ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-2120795872 %28 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 13:28 - 2019/10/10


پرەزيدەنت قاسىم-جومارت توقاەۆ ۇكىمەت مۇشەلەرىنىڭ، قالا اكىمىنىڭ جانە وزگە دە ءبىرقاتار جاۋاپتى مەكەمە باسشىلارىنىڭ قاتىسۋىمەن وتكەن جيىندا ەلوردانى ودان ءارى دامىتۋ ماسەلەلەرىن قارادى. بۇگىنگى تاڭدا باس شاھارعا ءتان تۇيتكىلدەردىڭ از ەمەستىگى جانە ولاردى شەشۋ دە ويداعىداي جۇرمەي جاتقانى ءسوز بولدى.
ماسەلەن، قاسىم-جومارت كەمەلۇلى سوڭعى 10 جىلدا نۇر-سۇلتان قالاسىنا تارتىلعان ينۆەستيتسيا كولەمىنىڭ ازايىپ كەتكەنىن ايتتى.

– نۇر-سۇلتان ەكونوميكا مەن بيزنەس­ ورتاعا قولايلى جاعداي جاسايتىن قالا ­بولىپ قالا بەرۋى قاجەت. باستى مىندەتتەردىڭ ءبىرى – ينۆەستيتسيا تارتۋ، – ­دەگەن مەملەكەت­ باسشىسى قالا اكىمدىگى مەن سىرتقى ىستەر مينيسترلىگىنە وسى باعىتتاعى جۇمىستاردى جانداندىرىپ، جۋىق ارادا ناقتى ناتيجەلەرگە قول جەتكىزۋدى تاپسىردى. ­ينۆەستيتسيا كەز كەلگەن مەملەكەتتىڭ، كەز كەلگەن قالانىڭ دامىپ، وركەندەۋىنە سەرپىن بەرەتىنىن ەسكەرسەك، ونىڭ تيىمدىلىگى قاي ۋاقىتتا دا ماڭىزدى ءرول اتقاراتىنى بەلگىلى. ال استانامىزداي قاناتىن كەڭگە جايىپ كەلە جاتقان قالا ءۇشىن مۇنىڭ ماڭىزدىلىعى قاشاندا زور.
ەلورداعا ءتان بولىپ كەلە جاتقان تۇيتكىلدىڭ ءبىرى – ۇلەسكەرلىك قۇرىلىس. وسىعان دەيىن قانشاما شەشىم قابىلدانىپ، ءبىرقاتار شارالار جۇزەگە اسىرىلعانداي بولعانىمەن، ۇلەسكەرلىك قۇرىلىستىڭ باسىنان ءالى داۋ ارىلار ەمەس. پرەزيدەنتتىڭ كەلتىرگەن دەرەگى بويىنشا، قالادا 49 پروبلەمالىق نىسان بار ەكەن. ونداعى قۇرىلىستىڭ اياقتالۋىن 13،5 مىڭ ۇلەسكەر تاعاتسىزدانا كۇتىپ وتىر. قاسىم-جومارت كەمەلۇلى وزەكتى ماسەلەنىڭ ءبىرى رەتىندە – باسپانا بەرۋ مەن قۇرىلىس جۇمىستارىنىڭ باسەڭدەۋىن اتادى.
ءيا، ۇلەسكەرلىك جولمەن باسپانالى بولۋ نارىقتاعى ءۇي باعاسىنان ءبىرشاما ءتيىمدى كورىنگەنىمەن، ونىڭ سوڭى وسىنداي جاع­دايلارعا اكەپ سوعاتىنى، ءسويتىپ، قانشاما ەلدى اۋرە-سارساڭعا سالىپ قوياتىنى تاعى بار. بۇل رەتتە ۇلەسكەرلىك قۇرىلىستى موينىنا العان كومپانيالاردىڭ جاۋاپسىزدىعى، بەلگىلەنگەن مەرزىمدەردىڭ ساقتالماۋى، ەكى ورتادا حالىق قارجىسىنىڭ قولدى بولىپ كەتۋى ءتارىزدى ماسەلەلەر ۇلەسكەرلەردىڭ ءوز ارماندارىنا قول جەتكىزۋىنە ايتارلىقتاي كەدەرگى كەلتىرۋدە. نە ىستەمەك كەرەك؟ ­پرەزيدەنت بۇل جونىندە: «ۇلەسكەرلىك قۇرىلىس ماسەلەسىن تەز ارادا شەشۋ كەرەك» دەپ، ناقتى تاپسىرما­ بەردى. دەمەك، الداعى ۋاقىتتا وڭ ناتيجە كۇتۋگە بولادى.
جيىندا، سونداي-اق تەحنيكالىق مۇم­كىندىگى جوق جەر تەلىمدەرىنىڭ بارلىق جۇيەلەرگە قوسىلماستان اۋكتسيونعا شىعا­رىلاتىنى، قولما-قول اقشاسىز ەسەپ ايىرىسۋ ۇلەسىنىڭ تومەندىگى سىنعا الىندى. ازىق-تۇلىك جانە كۇندەلىكتى تۇتىنۋ تاۋارلارىنىڭ دا قىمباتتاعانى ايتىلدى. مۇنىڭ بىردەن-بىر سەبەبى رەتىندە ينفراقۇرىلىم مەن ازىق-تۇلىك بەلدەۋىن­ىڭ ناشارلىعى، ساۋدا ورىندارىنىڭ جەتىسپەۋشىلىگى اتاپ ءوتىلدى.
