ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-102001851947 %53 %
2019-12-111970784544 %56 %
2019-12-1218837438 %62 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 10:12 - 2019/10/10

نۇر-سۇلتان. قازاقپارات - قر پرەزيدەنتى قاسىم-جومارت توقاەۆتىڭ تاپسىرمالارىن ىسكە اسىرۋ اياسىندا قر پرەمەر-مينيسترىنىڭ ورىنباسارى بەردىبەك ساپارباەۆ نۇر-سۇلتان قالاسىنداعى ءبىرقاتار سپورت جانە مەديتسينالىق نىسانداردى ارالادى. بۇل تۋرالى قازاقپارات primeminister.kz سايتىنا سىلتەمە جاساپ حابارلايدى.

ۇقساس جاڭالىقتار
وسكەمەندە بالالارعا ارنالعان اۋرۋحانانىڭ قۇرىلىسى اياقتالدى نۇر-سۇلتان مەن وسكەمەندە عانا بار: ۆيتسە-پرەمەر روبوتتالعان حيرۋرگيا كابينەتى جايىندا مەكتەپ باعدارلاماسىنا «ەكولوگيا ساعاتى» ءپانى ەنگىزىلەدى - ساپارباەۆ

ۆيتسە-پرەمەردىڭ نىسانداردى ارالاۋى قالانىڭ ەسكى مەديتسينالىق مەكەمەسى ‒ ورتالىق تەمىر جول اۋرۋحاناسىن ارالاۋدان باستالدى. ونىڭ كورپۋستارى 60 جىل بۇرىن سالىنعان ءارى قاتتى ەسكىرگەن. وسى ۋاقىتتا اۋرۋحانادا ءبىر رەت تە جوندەۋ جۇمىستارى جۇرگىزىلگەن جوق. سونىمەن قاتار، مەديتسينالىق مەكەمەدە ەلوردانىڭ حالىق كوپ ورنالاسقان اۋداندارىنىڭ ءبىرى — سارىارقا اۋدانىنىڭ تۇرعىندارىنا قىزمەت كورسەتىلەدى.

اكىمدىك پەن دەنساۋلىق ساقتاۋ مينيسترلىگى بۇل ماسەلەنى 600 ورىنعا ارنالعان جاڭا مەديتسينالىق كەشەن سالۋ ارقىلى شەشۋدى جوسپارلاپ وتىر. بولاشاق قۇرىلىستىڭ ۋچاسكەسى انىقتالدى. مەملەكەتتىك-جەكەشەلىك سەرىكتەستىك جوباسىن ىسكە اسىرۋ ءۇشىن تۇركيادان ينۆەستور تارتۋ جوسپارلانۋدا.

ۆيتسە-پرەمەر سونداي-اق قاتەرلى ىسىك اۋرۋلارىن ەمدەۋگە جوعارى مامانداندىرىلعان كومەك كورسەتەتىن كوپبەيىندى مەديتسينالىق ورتالىقتا بولدى. الدىڭعى جىلدارى ونكولوگيالىق ورتالىق «سق-فارماتسيا»-عا 1،3 ملرد تەڭگە كولەمىندە قارىز بولىپ قالدى. بۇل جاعدايدى شەشۋ ءۇشىن ارنايى كوميسسيا قۇرىلدى.

پرەمەر-مينيستردىڭ ورىنباسارى جاۋاپتى مەملەكەتتىك ورگاندارعا مەديتسينالىق ورتالىقتى ناۋقاستاردى ەمدەۋگە قاجەتتى دارى-دارمەكتەرمەن تولىقتاي قامتاماسىز ەتۋدى تاپسىردى.

سونىمەن قاتار، بەردىبەك ساپارباەۆ «قازاقستان» سپورت كەشەنىندە جانە «تولقىن» وليمپيادالىق رەزەرۆتەگى مامانداندىرىلعان بالالار-جاسوسپىرىمدەر مەكتەبىندە بولدى.

«قازاقستان» سك 2001 جىلى سالىنعان، كۇردەلى جوندەۋ جۇمىستارىن جۇرگىزۋ قاجەت. بۇگىندە مۇز ارەناسى جۇمىس ىستەيدى، ءبىراق باسسەيننىڭ اپاتتىق جاعدايىنا بايلانىستى جابىق تۇر. جالپى، نىسان تولىق جاڭعىرتۋدى قاجەت ەتەدى. مەملەكەتتىك-جەكەشەلىك سەرىكتەستىك اياسىندا شەتەلدىك ينۆەستوردى تارتۋ جوسپارلانۋدا. بۇگىندە قاجەتتى راسىمدەر ورىندالىپ جاتىر. كەلەسى جىلى جۇمىستار باستالادى. قۇرىلىستى 2023 جىلى اياقتاۋ جوسپارلانىپ وتىر»، — دەدى ەلوردا اكىمىنىڭ ورىنباسارى باقتيار ماكەن.

«تولقىن» سپورت مەكتەبىنىڭ شاتىرى كۇردەلى جوندەۋ جۇمىستارىن تالاپ ەتەدى.

«جوبالىق-سمەتالىق قۇجاتتامانى ازىرلەۋگە جەرگىلىكتى بيۋدجەتتەن قاراجات ءبولىندى. كونكۋرستىڭ جەڭىمپازى انىقتالعاننان كەيىن ءبىز جۇمىسقا كىرىسەمىز. جوندەۋ جۇمىستارىن كەلەسى جىلدىڭ قىركۇيەگىنە دەيىن اياقتاۋعا تىرىسامىز»، — دەپ سەندىردى ب. ماكەن.

جۇمىس ساپارىنىڭ قورىتىندىسى بويىنشا بەردىبەك ساپارباەۆ دەنساۋلىق ساقتاۋ مينيسترلىگى مەن قالا اكىمدىگى الدىنا ءبىرقاتار مىندەتتەر جۇكتەپ، مەملەكەت باسشىسىنىڭ تاپسىرمالارىن ورىنداۋ ۇكىمەتتىڭ ەرەكشە باقىلاۋىندا ەكەنىن اتاپ ءوتتى.

ايتا كەتۋ كەرەك، مەملەكەت باسشىسى جاقىندا وتكەن ەلوردانى دامىتۋ جونىندەگى كەڭەستە سپورتتىق نىسانداردىڭ قولجەتىمدىلىگىن ارتتىرۋ جانە مەديتسينالىق قىزمەتتەردىڭ ساپاسىن جاقسارتۋ جونىندە ءبىرقاتار تاپسىرمالار بەرگەن بولاتىن.


كەلۋ قاينارى: http://www.elarna.net/koru.php?tur=3&id=1058002

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار