ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-2033982341 %59 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 04:50 - 2019/10/18

ءبىز سالافيزممەن كۇرەستە حازىرەتى ءاليدىڭ تاجىريبەسىن ۇستانىپ وتىرمىز! – Sunna.kz

(دىنتانۋشى قانات جۇماعۇلمەن سۇحبات)

– بۇرىنعى جانە بۇگىنگى ءدىني احۋالىمىزدى قىسقاشا عانا قالاي سيپاتتاپ بەرەر ەدىڭىز؟

– ەل ەگەمەندىك العانعا دەيىن يسلام ءدىنىنىڭ ماماندارى تاپشى بولدى. كەڭەس ۇكىمەتىنەن ءدىن سۇراۋدىڭ ءوزى قيسىنسىز. جارتى الەمدى قان قاقساتقان الىپ يمپەريا دىنگە دە وراسان زور زارداپتارىن تيگىزدى. قازاق ەلى تاۋەلسىزدىك العان كەزدە بارلىق بۇعاۋلار مەن قۇرساۋلار شەشىلدى. جان جاقتان ءار ءتۇرلى ءدىني اعىمدار ەنە باستادى. ادامنىڭ نانىم-سەنىمىن ەش ۋاقىتتا قىسىممەن ۇستاي المايسىز، سوندىقتان دا ەلىمىز زايىرىلىلىق جولىن ۇستاندى. كىم قالاي جۇرگىسى كەلەدى – كەڭشىلىك جاسالدى. الايدا، ەلدىڭ تۇتاستىعىنا نۇقسان كەلتىرەتىن جات پيعىلدى اعىمدار پايدا بولدى.

وسىلاي جات اعىمدار جاس مەملەكەتكە لاپ قويدى. ال، قازاقتار ارادا ءسال قول ءۇزىپ قالعان مۇسىلمانشىلىق جولى وسى ەكەن دەپ كوبىن قۋانىشپەن قارسى الدى. ەندى مىنە، بۇگىنگى جاعدايدى كورىپ وتىرسىز. ءدىني ەكسترەميزم بەلەڭ الدى. جات ءدىني اعىمدار ۇلتتىڭ ەرەكشەلىكتەرى، سالت-ساناسىن جوققا شىعاردى. اعا بۋىن مەن جات اعىم جەتەگىندە كەتكەن جاستاردىڭ اراسىندا تۇسىنىسپەۋشىلىك پەن بوستىق پايدا بولدى.

اللاعا شۇكىر، ەلىمىز وسىنداي قيىندىقتارعا قول قۋسىرىپ قاراپ وتىرماي،  ەگەمەنىك العان العاشقى ون جىلداقتان باستاپ ءوز جەرىمىزدە ءدىني وقۋ ورىندارى اشىلا باستادى. مەدرەسە، كوللەدج، ۋنيۆەرسيتەت ت.ب. وقۋ وردالارى جۇمىس جاساپ جاتىر. ول جەرلەردەن قانشاما ءدىني ساۋاتى تەرەڭ ازاماتتار شىعىپ يماندىلىقتى ناسيحاتتاۋعا ءوز ۇلەستەرىن قوسىپ، قىزمەت اتقارۋدا.

سالافيزم اعىمى – جات سانانىڭ بىرەۋى عانا. باسقا دا قانشاما اعىمدار بار. سولارمەن سالىستىرعاندا ەلىمىزدە ءدىن ماماندارى ءالى دە تاپشى ما دەپ ويلايمىن. اتالمىش اعىمدار دا قاراپ قالماي، كۇن سايىن تامىرىن جايىپ، جاقتاستارىن كوبەيتە بەرمەك. ونىڭ ار جاعىندا قانشاما قارجى، قانداي زىميان ساياسات جاتىر ول دا بەلگىسىز… ونداي اعىمدى مەنىڭشە، قولداپ وتىرعان سىرتقى كۇشتەر بار.

