ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-141301382836 %64 %
2019-10-151347355232 %68 %
2019-10-168214926 %74 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:45 - 2019/10/10

الەۋمەتتىك ورتالىقتاردىڭ الەۋەتى قانداي؟ – استانا اقشامى

ەلورداداعى الەۋمەتتىك ورتالىقتار قىزمەتكەرلەرىنىڭ جالاقىسى تومەن. كەيبىر ورتالىقتاردىڭ ماتەريالدىق-تەحنيكالىق بازاسى جاڭارتۋدى قاجەت ەتەدى. قىزمەتكەرلەردى باسپانامەن قامتۋ ماسەلەسى دە بار. نۇر-سۇلتان قالاسى ءماسليحاتىنىڭ دەپۋتاتتارى قالاداعى ءبىرقاتار ورتالىقتاردى ارالاپ، جۇمىسىمەن تانىسقاندا وسى ماسەلەلەردى انىقتادى. الدىمەن ولار جاقىندا عانا اشىلعان «جانۇيا» وتباسى ينستيتۋتىن قولداۋ ورتالىعىنا باردى.

اتالمىش ورتالىقتا 12 مەملەكەتتىك مەكەمە مەن كۆازيمەملەكەتتىك سەكتورعا جاتاتىن ۇيىمدار حالىققا اسا قاجەت 70-تەن استام قىز­­مەت تۇرلەرىن كورسەتەدى. تۇرعىندار وزدەرىن مازالايتىن كەز كەلگەن الەۋمەتتىك ماسەلە بويىنشا ورتالىقتا مامانداردىڭ كەڭەستەرىنە جۇگىنە الادى. ماسەلەن، باسپانا كەزەگىنە تۇرۋ، جەڭىلدىكپەن دارى-دارمەك الۋ، تاعى وسى سياق­تى سۇراقتارىنا جاۋاپ
تابادى. قالا اكىمى مەن ونىڭ ورىنباسارلارى وسى جەردە كوپبالالى انالاردى قابىلدايدى.
اسىرەسە، بالالارىن ۇيدە قالدىرا الماي، ەرتىپ جۇ­رەتىن انالارعا ءتيىمدى جاع­دايلار جاسالعان. ورتالىق­تا بالدىرعانداردىڭ ويىن الاڭىنا ارنايى ورىن بو­لىنگەن. اتاۋلى الەۋمەتتىك كومەكتى تاعايىنداۋ دا وسى ورتالىق ارقىلى جۇرگىزىلەدى. بۇعان قوسا، «كاسىپكەر انا» اتتى انالارعا ارنالعان بيز­نەستى قولداۋ جانە دامىتۋ ورتالىعى ورنالاسقان.
«جانۇيا» ورتالىعىنا كۇنىنە 250-300 ادام ءتۇرلى كەڭەستەر الۋ ءۇشىن كەلەدى. ورتالىق اشىلعان ۋاقىتتان بەرى ونىڭ قىزمەتىنە 3 مىڭ ادام جۇگىندى. مۇندا كەلگەندەر وزدەرىن مازالاعان ماسەلەلەرگە كاسىبي مامانداردان كەڭەس الادى. ساپالى اقپاراتتارعا قانىعادى. نەگىزىنەن، قالادا 153 مىڭ ادام ءتۇرلى الەۋمەتتىك قىزمەتتەردى پايدالانادى. بۇل ورتالىقتىڭ ءبىر ەرەكشەلىگى – حالىققا كەرەك قىزمەت تۇرلەرى ءبىر جەردە شوعىرلانعان» دەيدى قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا.
ورتالىقتى ارالاۋ بارىسىندا قالالىق ءماسليحات دەپۋتاتى اقىلبەك كۇرىشباەۆ مۇندا كەلگەن تۇرعىندارمەن سويلەسىپ، ءبىر انانىڭ ءوزىنىڭ كەزەگىن 40 مينۋت بويى كۇتىپ وتىرعانىن ءبىلىپ، سونىڭ سەبەبىن سۇرادى. «اتاۋلى الەۋمەتتىك كومەكتى الۋعا قۇجاتتاردى قابىلداۋ شامامەن العاندا 30-40 مينۋتتى الادى. بازانى قاراپ، تەكسەرۋگە وسىنشاما ۋاقىت كەتەدى» دەپ جاۋاپ بەردى بۇعان ورتالىق ۇيلەستىرۋشىسى ايگەرىم تاڭىربەرگەنوۆا.
«شاراپات» الەۋمەتتىك قىز­مەت كورسەتۋ ورتالىعىندا قازىرگى كەزدە 323 ادام تۇرىپ جاتىر. ونىڭ ء180-ى – ءبىرىنشى جانە ەكىنشى توپتاعى مۇگەدەكتەر، قالعانى – جالعىزباس­تى قارتتار. ورتالىقتى پانالاپ وتىر­عان ادامداردىڭ ەڭ جاسى 25 جاستا بولسا، ەڭ كارىسى – 96 جاستاعى ۇلى وتان سوعىسىنىڭ ارداگەرى. نەگى­زىنەن، مەكەمە 450 ادامعا شاقتالعان.