بۇگىندە ەلوردا حالىق سانى جاعىنان قارقىندى ءوسىپ كەلە جاتقانى بەلگىلى. بۇعان قالانىڭ تابيعي دەموگرافيالىق وسىمىمەن بىرگە، ىشكى ميگراتسيالىق پرو­تسەستەردىڭ ارتقانىن قوسۋعا بولادى. باس قالاداعى تۇرعىندار سانىنىڭ ەداۋىر كوبەيگەنى، تيىسىنشە ميگراتسيالىق پروتسەس­تەردىڭ باقىلاۋسىز كەتكەندىگى دە جاسىرىن ەمەس. سونىڭ سالدارىنان الەۋمەتتىك ينفرا­قۇرىلىمعا، سونىڭ ىشىندە مەديتسينا مەن ءبىلىم سالاسىنا سالماق تۇسۋدە. وسى ماسەلەنى قاپەرگە سالعان پرەزيدەنت ءوز سوزىندە مەكتەپتەر مەن مەكتەپكە دەيىنگى ءبىلىم بەرۋ مەكەمەلەرىندەگى ورىن تاپشىلىعىن شەشۋ ءۇشىن جەكەمەنشىك ارىپتەستىكتى كوبىرەك تارتۋدىڭ ماڭىزدىلىعىنا دا توقتالدى.
ارينە، ەل استاناسى بولعان سوڭ، وعان قويىلار تالاپ تا، جۇكتەلەر مىندەت دە اۋقىمدى. ەلوردانىڭ قالىپتى دامۋى ۇنەمى مەملەكەت باسشىسىنىڭ نازارىندا كەلە جاتقانى سوندىقتان. قاسىم-جومارت كەمەلۇلى بۇل جولى نۇر-سۇلتان قالاسىنا قاتىستى تولعاندىرعان جايتتارعا جان-جاقتى زەر سالدى. ونىڭ ءبىرسىپىراسى جۇرتشىلىقتىڭ كوكەيىندەگى ساۋالدارعا تولىق جاۋاپ بەرگەندەي. سىنعا ۇشىراپ جۇرگەن سالالاردىڭ بارلىعى دەرلىك نازارسىز قالمادى. سونىڭ ءبىرى – مەديتسينالىق قىزمەت ساپاسىن ارتتىرۋ. بۇل تۇرعىدا 60 جىلدان بەرى كۇردەلى جوندەۋ جۇرگىزىلمەگەن ورتالىق تەمىرجول اۋرۋحاناسىنىڭ اپاتتى جاعدايىن مىسالعا كەلتىردى. سپورتتىق نىساندار­دىڭ قالا تۇرعىندارى ءۇشىن قولجەتىمدى بولۋىن،­ «قازاقستان» جانە «تولقىن» سپورت كە­شەندەرىندە قايتا جوندەۋ جۇمىستارىن جۇرگىزۋدى تاپسىردى.
بۇقارالىق اقپارات قۇرالدارىندا كوپ ايتىلىپ، ءجيى تالقىلانىپ كەلە جاتقان اتى شۋلى LRT جوباسى دا جيىندا قارالعان نەگىزگى ماسەلەنىڭ بىرىنە اينالدى. مەملەكەت باسشىسى LRT قۇرىلىسىن قايتا باستاۋ جانە ءبىرىنشى كەزەڭىنىڭ اياقتالۋ مەرزىمىن ناقتى بەلگىلەۋدى، سونىمەن قاتار ەكىنشى كەزەڭنىڭ كەستەسى مەن جۇزەگە اسىرۋ تەتىكتەرىن ايقىنداۋدى ۇكىمەت پەن اكىمدىككە تاپسىردى.
البەتتە، باس شاھارعا قاتىستى وزگە دە سۇراقتار كەڭىنەن قامتىلدى. دەسەك تە، جيىن­نىڭ توق ەتەرى – ەلوردانى تۇرعىن­دار­دىڭ ءومىر سۇرۋىنە بارىنشا قولايلى ەتۋ. پرەزيدەنتتىڭ پايىمداۋىنشا، نۇر-سۇلتان – ء«تورت قۇبىلاسى تەڭ قالا» قاعيداتىمەن ­دامۋى قاجەت. سول ءۇشىن قالاعا ءتان ماسەلەلەردى دەر كەزىندە شەشىپ، جەدەل ءارى ءتيىمدى شارالار قابىلداۋعا باسا ءمان بەرىلدى.
ايتا كەتەيىك، قاسىم-جومارت كەمەلۇلى­­ «استانا باس جوسپارى» عىلىمي-زەرتتەۋ جوبالىق ينستيتۋتىندا بولىپ، قالا­نىڭ الداعى جىلدارداعى ساۋلەت جوسپارىمەن دە تانىستى.

