ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: 24.kz اقپاراتتارى

جولدانعان ۋاقىتى: 10:10 - 2019/11/08

Нақты Көзі: http://24.kz/kz/zha-aly-tar/o-am/item/353268-elimizde-so-y-t-rt-zhylda-16-my-a-zhuy-adam-zhe-ildetilgen-nesie-r-simdegen


ەلىمىزدە سوڭعى ءتورت جىلدا 16 مىڭعا جۋىق ادام جەڭىلدەتىلگەن نەسيە راسىمدەگەن


سوڭعى ءتورت جىلدا ەلىمىزدە 16 مىڭعا جۋىق ادام 72 ميلليارد تەڭگەگە جەڭىلدەتىلگەن نەسيە راسىمدەگەن، دەپ حابارلايدى «حابار 24».

بيىل بۇل سالاعا تاعى 20 ملرد تەڭگە ءبولىندى. العاشقى ترانش 14 ميلليارد 500 ملن تەڭگە ەكىنشى دەڭگەيلى 3 بانككە بەرىلدى. ال، 5 ملرد 500 ملن تەڭگە قالعان بانكتەرگە جىل سوڭىنا دەيىن ۇلەستىرىلەدى.

الماتىلىق اسقار تالقانباەۆ جىلىنا 4% قايتارىممەن بەرىلەتىن نەسيە تۋرالى سۇراستىرعان. ءبىراق ونى راسىمدەۋ ءۇشىن كەمىندە 6 اي كەزەك كۇتۋى قاجەت. ءارى جەڭىلدەتىلگەن نەسەگە بەرىلەتىن كولىك سانى شەكتەۋلى. سوندىقتان ول ءاۆتووندىرۋشىنىڭ نەسيەلىك باعدارلاماسىنا جۇگىنۋدى ءجون ساناپتى.

اسقار تالقامباەۆ، قالا تۇرعىنى:

- ۇلكەن اقشا شىعارۋ ءار ادامنىڭ قولىنان كەلمەيدى. قالتاسىنان شىقپايدى ونداي. ال 12%-تىك نەسيە اي سايىن اقىرىنداپ تولەپ وتىراسىڭ. استىڭدا جاڭا ماشينا. وعان شىعىن ونداي شىقپايدى. اۋىستىراتىن تەك قانا مايىڭ.

ەلىمىزدە جىلدىق ءوسىمى 4% اۆتونەسيەلەۋ باعدارلاماسى 2015 جىلدان بەرى قولدانىلىپ كەلەدى. وسى ۋاقىت ارالىعىندا وزىمىزدە قۇراستىرىلعان كولىكتەردى 16 مىڭ ادام العان. نەسيە مەرزىمى 7 جىلعا دەيىن. ال، كولىك قۇنى 15 ميلليون تەڭگەدەن اسپاۋى ءتيىس.

بليتس 1:

- مەنىڭ ويىمشا، ماشينانى نەسيەگە العان دۇرىس ەمەس. ويتكەنى العان سوڭ تولەۋ كەرەك. كوپ اقشا كەتەدى.

بليتس 2:

- نەسيەگە بەرىلەتىن كولىكتەردىڭ باعاسى نەگىزسىز قىمبات دەپ ويلايمىن. تمد ەلدەرىندە ولار الدەقايدا تومەن. بۇل قاراپايىم حالىق ءۇشىن ءتيىمسىز.

بليتس 3:

بىرەۋلەر ەندى ماقۇلدايدى. بىرەۋلەر قالتاسى كوتەرمەي قايتارىپ جاتادى ايتەۋىر. ونى باسىمىزعا تۇسپەي بىلمەي جاتىرمىز ەندى. ەگەر باسقا تۇسسە كورەرمىز.

الماس سادۋاقاس، ءتىلشى:

قازاقستانداعى اۆتوپاركتى جاڭالاۋ ماسەلەسىن ءجيى ايتىپ ءجۇرمىز. جەڭىلدەتىلگەن اۆتونەسيەلەۋ باعدارلاماسى دا سول ماقساتتا قولعا الىنعان. ءقازىر ەلىمىزدە جۇيىتكىپ جۇرگەن كولىكتەردىڭ ء70%-ى ەسكىرگەن. ال، وتاندىق ءاۆتووندىرىس ونىمدەرىنىڭ ساپاسىنا ايتىلار سىن كوپ.