– وتكەندە ءدىن ىستەرى ءمينيسترى سالافيتتىك اعىمعا زاڭمەن تىيىم سالۋ كەرەك دەگەن ءسوز ايتىپ قالدى. بۇعان نە دەر ەدىڭىز مامان رەتىندە؟

– ارينە، مۇنداي اڭگىمە بولعانى راس. مۇنىڭ ءبارى بەكەرگە ايتىلا بەرمەيدى. تاريحتا دا مۇنداي اعىمدارمەن كۇرەس بولعان. ءبىز سالافيزممەن كۇرەستە يسلامنىڭ اتاقتى ءتورتىنشى حاليفاسى حازىرەتى ءاليدىڭ تاجىريبەسىن ۇستانىپ وتىرمىز! حازرەتى ءالي ەڭ العاش يسلام تاريحىندا حاۋاريجدەرمەن كۇرەسكەندە: ەڭ ءبىرىنشى ولارعا ابدۋللا يبن ابباس سەكىلدى تاجىريبەلى مامانداردى جىبەرۋ ارقىلى يدەولوگيالىق ءتۇسىندىرۋ جۇمىستارىن جۇرگىزدى. وسىلاي ءبىرازىنىڭ بەتىن بەرى قايتاردى. ەكىنشى كەزەكتە ولار، ياعني ءسوز ۇقپايتىن، ءدىني-عىلىمي دالەلگە توقتامايتىن تاسىر ادامدارمەن بىلايشا ايتقاندا، «باسقاشا» جۇمىس جاسادى. حالىققا ءقاۋىپ توندىرگەندەرگە اسكەر جىبەردى.

ال، قازىرگى جاعدايدا دا وسى ءتاسىل ارقىلى كۇرەس ءجۇرىپ جاتىر دەپ ويلايمىن. ءبىرىنشى ءتۇسىندىرۋ جۇمىستارى اتقارىلىپ كەلەدى. ءدىن ىستەرى مينيسترلىگى، قمدب جانە دە قانشاما جەكەلەگەن ءدىن عالىمدارى اتالمىش جات اعىمدارعا وسى كۇنگە دەيىن ءتۇسىندىرۋ جۇمىستارىن جۇرگىزىپ جاتىر. ەندى تۇسىنبەسە، حالىققا شىنىمەن ءقاۋىپ توندىرسە، يسلام اتىن جامىلىپ بۇلعاق سالا بەرسە، ارينە زاڭمەن تىيىم سالۋى دا مۇمكىن. سەبەبى، الدىڭعى شارتتار جاسالدى، بۇل باعىت دۇرىس ەمەستىگى ەسكەرتىلدى، ناسيحاتتار جۇرگىزىلدى.

قازاقستاندا 17 ميلليوننان ارتىق حالىق بار، ال ەلىمىزدە 2 جارىم مىڭداي عانا مەشىت جۇمىس ىستەيدى. ورتا ەسەپپەن العاندا شامامەن اۋىل، اۋداندى قوسقاندا 5 مىڭداي يمام. بۇل دا جەتكىلىكسىزدەۋ. سوندىقتان ءالى دە بولسا تۇسىنىكتى، دايەكتى تىلمەن ۇگىت-ناسيحات جۇمىستارىن كۇشەيتۋ كەرەك. ويتكەنى، ولارعا تولىققاندى اقپارات جەتكىزۋدىڭ مەحانيزمدەرىن قاراستىرۋىمىز ءتيىس. سەبەبى، مەشىتتەردە رەسمي يمامداردى تەك حانافي مازھابىن ۇستاناتىن مۇسىلماندار تىڭدايدى. ال، جات اعىمداعى باۋىرلارىمىزدىڭ يمامداردىڭ ۋاعىزىن تىڭداماي، تۇرىپ-تۇرىپ كەتىپ قالاتىندارى دا بار.

ساننان ساپا شىعادى عوي. سوندىقتان ءالى دە ءدىن ماماندارىنىڭ كوبەيۋىن قاجەت ەتەدى. 

