ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-141301382836 %64 %
2019-10-151347355232 %68 %
2019-10-16000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 12:40 - 2019/10/10

كىسىلىكتىڭ ەتالونى

وتكەن شاقتا ءسوز باستاۋ نە دەگەن قيىن ەدى. ءدال وسى تالعات اعام تۋرالى ەستەلىك جازامىن دەپ ويلاپ پا ەدىم؟! تالعات اعام دەپ مەن­شىك­تەپ وتىرعانىم – بۇگىن­گى قازاق پروزاسىنىڭ كورنەك­تى وكىلى، تالانتتى مودەرنيست-جازۋشى تالعات كەڭەسباەۆ ەدى. ءبىزدىڭ ستۋدەنت­تىك جىلدارىمىزدا «حيت» بو­لىپ، ەڭ كوپ وقىلعان اتاق­تى «گاۋحار» پوۆەسىنىڭ اۆتورى. جۇرەكتى ەلجىرەتكەن، جاستىق شاقتىڭ وتىن الاۋلاتقان، وزىنە عاشىق قىلعان، سۇلۋلىعىندا كىناراتى جوق ايداي گاۋحار ەدى. توگىلگەن ءتىل، شىتىرمان ەپي­زود، شىعارمانىڭ ءون بويىنا سىيماعان سەزىم... تەك قانا كەڭەسباەۆتىڭ قالامىنا ءتان قاسيەت. جازۋشىنىڭ ەسىم-سويىن ەستىگەندە ەسكە بىردەن تۇسەتىن وسى – «گاۋحار» ەدى. كلاسسيكالىق تۋىندى. رومانعا بەرگىسىز ماحاببات حيكاياسى، قازاق قوعامىنداعى نارىق كەزەڭىنىڭ بوياماسىز كورىنىسى.

ەڭ العاش رەت قالامگەردى شى­عارمالارى ارقىلى تانىپ، ءبىلىپ ەدىم. سوسىن، Facebook دەگەن جەر-كوكتى بىر-بىرىمەن بايلانىستىرعان الەۋمەتتىك جەلى ارقىلى تانىسىپ، ايىرىلماستاي تابىسىپ ەدىك. ول – اكە، مەن – بالا ەدىم. بىر-بىرىمىزگە اكە مەن بالاداي قاراپ، ارامىزدا شىنايى تۋىستىق قارىم-قاتىناس ورناتتىق. باقىتتى كۇندەر ەندى تۋىپ، بىر-بىرىمىزگە باۋىر باسىپ كەلە جاتقاندا قايران اعا، اكەدەي قامقور بولعان ابزال ادام مەزگىلسىز يت تىرلىكتى تارك ەتىپ، كەتتى دە قالدى. ءوزىنىڭ مىنەزى سياقتى. نە بولىپ، نە وزگەرگەنىن اڭعارماي دا قالدىق. ۇرشىقتاي يىرىلگەن سىناپ-ۋاقىت ءوتتى دە كەتتى. سۇلۋلىققا قۇشتار جۇرەكتىڭ توقتاعانىنا ءبىر جىلدىڭ ءجۇزى ءوتىپتى. وسى ءبىر جىلعا جۋىق ۋاقىتتىڭ ىشىندە ء«اي، بالا!»، «بالاقاي!»، «ەۋ، پەرى!» دەپ ەركەلەتەتىن مەيىرىم-جۇرەك «سويلەمەدى». جارىق كۇندە شام جاعىپ شىعىپ ىزدەسەڭ دە تاپپايتىن كىسى ەكەنىن سەزىنىپ، جوقتىعىنا وكىندىك...

2018 جىلدىڭ 23 قازانى ەدى. كۇن – سەيسەنبى. تاڭعى 6.30-دا تەلەفوننىڭ داۋسى قاتقىل شىعىپ، شىر-شىر ەتەدى. جۋىناتىن بولمەدەن اسىعىپ-اپتىعىپ كەلىپ، تۇتقانى كوتەرىپ ەدىم، جازۋشى ديداحمەت اعانىڭ ۇلى داۋلەت اعاەكەم: «ەلدوسجان، بەكەم بول! تالعات اعامىز دۇنيەدەن ءوتتى...» دەپ قارالى حاباردى ەستىرتتى. داۋكەڭنىڭ ءسوزىنىڭ اياعىن ەستىگەنىم شامالى... قۇلاق ءبىتىپ، الاي-دۇلەي كۇي كەشتىم. «بۇل قالاي، كوكەم-اۋ؟!» دەپ قويامىن ىشىمنەن. وكپەگە قيساق تا، ولىمگە قيمايتىن كىسى ەدى. كىسىلىگى، ازاماتتىعى ءبىر بولەك، جاناشىرلىعىن ايتساڭشى! ءار قازاقتىڭ بالاسىنا جانى اشىپ، مەيىربان بولىپ جۇرەتىن اقەدىل مىنەز، كەڭپەيىل جۇرەك ەدى. كىسىلىكتىڭ ەتالونى ەدى.  جۇرىسىنەن جاڭىلعان الەم، ادامدىق كەيپى وزگەرگەن قوعام – ونىڭ جۇرەگىنە قاياۋ ءتۇسىرىپ، سالماق سالدى. بىلەمىن. سەزەتىن ەدىم. جازۋشى دا مەيىرىمگە ءزارۋ ەدى. قاتارلاس، زامانداستارى جىل سايىن قوس-قوستان كىتاپ شىعارىپ، نەبىر اتاقتى يەلەنىپ، قۇرمەت-قوشەمەتكە بولەنىپ جاتقاندا، پروزادا وزىندىك دارا قولتاڭباسى بار، ءيىرىم-سوقپاعى مۇلدە بولەك، ستيل تۋدىرعان سۋرەتكەر ەسكەرۋسىز، ەلەۋسىز قالدى. ءوزى دە بىرەۋدىڭ الدىنا بارىپ، اعا-كوكە جاعالاپ جۇرمەدى. ال ادەبي جيىنداردا، جازۋشىلار وداعىنىڭ جىل قورىتىندىلارىندا بايانداماشىلار مەن سىنشىلاردىڭ كوزىنە ءبىرتوعا، جار­ناماسى جوق كەڭەسباەۆ كورىنبەدى. ونىڭ شىعارماشىلىعى تۋرالى ءتىرى كەزىندە ەشكىم ايتپادى، نە جازبادى. ادەبيەتتە «اقىن ءولتىرۋ ويىنى» دەگەن تۇسىنىك بار-دى. ءبىزدىڭ قوعام، اسىرەسە زيالى قاۋىم سانالاتىن اقىن-جازۋشىلار ورتاسى قانشاما تالانتتى زامانىندا باعالاماي، ەلەمەي جىبەردى دەسەڭشى! قايران دا، قايران ەسىل ەر وسى «ويىننىڭ» قۇربانى بولىپ كەتتى...