ماقسات حالىق، ەكونوميست:

قۇراستىرىپ، شەتەلدەن بولشەكتەر الىپ كەلىپ ءوزىمىزدىڭ ەلدە ساتقانعا بولا مەملەكەتتەن سونشاما سۋبسيديا تارتۋ قانشالىقتى ورىندى دەگەن سۇراق تۋىندايدى. قاراپايىم وزبەكستان ەلىمەن سالىستىرايىق. وزبەكستاندا بۇل سالا الدەقايدا مودەرنيزاتسيالانعان. ولار ءوندىرىستىڭ ءبىراز تسيكلدارىن جولعا قويعان دەپ ايتۋعا بولادى. ال بىزدە وكىنىشكە قاراي، ونداي ەمەس.

قازاقستان نارىعىندا رەسەيلىك اۆتوقۇراستىرۋشى كومپانيالاردىڭ كولىكتەرى كوپ. ولاردىڭ باعاسى دا ءبىر قاراعاندا قولجەتىمدى سياقتى. ء«بىراق ساپاسى شەتەلدىك كولىكتەرمەن سالىستىرعاندا تومەن»، - دەيدى تۇرعىندار. سوندىقتان قاراپايىم تۇتىنۋشى شىققان جىلى ەسكى بولسا دا، الەمدىك تانىمال ماركالاردى تاڭدايدى.

ەۆگەني كۋبەكوۆ، اۆتوساراپشى:

- جەڭىلدەتىلگەن نەسيەمەن اۆتوكولىك الۋشىلار وتە از. 9%. قالعاندارى قولما-قول اقشامەن نەمەسە باسقا باعدارلامالارعا جۇگىنەدى. جالپى اۆتونەسيەلەندىرۋ باعدارلاماسى 20 جىلعا جوسپارلاندى. ءبىراق وعان بولىنگەن قارجى جەتكىلىكسىز. سوندىقتان ەلىمىزدەگى اۆتوپارك جاڭارۋ ءۇشىن جىل سايىن اۆتونەسيەلەۋگە 40 ملرد تەڭگە ءبولىنۋى ءتيىس.

قازاقستاندىقتار جىلىنا 60 مىڭ جاڭا كولىك ساتىپ الادى. ال، ەلىمىزدە وندىرىلگەن جەڭىل كولىك سانى 32300. ونىڭ تەك 3 مىڭدايى عانا جەڭىلدەتىلگەن نەسيەگە بەرىلەدى. جالپى وتاندىق كولىك قۇراستىرۋشى زاۋىتتاردان 1173 جۇك كولىگى، 356 اۆتوبۋس پەن 243 ارنايى تەحنيكا شىعارىلعان.

اۆتورلارى: الماس سادۋاقاس، ۆالەنتين لوبانوۆ، ەرلان شالباەۆ


كەلۋ قاينارى: http://www.elarna.net/koru.php?tur=38&id=1069369

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەسىل بويىنا ەل قوندىرعا 1 مينوت
شىمكەنتتە ءدارىحانالارد 4 مينوت
"گەپارين" وتە 7 مينوت
سۇرلەمدىك جۇگەرىگە وراق 12 مينوت
ەلوردادا زاڭسىز ساتىلعا 12 مينوت
«اتامەكەن» كاسىپ اشۋدى 12 مينوت
توقاەۆ نازارباەۆتى تۋعا 12 مينوت
مەملەكەت بويىنشا تەمىر 12 مينوت
ەلباسى قازاقستان حالقىن 22 مينوت
الماتىدا COVID-19 انىقت 22 مينوت
شياڭگاڭنىڭ ءار سالاسى: 22 مينوت
«التاي» ۆولەيبولشىسى اش 22 مينوت
پرەزيدەنت ەلباسىن مەرەي 28 مينوت
قوستانايدا شەكاراشىلار 28 مينوت
باقىتجان ساعىنتاەۆ دارى 1 ساعات
جاسىل جەلەك دوڭگەلەك دا 1 ساعات
«قولىنان نە كەلەر دەيسى 1 ساعات
«وڭ تۆ» ارناسى رەسەيدىڭ 1 ساعات
ورالدا ءبىر كۇندە ەكى ا 1 ساعات
ب. ساعىنتاەۆ: كوروناۆير 1 ساعات
ونلاين دارىستەر جالعاسا 1 ساعات
باقىتجان ساعىنتاەۆ دارى 1 ساعات
ساعىنتاەۆ جاڭا ستاتسيون 1 ساعات
پنەۆمونيامەن اۋىرعاندا 1 ساعات
نۇرەكەڭە حات! | “ادىرنا 1 ساعات
بارلىقتىڭ بالعىن «سارعا 1 ساعات
قازاقستان مەملەكەتتىلىگ 1 ساعات
گرۋزيادان قازاقستانعا و 1 ساعات
شالعاي تاۋداعى ”قۇسبەگى 1 ساعات
بەيجيڭدە تاعى 6 جەردە ى 1 ساعات