بولمەلەر ءبىر ادامدىق جانە ەكى ادامدىق بولىپ بولىنگەن. وسىندا كەزدەسىپ، وتباسى قۇرعان جاندار دا بار ەكەن. ەكى ادامدىق بولمەلەر سولارعا بەرىلگەن. ءار بولمەگە تەلەديدار مەن توڭازىتقىش قويىلعان. ورتالىقتا كىتاپ­حانا، باسپاحانا، مۋزەي جۇمىس ىستەيدى. ءتيىستى قۇرالدارمەن جابدىقتالعان اسحانا، مۇگەدەكتەردى بەيىمدەۋگە ارنالعان سپورت زال، مەديتسينالىق بلوك، مونشا بار. بەس ۋاقىت تاماق بەرىلەدى. ءبىر ادامعا كۇنىنە 6189 تەڭگە جۇمسالادى. شاحمات، دويبى، توعىزقۇمالاق، ۇستەل تەننيسىن ويناۋعا، قولونەرمەن، باعباندىقپەن اينالىسۋعا جاعدايلار جاسالعان. اۋلاداعى ءۇش جىلىجايدا قىزاناق ءوسىپ تۇر. ورتالىق تۇرعىندارىنىڭ اراسىندا ءتۇرلى قالالىق، رەسپۋبليكالىق جارىستاردىڭ جەڭىمپازدارى مەن جۇلدەگەرلەرى دە كەزدەسەدى.
«شاراپاتتا» ءقازىر 246 ادام جۇمىس ىستەيدى. نەگىزىنەن شتاتتا 270 ادام بولۋى كەرەك. الايدا جالاقى از بولعاننان كەيىن قىزمەتكەرلەر كوپ تۇراقتاماي، ءجيى اۋىسىپ وتىرادى. ورتاشا جالاقى – 74735 تەڭگە. سونىڭ ىشىندە شارۋاشىلىق قىزمەتكەرلەرىنىكى – 64874 تەڭگە، كىشى مەديتسينالىق پەرسونالدىكى ودان دا از – 64673 تەڭگە. بيىلعى بيۋدجەتتەن بىزگە 780 ميلليون تەڭگەگە جۋىق قارجى ءبولىندى. جەرگىلىكتى بيۋدجەتتەن 705 ميلليون تەڭگە، رەسپۋبليكالىق بيۋدجەتتەن 75 ميلليون تەڭگەگە جاقىن. جالاقى قورى 232 ميلليون تەڭگەنى قۇرايدى. وسى جىلى بيۋدجەتكە 51 ميلليون تەڭگەگە قوسىمشا سۇرانىس بەردىك. بۇل قارجى كىر جۋاتىن بولمەنىڭ، اسحانانىڭ، فيزيوكابينەتتىڭ قۇرالدارىن جاڭارتۋعا، مۇگەدەكتەر ارباسىنا ارنالعان كولىكتەردى، سەرۆەرلىك رەجيمدە جۇمىس ىستەۋ ءۇشىن قوندىر­عىلاردى الۋعا كەرەك» دەيدى ورتالىق ديرەكتورى رىستى بايماعامبەتوۆا.
ونىڭ ايتۋىنشا، قازىرگى كەزدە ورتالىقتىڭ مارتەبەسى كوممۋنالدىق مەملەكەتتىك مەكەمەدەن مەملەكەتتىك كوممۋنالدىق كا­­­­سىپ­ورىنعا اۋىسۋ ۇستىندە.
ءارى قاراي شارۋاشىلىق جۇرگىزۋ قۇ­قى­عىنداعى كا­سىپورىنعا اۋىسپاق. الايدا بۇل وتە ۇزاق ۋاقىتتى الادى ەكەن. مارتەبەسى اۋىسقاندا ءوز-وزىن قامتۋعا دا جول اشىلادى. وسى كۇندەرى ورتالىق اقىلى قىزمەت تە كورسەتەدى. قارتتاردى نەمەسە مۇگەدەكتەردى اقشا تولەپ، مۇندا ورنالاستىرۋعا بولادى. ءبىر ايلىق تولەم – 64 مىڭ تەڭگە. ءبىراق تولەنگەن قارجى ورتالىق كاسساسىنا ەمەس، بىردەن بيۋدجەتكە تۇسەدى. بۇگىنگى تاڭدا وسىندا 78 ادام كوممەرتسيالىق نەگىزدە تۇرىپ جاتىر.
ء«ۇمىت» داعدارىس ورتالى­عىن وتباسىلىق زورلىق-­زومبىلىقتان زارداپ شەككەن ايەلدەر مەن بالالار پانالايدى. ءقازىر مۇندا 13 ايەل مەن 30 بالا، بارلىعى 43 ادام تۇرىپ جاتىر. نەگىزىنەن، 50 ادامعا ارنالعان. پانالاۋ مەرزىمى 2 ايدان 6 ايعا دەيىن سوزىلادى. ورتالىق ديرەكتورىنىڭ ورىنباسارى شىنار كاكىموۆانىڭ سوزىنشە، مەكەمە قالانىڭ جۇمىسپەن قامتۋ ورتالىعىمەن ارىپتەس­تىك ورناتقان. ياعني، پسيحولوگيالىق كومەك كورسەتۋمەن قاتار، وقىتىپ، جۇمىسقا تۇرۋعا دا كومەكتەسەدى. مۇندا دا جالاقىنىڭ ازدىعى ماسەلەسى بار. قىزمەتكەرلەر سانى – 41 ادام.
بۇگىن قالالىق ءماسليحات دەپۋتاتتارى اقمولا وبلىسى اقكول اۋدانىنداعى ەلوردا اكىمدىگىنە قاراستى «قامقور» الەۋمەتتىك قىزمەت كورسەتۋ ورتالىعىنا بارادى. بۇل تۋرالى گازەتىمىزدىڭ كەلەسى نومىرىنەن وقيسىزدار.