– قوعامنىڭ ءار سالاسىندا وزىندىك پروبلەما بولادى. الايدا، قازىرگى دىندەگى پروبلەما نەگە ءالى كۇردەلى. ارابيا، تۇركيادان اعىمدار كەلىپ جاتىر. ءوز ىشىمىزدە دە بار. وسى ماسەلەنىڭ نەگىزگى كىلتيپانى نەدە دەپ ويلايسىز؟

– ءدىن توڭىرەگىندەگى پروبلەمانىڭ ەڭ نەگىزى – ءدىني ساۋاتسىزدىق. ءبىزدىڭ مىندەت: ءدىني تۇسىنىكتى تازا، پاك كۇيىندە حالىققا جەتكىزۋ. مىناۋ – بۇرىس، مىناۋ – دۇرىس، مىناۋ – اتا-بابام ۇستانعان سالت دەپ تانيتىن دەڭگەڭگە جەتۋ. سوندا ماسەلە تولىق شەشىلمەسە دە ازايار ەدى.

– دىندەگى اسا ءبىر كۇردەلى، تىم نازىك، ۇلكەن ءدىن عالىمدارىنىڭ اراسىندا تالقىلاناتىن ماسەلەلەردى كەيبىر ازاماتتار جاپپاي كوپتىڭ ميىنا بىردەن قۇيىپ جىبەرگىسى كەلەدى. بۇل ەندى عانا قالىپتاسىپ كەلە جاتقان ءدىني تۇسىنىكتەگى قاراپايىم حالىقتىڭ ميىن اشىتىپ جىبەرمەي مە؟ وسىنداي كۇردەلى ىلىمدەردى جاپپاي جۇرتقا اشىق ناسيحاتتاۋ دۇرىس پا؟

– جاقسى سۇراق. راس، اقيدا-سەنىم ماسەلەلەرى ءوز ىشىندە قانشاما تارماقتارعا جىكتەلەدى. تالاس-تارتىس تۋدىراتىن ماسەلەلەر بار. مۇنداي ماسەلەلەر بەلگىلى ءبىر دەڭگەيگە جەتكەن عۇلامالاردىڭ تالقىسىنان ءوتىپ، تۇسىنىكتى تىلدە جەتكىزىلۋى كەرەك ەدى. ءبىراق ونىڭ جالپى حالىققاي ايتىلۋىنىڭ مىناداي سەبەبى بار. مۇنى كوپ ادامدار بىلە دە بەرمەيدى. جاڭاعى ءسىز ايتىپ وتىرعان تەرەڭ ماسەلەلەردى ءبىرىنشى ءبىزدىڭ يمامدارىمىز ەمەس، اۋەلى سالافيتتىك جانە ت.ب جات اعىمداردىڭ ليدەرلەرى، رۋحاني «كوسەمدەرى»، ۋاعىزشىلارى ايتا باستادى. بىرتىندەپ حالىقتىڭ ميىن ۋلادى. ولار يمامداردىڭ ءوزىن اداسۋشى دەپ كورسەتكىسى كەلدى. ەندى ءدىني باسقارما بۇعان قول قۋسىرىپ قاراپ وتىرۋعا بولمايتىندىعىن ءتۇسىنىپ. سوندىقتان دا، وسىنداي كۇردەلى ماسەلەر ۋاعىزدالدى. ياعني، قوعامداعى تالاستى ماسەلەنىڭ دۇرىس پەن بۇرىسىن اجىراتۋلارى ءۇشىن ايتىلۋى كەرەك بولدى. ءبىر اۋىز سوزبەن ايتقاندا مۇنداي ىرگەلى تاقىرىپتاردى جالپى جۇرتقا اشىق ايتۋ قاجەتتىلىكتەن تۋىندادى.

– اتىرۋ وبلىسىندا ءدىن سالاسىنداعى ءبىر مەكەمەنى باسقارىپ وتىرسىز، باتىس ايماعىنداعى ءدىني احۋال قالاي؟

– اتىراۋدا راسىندا دا ءدىن ماسەلەسى ءالى دە كۇردەلى. جالپى بۇل وڭىردە ءدىن ماماندارى از. بۇرىن دا از بولدى. قۇسپان مولدا سەكىلدى يسلامعا جولىندا قىزمەت اتقارعان اتالارىمىز كوپ بولمادى. ەكىنشى، ار جاعى رەسەيگە ءتيىپ تۇر. كاۆكاز جاقىن. سول جاقتان دا كەيبىر ءبىزدىڭ اتالارىمىزدىڭ مۇسىلمانشىلىعىنا ۇقسامايتىن اعىمدار ەرتەرەك دەندەدى. وڭتۇستىكتەن دە كەلىپ جاتتى. ءۇشىنشى، بۇل مۇنايلى ءوڭىر… سوندىقتان، جات اعىم بىزدە كوپ. ءبىراق، ارينە، ءداستۇرلى باعىتتاعى جاماعاتتان كوپ ەمەس. يمامدارىمىز، تەولوگ ماماندار قىزمەت جاساپ جاتىر. ءالى دە ۋاقىت كەرەك. وڭالىپ كەلەمىز دەپ ويلايمىن.