تالعات كەڭەسباەۆ! قازاق ادەبيەتى مەن مادەنيەتىندەگى ايرىقشا ەسىم، ءىرى سۋرەتكەر. ءبىراق تا ونىڭ قالامىنان ءبىز اسىعا كۇتكەن ءىرى، كەڭ تىنىستى شىعارمالار جازىلا باستاپ ەدى،  وكىنىشتىسى اياقتالماي قالدى. ەندى ءبىزدىڭ كوز الدىمىزدا – قالامى جۇيرىك جازۋشىنىڭ ەكىنشى ماڭگىلىك عۇمىرى باستالدى. ونىڭ ارتىنا قالعان ادەبي مۇراسى، اياقتالماي قالعان شىعارمالارى، كوڭىل داپتەرىنە تۇسكەن ويلارى ءبارى-بارى – تىلەۋلەس ىنىلەرىنە امانات. انە-مىنە دەگەنشە، جازۋشىنىڭ الپىس جىلدىق مەرەيتويى دا جاقىنداپ قالدى. ءفاني عۇمىرىندا ايتپاعان جىلى ءسوزىمىزدى وكىنسەك تە، ەندى ايتۋعا تۋرا كەلەدى. اق، ادال ازاماتتىڭ رۋحى ءۇشىن، تامىرى تەرەڭ قازاق ادەبيەتىنىڭ تاريحى ءۇشىن.

سۋرەتكەر «فرانتسۋز ءاتىرىنىڭ ءيىسى»، «ۇلۋ جىلى»، «گاۋحار» شىعارمالارىمەن-اق ءوزى­نىڭ كەسكىن-كەلبەتىن سىزىپ، ەسكەرت­كى­شىنىڭ ەسكيزىن سوعىپ كەتكەن ەكەن. كەڭەسباەۆ بيىگىنە جان-جارى گۇلميرا اپاي، ءۇش شىنارى – ايدانا، مارحابا، گۇلدانا جانە تىلەۋلەس ءىنى-قارىنداستارى بولىپ، بىرگە كوتەرىلىپ بارامىز...

ەلدوس توقتارباي.

نۇر-سۇلتان قالاسى

 


كەلۋ قاينارى: http://www.elarna.net/koru.php?tur=14&id=1058106

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان-رەسەي ساۋدا ا 2 مينوت
中国哈萨克语广播网 3 مينوت
وزبەكستانداعى قازاقستان 11 مينوت
وسى ارانى باسىپ كورىڭىز 13 مينوت
«حابار» اگەنتتىگىنىڭ تى 22 مينوت
فۋتبول: قازاقستان جاستا 26 مينوت
中国哈萨克语广播网 1 ساعات
اۆتوكولىكپەن بالا تاسىم 1 ساعات
اقتوبەنىڭ ورتالىق كىتاپ 1 ساعات
باس ءمۇفتي يسەسكو باس د 1 ساعات
تەننيس: بۋبليك «كرەمل ك 1 ساعات
مايلىباەۆ اباقتىدان مەر 1 ساعات
中国哈萨克语广播网 1 ساعات
جاڭاوزەندەگى تۇرمىسى نا 1 ساعات
نازارباەۆ: «قۇرىلىس بىت 2 ساعات
中国哈萨克语广播网 2 ساعات
تەننيس: پۋتينتسەۆا ماسك 2 ساعات
كاتالونيا ساياساتكەرلەر 2 ساعات
سقو-دا دارىندى پوليتسەي 2 ساعات
سەمەيدە ونكولوگيالىق دە 2 ساعات
سەمسەرلەسۋدەن قازاقستان 2 ساعات
中国哈萨克语广播网 2 ساعات
وسى ارانى باسىپ كورىڭىز 2 ساعات
جاڭاوزەندە بەس جىلدا 3 2 ساعات
شقو مەكتەپ وقۋشىلارى ەڭ 2 ساعات
وسى ارانى باسىپ كورىڭىز 2 ساعات
ەلوردا اۆتوپاركتەرى جول 2 ساعات
قوستانايدا چەليابى وبلى 2 ساعات
دىننەن ىزگىلىكتى، ءداست 2 ساعات
中国哈萨克语广播网 3 ساعات