كەلۋ قاينارى: http://www.elarna.net/koru.php?tur=7&id=1057939

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


وسى ارانى باسىپ كورىڭىز 3 مينوت
الماتىدا ءۇي ورتەنىپ، ء 7 مينوت
ءشامىل مۇحامەدجانوۆ | 13 مينوت
中国哈萨克语广播网 13 مينوت
قايىرىمدىلىقتى سىلتاۋ ە 23 مينوت
الماتىدا قۇبىر جارىلۋىن 1 ساعات
قازاقستان-رەسەي ساۋدا ا 1 ساعات
中国哈萨克语广播网 1 ساعات
وزبەكستانداعى قازاقستان 1 ساعات
وسى ارانى باسىپ كورىڭىز 1 ساعات
«حابار» اگەنتتىگىنىڭ تى 1 ساعات
فۋتبول: قازاقستان جاستا 1 ساعات
中国哈萨克语广播网 1 ساعات
اۆتوكولىكپەن بالا تاسىم 1 ساعات
اقتوبەنىڭ ورتالىق كىتاپ 1 ساعات
باس ءمۇفتي يسەسكو باس د 2 ساعات
تەننيس: بۋبليك «كرەمل ك 2 ساعات
مايلىباەۆ اباقتىدان مەر 2 ساعات
中国哈萨克语广播网 2 ساعات
جاڭاوزەندەگى تۇرمىسى نا 2 ساعات
نازارباەۆ: «قۇرىلىس بىت 2 ساعات
中国哈萨克语广播网 2 ساعات
تەننيس: پۋتينتسەۆا ماسك 2 ساعات
كاتالونيا ساياساتكەرلەر 2 ساعات
سقو-دا دارىندى پوليتسەي 2 ساعات
سەمەيدە ونكولوگيالىق دە 3 ساعات
سەمسەرلەسۋدەن قازاقستان 3 ساعات
中国哈萨克语广播网 3 ساعات
وسى ارانى باسىپ كورىڭىز 3 ساعات
جاڭاوزەندە بەس جىلدا 3 3 ساعات