ومىرىمدە ونى ەش ءۇمىتپايتىن بولامىن، ءاردايىم ساداقا بەرىپ جۇرەتىن بولامىن» دەدى جىلاپ. 

ول جەردەن شىققاننان كەيىن مارحۇم جىگىتتىڭ اتىنان اناسى بەرگەن مىڭ ديرحام اقاشانى ساداقاعا تاراتتىم.

كەلەسى جۇمادا ادەتىمشە جۇماعا بارا جاتىپ، جولداعى ءقابىرستانعا دۇعا ەتىپ شىعايىن دەپ كىردىم. دۇعامدى جاساپ، سۇيەنىپ وتىرعانىمدا تاعى دا كوزىم ءىلىنىپ كەتىپتى. تۇسىمدە تاعى سول قابىردەگىلەردىڭ شىققانىن كوردىم. اراسىندا وتكەندەگى جىگىت تە بار ەكەن. ءبىراق، وتكەندەگىدەي ەمەس، ءجۇزى – جارقىن. ۇستىندەگى كيىمى - ءاپپاق، تاپ-تازا. مەنىڭ قاراپ تۇرعانىمدى بايقاپ، قاسىما جاقىندادى دا: «ماعان جاساعان يگىلىگىڭ ءۇشىن، ساعان اللا جاقسىلىعىن بەرسىن، ەي ساليح! بىزگە دە سىيلىق جەتتى» دەدى قۋانىپ[1]...  

اللا باقيلىق بولىپ كەتكەن تۋعان-تۋىستارىمىزدى راحىمىنا السىن! ولارعا جاساعان دۇعا-تىلەكتەرىمىزدى، باعىشتاعان قۇرانىمىزدى، بەرگەن ساداقالارىمىزدى جەتكىزسىن! 

اۋدارعان: islam.kz


[1] ءابۋ ءلايس، ءاس-سامارقاندي: ءتانبيھۋل عافيلين. 222-223 بەتتەر.
**ساليح ءال-ماري (صالح المري) - حيجري ءبىرىنشى عاسىرلاردىڭ ورتا شەڭىندە ءومىر سۇرگەن، تاقۋا، اۋليە كىسىلەردەن ەدى. سابيتتەن، قاتادادان حاديس ريۋايات ەتكەن. حاديسشىلەردىڭ كەيبىرى ونى ءالسىز حاديسشىلەر قاتارىنا جاتقىزادى، ءتىپتى، حاديسى قابىل ەتىلمەيدى دەگەن حاديس عۇلامالارى دا بولعان. دەگەنمەن، ونىڭ تاقۋالىعىندا، اللاعا دەگەن قورقىنىشىندا، ءارى دىنگە بەرىكتىگىنە ەشكىم ءشۇبا كەلتىرمەگەن. قايتىس بولعان جىلى حيجري 172 جىل.


كەلۋ قاينارى: http://www.elarna.net/koru.php?tur=52&id=1069468

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اۋليەاتا وڭىرىندە «كىتا 4 مينوت
تەلەفونداعى ارتىق اقپار 4 مينوت
ستاتي نيۋ-يورك سوتىنا ق 9 مينوت
پارتيا گازەت - جۋرنالىن 9 مينوت
ۆ ۋست-كامەنوگورسكە ۋستا 19 مينوت
Nurly ErtÙ‰s: پاۆلودارع 19 مينوت
اقمولا وبلىسىندا ستۋدەن 22 مينوت
امەريكالىق كومپانيا دمي 25 مينوت
سىرتقى ىستەر مينيسترلىگ 29 مينوت
تاۋدا جوعالعان قىزدى ىز 29 مينوت
اۋعانستاندا جەر سىلكىند 29 مينوت
توقاەۆ: "تاپسىرما 1 ساعات
پاۆلودارداعى جول اپاتى: 1 ساعات
«وحوتزووپروم» كاسىپورنى 1 ساعات
اۆستراليادا ورمان ورتىن 1 ساعات
جاڭا ۇلگىدەگى جۇرگىزۋشى 1 ساعات
تۇركىستاندا شەتەلدىك سا 1 ساعات
سارايشىقتا قاسىم حانعا 1 ساعات
پاۆلودار وبلىسىندا اگرو 1 ساعات
چەرنوبيل يادرو ەلەكتر س 1 ساعات
ازيا چەمپيوناتى: قازاقس 1 ساعات
ق.توقاەۆ كوكشەتاۋداعى ق 1 ساعات
مۇعالىمدەردى قولداۋ ءۇش 1 ساعات
ناگراديلي پوبەديتەلەي پ 1 ساعات
ەلىمىزدە 4 مىڭنان اسا « 1 ساعات
توقاەۆ CNPC باسشىسىنا: 1 ساعات
اعاجاي التاي تورى 1 ساعات
اقتوبەدە ءۇش اۋرۋحانا ق 1 ساعات
ەگيپەتتە ءبىر مۇناي قۇب 1 ساعات
شينجياڭ حابارلارى ورتال 1 ساعات