– قمدب اعارتۋ ءبولىمىنىڭ باسشىسى باقتىباي بەيسەنباي اعامىز ءبىر سۇحباتىندا: ء«دىن ماماندارىن دايارلاۋ ورىندارىندا ءوزىمىزدىڭ ياسساۋي، اباي، شاكارىم، ءماشھۇر ءجۇسىپ سەكىلدى عۇلامالارىمىزدىڭ دا ەڭبەكتەرىن وقىتۋدى ەنگىزىپ جاتىرمىز» دەپ سۇيىنشىلەپ ەدى. وسى جۇمىستاردىڭ ناتيجەسى قالاي بولىپ جاتىر؟

–دىني باسقارما بولاشاق يمامداردى ءوز حالقىمىزدان شىققان حاكيم، اقىن، جىراۋلارىمىزدىڭ شىعارماشىلىعىمەن ەتەنە تانىستىرا وتىرىپ، جەتىلدىرۋ تۋرالى بيىلعى جاساعان رەفورماسى قۋانتارلىق جاڭالىق. بۇل ماسەلەگە كەلگەندە كوپ يمامدارىمىزدىڭ اقساپ جاتاتىنى جوق ەمەس.

مەن ءوزىم دە اقىن، جىراۋلارىمىزدىڭ شىعارماشىلىعىنداعى مۇسىلمانشىلىقتى تەرەڭىرەك زەرتتەپ-زەردەلەمەيمىن دەگەن ويدامىن.

– اسەرلى اڭگىمەڭىزگە راقمەت!

  سۇحباتتاسقان باقىتبەك قادىرۇلى

Sunna.kz


كەلۋ قاينارى: http://www.elarna.net/koru.php?tur=18&id=1061369

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


«Nur Otan» بالالاردىڭ ق 1 مينوت
«مانچەستەر يۋنايتەدتىڭ» 4 مينوت
تۇركىستانداعى جالعىز جە 1 ساعات
ورازا جانە ناماز كەستەس 1 ساعات
الماتىدا «Almaty Invest 1 ساعات
قادىر مىرزا ءاليدىڭ ء"و 1 ساعات
جامبىلدا زاڭسىز قىزمەت 2 ساعات
گەندەرلىك ساياسات الدە 2 ساعات
فۋتبولشى بولام دەسەڭ... 2 ساعات
12 Things You Need to K 2 ساعات
ەربول شايمەردەنۇلىنىڭ « 2 ساعات
سەمەيدە تۇراقتاندىرۋ قو 3 ساعات
جامبىل وبلىسىنىڭ 80 جىل 3 ساعات
Skateboarding is create 3 ساعات
سارىاعاش اۋدانىندا توتە 3 ساعات
中国哈萨克语广播网 4 ساعات
وسى ارانى باسىپ كورىڭىز 4 ساعات
ەسبولات ايدابوسىن | ادە 4 ساعات
中国哈萨克语广播网 4 ساعات
شاعبان ايىنداعى شاراپات 4 ساعات
وسى ارانى باسىپ كورىڭىز 4 ساعات
مەرگەن توقسانباي | ادەب 5 ساعات
中国哈萨克语广播网 5 ساعات
National Tourism Awards 5 ساعات
44 مىڭنان استام كاسىپكە 5 ساعات
تالدىقورعاندىق ستۋدەنتت 5 ساعات
中国哈萨克语广播网 5 ساعات
پاۆلوداردا 37 مىڭداي شا 5 ساعات
اقتاۋدا ءىرى زاۋىتتىڭ ى 5 ساعات
وسى ارانى باسىپ كورىڭىز 5 ساعات