داۋىرجان تولەباەۆ
«انا ءتىلى»


كەلۋ قاينارى: http://www.elarna.net/koru.php?tur=9&id=1058144

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


21 قازان. تۋعان كۇن يەل 12 مينوت
استانا – ءدىنارالىق ديا 1 ساعات
21 قازان. قازاقپارات كۇ 1 ساعات
گيننەس رەكوردتار كىتابى 2 ساعات
دۇيسەنبىگە ارنالعان اۋا 3 ساعات
2020 جىلى ەلوردادا زاعي 4 ساعات
يتاليان ءمۇسىنشىسى ەسكى 5 ساعات
گەرمانيادا جولسەرىكتەر 5 ساعات
حالىقتىڭ ءۇمىتى – «نۇرل 5 ساعات
گەرمانيادا جۇمىسسىزدار 5 ساعات
«حاگيبيس» تايفۋنىنان قا 6 ساعات
اتىراۋداعى NIS كىشى جوب 7 ساعات
وسى ارانى باسىپ كورىڭىز 8 ساعات
اۆتوبۋس جۇرگىزۋشىلەرى   8 ساعات
گەرمانيادا اۋە قىزمەتكە 8 ساعات
Gazizkhan - اعا ءبىز ءس 8 ساعات
كاتالونياداعى ەرەۋىل كە 8 ساعات
Darkhan Juzz - كۇن مەن 8 ساعات
و زاحورونەني پوكوينوگو 8 ساعات
ەردوعان: اسكەري وپەراتس 8 ساعات
2020 جىلى ەلوردادا زاعي 9 ساعات
پەتروپاۆلدىق تاربيەشى ە 9 ساعات
"مۇقاعالي"، "ۇزاق جاڭعى 9 ساعات
قار بارىسى الەمنىڭ تەك 9 ساعات
وسى ارانى باسىپ كورىڭىز 9 ساعات
كىرىستەر كوميتەتى جەكە 9 ساعات
وسى ارانى باسىپ كورىڭىز 9 ساعات
الماتى –وسكەمەن كۇرە جو 10 ساعات
وسى ارانى باسىپ كورىڭىز 10 ساعات
قپل: «استانا» ەلوردادا 10 ساعات